宜家家居美食站

营业中

休息中

行完宜家家俬有啲攰見到小食站真系感動淚流呢度啲小食全部都好平爆穀都系十蚊以內一大份我就要咗個兩個半葛甜筒雪糕再加多六蚊都有個熱狗真系好抵食！！！（因為我冇手兼顧部手機所以冇影相）熱狗要自己去擠醬真材實料冇花冇假之後因為系個細細個小食站冇凳坐食完又過隔離買零食十蚊就可以買到以上餅乾外形真系好正前面後面都系心心攞來氹女仔最好

上次去完吉之島買日用品之後，今日又要黎宜家睇下傢俱，但係未睇之前一定要去食個熱狗加汽水都係十蚊的超值組合，汽水可以無限refill.不過去到已經大排長龍，要等成十五分鐘先可以買到。熱狗方面，賣相企企理理，麵包新鮮鬆軟，味道唔錯，條腸都足夠長，無偷工減料，皮脆，有肉味，你也可以用自助形式加芥末和茄汁，但本人對呢兩樣醬汁興趣不大，所以選擇無加醬汁。汽水方面是任飮的，店方會提供一個紙杯給你，你就可以在自助汽水機選擇你自己喜愛的汽水，包括有百事、七喜、橙汁汽水可供選擇，本人是選擇了百事，店方也很細心，在炎炎夏日已預先在紙杯加了冰，令到杯汽水更加冰凍，透心涼。十蚊有熱狗同任飲汽水，都算係咁啦，都唔可以要求咁高啦，今時今日大部份食店已經加了價，連快餐店都靜靜地加價，黎呢度食應該係一個反通脹大行動。

今次最曉食專程來吃它的熱狗和雪榚。因男友不吃芥末，只加蕃茄醬好了。驚喜地發現，麵包竟然還有點脆！香腸很長，足夠送麵包來吃。雪糕也很美味。雲呢拿味足夠，夠冰冷。雪榚筒吃至最底還可以伴著雪榚來吃！有空來的時候一定會再食！

沙田一天遊，於港鐵站看到這個特式商場，走去看看。簡單而有特色的室內佈置及傢俬用品商舖中，也能找到幾間餐廳，一路閒逛，想吃一些小點，買了蔬菜餅(HK$5)及忌廉泡芙(HK$10)。蔬菜餅有微微的芝士香，吃到有馬鈴薯、洋葱、西蘭花，好味！忌廉泡芙一共有6顆，夠水準，值得再試！

話說同一日在宜家家居餐廳及咖啡室因式食物及服務食到一肚氣兼食唔飽(因為6:15PM都居然冇雞翼食)﹐行完IKEA就再戰熱狗當補番數7:45pm﹐個美食站已經好似要收檔咁款﹐而我由於在宜家家居餐廳及咖啡室已經喝過汽水﹐所以齋啃左1隻熱狗而已條腸仔雖然爽﹐但味道普通﹐容易被茄汁蓋過味道芥辣稀兼唔辣但反而個包﹐需然唔夠熱﹐皮唔脆﹐亦唔香﹐但有內涵﹕夠軟熟$6咋﹐係咁上下啦

跟女朋友仔走啊走去來到這裡呢,記起還未試過宜家內的美食,今天便有機會啦感恩呢XD一看食物牌,大大隻字寫住10元熱狗加汽水呢,我想吃這個很久了.而女朋友仔點了一個肉桂卷及奶茶呢,更便宜了,9元而已.問職員奶茶可不可以轉汽水,她們說不行啦也沒有辦法.她們給我一包茶包自己去沖呢,很恐怖= ="汽水可以任飲真的非常有魅力啦,剛好我剛才吃了味精粥,可以喝個夠了,連熱狗也可以任點芥辣及茄汁呢,但奶茶要自己加熱水,奶及糖來沖調便真的很麻煩,中計了.我跟女朋友仔找到一張檯子便放下吃吧,沒有椅子也不要緊,但檯子有點不穩呢沒有問題吧?不管啦,食物到齊便開餐好了.其實熱狗的包真的普通而已,但腸仔脆卜卜而且很大條啦值得加分呢.加上芥辣及茄汁,味道配合起來甜甜酸酸很開胃啦,小朋友會喜歡吃呢.肉桂卷甜甜的,而且有陣陣的香味,但可能我吃不慣吧,覺得這東西偏硬了一點呢,我寧願再吃一隻熱狗了,呵呵XD客人很多也點了軟雪糕呢,2元而已在那裡找啦?下一次有機會也試一下吧,現在先去找宜家著名的肉丸去.

六月下旬‧晴就什麼也是假，六元一隻熱狗，九元就是咖啡加肉桂卷，十元就是熱狗加汽水，就是價錢也叫人眼前一亮。雖然包不是烘的，腸也不是煎的，但加入茄汁味道還可以。汽水還要任添，想怎樣？難怪是人流不絕的。

和家人去沙田宜家看Sofa看傢私前, 去宜家美食站醫醫肚先當時很多人排隊 ... 不過人龍去得很快$10一份熱狗, 一杯汽水汽水還可以無限次任斟我們當然會支持啦!! 咁抵食!!雖然價錢平, 但宜家都比心機烘過個熱狗包所以包面都有少少脆脆地香腸再配上濃濃的茄汁和芥末醬, very gd!!我們還叫了抵食$2 軟雪糕雖然無收穫, 但行宜家都已經很開心

在宜家購物，順道來就近的宜家家居美食站醫肚，對北歐菜無甚期望，但想不到帶來驚喜。二人點了︰肉丸(五粒)︰有兩粒細薯仔。肉丸幾好味，不太鹹，配襯肉汁及果醬就更好味。蔬菜薯餅(兩塊)︰呢個好好味，雖然好平，但絕不輸於大酒店的出品，必吃！雞翼(四隻)︰普通的炸雞翼，合乎預期，但考慮到價，就超抵食。鮮榨西柚汁。每枝只賣十蚊，超市價，好抵！以上全部加起來都係五十幾，超抵！下次路過一定會再食！

今日行IKEA，當然唔少得睇吓有咩好野食LA~見到有好多朱古力，我偏好苦味的，仲有60% ($10) 同 70% ($12) ，當然即買LA~上排是 60% 朱古力，是德國製造的，味道就甜D，唔係我杯茶~而下排是 70%朱古力，是西班牙製造的，食落有甘苦味，同ROYCE 有得揮WOR~ 且而咁平，值得比笑面LA~

上次來的時候, 是吃雪糕新地, 是抵吃的, 但數到最抵吃的, 還是軟雪糕吧.軟雪糕 $2: 8分, 買了兩支, 四個人分吃, 其實文迪都不太吃的, 我就差不多一個人吃一支吧. 雪糕幾滑, 不會太冰, 但奶香欠奉.不過只是$2, 又有甚麼可以投訴呢.

一向食新地都係配花生粒,但在這裡是配朱古力脆脆和蜜糖星星的還真是第一次這樣配, 我在想:「應該是很好食,才會這樣配給客人吃....」可是...蜜糖星星很甜﹑朱古力脆脆也甜,加上朱古力漿和軟雪糕,我告訴你,是超級甜的雖然好喜歡吃甜但也頂唔順結果吃完要狂飲水老實說,某快餐店的新地配花生粒比較好食 :-\不過$6 算係咁架啦如果來IKEA還是吃熱狗吧!!!衛生唔差,因為人人都係自己掉垃圾

正月初三‧寒冷新正頭雖然有很多食肆都開，但合心意的不多，這裡算是不錯。除了爆谷及軟雪糕，原來還有玉桂卷。買的時候還是熱的，包鬆化而香甜，還滿有玉桂香味。如果連咖啡一起買，只加兩元，抵！

去親宜家傢俬, 都會常幫親食返個熱狗~ 但今次想試下肉桂卷, 睇下到底係乜東東~ 見到肉桂卷餐, 肉桂卷+熱咖啡=$9單買肉桂卷, 好似......... $6-7/個~ 本人唔多飲咖啡, 所以齋買左個肉桂卷~嘩~~~~~ 太甜喇~~~~~~~~~~~~~~~麵包是鬆軟的, 但包面的糖粒, 再加上肉桂味, 實在太甜, 其實還有些許薄荷味~突然想起外國的甜點都比我們吃慣的甜很多, 而且, 如真的配以咖啡, 咖啡的甘苦味會混和了肉桂包的甜, 應該是恰到好處~ SORRY, 誤會了你(肉桂卷)~ 所以咬了兩口, 索性帶回家, 沖一杯之前老公從馬來西亞帶回來的白咖啡, 果然很夾~

熱狗($6)個包拎上手熱辣辣條腸長過個包 , 好味又抵食!爆谷($4)焦糖上得唔係好勻 , 大概得一半ge爆谷有焦糖但都脆卜卜 , 好味!$4有咁大杯 , 真係抵到爛!雪糕($2)雪糕軟滑香濃 , 個人認為味道拍得住富x雪糕架!唯一ge缺點係用威化筒 , 而唔係窩夫筒><