宜家傢俬美食站 (已結業)

在IKEA的玻璃窗上看見大大個宣傳廣告，寫著「今個月份，玉桂卷只售$3」，足足半價啊!!立刻衝去買了四件，現在更有點後悔沒有買多幾個看見一盤盤的玉桂卷新鮮出爐，未買已嗅到香噴噴玉桂卷大小如一個手掌心，表面灑了很多脆脆的雪糖粒，入口即溶，令口感頗有趣麵包鬆軟，但不至於失去實實的口感，配合那香甜濃郁的玉桂糖醬，超級享受IKEA 的 玉桂卷值得推介，因為完全符合玉桂愛好者的口味玉桂糖醬多得極為慷慨，因為麵團捲起時的擠壓和表面積的減少，由外圈一直往內圈吃，玉桂糖醬的份量愈多，愈吃愈滋味雖然如此，玉桂的味道不會因太濃而令似吃醬多於吃玉桂卷，深啡色的玉桂糖醬，帶出的是濃而不膩不澀的玉桂糖味最讚的是，IKEA塗抹玉桂糖醬的方法是全內圈，並不是虛有其表的塗上層曾幾何時，我在尖沙咀一間貴價麵包店吃過一件$13的玉桂卷，玉桂糖醬少得很這兒，只索價$3，你要我付$13的話，我都非常樂意！LOVE IKEA 玉桂卷！

今日黎ikea買野,買完野之後又想食個熱狗餐.10蚊真係底到爛!每次都會想食hahahaaaaa其實無咩好講熱狗唔係真係好出色個d.不過呢個價真係好底.咁岩等巴士返屋企又黎熱狗woohahahaaa

由 L3 進入 宜家 , 上到 L5 的宜家餐廳之後由 L5 落到 L3 另一面的出口收銀處美食站就在收銀處那邊 , 不去宜家餐廳的 , 可以直接走去不過地方都係最細 , 連企嘅地方都好似冇乜買完雪糕我就走出去商場出面啦軟雪糕兩蚊一杯軟雪糕，喺香港哋都唔知去邊道揾囉 ?味道不錯，畢竟兩蚊一杯也不能有太多要求的 不過比起深圳宜家的 , 只要人仔一蚊 , 仲要係雪糕筒的直徑大D , 雪糕好似多DD http://www.openrice.com/restaurant/commentdetail.htm?commentid=2045912真係一山還有一山高

原本我們在板長壽司吃過午餐後（詳情可參閱食評-《愛回家》）本來應該到女朋友的妹妹家中接回小狗，可兩位小姐一聚首，行街Shopping的因子又再蠢蠢欲動了。上至時裝，下至家品，都總有她們想看的東西。最後我們到了宜家看傢具（坦白說，我一向對逛宜家有點恐懼，因為總要沿著店鋪路線一直走到出口，很有一種困獸鬥的感覺，九龍灣店每層都有出口，比其店相對來說好的多）逛著逛著，女朋友竟說要買一張椅子（但我們答應了她的妹妹要去其他傢具店，接著還要去接小狗！！）女朋友可能知要我拿著椅子甚不方便，付錢過後跑到小吃店買了一杯軟雪糕當作慰勞吧！軟雪糕兩圈半的軟雪糕，兩個大洋，比麥當勞還要便宜，味道還不錯，畢竟兩個大洋也不能有太多要求的了。熱狗售價亦相當便宜，不過剛吃過豐富的午餐，也沒空間去容納一只熱狗了。不過當山窮水盡之時，宜家的熱狗也是一個不錯的充飢選擇。不過服務態度也就真的不太友善，我拿著手機拍我手上的雪糕時，收銀員竟直斥我不要拍照！（我真的有點錯愕，拍照也不可以嗎？雖然我不知店方是否有規定，可我在該店樓上的餐廳也吃過飯，拍照是沒有問題的，不管怎說，其態度確實甚為惡劣）不過既然又拿著椅子，兩位小姐又再準備繼續

愈黎愈次數都去呢間食午餐可能我比較細食,一個熱狗套餐10蚊就滿足了個熱狗幾好味,有種食完再想食既感覺而且套餐包括埋野飲,有雪big,百事可樂針..仲要係任針果隻不過好多人飲一杯已經足夠了熱狗單價都只係6蚊反而飲品要7蚊果隻d爆谷同埋新地都好好味,4蚊&2蚊

宜家咁出名, 當然要去行下.行完後, 當然餓, 就去左食hotdog.好味! 但係我記得明明係$5, 而家要$6... 係咪貴左?定係我太耐冇食?anyways, 要sauce個到就有d核突, 因為mustard個咀太大, d人搞到好核突. 周圍都有mustard. 茄汁個邊就好d.另外, 又要左個爆谷. 好味! 夠甜! 正!!! 不過$4, 又係比以前貴左$1?不過都係平~ 死啦, 我係咪太耐冇去ikea食野, d價錢同我印象既咁唔同既?!

今日去IKEA到RETURN返個DISH DRAINER, 香港既KITCHEN真的太細, 無咩COUNTER SPACE, 買咩都要迷你VERSION.去到時係下午5點幾, RETURN完見有點餓就買左件HOT DOG來吃. 雖然唔係GRILL出來, 但都算幾好味, 個腸咬落去時個SKIN會SNAP. $6一個真係好好既DEAL. 仲有佢個SOFT SERVE都只係$2! 下次買個來試試先得!

七月廿五‧悶熱作打風在附近活動，醒起這個小吃站都可以買到些吃的，就上來看看。2蚊杯軟雪糕，3蚊一個雪糕杯，4蚊一杯爆谷，6蚊一隻熱狗，吃齊幾款，20蚊還找5蚊，真的是街坊價。要了4蚊的爆谷，是甜味，吃起來脆口，雖然糖漿上得不太均勻，但以這個價錢，真的是已經交足功課。其實爆谷就應該是這個價錢，在某戲院要賣幾十蚊一桶的，絕對是謀暴利。這樣的便宜價錢，幾時也一吃無妨的。

早前約幾位同學出黎做PROJECT，到左午飯時間，我地輪流出去食飯。我想拿拿聲食完就番去做野，所以就黎左LEE度。好彩唔係好多人排隊，我買左1個HOT DOG。加左茄汁AND芥辣，非常好食，可能我肚餓啦，我食左5-7啖就食完成隻狗我有個FD再買雪糕食，佢話唔錯，夠凍不過唔算好滑。咁都好既，因為有可能唔係用全脂奶黎整，健康D佢好就好在係正出入口，所以即使唔想買野既人都可以一嚐美食非常方便我地LEE D 為食野而光顧既客人，哈哈

去開九龍灣又有咩理由..唔去食埋熱狗牙..2個人要左個..熱狗餐...牙妹仲試新野..要多左個新地新地..$2..仲抵過M記..不過份量小到..食左幾啖就冇喇..個筒係超市貨..熱狗個包軟綿綿...條腸真係好好食..唔知係邊度可以買到呢?D醬個唧樽同以前唔同左..E家得反2個大既唧盒..我地唧得零舍肉酸過人

逛完IKEA，兩手空空，混吉無幫襯，不過臨走見到小食檔，買隻熱狗過口癮。嘉頓面包夾條超長脆皮腸，自己加芥醬、茄汁，其實都幾求其。面包暖而不熱，雖然尚算軟熟，不過如果烘一烘就好好多。話雖如此，收你＄6有此質素，滿意的了。同場加映：順便買了一包瑞典肉丸($75)，有40粒，算起來不用$2一粒。作為自煮材料都不錯。

每次去完megabox 坐shuttle bus返MTR, 都會順路食杯雪糕, $2好抵, 有好香的雲呢拿味, 像極雀巢杯庄雲呢拿雪糕不過今次稀左, 溝多左水, 質感差左

頌頌仔晨早拉左我去九展睇 Rainbow Gala 2落去搭專車前, 先係IKEA美食站醫肚 熱狗一只 $6熱狗套餐 $10 有熱狗一只及汽水一杯熱狗腸好長, 長過個麵包麵包又軟 自己加茄汁同埋芥辣又幾好味喎~

17-10-2008 來到德福，趕在看電影前吃點東西，想了想，聽聞宜家的食物也好像不錯，於是走入去試一試。總覺得在傢俱店中有cafe形式的餐店是很有特色的設計，不但可以把自己的傢俱實在的展示出來，更可以讓客人親身使用，有第一身的體驗，更提供一個地方讓顧客歇歇腳，實在是總寫意的的購物環境。不過我這次來卻只是為"食"而來，哈哈！我和男朋友二人點了以下東西：咖哩肉粒意粉雞批由於我不太肚餓，所以只點了一客雞批。這件雞批的份量也不少，一入口有很香的牛油味，但卻不怎麼吃得出有雞蓉，吃完一件已經十分之飽了。至於男朋友的咖哩肉粒意粉，賣相一般，咖哩味很淡，肉粒也很少，份量也很少，真的沒有甚麼吸引之處，好像只有填肚子的作用（而且是填不飽......）不過值得一提的是這裡的瓶裝果汁較外面的便宜一點，值得一買！

好耐冇食過熱狗咦原來而家加價加左1蚊雞一樣都係軟熟既麵包+埋一條長長既腸再+好多茄汁同埋芥辣下午茶唔錯