孖寶 (已結業)

🥰這次是第二次來《孖寶小廚》必須要食劉新娘肉眼扒和西班牙黑毛豬😍食飯食物質素依然那麼好份量足，食材新鮮🥰今日堂食惠顧1⃣️紐西蘭肉眼扒或者2⃣️西班牙黑毛豬架3⃣️威爾斯羊扒都可以送碳燒鮑魚兩只（星期一至五送完即止）我和朋友點了兩個餐一個小食：分別係（紐西蘭肉眼扒）配牛干菌汁🥰（西班牙黑毛豬架）配牛干菌汁（炸魷魚圈配他他汁）紐西蘭肉眼扒非常大塊而且非常厚身肉汁鮮美，沾上牛干菌汁更加鮮美，非常推薦牛干菌汁特別又好味。西班牙黑毛豬架比牛扒更加厚身，最緊要不會過熟肉質變硬🥰碳燒鮑魚非常入味及爽滑

平時都好少晌上水食西餐，多數都係跟長輩去酒樓，今次我決定帶佢去試下唔同嘅嘢，去鋸下扒chill下，入到去店舖唔係好大，先在門口探熱，疫情關係都有用隔板分格，大家都食得安心。我地2人叫咗1客香煎威爾斯羊扒晚餐，1客露筍牛油果帶子意粉，加$28有套餐。先上餐包及餐湯南瓜湯，南瓜味香濃杰身夠足料，香草餐包暖暖的，逢星期一至五仲每人送一隻生蠔，生蠔細細隻但好有蠔味，唔知係邊個產地呢？香煎羊扒我點咗5成熟，3件羊扒加上配菜上枱時已經香氣泗溢，烹調時間啱啱好，係我喜歡的熟度，說實在應該是羊架先啱，切開時粉嫩的顏色令人食指大動，配以牛肝菌醬汁，牛肝菌味濃郁，羊架食落去完全無騷味！露筍牛油果帶子意粉家人食到讚口不絕，牛油果味醬汁掛汁度高，與意粉很配搭，家人笑稱連碟子也要舔乾淨，笑死我了！最後餐飲叫了加勒比之夢，是洛神花茶，酸味能解油膩，不錯的！

星期六下午送貨到上水經過孖寶小館入去食個午餐先，每檯一隔板防疫措施要做足。午餐我選擇清新健康嘅煙三文魚凱撒沙律未上主菜先來個餐湯，是日晚湯係菠菜忌廉湯，菠菜打成蓉入口滑溜有營，配香草麵包不錯配搭。餐飲都是老規矩「黑咖啡」豆靚啡香醒神完美。👍🤣

初頭遠看店面黑漆漆，以為沒有開門，走近看，是有開門的😂。我們點了羊扒和鱸魚。點完後才發現貼在牆上的優惠通告，原來點羊扒會有2隻磯燒鮑魚送，真好😋。餐湯是南瓜湯，南瓜味濃郁，口感算濃稠。餐包有輕微香草香味，如果溫熱一點和輕微脆一點會更棒。‖ 香煎威爾斯羊扒 (選配牛肝菌汁) ($178) ‖羊扒有三塊，全都滿大塊，而且很厚。肉質軟嫩，味道不錯。想說，那個牛肝菌汁非常好味！牛肝菌味非常香濃，絕對要試！❤跟配的薯仔好好味😋，很有薯味，而且焗得剛好，軟硬適中。送的磯燒鮑魚十分高質😍😍。我一向不太喜歡吃鮑魚😂，不明白為何別人這麼愛吃~ 但真心這隻磯燒鮑好好味，十分鮮甜，吃得出很新鮮，而且經過磯燒，很香口惹味，而肉質更是嫩滑彈牙。讚👍‖ 香煎鱸魚配松露忌廉汁 ($118) ‖鱸魚肉質和味道都不錯，如果外皮煎得微微脆會更好。而松露忌廉汁，有重重忌廉味，但松露味就比較微弱。跟配的薯仔同樣好吃😆。如果來到上水，這裡值得一試，小店值得支持。👍

孖寶小館係區內出名既黃店！除左夠黃之外 食物質素仲要好高 而且價錢相宜！已經黎過呢度好多次喇 前幾日收工好想食西餐 第一時間就諗到呢度喇！見佢而家凡惠顧（堂食）晚餐 （紐西蘭肉眼/西班牙黑毛豬架/威爾斯羊扒）會免費贈送磯燒鮑魚2隻 所以諗都冇諗就叫左晚餐E 「紐西蘭肉眼」首先黎個餐湯同埋餐包先 餐湯係美味濃郁既忌廉粟米湯呀！送既磯燒鮑魚 鮑魚大大隻 而且好入味肉眼扒份量十足 目測最少有8安士 好抵食呀！而佐汁可以選配牛肝菌汁、燒汁或黑椒汁 我就揀左牛肝菌汁 肉眼既色水好靚 肉質鮮嫩 咬落會有肉汁「必」出黎 好Juicy!每啖都有陣陣牛香味 一d都唔hea!好滿足的一餐 美味既一餐以熱檸茶作結埋單二百蚊有找 呢個價錢 呢個質素邊度搵喎 會繼續支持你地的！

疫情期間的確少左出去食，反而叫外賣多左。趁平日人少少就出去食個晚餐先😋感覺上水好難搵到美味嘅西餐。餐廳係每張枱都備有酒精搓手液供客人用，非常貼心。前菜叫咗洋蔥圈，其實洋蔥圈唔難整，但好多餐廳將洋蔥炸太過耐，搞到縮乾晒又無晒洋蔥本來既味，今次食到我合心意既洋蔥圈，外脆之餘裏面洋蔥甜甜多汁。金文畢軟芝士配哈蜜瓜果肉沙律，鮮甜清脆，上面耍上芝士粉，係食肉前吃，酸甜開胃又營養紐西蘭肉眼(7安士)，選上七成熟，外層有陣陣黑椒，調味豐富，內裏都有小小見到生血，有少部分筋位。可能因為紐西蘭牛肉係草飼牛關係，肉味無咁重，適合健康人食。

放工經過發現這間餐廳, 一心只係想依飽個肚, 無諗過呢間小店會咁有驚喜。晚餐set會包括餐包及湯, 麵包是自家製的香草包, 飲品可以免費揀花茶 🤤❣️香煎牛脷厚切牛脷煎得好香口, 五十幾蚊有五大片, 好抵食👍🏻❣️牛油果雞扒漢堡配搭好清新,薯條夠脆, 配sour cream同茄汁點, 雞扒好juicy, 但就略嫌牛油果醬唔夠多❣️紐西蘭肉眼( 8安士)牛扒好重牛味, 鮑魚是送的,味道一般,唔太食得出鮑魚味。最驚喜配菜種類好多, 有西蘭花 椰菜花 翠肉瓜 黃椒 煎薯仔

今日晚上嚟咗呢間小店食西餐，味道不錯而且價錢適中而且仲爆場，我叫咗個西班牙黑毛豬套餐和牛油果雞扒漢堡套餐。套餐主要跟杯嘢飲湯同餐包。地方環境不算太大，但都可以容納不少人。值得一提係這間餐廳出餐都算快，枱面上更有一支消毒酒精。而豬扒都可以選擇多少成熟。先來一個南瓜湯同埋餐包，南瓜湯都夠味，餐包正常，跟住來牛油果雞扒漢堡，份量好大同好足料，芝士味足夠配上洋蔥同蕃茄都有種新鮮的感覺，二雞扒是琳，所以不用咀嚼太耐，薯條都係好味。加拿大黑毛豬，我揀七成熟，完全會適合我種口味，唔會硬同有豬味，其他配料正常，而鮑魚都爽，雞翼更有蜜糖嘅甜味，仲有少少脆嘅感覺所以唔錯。而朱古力抹茶，不會太甜同時間朱古力同抹茶都好夾，所以覺得好好味。

很懷念這裡的pizza及其他美食, 趁疫情稍為緩和, 來好好吃一餐~金文畢芝士蜜瓜凱薩沙律🥗 $88一看到餐牌上有最近才認識的金文畢芝士(Camembert) 立即決定要試試. 最驚喜竟然有三大件芝士🧀放到沙律上😍, 已佔了圓餅形芝士的一半了, 身為芝士控的我實在非常開心. 芝士表面帶白黴菌, 很正宗, 芝士酥香軟滑，味道層次豐富, 加上味道非常鮮甜的哈密瓜, 新鮮的沙律菜, 惹味的醬汁, 實在醒胃😋巴馬火腿薄餅🍕 $108店員一端上時已經香味四溢, 薄餅味道濃郁, 芝士的拉絲可以拉得長長的👍蘆筍牛油果🥑帶子意大利飯 $118大大粒的帶子, 還有很多牛油果粒及蘆筍粒, 足料好味, 意大利飯的熟度剛好👍餐飲點了粉紅玫瑰🌹及檸檬🍋雜果, 是真材實料的花茶以這質素的食物, 相當抵吃

歐陸早餐 $34黑松露炒蛋配燒牛肉一上碟時，覺得炒蛋係全熟，一切開裏面，小小蛋白汁流出，略欠光澤，碟底唔見有油，食落唔會好膩好滯，有微微的黑松露醬味。燒牛肉外層有黑椒碎，口感類似火腿。雜菜湯太稀，味道較淡，需要自己加點鹽、黑椒調味，螺絲粉唔會爽口，唔會煮得太林，吸滿湯汁。新鮮雜菜沙律，配上黑醋，酸酸甜甜幾開胃，烘過餐包，外脆內軟。熱茉莉綠茶，綠茶味為主，只有淡淡茉莉花味。扒餐配蛋 $38黑松露炒蛋配雞扒雞扒外皮煎得香脆，唔會太油，算厚身，分量足夠，醃得入味，好香口，肉質嫩滑。跟餐同樣有沙律餐包，可選雜菜湯粉或薯餅。

自從有疫情以來，少咗好多岀街用餐，但飯始終要食，間中岀去食餐好嘅，人都正面啲開心啲今次試咗屋企附近一間西餐小店，都有啲驚喜喎同朋友一齊點咗兩個dinner set加一個小食先有麵包同餐湯，一開始已經有驚喜，麵包充滿濃濃香草味🌿，而且係即叫即焗，所以仲係暖暖地。餐湯係甘荀湯，橙黃色好靚，味道香濃，質感好smooth，我幾鍾意❤️香煎牛脷牛脷大大塊，仲要有5塊咁多，加埋沙律菜，夠哂份量！紐西蘭肉眼牛扒點咗五成熟，表層煎得好香，𥚃面又夠嫩口，唔多筋，所以唔會軔，啱晒我！西班牙黑毛豬架超級嫩！完全無預料到豬肉嘅口感係咁爽咁嫩調味剛剛好，真心正！平時岀去食西餐，多數會點牛扒羊扒，但呢度嘅豬架，真係非常唔錯，值得試試！餐飲方面，免費選擇有埋花茶同梳打。我點咗加勒比之夢，係洛神花茶加上果乾，酸酸甜甜，開胃養生朋友就點咗提子梳打。

今次試咗孖寶，係上水好少食西餐，估唔到咁高質，一定要記一記～首先餐廳裝修好好，有唔同既佈置都好貼地，呢個一定要大讚。食物方面，每樣都大大份，好抵食。香煎牛脷好香，加左少少鹽已經好夠味，有5塊大大塊，幾個人share 會更好。另外仲嗌左個脆炸魷魚圈做前菜，點埋他他醬真係好好食😋主菜就嗌咗蘆筍牛油果帶子意大利飯同埋西班牙黑毛豬架配薯仔。作為 risotto 愛好者，個飯一定要夠 creamy 先好食，呢碟完全無令人失望。帶子有三粒，大大粒，又爽滑，而且仲有蘆筍同埋好香嘅牛油果，好足料😋😋黑毛豬亦好夠份量，煎到好香而完全唔會有硬同乾嘅感覺，配埋牛肝菌汁味道更加濃郁😍 食到好飽之後先諗住食少少個薯仔，估唔到個薯仔都好好食，最後諗住每人食一啖唔好晒變咗大家爭住食😂每樣嘢嘅份量都好多，好彩只係嗌咗一個set，如果唔係真係食唔晒🤣

喵奴嚟北區住咗就嚟三年，發現呢間真係北區難得有水準又有驚喜嘅西餐廳。孖寶小館雖然唔係好大間，但睇得出佢每款菜式都係用心製作，令我忍唔住一再光顧。今次叫咗紐西蘭肉眼（7安士）老公每次去西餐廳都總會叫一份牛扒，佢話睇一間餐廳煮嘢食好唔好，就係睇佢牛扒好唔好食。佢叫咗5成熟，配燒汁。肉眼扒上枱後，其實唔使點燒汁已經好好食。牛扒外脆內嫩，油脂分布剛剛好，肉質仲好juicy呢！配菜都好豐富，有翠玉瓜、椰菜花、西蘭花、甘筍、仲有大大粒焗薯，份量好足呢！西班牙黑毛豬架我個人就比較鍾意鋸豬扒，因為我覺得豬扒冇牛扒咁韌易咬啲。黑毛豬架上枱後我呆咗，肉身足足有成吋咁厚！我揀咗牛肝菌汁，原來同黑毛豬架可以咁搭配！最正係完全冇羶味，而且啱啱熟，肉質好鬆化，仲好多汁，一啲都唔覺得「鞋」，非常有驚喜！再加埋豐富嘅配菜同焗薯，我覺得好似食咗兩個餐咁飽。隨餐另送餐湯同即焗麵包，呢餐真係飽到上心口。跟餐可以轉特飲，我叫咗杯菠蘿梳打，好fresh，食到咁飽飲番杯甜甜地酸酸地嘅菠蘿梳打真係一流。講真依家出面餐廳做得咁點都要加錢啦，依間餐廳竟然免費轉特飲，真心覺得好抵。間鋪面積細細，但水準同大型西餐廳有得揮，而且價錢仲好吸引

找一間早上07:30已經營業的咖啡店已經難，還要是在門外已看得出的黃店，早餐還要配上茶餐廳的價格，實在驚喜。Hazelnut Latte 色香味俱全，很香的榛子味，咖啡很濃厚，榛子味和奶味沒有遮蓋咖啡的苦味，三者比例剛剛好，雖然喝不到咖啡的香，但已經很滿足。黑松露炒蛋炒得一般，但燒牛肉很美味，新鮮沙律菜配上少許黑醋，很精緻，附送的雜菜湯絲粉味道也不錯，但如果粉煮淋一點會更好。早餐$34，加$10便可飲到Hazelnut Latte，實在超值。

今天有事到上水，又到中午了，在寧靜的石湖墟，竟然有人在餐廳門外等位，我和朋友都意見一致，認為值得一試。餐廳面積不大，但頗有歐洲特色，也有氣氛。我和朋友都各自點了一個套餐，一豬一牛。首先來的是餐湯，熱呼呼的南瓜湯，不稀不稠，點上蒜茸飽來吃，分外美味。又到主菜了，紐西蘭肉眼扒，牛肉肉質鮮嫩，一點都不靭，而且肉汁豐富，再加上椰菜花、粟米粒等配菜，相得益張。另一主菜是西班牙黑毛豬架。帶骨的豬肉是最好吃的。厚切豬扒使人特別興奮。黑毛豬肉質軟硬適中，口感不俗，而且煎得香噴噴，連嗅覺也一併滿足。最後來杯提神咖啡，一頓豐富的午餐，令人精力充沛。食物質素高，加上服務態度又好，難怪「孖寶小館」客似雲來。