媽咪雞蛋仔 (已搬遷) 新店位置

This is definitely my favorite street food in Hong Kong. They have so many flavors to choose including traditional chocolate, cheese, red bean, matcha, and also creative ones such as seaweed&corn, sweet potato, chestnut, etc. Prices range from 18 to 30~I highly recommend the seaweed&corn one cuz the flavor is so incredible. Unlike traditional sweet one, it is a combination of the salty of seaweed, the sweet from corn & cake. The chestnut one is incredibly good as well! It tastes cheesy and cream

飯後甜品，多數人會食糖水雪糕。但今日係附近食完晚飯經過，比香噴噴既雞蛋仔吸引住。媽咪雞蛋仔先係紅磡搞得有聲有色，期後係港九新界開分店銅鑼灣食過兩次原味雞蛋仔和格仔餅都做得出色，香脆之餘唔會冧過毛巾 蛋香味濃味道岩岩好唔甜。而且出既口味越來越多今次試下朱古力雞蛋仔，坊間好多都會放朱古力醬落蛋漿拌好再整。但呢到既係原味蛋漿包住一粒粒既朱古力，製作過程中已經溶化。所以食到既係啖啖香濃既朱古力溶會雞蛋仔下次都一定揀返呢個，抵佢拎米之蓮推介$22 評分：9/10

第一次光顧媽咪雞蛋仔，簡直令我喜出望外，我點左佢其中一款最受歡迎嘅朱古力味雞蛋仔，即叫即整大概等5分鐘，一拎上手嘅時候嗰種香味撲鼻已經令我覺得超吸引！而且真係做到外脆內軟，唔會稔過條毛巾，每一粒雞蛋仔中間都充滿朱古力，令我不禁一粒食完接一粒，我真係好耐冇食過咁正嘅雞蛋仔，我覺得好味過北X雞蛋仔，原味都係＄18，其他口味都係＄22。決定下次試吓其他口味。環境：6/10 （唔近地鐵站，要行5-10分 鐘，近聖保祿學校）服務：8/10 （落單嘅姐姐好nice，仲同我 推薦最受歡迎嘅朱古力味, 即叫即整 5分鐘抵等）價錢：6/10 （$22都幾大底）食物質素： 9/10 (暫時係我食過最正嘅雞 蛋仔😍👍可能我少食雞蛋仔XD）整體：8/10 👍(聽講唔同分店嘅差距可以好大，網上啲人話旺角麻麻地，anyway 銅鑼灣呢間真係好得)

媽咪雞蛋仔係我最中意既雞蛋仔店，佢有好多唔同既味道同配搭。今次去到想試下鹹既雞蛋仔，雖然有好多人要等20分鐘，但我都決定要買！我見到餐牌有鹽燒紫菜粟米雞蛋仔同肉鬆白芝麻雞蛋仔，我想食肉鬆但唔食芝麻，心血來潮好想食紫菜肉鬆，就問店員可唔可以做到。開頭落單的店員話唔可以，但之後後面製作雞蛋仔的店員突然話可以！真的很開心！等了差不多25分鐘，店員終於叫到我的號碼，可能因為時間關係，店員沒有把雞蛋仔放涼便入袋，所以沒有做到外脆內軟。但是甜甜的肉鬆配上偏鹹的紫菜，還有蛋香，真是每一口都是幸福！如果可以將這個放進餐牌就好！另外還叫了 鮮榨檸檬茶 $16 (跟餐-$4)有很多新鮮的檸檬果肉，較酸和澀但不甜！感覺很健康，又好好飲！

回憶中的雞蛋仔，是等學校外面 炭火燒雞蛋仔嘅阿伯，當然現在沒有了～ 飢詩對嘅雞蛋仔回憶 就只有呢個阿伯，完全聯想唔到媽咪 😆香蕉朱古力雞蛋仔 $28～ 等候時間不算耐， 外層香脆，朱古力粒剛溶化，跟香蕉合為一體，香氣滲滿口腔，朱古力味比較強烈，所以蛋味就食唔出，不過又有蕉又有朱古力好飽肚，食半底已經要 pass 😆飢 point : 7 / 10#hongkong #foodie #hungermarch #hunger #飢詩 #非飢詩

之前去過旺角同尖沙咀店,發現兩間分店味道原來可以差好遠,所以今次特別到銅鑼灣試埋.見到個menu我仲以為係我睇錯,點解咁多味道?!本身以為尖沙咀已經算好多,呢度仲多!而且有我之前gei遺憾-純綠茶雞蛋仔!!!一直都唔想食有紅豆的綠茶雞蛋仔,今次終於都有得試!等左10分鐘後,綠茶終於登場!雖然聞就唔係好綠茶,但入口D綠茶為就出曬~好重綠茶味但唔苦澀.咬開見到裡面都有大大舊麵粉糰,同外層之間gei空間感造就鬆脆口感~之後我又去多次食我最最最愛的咖啡味道,禮拜六日呢度超多人買,大家要有心理準備~綠茶登場無o羊味聞到,但咖啡味就好香濃,顏色都深D咖啡口感比綠茶更扎實,加上咖啡本身有強勁味道,所以同綠茶比,佢係難忘D同其他分店比的話,佢絕對完勝旺角店,想試多D味道的話就黎呢間試啦~

年廿六星期六游泳堂🏊🏼‍♀️，我同家姐去了逛街，回程時去了買啲小食比班馬騮（游完水實肚餓）買完飲料再去呢度買雞蛋仔，呢間都好多人客等緊，店內全部係廚房，去收銀位置落單，店員提醒要等10-15分鐘⏰，咁攞票在行人路邊等！果然10分鐘左右就出到！店員會問要不要膠袋！袋好比我！熱辣辣好香蛋味！雞蛋仔一底一個通窿紙袋！原味雞蛋仔（$18）金黃色脹卜卜好靚，外脆內軟，香雞蛋🥚味！簡單又好味！芝士雞蛋仔（$30）芝士貴好多，賣相靚，金黃色加啡色粒粒芝士，無原味咁脆，，多了煙韌感覺，芝士落落得多，好香芝士味，好味店員有禮斯文！一個人又落單又入袋都好忙（因為客多）雞蛋仔好味

雞蛋仔係我細個個陣最鐘意食嘅街頭小食，經過希雲街，聞到個陣好香嘅雞蛋仔，已經流曬口水，無理由唔停低唔買嚟食。唔講唔知，雞蛋仔連續三年入選左米芝蓮呀企係個餐牌前，樣樣都好想試，選擇困難症又發作了。救命！見到周圍開始越嚟越多人等，都係叫原味食啦，下次先再試其他味。等候時間大約十分鐘左右，攞上手熱辣辣，好香蛋味，拆開一粒粒，好香脆呀。急不及待要投放入口，咬開啲餡有一半滿，唔似其他地方個啲空心嘅，外脆內軟，的確係食過最好食嘅雞蛋仔，一個人光速食完，完全冇難度，好幸福呀。下一次一定要試下其他嘅口味！

呢排成日都食雞蛋仔，仲鍾意左食媽咪雞蛋仔嘅香蕉朱古力味，不過我食過既味道唔多~~🍌 香蕉朱古力雞蛋仔 $28❤️我覺得呢間雞蛋仔做到外脆內軟，即叫即整，大概等了10分鐘左右~雞蛋仔內餡半滿，唔會有空心得個殻嘅情況，仲帶點蛋香，一粒一粒可以抆出黎食，上次係太子食個間太子雞蛋仔真係好難食😭😭每一粒雞蛋仔都有半溶嘅朱古力🍫同埋香蕉蓉味，味道好夾，好快就清晒成底😋我好想試佢地嘅咸味雞蛋仔，你地食過邊款覺得好食呀？餐牌媽咪雞蛋仔地址：銅鑼灣希雲街1-5號禮信大廈地下17號舖

每個月都會黎呢條街一次，機本上因為每次都係襯lunch time過黎剪髮，剪完再番公司既時間唔夠坐低正正常常食個lunch. 所以次次都會買媽咪雞蛋仔當lunch. Lunch time都要等大概15分鍾左右。今日叫左抹茶味雞蛋仔。 好香抹茶味。 亦有d茶甘味， 冇粉味。 保持水準都係咁外脆內軟。 揸住係手都聞到香味。 媽咪雞蛋仔係好足料， 一個人食曬一底已經好飽。下次試下佢d季節限定先。 見到佢有紫薯味， 應該會幾好味的。

一早已經聽過媽咪雞蛋仔嘅大名，今日一於試下佢嘅朱古力雞蛋仔先講雞蛋仔，外脆內軟，即叫即整，仲好熱辣辣添！再講朱古力，每粒雞蛋仔都有自己嘅朱古力，公公平平，唔洗爭黎爭去，完全無揸流攤。仲要買左之後唔洗等好耐就有！一餅雞蛋仔有曬三個驚喜吖！

細個嘅時候我都好鍾意食雞蛋仔，平時好少機會可以食到今日喺銅鑼灣經過媽咪雞蛋仔就想在回憶下童年。睇見甘多選擇都花多眼亂都唔知買邊款食好最後我買了粒粒朱古力雞蛋仔。雞蛋仔係即叫即整，大概等了5分鐘雞蛋仔就出爐啦。雞蛋仔出爐之後還要等一陣間，店員就可以將剛剛出爐既雞蛋仔俾我啦。比我嘅時候已經聞到浸浸朱古力香味，剛剛出爐既雞蛋仔仲係好熱嘅， 我等唔切要食啦，第一粒食落去已經感覺雞蛋仔很脆口加埋裏面濃濃朱古力粒溶埋一齊，真係好回味，食到最後一粒都很脆，真是不錯。

Fresh, made to order HK style waffles! I ordered the Matcha flavoured waffles and watch them make it in front of me. The waffles were flavourful, full of matcha and egg tasting. Texture was light and fluffy. This place is great, definitely understand their multiple locations. I'd come back anytime.

叫左兩底雞蛋仔，點知一攞到手就已經淋晒。原因仲要係舖頭個哥仔喺度發呆，一袋袋雞蛋仔擺晒喺度又唔打落個mon 度顯示。等20分鐘仲要唔好食。銅鑼灣分舖認真麻麻。旺角的好得多。

妈咪鸡蛋仔是香港最有名的鸡蛋仔，无论你问哪个香港人，说到鸡蛋仔一定是这家。有很多分店，今天第一次尝试！不得不说跟别家确实不一样。我吃过很多次鸡蛋仔，但是一般都是外边一层脆脆的，里边基本是空的。妈咪家的，里边依然有料！而且出乎意料的是，如果吃别家鸡蛋仔，巧克力口味，鸡蛋仔就是整体巧克力色。妈咪家的是巧克力在里边，很意外。但是强烈建议两个人买一份，我一个人吃的，到最后，觉得呴嗓子！还是糖份太多了。如果能有半糖的就好了，新出了栗子口味，看起来不错哦