學記麵家

营业中

休息中

今日抽起條筋想食潮州粉麵， 於是去咗呢間喺元朗開咗好耐嘅學記粉麵食好西點解去呢間，因為而家天氣涼爽，唔係咁熱時候去會好啲牛丸牛腩米＄38+$6(可樂)湯底濃郁，唔係鹹嗰隻， 牛丸唔係大粒，可以一口一啖，彈牙爽口，牛腩係一件件嘅，唔係碎腩，件數都唔少添，仲有青菜呀，要知道而家好多粉麵舖好少比青菜啦其實我喺度食最大理由除咗想食番兒時嘅味道外，最大目的係佢嘅辣椒油， 唔係水汪汪嗰隻，有辣椒渣，香辣有勁，次次都要畢多幾 🥄, 加埋冰鎮可樂， 簡直係完美嘅組合。

學記粉面已經食過無數次佢既雲呑爽口彈牙牛雜入味夠香魚片大塊香脆丸類都系好好食蛋黃面好彈牙仲有自制既辣椒油好正 好味到一樽樽賣出去都有人買加！食開又鐘意既元朗人都知有呢間學記

行過見到好多人幫襯，試吓坐低叫碗雲吞麵雲吞麵加咗腩汁，D腩汁好濃郁叫俾多啲沖佢真係比好多葱我然之後用5蚊加咗杯奶茶，杯奶茶超好味係大排檔嘅奶茶唔使落糖已經聞到茶香超滑我會再返嚟飲🤗

當你搵食搵到頭痕之際, 發現有間由細食到大既舖頭你忘記咗, 就好似去探番個個老人家, 知道佢身體健康, 一切安好, 心裏悠悠然🤗🤗 呢間老舖就係位於元朗西巴士總站隔離既學記麵家, 當年讀書時成日去拜訪, 巴士站側跟既熟食檔, 基本上無一個 “入口” 求其一個方向都入到, 而見到著得靚靚既婆婆 (紅黑中國風衣著, 搭埋對花鞋), 問你幾位, 再叫你快啲坐低。另一邊箱佢又同個10零歲既小朋友既度計緊埋單數, 小朋友拿手機計極都唔掂, 婆婆聲如洪鐘咁同佢講 (P.S. 唔係鬧佢) 計錯就出聲, 無計錯就咁; 然後同側邊啲熟客仔不停咁講, 婆婆應該年過90, 但日日係舖做嘢, 專門帶位收錢, 係學記生招牌, 真心KAWAI 呢☺️☺️ Any肥, 講番嘢食, 坐低先見到, 原來學記個牛腩係OPEN RICE 係拿過獎, 同道人原來唔少。大大個餐牌掛咗係麵吧側邊, 簡簡單單唔會睇唔明🖼️全場40零個位都應該睇得清清楚楚。叫咗牛腩雲吞河、淨魚皮、牛丸勿演河😜😝😛 見到阿姐係個鐵罐度夾啲魚皮出黎, 再加個湯上枱; 估計係拿貨既, 用靚湯浸佢三至四秒咬落去半淋小脆既魚皮, 好邪惡, 最開心係你啪斷舊大魚皮放

呢間元朗老字號麵家係元朗巴士總站隔離個冬菇亭已經好多年 愈做愈出名 開左好多分店 而家係其他地方都買到佢地既丸 媽咪有時都會買佢地既魚蛋墨丸返黎煮麵食 真材實料 爽口彈牙 用真魚肉做 不過咁耐以黎都無去過老店到坐底食 今日諗唔到lunch食咩 又咁岩行過就坐底食碗麵 呢到有出面好難搵到既牛沙瓜 即刻整返碗牛沙瓜河$30 再加$9整杯茶走 茶走香滑無澀味 甜度岩岩好 個麵湯底幾香 沙瓜份量都多 仲有幾條生菜 不過沙瓜煮得太耐 腍左少少 唔夠爽口 暫時食過最好食既牛沙瓜都係龍門居宵夜檔

同吃貨媽媽逛街後，就到麵店吃一碗粉麵。天氣雖熱，但是都無阻我倆在户外檔家吃東西。雲呑牛筋粗麵，如圖所見有四粒雲呑，雲呑大小正常，份量算多，口感無吃到蝦既爽脆口感，但味道不錯。牛筋就比較淋口，不是爽口的那種。粗麵分量正常，而且口左爽滑。牛雜雲呑河粉，河粉份量偏多，牛汁令河粉非常入味。雲呑有三粒，味道跟上面一樣。牛雜方面，大概每款有一至兩塊，口感不錯。老舖在冬菇亭，所以無冷氣，不過四周都有擺放風扇，吃的時候會有點熱，但很有人情味。

就在元朗那条河附近，31蚊一碗牛杂河真的好抵，那汤很浓郁，不是那种味精汤，第一次将一碗牛杂汤一干而尽，河粉也是可以，小伙伴都赞，就是牛杂可以更软烂会更好，再来一瓶冰冻忌廉瓶装，正啊！店员很热情，四点多的时候，已经坐满晒

每次去巴士站都見到人山人海等位既大棑檔，當日放工後打算午餐，下大雨啊！去找野食時冇咩人等位實在太好了！所以唸都唔唸就衝左入去了！唔知出名食咩呢？好地道既大排擋，場地就...預左地道麻！魚蛋河加腩汁！腩汁好濃腩味，魚蛋都彈牙！河粉用幼嗰款河粉。牛根雲吞麵，依個就麻麻，除牛根外，牛根好淋好好味，但可惜麵就太皂水味重，雲吞內既蝦唔太新鮮！如果依兩碗野黎講，我都係覺得河粉會比皂水麵好！如果下次食呢就會要河粉啦

今日放假又想吃牛腩河，之前聽朋友說在元朗有一家叫學記麵家好吃，所以特地從荃灣開車到元朗試試看。當然叫我想吃的牛腩河，先喝口湯，很清再吃牛腩，很爽很腍。果然名不虛傳！不枉此行！

雲吞麵鋪都有得食茶餐廳野🤔鋪身大！所以好多位，就算係食晏時間都唔洗等位😆😆都可以話係咩都有！哈決定左叫雲吞麵同常餐☺️常餐：火腿奄列+多士+榨菜肉絲米粉常餐怪表示🤤火腿份量大！奄列入面重有d 蛋汁🤗中式半流心🤔hahah 講笑😛 多士無想像中咁脆脆，但牛油係溶左既，幾貼心！（平時好多時係一舊舊未溶既）雲吞麵+魚皮： 5大粒雲吞，粒粒足料！！魚皮好新鮮，足脆！又唔會太油！麵加埋牛腩汁！正！幼麵份量好夠飽!

食物質素平平，除了雲吞及其湯底外，其他食物都一般。麵很差，很短暫已變啞色，糭沒太多用料， 鯪魚球炸得求其過求其，但因為附近範圍沒這些食物，所以總算方便快餐，用這價錢也到這質素的食物。。。。也許因為是大型商場吧～但這餐廳所有職員的服務態度非常差勁，先說帶位阿姐，每次都好像不歡迎客人的態度，怎知連其他服務員也一樣，黑面，沒禮貌，接近吃完的時候問她取杯水，坐下來都沒有給我們水，她們說不問就不給。。。。。我相信只要她們改善服務態度，食物質素在商場沒太多同等價錢的來比較，應該算是可以接受的，來過3次感受一樣，決定從此不再惠顧，不想每次吃完也影響心情 😔😔😔

今日帶同事到此午餐，平日自己一個人食掛住玩電話，但今日跟同事傾計時有店員跟我地傾計，所以了解好多。原來呢間學記係老店，36年前因為之前的位置要拆才搬到現址，店內收錢的阿姐原來現在已經98歲，佢23歲就開始做店員，相信依家好少公司有咁高年資的員工。原來YOHO MALL， 奧海城大食代，太古城中心大食代都有分店，成日見老店咁簡漏的裝潢，真係估唔到有好多分店⊙_⊙佢地元朗有自設工場，將粉麵送去各分店，在香港以外仲有兩間分店，老婆婆紮起頭和唐裝衫俾我感覺係呢間店的ICON(^_-)今日我食牛肚牛筋河，味道不錯，牛肚夠晒軟熟，依家趁天氣未熱才堂食，通常在炎熱的夏天我會買外賣返辦公室吃。

未到最熱，緊係去大排檔嘆吓。學記麵店，我未試過，6角亭現在買少見少。 趁早上晤係太多人，座下叫咗碗雲吞麵，雲吞落足料，又大粒，本人好希望晤好再失去咁多呢d大排檔，食嘅係人情味，還有好多地道感覺。

平時諗唔到食咩就會諗到元朗學記麵家。已經食左不下十次。店鋪係大排擋形式，雖然唔係話有靚裝修，但完全係香港地道風味，真係珍貴過五星食店。而且伙記都好人情味。真係會加分。牛腩牛雜麵真係必食🌟🌟🌟🌟🌟，牛味足又夠稔，好新鮮。份量都非常足夠，三四十蚊可食到一碗好食嘅牛腩河，真係對得住銀包又對得住個胃😭😭😭😭😭真係好感動！！！！腐乳通菜🌟🌟🌟🌟🌟都係每次必加食物，腐乳量都真係唔少架！其實有時想食多少碟架！！！👍🏿👍🏿👍🏿不過因為係地道老店加大排檔形式經營，所以天氣熱小小都真係會食岀汗，不過依啲就係香港風味❤️❤️❤️❤️❤️

起元朗得十分鐘可以食咩？ 今日途經元朗廣場途經元朗廣場，聞到呢間d牛腩好香，吸引到我坐底試試。價錢都算幾公道，難得炸醬麵都無特別貴。煮麵的師父手勢好純熟，好快就煮好了。炸醬牛腩麵，麵份量唔多，但牛腩都有唔少，做下午茶岩岩好。牛腩好味，肥瘦剛好。