媽咪雞蛋仔 (已搬遷) 新店位置

早排購物app做激筍優惠， 購買唔同嘅食物都會有折， 好好彩我搶到激賞優惠係食雞蛋仔🤗🤗🤗媽咪雞蛋仔， 喺好多區都有分店 ， 而我買嗰個優惠係喺銅鑼灣 ， 可以用激筍價錢換一底原味雞蛋仔😋😋😋而且優惠唔限平日或者假日， 今次我係星期六嚟換領， 原來超級多人😚😚😚好多人都係用正價 現場即刻買， 而我就係用優惠碼，好簡單素描個QR code就可以換到喇.因為實在太多人幫襯,所以都要等咗20分鐘先可以攞到雞蛋仔.新鮮整起嘅雞蛋仔真係唔同啲, 非常香脆, 內裏質地綿密, 滲透出一陣蛋香😊😊😊 唔怪得知其他人冇優惠QR code，都咁多人用原價購買😋😋😋#甜品 #下午茶

早幾日逛街逛到銅鑼灣，心癮起即刻想吃雞蛋仔，就立刻想起了這間媽咪雞蛋仔~早期已經曾經帶過小朋友去食，不用一會，已即時被他們吃掉，沒剩一些給我吃😭😭😭今次一個人走去吃，終於可慢慢品嚐了😈😈雞蛋仔~真的能便到外脆內軟，而內裡軟心的位置，還是是厚厚的，有別於平常吃到的只得個脆皮，內裡的卻偷工減料🙈🙈🙈而且，蛋香香濃，整個來說，也不會很甜，剛剛好~一包拿起手，跟自己說盡量少吃一點，晚餐快到😈但還是做不到的，整包都吃掉🤣🤣🤣

今次見klook 有優惠碼，所以特地去食。揀左原味雞蛋仔。原價$20。大概等左5分鐘，就有得羅啦。每次食都保持到水準！時間控制得好好，又唔會好燶。麵粉漿做得好好。個雞蛋仔好脆！外脆內軟。又唔好濕！

雞蛋仔一向都係我嘅真愛。媽咪雞蛋仔由係紅磡得一間分店到而家開咗甘多分店我都一向有光顧佢。而我最愛嘅就係佢嘅粒粒朱古力雞蛋仔。雞蛋仔食落去嘅口感呢就係外脆內軟，有少少咬口，而味道就係有蛋香同埋一啲唔會太甜嘅朱古力味。成個配搭令人非常滿足。

有同事 send 左條 link ，買咗限時優惠 coupon, 先知道呢度有間雞蛋仔今日終於行咗過嚟兌換！店員好有禮貌等左5分鐘就有得食喇！熱辣辣又脆、每粒都有香濃嘅朱古力味！但係又唔會過甜喎佢仲有好多味道嘅雞蛋仔，好吸引咁有機會想試佢嘅紫菜粟米雞蛋仔

出街食雞蛋仔當然要黎到媽咪雞蛋仔食啦😎。今次食鹽燒紫菜粟米雞蛋仔，聽個名都已經夠晒吸引😋。換辣辣既雞蛋仔包住粟米粒，好足料，仲有大大塊既紫菜。淡淡既鹽味混合雞蛋仔既蛋漿味同粟米既清甜味，真係好好食😍。值得encore👍🏻!。味道⭐⭐⭐⭐⭐️價錢⭐⭐⭐⭐⭐。媽咪雞蛋仔(銅鑼灣店)銅鑼灣希雲街1-5號禮信大廈地下17號舖

媽咪雞蛋仔，連個名都叫做雞蛋仔，當然係主打雞蛋仔啦！但係今日我就嚟咗食格仔餅喎，睇吓佢格仔餅係咪都做得咁出色先。等左好耐先至有，因為實在太受歡迎這間鋪頭！一食嘅時候，好好味啊！我好鍾意啲花生醬夠多，每一啖都有濃厚嘅花生味，熱辣辣真係好開心。夏天食就會有啲過熱，但係秋天冬天食嘅話就正啦！

觀光客必吃的米芝蓮推薦雞蛋仔，香港許多地方都有分店，第一次吃銅鑼灣這間，雖然位置比較隱密，但也是很多人來買，尤其是下課的學生們😉等了差不多十分鐘，終於拿到熱騰騰的雞蛋仔啦～兩個外型都十分漂亮，看起來就很可口原味雞蛋仔 20要試一家雞蛋仔好不好吃就要點原味！捏下一顆來吃，外脆內鬆軟，蛋香味夠，甜度掌握的剛好，一整片雞蛋仔麵糊分布均勻，每一顆飽滿扎實，沒有一顆是空心的黃金雞蛋仔 35黃金也就是黃色的鹹蛋黃，香港人最喜歡鹹蛋黃了，很多種食物都有鹹蛋黃口味紙袋上都吸了油撕開來看，鹹蛋黃粒被包覆在雞蛋仔中，兩者搭配在一起甜中帶鹹，味道融洽，鹹蛋味道不會太重或者是顯得油膩，好吃！

雞蛋仔由細食到大，看似簡單嘅小食，但唔係間間都整得好味。呢間嘅蛋漿整到好香蛋味，外層脆卜卜，內軟實心，唔會空檔！有次食過間係硬嘅，仲要越食越硬，食到上顎都損埋，算吧！都係講番呢間媽咪雞蛋仔~原味雞蛋仔($27) 一定係首選，充滿蛋香！次推朱古力雞蛋仔($34) ，朱古力味香濃，又唔太甜。嘩！呢個原味格仔餅($30) ，就算攤涼咗都一樣咁好食！格仔餅本身已塗了好香嘅牛油，所以未點煉奶花生醬(花生醬好滑，冇花生粒) ，已經覺得好有奶油蛋香味！如果減肥嘅。。就要三思啦！廿幾三十蚊唔算平，但好食嘅，我寧願俾多d, 食得滿足又開心！

幾年前幫襯過的雞蛋仔店，原來不經不覺已做到很成功，分店遍佈港九，更獲得車呔人街頭小食的認同。可能因為今天下雨，星期日下午約十二時半，經過見到無人龍，立即去買！因為即叫即造，就算我前面只得一個order，也還是要等幾分鐘。因為繁忙時間的顧客實在多，這裡安裝了號碼報讀系統，在人多的時候十分有用。就算有多種新口味選擇，我通常都會點原味，原味雞蛋仔售價$20，外脆內軟，屬高質素，與傳統的雞蛋仔有點不同的是，表面較「令身」和光滑，而且用了不同的模具，每粒雞蛋仔的size細粒少少，多人分時則每人感覺上可吃多幾粒。通常這類新店都會把傳統食物發揚光大，看到這裡有伯爵茶、檸檬、甚至墨魚汁咸蛋黃等口味，有一刻打動到我下次想試伯爵茶味！

由於很多年前是理工的學生，成日都會喺紅磡度食好西。當年紅磡都有兩件名物，分別係時新快餐店同媽咪雞蛋仔。好可惜，呢兩間最原本嘅鋪喺紅磡都已經執咗，好彩嘅係，呢兩間鋪都喺唔同嘅地方開咗分店。媽咪雞蛋仔仲叻叻豬添，分店越開越多，但係究竟有冇因為做響左個名，食物質素就差咗呢，今日就去銅鑼灣店試一試佢嘅手勢。去到鋪頭，發覺雞蛋仔嘅味道多左好多款，有幾種味道好似比較驚嚇，連墨魚汁味，雙重芝士都有。我都係比較保守的， 食返啲歷史悠長啲嘅味道，所以就想揀返白芝麻味，不過佢可以加肉鬆，我諗都match嘅，所以就揀咗白芝麻肉鬆。幾分鐘後有得食，雞蛋仔攞起都幾墜手，證明佢都幾足料，摸落手都有少少硬，亦都證明佢會係幾脆。食落去果然係好足料，亦都鬆脆，意外嘅係白芝麻味同肉鬆味都好出，兩種味都好夾，所以都真係誠意推介。有咗呢次經驗之後，下次就可以去試下啲墨魚汁雞蛋仔，伯爵茶雞蛋仔等等，睇下仲可唔可以保持到一貫嘅水準。

咁岩lunch hour經過銅鑼灣，諗起附近有媽咪雞蛋仔，就去睇下，呢排新出左伯爵茶系列，不過我怕加朱古力粒會遮左茶味，所以就揀左伯爵茶雞蛋仔 $28，另外值得一讚呢間分店個收銀態度好友善，笑容滿面，講真買雞蛋仔唔expect 有咩服務，呢個絕對係加分位其實平時媽咪既綠茶雞蛋仔都好濃茶味，但今次伯爵茶又係另一番風味，茶香濃郁得黎好清新，比起平時既原味雞蛋仔無咁甜，入面真係有些少一粒粒茶葉碎，証明真係落足料，質地外脆內軟，外型漲卜卜，因為佢唔係空心，一個人KO哂成底食黎當lunch都會覺得飽飽地，下次要試埋檸檬味先。

想試好耐既媽咪雞蛋仔😋😋 有好多唔同口味選擇 揀左好耐最終要左伯爵茶味 佢poster 上標榜用twining茶葉 本身我又好中意伯爵茶香味 就忍唔住試了 摵左一粒來食驚為天人 超級香茶味呀 而且口感好脆又有蛋香 雖然雞蛋仔偏大份 但因茶味唔會好膩 一粒接一粒好快食哂 下次再試其他口味😋😋

媽咪雞蛋仔係我食過咁多間雞蛋仔最好食的雞蛋仔⋯佢嘅款式好多，有原味、有朱古力味、有香蕉味，今日我仲見到佢有墨魚汁系列同埋伯爵茶系列。我大約下晝三點半去買，可能因為今日落雨唔算多人，我叫咗原味，等大約5分鐘就可以有新鮮熱辣嘅雞蛋仔食。拎到雞蛋仔之後，第一時間梗係食一粒先，超級熱，外脆內軟的雞蛋仔真係冇得頂，佢每一粒都做得好均勻，所以粒粒都咁好食。不過，我有一半食淨左，擺咗10分鐘後先食，就真係唔好食啦，好硬同好甜，所以提一提大家一定要趁熱食，如果唔係就浪費左咁好食嘅美食。

今日與友人行街，係未食飯前就黎個小食攝下個胃，每次黎到銅鑼灣都會黎食雞蛋仔雖然細細的鋪位，但內隱藏神秘的美食上次已經試過芝士味道既雞蛋仔，濃厚的芝士味配試清淡的雞蛋仔，簡直係芝士控的不二之選鋪面等候人數都比較多，所以叫完小食都需要耐心等待等左大約10分鐘，神秘的美食終於到手叫左個粒粒朱古力味道的雞蛋仔（$25）每一粒雞蛋仔都包住濃郁的朱古力味，但食完又唔會太溜，朱古力味道的雞蛋仔應該係小朋友大人都合適的選擇