子鴨留香

营业中

休息中

子鴨留香故名思義主打烤鴨留香烤鴨半隻$288每枱必點的招牌菜放在保温爐上加水後讓發熱包發熱鴨肉可選皮肉相連或分開切味道不過不失配料包括薄餅皮、青瓜另外還有山楂條和牛油果醬等奇怪配撘叉子燒餅$38上海小籠包$94一籠四隻也可另加每隻$19瑤柱河蝦賽螃蟹$168嫩滑易入口但份量少了些松子糖醋桂魚$168酸度適中但炸粉太厚而且有點硬蝦籽扒津白$108普普通通預早訂位餐廳很貼心安排了房間價錢偏貴試過便算了

我覺得烤鴨店應該俾人食得耐啲，真係食到趕頭趕命，完全享受唔到，而且佢哋上賽嘅速度又唔算好快，結果林尾係迫住你食好鬼趕鋪面環境OK，烤鴨冇想像之中咁好食，因為冇比較冇傷害，食過銅鑼灣，另一間好出名嘅烤鴨，對比下依家真係失色。如果主角，我只能講普通，唔會再吸引我食多次。我哋都叫咗其他好多嘢食，六個大人四個細路，平均三百幾蚊一個人，如果食得咁匆忙，食三千元寧願去酒樓慢慢坐，食好啲都得。同埋真係不斷俾人叫走，呢個感覺麻麻地

荃灣新開左一間食烤鴨，咁梗係要同埋屋企人嚟試吓餐廳位置都好大，所以座位都唔會好迫夾，坐得都算舒服，不過職員就相對比較少，如果需要協助可能就要等耐少少留香烤鴨 （半隻）$288推薦指數🗯️：🌟🌟🌟🌟咁嚟到架係要試吓他們的烤鴨，他有兩種片法比你選擇，咁我就棟咗傳統皮法，皮肉相連，所以食嘅時候油脂平衡，唔會食落口一口油咁膩，而且你仲可以加自己喜愛的配料一齊食，唯一缺點就係那片皮太厚，食一兩片都已經好飽砂鍋雲吞雞（半隻）$180 推薦指數🗯️：🌟🌟🌟飲得出真係用新鮮雞烹製的，飲落好鮮味，而且調味適中，唔會過鹹或太淡，而且雲吞都大大粒，而且仲有一隻蝦仁係入面，食落都唔錯，不過雞有唔少雞毛冇處理好，有少少影響食慾😮‍💨鍋粑伴糖醋蝦球（6件）$180 推薦指數🗯️：🌟🌟🌟🌟一啖咬落去會食到兩種唔同的口感，表面的蝦球好彈牙爽口，而下面的鍋粑又好脆，配上糖醋汁一齊食，真係一流！不過就要盡快食，唔係鍋粑變淋咗就唔好食上海小籠包 （4隻）$58 推薦指數🗯️：🌟🌟🌟雖然每一隻對比外面的小籠包都大少少，但係味道上都冇太大分別，不過都算皮薄餡靚；但係性價比真係唔高黑松露蝦仁炒飯 $128 推薦指數🗯️：🌟🌟🌟炒飯都炒得乾

早排去食左尼間「子鴨留香」想同大家分享下我係荃灣店食雖然店面裝修係行中式路線冇乜特別但原來食物質素都幾高當日係平日 但7:00幾已經完全滿座了🤍當然要嗌個烤鴨試下佢我哋兩個人食嗌左半隻（$288）佢既皮同肉係連埋冇分開到既而最窩心既係烤鴨同包果塊皮下面都有發熱包 一路有蒸氣熱住啲鴨同皮所以係會keep住食左熱既 慢慢食都唔怕涷晒另外佢哋仲有牛油果醬俾你包埋一齊食尼個配搭我第一次試 又幾match喎🤣🤍另外嗌左個京燒羊腩（$168）一嚟到個樣好似炸豬扒俾佢既外表握左但食落去真係羊味濃鐘意食羊既朋友可以試下～🤍鐵板蔥爆牛肉（$138）一嚟到已經聞到好香蔥味再加上係用鐵板上保證熱辣辣又有鑊氣🤣最後嗌左兩個小食🤍豆沙鍋餅🤍素春卷係一個好滿足既晚餐🤗

見到荃灣新開了一家烤鴨店，網路上的食評都很正面，就來試一下，結果有點失望了。三個人點了半隻烤鴨，六顆小籠包，再加三個高力豆沙香蕉球.小籠包裡面肉汁是很多,但是肉的質感跟香味就一般，價錢偏高.烤鴨的話，是正常，皮不待別脆，肉不算嫩，好像沒有其他食評寫的那麼….反而那些附的皮和牛油果醬有點驚喜.，那個山楂條也挺開胃的。高力豆沙香蕉，樣子好看，可惜裡面的香蕉跟豆沙唔夠軟，然後那個皮是很鬆軟但是完全沒有味道，可惜.

子鴨留香.留香烤鴨食剩指數:0/100片皮鴨揀左傳統片法皮肉係相連外皮鬆脆油脂剛好鴨肉唔柴連鴨髀都有起肉～配以甜麵醬、京蔥條、青瓜條、山楂條仲有牛油果醬牛油果油脂感好神奇地夾烤鴨.韮黃炒鱔糊食剩指數:0/100鱔魚肉好香腍韮黃好爽既口感要揾到好食又鮮嫩既鱔糊唔容易呢度算係幾唔錯.蔥油鮑絲海蜇皮食剩指數:0/100海蜇皮配上鮑魚絲同蔥油口感爽脆加左蔥油但口感唔算油海蜇皮既爽脆度令整體好fresh.四喜烤麩食剩指數:0/100烤麩加入香菇、木耳、笋等烤麩軟熟又有彈性味道濃郁鹹中帶甜.蘿蔔絲酥餅食剩指數:0/100新炸起外酥內軟蘿蔔絲軟硬度適中酥餅表面仲有少少芝麻好香.金沙驢打滾食剩指數:0/100糯米皮幾煙韌捲起紅豆蓉外面再滾滿黃豆粉紅豆蓉好香又唔會過甜

第一次子鴨留香，主打的片皮鴨，鴨肉比較干，皮不脆，真心失望，好在小籠包不錯，松鼠魚還可以，加上幾個其他小菜，6大5小其消費約1800，不算便宜。環境是可以，主打片皮鴨，真的更換廚師，不然很難有客人回頭。

未見過一間食片皮鴨會得咁少皮比人，通常都起碼一塊鴨一塊皮啦，救命，四個人每人得兩塊就完左，淨得一半鴨？！ 齋食鴨咩大佬，焗人去追加，做cheap曬，係就一開始就講啦，本身已經貴，唔會再食，CP值極低。都未計個皮厚到傻，超難食，可一不可在😪😪雖然衛生，服務，同埋環境上係幾好既，但4個茶位都已經$72蚊，加埋小食都15蚊，加加埋埋成$100，好彩我地細食唔叫得多，好似冇咁貴，建議大家食得多既真係揀過第二間，好唔抵食🥱😵

🐽幾中意呢到既裝修幾有feel😌。👅留香烤鴨（$288/半隻）要食到好食既片皮鴨都唔易嫁😝呢到既片皮鴨我幾滿意！片到塊皮連少少肉，仲要完全無肥膏👍🏻鴨肉肉味幾香，塊皮有脆口感，亦唔會油淋淋🤩可以夾牛油果溶同山楂條都幾特別！但餅皮實在太乾啦，食起黎好粉感🤔唔用餅皮包，就咁點啲醬食舊鴨肉反而仲好食😀。👅鍋粑伴糖醋蝦球（$180）蝦球新鮮夠爽彈🦐糖醋汁偏甜，鍋粑再脆啲就更加正😗。👅上海鳳尾魚（$108）呢個幾有驚喜！鳳尾魚炸到勁酥脆😳一炸起熱辣辣食好正！加上味道甜甜地，食到停唔到口🤤。👅上海小籠包（$58）小籠包皮厚薄適中，肉餡好多湯汁😙不過個湯有少少油膩感～。👅雞絲粉皮 （$85）好夠多麻醬，撈勻粉皮食酸酸甜甜幾開胃😛。👅細沙南瓜餅（$48）雖然無南瓜味，但個餅幾軟熟，入面既紅豆沙餡好綿密🫘甜度岩岩好！加埋面頭既椰絲，味道有層次🤓

子鴨留香是高質中菜館，主打京、川、滬菜， 佈置典雅，古色古香， 環境舒適恬靜， 令人心情放鬆，與朋友聚餐一個不錯的地方， 它的 必點留香烤鴨，肥而不膩， 令人食指大動。陳醋海蜇頭 $108厚身的海蜇頭，口感煙韌有彈性， 先拌勻陳醋、芝麻粒和青瓜片一起吃， 每口既有陳醋的酸香， 芝麻的香 ，青瓜的脆， 十分滋味。香露醉雞 $95色澤亮麗的醉雞，冷泡在花雕酒裡， 加上嫩紅的杞子點綴， 賣相 精緻， 雞皮彈牙緊緻 ，雞肉冰涼嫰滑， 淡淡迷人酒香，酒香恰到好處，不會蓋過雞的鮮味。 留香烤鴨/ 半隻 $288 烤鴨以傳統片法處理，皮肉相連， 喜歡啖啖肉的口感， 透過門口的大玻璃 ， 我可以看到店員熟練的片皮鴨技巧， 嘆為觀止， 餐廳以盒子座熱烤鴨， 保持溫度，鴨皮油光亮麗，連同肥美鴨脾， 令人垂涎， 將鴨件放在熱燙燙的嚒嚒餅皮上，可加入山楂條、京蔥、青瓜、 山楂條、牛油果醬及甜甜烤鴨醬， 包起來吃，餅皮充滿麵粉香，鴨皮油潤酥香， 鴨肉嫰軟，充滿肉汁，鴨油香散發口腔， 特色是加入牛油果蓉， 好清新口感，別有一番滋味。松子糖醋桂魚/半條 $168 香脆的桂魚，炸成金黃色，咬開酥脆外皮，啖啖滑溜的桂魚

好鐘意食烤鴨既我 點可以錯過香港新開既烤鴨店呢？😂🙌🏻最近去左荃灣呢間 @ducklicious_hk 主打京滬菜 開咗冇耐晚市已經座無虛席 如果想試最好訂咗位先🙌🏻呢度嘅環境典雅別緻 貴麗堂皇 座位闊落 仲有個玻璃櫥窗可以望到師傅片烤鴨🦆▫️陳醋海蜇頭 ▫️香露醉雞前面叫左呢兩款 前者陳醋味好出 酸溜溜 冰冰涼涼既海蜇好爽口入味 底層有青瓜鋪底 開胃惹味！醉雞香滑 唔會好鞋 酒香味入晒落醉雞到！▫️留香烤鴨突登為左個鴨過去🥰鴨皮充滿鴨油香 但又唔會太肥 鴨肉厚身唔蘇 除左一般有既青瓜、京蔥絲、炸鴨醬外 仲配有牛油果醬及山渣 食落更加清爽解膩 而且個碟下面有得座熱暖住 唔怕食食下凍晒啦！▫️松子糖醋桂魚魚肉炸得酥脆肉滑 好大條 味道鮮香 每啖都蘸滿酸酸甜甜既醬汁 特別開胃😍▫️鮮肉鍋貼外皮煎得香脆 唔會好厚身 咬開入面有滿滿既肉汁同豬肉餡 配埋醋食就一流啦！▫️香蕉高力豆沙食京滬菜一定要食高力豆沙 入口軟綿又有蛋香味 配埋香蕉及豆沙食 如果個餡可以再多啲就滿足啦🥺

💕未正式報晚餐時間，門外已經勁多人排隊！搞到我同老公都心郁郁想試吓，實在太耐冇食過片皮鴨啦❤️估唔到都有驚喜！😃▫️ 脆皮素鵝 $85⭐️強烈推介⭐️呢一款脆皮素鵝，外脆內軟，入邊嘅餡料係蠔油炒冬菇，有豆香，脆卜卜又鬆軟既腐皮，唔使一陣就清光😂.▫️ （半隻）留香烤鴨 $288⭐️強烈推介⭐️同老公兩個人食，所以只係叫咗半隻嘅份量，🥰但係已經好夠飽！呢一款留香烤鴨用咗新式片法，肉同皮係分開，再配上餅皮，仲包括幾款配料，分別係青瓜絲、京蔥絲、山楂條、牛油果醬、中式甜醬，山楂條估唔到好好食， 🤓夾埋一齊食咪道錦上添花，食落更加唔會油膩，仲好開胃！而且牛油果醬本來都覺得驚怪怪地🥰但係夾埋一齊食，其實鴨肉嘅香味已經蓋過咗牛油果味，但係牛油果再令到味道順滑，而且烤鴨又唔會太過肥膩，肥瘦適中，味道啱啱好！整體真係非常之唔錯👍🏻👍🏻.▫️ 生拆蟹肉河蝦豆腐 $138呢款菜式味道較為清淡，啱晒淡口味嘅人士食用！兩種海鮮令到豆腐更加鮮味，而且每一啖都有蟹肉絲，絕對對得住價錢😇.▫️招牌生煎包 $58生煎包一定要趁熱食！如果唔係外層就變得唔脆口，size都比較都偏大隻，入面仲啖啖肉添，唔錯👍🏻.▫️桂花酒釀丸子 $32 （

留香烤鴨 $288/半隻北京片皮鴨大人小朋友都鍾意因為永遠賣相都好大陣仗又可以跟自己嘅喜好加入配料和秘製醬汁片皮鴨外皮超級酥香脆口鴨肉香！切得厚度適中而且皮肉間無厚厚肥膏～正呀！而配料方面有傳統嘅京蔥、青瓜絲、烤鴨醬仲有別具創意嘅山楂條、牛油果醬🥑 一脆一淋有幾得意喎烤鴨用爐暖住可以保溫值得一讚麼麼皮上熱辣辣比平時食既更厚身唔怕滲到流走哂啲材料 😎一枱三四人的話叫半隻岩岩好.蘿蔔絲酥餅（三件）$68每件都好大隻熱辣辣脆卜卜外皮超級酥脆～內層分量十足！滿滿的粗條蘿蔔絲好爽甜出色既小吃！.四喜烤麩 $75份量都唔少喎烤麩超入味好似海綿咁～同時軟得黎又有彈性木耳爽口唔錯韮黃炒鱔糊 $188價錢上唔算平🤔都猶豫咗一陣但係上枱就知道冇嗌錯啦鱔糊份量好慷慨有啲懷疑份量仲多過韭黃鱔糊粗身而且彈牙～連埋索哂濃郁醬汁既韮黃超級入味！絕對係🍚殺手.香露醉雞 $95去左大骨食落都啖啖肉深透出陣陣酒香🫶🏻雞件有啲似海南雞超滑嘅感覺.金沙驢打滾（四件）$58地道傳統北京甜點小吃糯米皮超煙韌～一層一層捲住紅豆蓉好似日式卷蛋咁而外皮灑上黃豆粉甜甜軟糯好Q彈食完會好滿足的甜點！.呢間中菜館幾岩一定大細、朋友聚餐佔地五

位於荃新天地既新餐廳，環境寬敞雅緻，主打京川滬菜，款式多多✨ 從餐廳櫥窗可以望住師傅製作片皮鴨，特別吸引呢🥰❀ 陳醋海蜇頭 🥢海蜇頭口感爽滑，下面鋪滿青瓜，加入陳醋食落酸酸地好開胃❀ 香露醉雞 🐥雞肉整得好入味，而且質感嫩滑，帶有微微酒香及甜味～❀ 留香烤鴨 (半隻) 🦆必食片皮鴨😍 上枱時會將鴨肉座熱保持溫度，皮香肉嫩👍🏻 可按個人喜好用餅皮包住鴨肉、青瓜及京蔥等配料～最特別係有埋牛油果醬及山楂條，整體食落唔太油膩，又香又滋味🥰❀ 松子糖醋桂魚 (半條) 🐟糖醋松子魚炸得酥脆肉嫩💕 味道鮮香，每啖都蘸滿酸甜醬汁特別開胃，令人食唔停口☺️❀ 鮮肉鍋貼 🥟外皮煎得香脆，咬開入面有滿滿既豬肉餡，啖啖肉汁～❀ 香蕉高力豆沙 🍌甜品叫咗最鐘意食既高力豆沙😝 入口軟綿又帶空氣感，充滿蛋香味，配埋香蕉及豆沙食，甜而不膩

今日去咗子鴨留香食嘢，真係好正啊！其中最出色嘅就係佢哋嘅烤鴨啦。啲鴨皮烤得好脆，入口即化，啲鴨肉都好鮮嫩，唔會太肥膩。啲鴨肉同啲蔥同埋醬汁一齊食真係好正，令人好想再食多啲。除咗烤鴨，啲上海鳳尾魚都好出色。啲鳳尾魚炸得好鬆脆，魚肉好鮮味，味道好濃郁，真係一啖就愛上。啲雞絲粉皮都好好食，粉皮滑口爽，雞絲嘅鮮味又比較淡，同埋啲醬汁一齊食口感更佳。最後啲小籠包都好出色，啲皮薄餡多，啲湯汁都好鮮甜，真係好正！總括嚟講，子鴨留香嘅菜式真係好出色，每一款菜都有佢嘅特色同優點。如果你鍾意中菜，就要嚟試吓啦！子鴨留香 (荃灣)荃灣楊屋道1號荃新天地地下G48, G50, G52, G56, G58 & G77號舖