媽咪雞蛋仔 (已結業)

行開旺角，想食雞蛋仔。搬咗舖之後特登都想去試吓。行咗一大段路終於搵到間店，晚市時段後都無咩客，都無咩人等。買咗個芝麻肉鬆雞蛋仔，我其實要求都唔係好高嘅人。咁我都係即食，29$蚊個都想佢有啲質素。一食落去都脆嘅，但蛋漿無蛋香亦無甜味，可以話係無味。芝麻本身都應該香口嘅食物但都芝麻味都無咩。肉鬆唔夠多，唔係每口都有亦無肉鬆鹹香味。簡單尼講除咗熱同脆之外真係無咩優點亦無咩味。同朋友食到一半都唔想食，之後掉咗。又貴又唔好食。

一向都好鍾意食雞蛋仔同格仔餅呢啲港式小食，平時嚟到旺角行街，一定會去媽咪雞蛋仔幫襯之前多數都係買完即刻食嘅，疫情之後就會拎返屋企先食今次買左一個原味雞蛋仔同原味格仔餅，收銀姐姐每次都好熱情，仲會推介買嘢飲可以減4蚊返到屋企食都仲係好香脆特別係格仔餅，啲醬夠曬多，一啲都唔吝嗇，好足料雞蛋仔都好好食，外脆內軟，好有蛋香買返屋企好處就係可以同家人分享旺角呢間分店水準好穩定，每次買都唔會失望，啱曬對雞蛋仔同格仔餅有要求嘅人，食過返唔到轉頭架