媽咪雞蛋仔 (已結業)

最喜歡食香港特色食物，尤其是雞蛋仔，試勻全香港嘅雞蛋仔，確實係媽咪雞蛋仔嘅水準比較唔錯！今年佢仲幫品牌營造一個比較新嘅形象，轉左logo，包裝都整靚左，真係令人覺得眼前一亮！個人比較鍾意食甜嘅雞蛋仔，所以今次都叫咗甜味。今次去咗旺角呢間雞蛋仔，食咗伯爵茶朱古力雞蛋仔，$36，覺得唔錯，有伯爵茶味，朱古力香甜好吃，雞蛋仔蛋漿濃郁，做得唔錯！至於飲品叫咗奶茶豆腐花， $30，幾好飲，鍾意裏面有豆腐花，幾清香！如果鍾意豆腐花嘅朋友都可以叫呢杯試下！👍🏻👍🏻

一直以來都好鍾意食媽咪雞蛋仔，今次嚟到呢間旺角分店，真係令我好失望，我絕對唔會再幫襯呢一間，首先我覺得佢開向後行隔離，好多蛇蟲鼠蟻，衛生唔係幾好第二日係重點，收銀員超級冇禮貌，我只係問下大概要等幾耐，其實冇乜人排隊，佢應該都估計到時間另外我只係問吓抹茶牛奶可唔可以轉脫脂奶，佢就好嬲，老實講，幾十蚊一杯嘅飲品，大多數都可以轉脫脂奶或者杏仁奶，我都只係隨口問吓，冇得轉都冇所謂，唔係好明點解要鬧我，仲要黑口黑面我點知佢哋係用罐頭花奶啫⋯⋯唔明點解佢哋要咁嬲今次消費，令我覺得好傷心

經過旺角豉油街，見到新寶戲院附近有間🥚🍳媽咪雞蛋仔， 聞到香噴噴嘅氣味，忍唔住買返底先。揀咗鹹味嘅黃金🌟 （$41），即係鹹蛋黃味，以前食過覺得好正，想回味下😋🔥即叫即做，所以都要等一陣。袋住雞蛋仔嗰紙袋仔好可愛，有個手抽拎住，好方便。💕每粒雞蛋仔脆卜卜，充滿蛋香，食唔停口呀。🥤飲品叫咗奶茶黑糖珠（$30）買雞蛋仔配飲品，飲品可以減4蚊。奶茶香滑，黑糖珠爽彈。📍旺角豉油街33號地下A號舖

1個月前就已經想食雞蛋仔，一直冇機會。今日終於買到黎食！最鍾意食原味雞蛋仔。今日1月31號，特別多人，等左大概10-15分鐘就攞到啦！攞到手熱辣辣，外脆內軟，蛋漿70%滿。好香蛋味，唔太甜我鐘意🤤原味雞蛋仔

覺得伯爵茶配朱古力好難唔好食，但結果真係太甜。係有好強烈既伯爵茶味同朱古力味，非常貼題既。食到甜嘢，但呢個真係太甜膩，膩到食唔曬。好少食唔曬啲嘢，但真係食唔到。

旺角呢間媽咪雞蛋仔係外觀上係與別不同嘅 打破左以前黑底螢光字嘅招牌🥸 換上藍襯黃大大隻寫仲mammy😎 係旺角街頭都一眼見到🥳呢間鋪我去到嗰陣(週末下午)都勁多人排隊等 全部都係即叫即整 送到你手上仲熱熱地🤤 伯爵茶朱古力雞蛋仔𝗘𝗮𝗿𝗹 𝗴𝗿𝗲𝘆 𝗰𝗵𝗼𝗰𝗼𝗹𝗮𝘁𝗲 𝗰𝗵𝗶𝗽 $𝟯𝟬今次叫左伯爵茶朱古力🍫 食落完全唔會膩同漏 有淡淡茶香味🍵 朱古力唔會勁甜 唔會好似其他品牌咁甜到漏勁死甜嗰款🤪 兩款材料食落又幾夾 唔會話朱古力食落就com哂啲茶香味 😛但唯一少少缺點就係本身口感都微硬 唔太脆 食耐左就到底少少凍塊雞蛋仔會好硬🥲🥲

在香港，有好多唔同種類嘅街頭小食，有魚蛋燒賣，串燒，雞翼，但係真心，我覺得最正係雞蛋仔。我以前喺外國生活，最掛住嘅，亦都係香港嘅雞蛋仔以前傳統嘅雞蛋仔，都係嗰啲雞蛋味，間間都差唔多，但係得呢間餐廳，俾我睇到，有啲好突出嘅地方，例如朱古力味，連鹹味嘅雞蛋仔都有我今次就叫咗朱古力雞蛋仔，裏面仲有少少朱古力粒，食完之後，個心都甜埋加埋佢哋啲特製飲品，飲完之後透心涼同埋而家媽咪仲犀利，喺香港越開越多，發現原來咁多分店，咁就18區我哋都好輕鬆可以食到

位於旺角豉油街33號地下A號舖 （新寶戲院斜對面）的媽咪雞蛋仔 （Mammy Pancake），主打港式小食。先在櫃檯點單，即點即製，約等候十五分鐘便有熱騰騰的雞蛋仔了。。麻辣肉鬆雞蛋仔 - $33Mala Pork Floss 雞蛋仔的盒子像一個手挽袋，外型十分有趣。點了小辣的辣度，味道又辣又刺激。。雞蛋仔新鮮熱辣地吃，味道最好。外面脆卜卜，裡面質感鬆軟，豬肉鬆的味道鹹鹹香香。而且份量適合兩個女孩子分享吃。。購買任何雞蛋仔或格仔餅，即可減 $4 購買飲品乙杯。。凍奶茶紅豆 - 少甜Milk Tea with Red Bean - $24下單時，特別要了少甜的口味。奶茶質感頗幼滑，奶的味道相對較為重，加配了紅豆，令整體的味道更加豐富和有層次。

一期一會我最愛媽咪雞蛋仔伯爵茶朱古力味必食推介！整底雞蛋仔都好香茶既淡香。粒粒雞蛋仔都有朱古力粒粒！大滿足 💕🥰🥰仲加左杯特濃朱古力沙冰🥤份量比以前大杯左！都大杯左好多沙冰仲夾雜著朱古力🍫碎粒粒，中意有咬口，唔會話好甜，但可以少點奶口感十足！雙重朱古力享受 😍😍😍原來旺角既媽咪雞蛋仔搬左去新店，地點仲方便左🤩🤩🤩而且望得見個廚房都乾淨。有好多款雞蛋仔都想try下。香港必食雞蛋仔！！

🧇🧇🧇話說有日經過旺角忽然好口痕 想食啲街頭小食😖點知發現媽咪雞蛋仔已經冇咗😱Search一search先發現原來搬咗新鋪！🥳新店其實係舊鋪嘅附近 大約5分鐘路程左右比起以前其實更加近旺角鬧市 更加當眼同埋新店係換咗新嘅風格無論裝修 門口招牌 主打顏色 樣樣都唔同晒😳真係俾人一種眼前一亮嘅感覺🤩伯爵茶朱古力雞蛋仔 （$30）佢哋咁多款雞蛋仔 我最推介就係伯爵茶朱古力味因為食落唔會好甜 唔會好漏😋而且仲好香伯爵茶味🍵新店仲轉左用有手抽嘅紙盒做雞蛋仔嘅包裝除咗既衛生又方便之外紙盒上仲有好多個細細的窿仔等雞蛋仔可以「抖抖氣」咁就唔會好易林啦🤪

現在看電影都不能帶小食在場內吃，唯有和朋友在進場前在附近買些小食吃吧～🔶 黃金雞蛋仔+朱古力雪糕這間店舖有多款口味的雞蛋仔🤪鹹味和甜味都有😁其中一款是中秋限定的月餅口味🤩不過朋友想吃黃金雞蛋仔，跟她吧！😂 這款口味其實是鹹蛋味，她很喜歡吃鹹蛋😙另外我們也加了雪糕球🥳這個雞蛋仔不但有鹹蛋的香氣，還真的有鹹蛋粒粒在内😱而且遍佈整塊雞蛋仔！粒粒雞蛋仔都有鹹蛋香和鹹蛋粒😋正啊👍🏾而雪糕球的味道我們選了朱古力味～是有朱古力碎片的雪糕☺️口感豐富啊👏🏾🔶 黑牛飲品選了這個，是可樂配朱古力雪糕😋茶餐廳的經典啊💕超愛這個🤪立刻gur哂☺️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️黃金雞蛋仔$35朱古力雪糕+$20⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️黑牛$22📍📍📍📍📍📍📍📍📍📍📍📍📍📍媽咪雞蛋仔 (旺角)旺角豉油街33號地下A號舖

媽咪雞蛋仔一向都幾出名，旺角分店呢排換左新鋪門面好醒目靚仔，好易搵岩岩開鋪就過黎買，前面有媽媽有住仔仔黎食，話原來搬左黎呢個位😆睇黎棒場客幾多雞蛋仔既口味係我見過最多既店舖👍🏻有成廿款口味😍咸味都有成七款，仲要款款都好吸引！！不過我地食完lunch，所以叫左甜味：🍋法式檸檬芝士雞蛋仔即叫即整，保持食物新鮮熱辣😆見到店內既環境都好乾淨企理👍🏻👍🏻等左陣雞蛋仔終於出爐😍店員會將新出爐既雞蛋仔放係風筒口吹風確保雞蛋仔變脆包裝都好簡潔，而且有手抽方便拎法式檸檬芝士雞蛋仔，入口有淡淡檸檬香🍋味道酸酸甜甜，配埋芝士既奶香，芝士同檸檬既配搭有驚喜🥰檸檬清新既解芝士既奶膩，又減淡左雞蛋仔既甜令成個雞蛋仔既味道都唔會好甜好膩，反而配埋淡淡檸香同奶酪既乳香🧀️口感方面一上手係熱辣辣，真係唔同啲，雞蛋仔都係新鮮出爐最好食！👍🏻😆咬落去外脆內軟，外皮唔會太厚太硬，剛好用力就碎另外粒粒都係一半空心一半內餡，內餡咬落既軟又嫩，帶微微濕潤，所以食落唔會好易口乾🥰我地仲叫左杯抹茶豆腐花牛乳🍵🥛估唔到特飲都幾有驚喜😍抹茶味道夠濃夠香，但又唔會飲到成口茶粉牛乳好rich令到成杯特飲口感夠濃厚又伴隨住淡淡乳香豆腐花都好滑好嫩

港式小吃多籮籮，其中一樣一定要數雞蛋仔，大人細路都鍾意。所以每次經過【媽咪雞蛋仔】，都一定會幫襯因為一定夠哂足料又超多款式。今次要咗媽咪朱古力雞蛋仔和益力多沙冰。由於係即叫即做，所以都要等一等。呢度的雞蛋仔水準非常好，足料之餘又做到外脆內軟，餡料十足載住滿滿的朱古力，煙煙靭靭。除咗雞蛋仔質數高之外，今次仲換上新包裝，得意設計的紙袋上再釘了小孔透氣，確保雞蛋仔外皮脆度，設計時尚得來又夠體貼。除咗雞蛋仔之外，呢度仲有好多特色飲品。益力多沙冰酸酸甜甜，配雞蛋仔食真係一流。現購買任何雞蛋仔配飲品，飲品仲有減$4的優惠。

「鹽燒紫菜粟米雞蛋仔」呢款口味雞蛋仔好足料喎，大大塊紫菜夾在雞蛋仔🥚中間，每粒雞蛋仔入面亮充滿粒粒粟米🌽似食緊蛋捲口味嘅，蛋味都幾出亦唔會好咸價錢唔貴，飽肚感十足，一口接一口根本令人停不下來👍🏻👍🏻飲品：「凍奶茶豆花」媽咪雞蛋估唔到飲品同樣做得相當出色喎，今日試左杯神奇夾嘅凍奶茶豆花，兩者出奇地產生好perfect match化學作用！豆花好滑溜順滑，亦唔會太甜，配合埋好好飲既奶茶底根本就停唔到口

勁耐冇食媽咪，喺旺角行過見倒口痕又想食，原來而家成個門面都唔同晒，差啲唔認得。雖然有四五部夾雞蛋仔機，但因為都好多人幫趁，落單後都等左20分鐘先有。香蕉朱古力雞蛋仔＋朱古力雪糕($52) - 太耐冇黎，原來而家雞蛋仔都有超過20款唔同口味，仲有分鹹甜，格仔餅亦有幾款揀。以前次次黎都係食朱古力雞蛋仔，今次就試香蕉朱古力雞蛋仔，而家仲有得加$20加兩球雪糕，可以揀雲呢拿或者朱古力，我當然揀朱古力啦。雞蛋仔每粒都有朱古力醬喺入面，好濃朱味，不過香蕉味就唔太突出。雪糕朱味都ok，中間仲有朱古力碎喺入面，唔似係cheap雪糕，$20兩大球都唔算貴。不過唯一唔好係加左雪糕會令雞蛋仔變腍，亦唔方便逐粒搣黎食。特濃朱古力沙冰($33) - 除左雞蛋仔同格仔餅，媽咪而家仲有好多野飲賣，冷熱都有，選擇都唔少，價錢同一般茶飲店差唔多。哩杯特濃朱古力沙冰朱味好濃郁，沙冰打得好滑，完全冇碎冰，啱晒我哩啲朱迷。