宜家家居美食站

营业中

休息中

行沙田宜家傢俬，第一時間行去買杯爆谷先(入去行咁長途要補一補能量嘛~) 爆谷真係好抵食，試過一日食兩杯..好睇撞唔撞岩剛剛爆出黎...有時冇乜人買凍哂唔好食

星期天懶床，下午起身後約了朋友去IKEA傢俬餐廳咖啡室食個brunch，但今天特別開胃，食完都唔夠喉，再喺度買番隻熱狗食，五蚊一隻有條幼長的香腸，枱面有黃芥辣仝茄醬，我加了大量黄芥辣及小量茄醬，因為大多人冇位坐，就揸埋支鮮果汁企喺度食，同行的朋友話好American Style。可借熱狗飽没有沒放入爐焗熱，如果熱食就更加正啦!如果喺度食HOT DOG加埋杯汽水都係盛惠九蚊，Pop Corn 只收三蚊一杯，同UA啲廿幾嘅杯比，實在非常超值！

去沙田就會諗起IKEA,同埋佢抵食又好味的$2 軟雪糕.男朋友話最好味係呢樣.之後試埋HOTDOG 套餐,$9一個HOTDOG + 一柸COKE. 好平呀! 個腸係細細長長脆脆的,面包就稍軟,冇咩味道,但加左茄汁同芥末就更好味. COKE有4種,有的最喜歡的忌廉梳打.因為我地非常肚餓的關係(其實係為食的藉口)咁就再買左2個$3的POPCORN 爆谷.好好吃啊! 係焦糖口味的,第2個仲暖暖地.我真係好鐘意食呀!下次一定要再食啊!

想去宜家食平平熱狗好耐０架喇～今日同朋友去大圍踏單車，踏完５點半鐘就過左０黎沙田宜家行，入去之前響小食店買左２個熱狗餐醫下個肚先＾＾好抵食，大大隻熱狗＋大大杯汽水都係９蚊！汽水係自助，我鐘意呀！不過出面Ｄ醬好多都吱到冇哂，所以Ｄ黃芥末得好少，用茄醬搭救～臨走前又返０黎小食店買左個３＄爆谷（哈）個樣唔多靚不過好好食，好食過戲院０個Ｄ添呀！一路食一路行返上去巴士站，時間０岩０岩好＾＾

爆谷只係$3一杯又平又新鮮好多糖漿正

熱狗五元一個，仲要size都幾大，腸仔又長又有脆脆的腸衣，加黃芥末和茄汁，真係自己整都冇咁抵。

開車送阿姨到IKEA，給小表弟買新書桌後。到這兒吃熱狗、飲汽水。這兒的熱狗（$5），是大部份人都樂於幫趁，「便宜」是賣點！那條幼身長香腸，很是彈牙，多肉汁。比起那香腸，那麵包很細小短身，未經烘烤香，亦沒翻熱，沒啥睇頭！正如大部份人，我們都係「起勢咁落」黃芥末和蕃茄醬，為那沒肉味的香腸和冰冷的麵包，盡能力添加色彩跟味道，…，否則，這熱狗真的幾難入口…。齋叫熱狗，要五蚊；要埋汽水，，要九蚊。街邊掃串魚旦都要五蚊起，這兒的熱狗咪變得抵囉！

今日去士宜家到行下,路經此地,更係食個熱狗呀.吾知係咪近聖誕關係今日見到有新野買,係瑞士xx達(吾係咁記得個名)十蚊三個.價錢都幾ok,但冇乜特別

除左熱狗餐抵吃，爆谷都係4蚊。不過d 水準就一般，有試過食到燶爆谷。

我去個間係九龍灣的宜家分店。但熱狗套餐（熱狗加汽水）都係$9。真係好抵!!!排隊俾錢後,收銀姐姐俾個杯你裝汽水,裡面的姐姐整個熱狗的速度都好快,隻熱狗都攪點,自己加醬料(茄汁或者芥黃醬),自己加冰加汽水。搵埋張櫈,坐低慢慢食,爽!!個熱狗味道都OK呀!!!都算長ga!!!又夠熱!!!個次同班friend去,班男仔唔夠飽,再食多個熱狗,都係$5,抵!!!有D食個軟雪糕,都係$2,又係抵!!!

下午去完萬佛寺，食完齋。便來這裡行街街，行到落二樓出口處見有熱狗餐，重要是九元就有交易。所以就順手買個給仔仔食，因為他之前冇食到齋。排隊付錢並講了要熱狗和忌廉走雪，行了二步就即刻有得取，真是快靚正。一拿上手看，條熱狗腸很長呀，長過個飽很多。我沒有加到任何醬汁，因為個仔什麼汁也不食的。他一拿上手就大啖大啖的食，睇到都覺得幾好食。最後，他食剩四份一個麵飽給我食，腸就冇份了。個一啖飽，幾軟，不過好以咸咸地的，所以剩食飽是不好味的。

本來黎宜家諗住食熱狗,點知去左留上cafe發現冇,原來熱狗要響留下呢個美食站先有得買,於是響上面食完lunch行一陣肚餓就黎呢度食熱狗。宜家熱狗我諗真係出哂名,呢度好多人企哂響到(得幾張可以坐),全部都係拎住個熱狗響到食,冇他0既,大大個熱狗都只係買五蚊雞,可以自己加茄汁同芥辣(咁就想加幾多都得啦),雖然未至於好食到不得了,但已經夠吸引了(價錢配合埋質素),加多4蚊仲可以配埋杯汽水(汽水單埋一杯要$7),唔怪得條隊長排長有人,呢度仲有cappuccino,不過得熱但我想飲凍,而且響旺角間飲過麻麻地,所以冇叫到另外,呢度有好多瑞士食品買,唔買睇下都幾好

IKEA o既Bistro 係o係三樓, 呢度必o黎o既原因係呢度有人人都鐘意食o既熱狗賣(五樓o既Cafe 反而沒有).熱狗($7, 加3蚊送一杯汽水) - 個熱狗包有烘過, 外皮暖而且鬆脆. 熱狗腸唔係o個o的軟淋淋o既罐頭腸, 而係長長一條好似德國腸, 腸衣脆得o黎煙韌, 腸肉爽口. 7蚊有咁正o既熱狗, o黎到Ikea 一定唔會錯過! ^_^除o左熱狗之外, 呢個bistro 仲有得賣好多瑞典特色食品, 種類比旺角店多好多, 臨走時我買o左樽Lingonberry Jam (因為o係五樓o既Cafe 食瑞典肉丸時試過), 用o黎搽麵包或者點肉o黎食, 正呀!