安南小館 (形點) (已結業)

招牌火車頭：這碗越南河粉的配料包括牛肉、牛丸、牛腩和牛柏葉。湯頭屬清湯類型，味道也不錯。河粉很滑份量很多。牛肉上桌時仍是生生的，真好，牛肉份量也算多。牛丸兩粒爽口彈牙，牛腩只有兩三片薄片，牛柏葉細細碎碎的有幾片。總體來說好吃，若牛腩和牛柏葉多一點更佳。豬扒撈檬：豬扒夠香，味道好份量算多。檬粉很多，拌上店家的酸汁很開胃。柚子鮮蝦沙律：這不推薦，大量生菜，柚子太少，蝦切成薄片，只有幾片，味道也一般。越式炸蝦餅：這是送贈的，味道不錯，不過還是覺得泰式炸蝦餅較好吃。由進店到結賬離開，侍應的服務也不錯，很有禮貌。

晚上一家人去yoho搵野食，見到尼間安南小館。開頭以為係貴價野，點知見到價錢都幾適中，都係7,80蚊，於是決定試一試。坐低叫左個四人餐，有7餸連油飯同野飲，睇落都幾吸引。先試個柚子蝦沙律🥗，味道普通，啲汁有少少酸，唔太岩我。不過啲蝦又幾多，都算新鮮。一般般啦。之後有個米紙卷，份量比起其他越南餐廳大啲啲，口感都好唔錯。可惜跟餐冇得揀其他款，只有炭燒豬肉。如果有軟殻蟹就正😋仲有個前菜/小食係炸蝦餅🍤，我冇乜大興趣，不過不失啦。黎到主菜，有堤岸香蔥雞，牛筋腩煲配法包，香矛豬扒同一個菜。基本上四樣都水準以上，雞好嫩滑，又唔會太肥，咖哩就唔辣既，係甜咖哩，牛筋腩都好正，真係賣飛佛。😍其實食餸都已經夠晒飽，佢仲有跟多四個油飯比我地，真係好豐富。(ps. 蒜香油飯真係有蒜😂)總括成餐飯，味道唔會太濃，又唔油，食材都好唔錯。係比想像中好既一餐。👍🏻可以再黎。

同朋友食左雞翼春卷湯河、羅白牛腩湯河同安南春卷pho的湯底幾清甜，加埋青檸味道剛剛好雞翼春卷都唔算太濃味 又夠香口牛腩非常軟糯，一啲都唔痴牙而羅白非常入味， 唔苦，吸收晒湯底的精華味道清香又有層次原來湯底係熬足9個鐘以上，唔怪得咁好食，以呢個價錢食到呢個質素絕對係物有所值一個字正！呢間鋪位於yoho，裝修唔華麗帶點家既感覺令人諗起係越南安南食過既小餐館 夠晒輕鬆舒適下次黎一定會試下二人套餐！每人百幾蚊就有幾種小食食～

去過銅鑼灣嘅本店，質素非常好，但價錢就唔係太afford到，月光族如我只能食到一次半次 😅而屋企附近就有間小館，叫得小館通常都預咗係爭少少，但係質素同環境又幾得喎！之前都有幫襯過，不過元朗嚟講都仲係小貴，始終係身處YOHO Mall吧... 但係！最近經過見到餐牌唔同咗，一眼睇晒，選擇少咗好多，但係價錢都調低咗好多！記得之前食一份春卷都六七十蚊，而家只係三十幾...？！真係有點懷疑自己記憶。今次同一班朋友一齊食，可以試到多啲款式～柚子蝦沙律，啲菜切得夠碎，幾易食，個汁好fresh，成件事好夾酸辣鳳爪，中規中矩，無太大特別牛肉米紙卷，皮薄餡多火車頭好正，超足料，個湯好impressive，唔覺有味精，好香濃！同一商場有號稱全越南最好味嘅Pho，但真心呢個粉真係贏幾條街～有本店質素但價錢相宜好多，抵 見好多食評都有讚呢隻香蔥雞，其實我次次嚟都係嗌呢一味，超嫩滑，最鍾意配沙薑。但最驚喜嘅竟然係呢個蘿蔔時蔬... 真係估佢唔到，蘿蔔無渣，夠入味，湯底同火車頭係一樣，平時唔係太鍾意食生菜，但索晒呢個湯，我都忍唔到口了～我哋第一樣要encore就係呢個蘿蔔時蔬，好正好正 餐廳環境其實都好好，好闊落

元朗 YOHO Mall 內的安南小館，最近推出新的散點餐牌，新增了好些越式飯麵及自選湯粉，而小食、沙律價錢比之前更相宜，性價比不俗！ 兩兄妹每個月都有一次到 ToysRus 買玩具的機會，這一般在週末進行，但由於媽媽與玉仔姨姨旅行關係，今個月提早在週中進行。早到關係，小館氣氛清靜舒適，還真讓人想起2018年嵋港渡假的開心時光！ 天氣怪冷的，我們被越式套餐中的2人套餐 ($288) 吸引了：內容包括兩杯越式特飲、前菜拼盤、堤岸香蔥雞、蘿蔔時蔬，另包兩碗油飯或絲苗飯，馬上點了一份，再加一個單人晚餐、一份沙律，已經夠吃了。前菜拼盤先上，內容包香脆不膩的春卷、牛油雞翼，以及超好味的炭燒豬肉米紙卷各兩件，配上散點的清甜椰青 ($38@)，令人滿足極了！另外散點了一份柚子鮮蝦沙律 ($58)，酸酸的醬汁十分開胃，為之後的主菜作好準備。這晚最豐富的，是2人餐的堤岸香蔥雞：雞件肉嫩滑溜又不會過鹹，吃時可點上沙茶醬／辣椒醬，更添風味；配上兩兄妹大愛的香馥油飯，吃得非常滿足～2人餐也包括一份蘿蔔時蔬，份量不少呢！俗話有云「冬吃蘿蔔夏吃薑」，清甜無渣的蘿蔔，正適合現時外寒內燥的體質，難得味道又好，一家人都

CP值高對家中兩位大朋友嚟講，係最重要嘅！始終抵食夾大件，先吸引到兩老⋯⋯尋晚初嘗安南小館，喺形點搵到呢個價錢嘅餐廳，實在係少之又少，我哋叫咗成枱野食，無諗過價錢同份量並唔係成正比，碟頭大得誇張，當中有幾樣餸值得推介下⋯⋯1. 咖哩味濃而不辣，充滿椰香，十分惹味2. 蝦餅肉質爽口彈牙，蝦果十足3. 香葱雞油飯，油飯香氣撲鼻，但係兩老太肚餓嘅關係，嚟唔切影相🙈總括依然，下次再去形點嘅話，又多一個選擇😍

星期日同屋企人去食lunch，今次揀咗間越南餐廳安南小館牛油雞翼雞翼上面一粒粒炸蒜，雞翼入面有少少肉汁不會炸得太過乾身，鬆脆不油膩。越式春卷及蝦多士配上青菜及越式辣椒魚露汁，每一啖也香口，屬不錯的小吃。米紙卷 : 蔬菜餡料非常足，是清新好選擇。招牌火車頭河粉份量充足，包括生牛肉、牛腩、牛柏葉、牛筋和牛丸，一次過可品嘗多種牛味。湯底鮮味，整體味道不錯。越式蝦餅撈檬 : 蝦餅好彈牙，桌上放有風味地道之拉差辣椒醬，越式辣椒魚露汁和甜醬，可按喜好蘸點。越式咖啡: 專用滴滴壺盛載，將杯底煉奶拌勻品嘗，微甜甘澀。服務：服務態度好， 環境簡潔光明，大窗外射進的陽光很開揚，消費有比較親民，挺満足。  

朋友推介安南小館的堤岸香蔥雞同蘿蔔，今晚就同老公試下。二人餐岩岩好又有半隻雞，又有蘿蔔，小食拼盤，兩碗飯/油飯，包兩杯飲品。無介紹錯，個雞好滑，連配菜D 腌蘿蔔都好高汁。個炆蘿蔔好入味，好淋🥰臨尾用個蘿蔔湯撈飯食小食拼盤有米紙卷，春卷，雞翼，全部都係我最愛。特別個春卷，好有口感。飲品我叫左咸檸檬特飲，老公+$18 轉越南咖啡。越南咖啡好正宗，老公話同係越南飲的味道一樣。整體黎講，算抵食，份量又足，環境舒服又靜。下次會帶埋屋企人黎試下👍🏻埋單有驚喜，下次食滿$200, 有半隻雞🤣

星期日晚同一班朋友到YOHO安南小館試試越南菜，本身對東南亞既食物都唔大興趣,但今次試過之後,誠意推薦大家一定要試試米紙卷同堤岸香蔥雞飯。米紙卷唔洗多講，越南招牌菜，味道好好，和一般餐廳不同之處是皮薄餡多，蔬菜，米粉，豬肉和米紙的份量預計得很好，口感很有層次也很搭；雞飯香氣十足，雞肉新鮮，雞皮下脂肪不多，連怕胖的我也連皮吃。本人鐘意食辣，推薦大家配辣醬一齊食。餐廳地方舒適，多人亦唔會覺得迫，服務良好，建議一試。

第一次到YOHO安南試試越南菜推薦一香茅豬扒飯　－－　豬扒不會太乾身，十分入味，不會太咸，強烈推介給喜歡豬扒飯的朋友推薦二香茅牛肉米紙卷　－－　越南餐館必點菜式之一，配合酸汁，十分開胃推薦三蘿蔔　－－　十分入味及"林"，配搭辣醬更好總結: 環境舒適，價錢合理，食物優質，可以一試。P.S 堤岸香蔥雞飯請留意其他食評

之前食過lunch覺得都幾貴，但星期日同阿媽行過見倒新Menu，小食平左好多！又突然好想食啲酸野，就比多次機會佢。其實冇咩點諗直接就揀咗個二人餐，因為都有我想食佢個雞，同米紙卷。同埋嗌咗本身門口見倒想食嘅柚子大蝦沙律，同泰式鳳爪😍，小食30幾蚊真係算抵，仲要一上菜見倒好大碟，沙律有好多隻蝦，鳳爪都好多隻！值得一讚個蘿蔔！好入味lum，佢個湯應該係平時湯河嘅牛骨湯，好甜。食完唔記得影因為本身以為都冇乜特別，但真係個亮點🤩另外我不嬲好鍾意食雞，上次lunch食例牌唔夠喉。小食拼盤都好鍾意，個雞翼套好食叫多咗碟。附上餐牌：

今日喺元朗睇完早場，之後喺元朗盈點搵吓有咩食，係一間餐廳門口見到佢嘅餐牌好似好抵咁，我哋就入去試試我哋三個人叫咗三樣嘢，分別係香蔥雞飯啲雞好滑好有雞味而飯我哋要雞油飯好味而不油膩第二樣我哋叫咗個蘿蔔牛腩湯米蘿蔔非常正有蘿蔔味同時有淡淡牛腩味好甜，牛腩有霖又好味另外叫咗春卷雞翼春卷同雞翼都炸得非常之脆口而且絕不肥膩雞翼嘅味又好好不太濃，因為是套餐我飲凍越南滴漏咖啡都好香濃喜歡💕，另外一杯熱檸蜜，檸檬是青色的和一般的黃色檸檬味完全不同，有清香檸味朋友好喜歡。今次的午餐又平又好食下次一定再來。

又來食了！今次叫多左好多野食~必叫的有海南雞飯、火車頭牛肉河、羅白時蔬！不得不讚羅白，真係好好好好入味，我地仲要叫左兩份！今次叫左D新野, 沙律其實都幾清新, 但咁凍食沙律就覺得爭咁D~佢地ge蒜蓉牛油雞翼都係不得了，二人餐會有兩隻，但另外再叫就有四隻，賣相同味道都吸引d!佢d蒜蓉味唔會太重，岩岩好~最中意都係越式清補涼！次次來都淨係飲呢個， 甜度剛剛好，又可以清熱，簡直一流~火車頭牛肉河又係好入味，清清地但味道夠，都幾正!另外仲叫左個外賣海南雞飯，第二日帶飯食，海南雞始終要新鮮食先好味，第二日帶飯就好似冇咁惹味了，但係仍然好滑！

幾個朋友一齊黎食晚飯，環境十分舒適，坐得幾闊落，心諗，下次一家大細黎食飯都唔錯，干淨又企理！係元朗越南野餐廳黎講都真係高水平，而且價錢都算ok咁。點左都幾多野下，以下係部分菜式：海南雞，十分滑，雞味亦濃陏，呢個餐廳既醬汁都很好，必試！沙律好開胃，酸酸甜甜咁，d菜都新鮮多汁，同咬落爽脆！小食都好野味，隻燒雞翼都唔錯，皮脆，夠味！豬扒撈蒙，呢間d撈汁係高水平，值得再試！越南野唔少得椰青，呢間都冇令人失望，好夠椰香味！

星期六入元朗行吓街。剛好下午吃飯時間，行過見到一間越南餐廳喺門口見到餐牌好似好抵食，便走入去試一試.我們三個人叫了三份嘢食。香蔥雞飯雞好好味又滑又有雞味再加上雞油飯，真絕配春卷雞翼撈檬，春卷和雞翼炸得非常之好完全唔油膩.而且表面非常之脆真係good good蘿蔔牛腩湯粉，蘿蔔非常之入味，又甜又林真心勁喜歡蘿蔔，牛腩非常軟滑又諗又有牛肉香味好食凍越南咖啡。最驚喜係價錢超抵咁多嘢食都係200多元，呢間餐廳係我去元朗食飯首選抵食餐廳。一定要再吃。