宜家家居餐廳及咖啡室

营业中

休息中

去沙田行街，晚餐時段人好多，唔知食咩好。想食啲唔係太貴嘅嘢，老公提議去食宜家傢俬。我哋行到去已經七點三十分，嗰條龍好長。現在搵位好啲，以前要自己搵位，現在排隊就有職員安排入座，唔使逼到間餐廳咁多人，等位好似有效率啲。因為我係低碳飲食，所以出街成日都好難搵到食物。 原來宜家傢俬都幾適合低碳飲食嘅人士。有椰菜花飯、有扒、沙律等等。不過可能餐廳定價比較相宜，所以人都好多。我哋排排下才發現原來餐廳係八點半閂門，門口嘅職員話畀我哋聽八點半廚房就收爐，所以要盡快叫食物。 排咗半個鐘終於可以入座啦。因為已經八點，好多食物款式都冇曬本來想食牛扒同埋三文魚椰菜花飯，都售罄了。最尾叫咗個酥炸咸豬手、十粒瑞典肉丸、迷迭香蒜蓉烤豬鞍配焦糖香桃南瓜蓉。迷迭香蒜蓉烤豬鞍配焦糖香桃南瓜蓉豬鞍比較鞋口，配菜款式比較多，香桃係罐頭貨，南瓜蓉食落有啲紅棗味，唔係太甜，成個配搭麻麻地。瑞典肉丸以前嘅肉丸有果醬，而家冇咗，少咗一份甜味。不過肉丸仍然保持濃味、鬆軟， 冇退步。酥炸咸豬手咸豬手外皮炸得好鬆脆，比起燒肉舖嘅燒腩仔更加脆。 裏面仍然保持肉汁， 質地柔軟是不錯的選擇。德國酸菜真係好酸，不過對腸胃好，所以都食曬。呢個 價

去開沙田唔知食咩好，行行吓IKEA，不如就入去食瑞典菜啦。薯格大大份，香腸大大條，汽水任針。咁平嘅瑞典菜又食得飽，喺邊度搵呀？🤣呢個價錢，呢個份量，其實我都唔會理佢會唔會好好食，又或者坐得舒唔舒服，因為又平又抵食嘅嘢喺香港真係好難搵。😂

IKEA 雖然係一間賣家俬既地方，但係佢既餐飲業務同樣出色，今次我係去左沙田Home Square IKEA嘅餐廳。每次行IKEA 最鐘意就係行，行完然後咩都唔賣，勝在貪佢地方夠大，可以幻想下將來自己屋企係可以放啲咩阿嘛。然後行完就去左餐廳排隊，條隊都好長，接近排左20分鐘先有得入座。之後要自己去食物區到落單。作為豬手控既我一定要叫豬手啦酥炸豬手伴酸菜|$66藍莓紅莓芝士餅|$15瑞士肉丸|$35豬手非常高質，66蚊已經價值食到真係非常抵，已IKEA既肉丸已經係出左名好食，所以每次黎到都要叫一叫，芝士餅就比較一較，不過見咁平都叫左一件黎食。味道⭐⭐⭐⭐環境⭐⭐⭐⭐服務⭐⭐⭐⭐衛生⭐⭐⭐⭐⭐抵食⭐⭐⭐⭐⭐

酥炸鹹豬手 伴酸椰菜及薯仔🍖鹹豬手超大隻，這個價錢好抵食，外表真的炸得很脆，但不算很入味，略欠鹹香，我會沾肉丸醬汁吃。香烤三文魚柳 伴椰菜花飯🐟三文魚柳很厚身，吃起來很有口感，充滿油香，椰菜花飯原來不是飯，是椰菜花茸，更加健康。瑞典肉丸🧆這個每次都會食，而且一定要沾紅果子醬。蘋果批🥧面頭是Crumble碎和燕麥，中間的玉桂蘋果茸餡口感比較實，見比平時便宜，$8一件所以就吃了，不過蘋果批好像還是熱食較好吃。

又黎到呢個充滿回憶嘅地方：IKEA。唔同左嘅係，疫情關係下宜家會有人守門口同幫你安排位置。唔洗好似以前甘打游擊仲要落定注睇邊台客大機率快d食完讓個位比你。見d野食甘鬼平，我地當然有食特食，咩都試下啦！傳統一定會叫嘅有瑞典肉丸、蔬菜薯餅、鷄翼。試下新野亦叫左素菜肉丸、芝士番茄長通粉、酥皮龍蝦湯。瑞典肉丸就一如以往地好食架啦，香口肉丸配上肉汁醬，仲有我中意嘅薯蓉做底，名副其實嘅IKEA招牌菜！然後蔬菜薯餅都係我嘅摯愛，味道唔多講啦都係一樣甘好食。而鷄翼反而我平時少叫，今次叫亦唔覺得特別，有d硬同割口，我麻麻地。然後到新野啦！素菜肉丸嘅評價係……好難食。真係好難食，接受唔到。我唔確定會唔會有人好中意食三色豆然後好中意呢個素菜肉丸，但個人認爲呢個係難食到擺唔到入口。然後芝士番茄長通粉，係凍架！我覺得如果整反熱又溶到反d芝士嘅話可能會OK嘅，但宜家呢個凍度我真係比唔到評語。最後酥皮龍蝦湯，呢個好食！宜家真係好少地方仲會有酥皮龍蝦湯，雖然係呢度都係特別期間限定先有，但都好開心食到，而且係好食嘅。呢道菜係真正新鮮焗出黎，熱辣辣。將上面嘅酥皮浸落個湯度，索哂濃濃嘅龍蝦湯再食落去真係好好食！龍蝦湯内真係

Ikea餐廳每逢星期五六日都特別多人，而家疫情換咗有職員派位，唔使再成堆人喺餐廳入邊等位，其實仲有效率，方便咗好多。今次試咗個德國豬手、炸雞翼、煙三文魚沙律、同埋個小龍蝦扭扭粉。不得不讚覺得個豬手非常出色，$100都唔使就有大大隻豬手，而且外脆內軟，比得上出邊任何一間德國餐廳。但係個小龍蝦扭扭粉就好失望，小龍蝦數量唔多而且好硬，成個扭扭粉都冇乜汁，好乾身。

沙田其實算多野食，但係想有得行又有得食嘅地方，ikea係推介之一。Ikea隔幾個月就會轉1次menu，不過有d菜式就歷久常新😎肉丸，三文魚扒，蔬菜薯餅等等，都係一啲好hardcore嘅美食🤤今次想推薦比大家嘅係兒童餐 $17，除左有5粒肉丸外，仲有薯蓉同粟米，仲包埋汽水玻璃杯🤩 (明就明，唔明就黎明，🏜️)順帶一提，因為疫情關係，而家需要係門口由店員安排位置，同以前可以自出自入有d唔同，要留意返🙊🙊

今日行過宜家傢俬，想食午餐，雖然排好長龍，但係裏面好多位，其實都好快就入得去，有人帶位，叫咗八隻雞翼、五粒肉丸配薯蓉、豬手配薯仔。雞翼外脆內軟，每次去都一定食，好味😋多汁。肉丸配薯蓉個肉丸細粒左，咬落軟身唔會好硬，薯蓉份量都唔多，我本身走咗汁，薯蓉味道比較淡口。豬手配薯仔個豬手份量都幾大，兩個人都食唔晒，外邊皮唔算太脆，有少少硬，整體來講都幾好食，會再食。叫咗杯$7任添可樂個杯好細隻，所以成日要出去添。

今日要黎呢到辦傢俱要保持體力就順便係到食埋晚餐好耐無黎呢到食野,即刻叫返想食好耐的雞翼 8件依然保持到水準,外脆內嫩味道岩岩好,勁回味一個人食得晒咁多三文魚柳伴薯蓉三文魚柳正常,滑ge但問題係個汁,單獨食有d"叔"味伴菜無咩味就迫住要點d汁夾魚食係勉強接受到黎到呢到 唔係唔食肉丸呀網上流傳佢唔係豬/牛而係馬肉,但佢個彈性同汁都好令人回味而呢期做緊瑞典卷蛋見顏色用左瑞典國旗主色原來係檸檬味!!卷蛋好滑,配上酸酸的檸檬cream都幾夾

話說都好幾年冇嚟宜家嘅餐廳食飯！ 今日路過見唔多人，就忍唔住貢入去食個快飯😆 因為餐廳本身都係半自助形式，所以都好適合一個人食孤獨飯 😂本身嚟到而家嘅餐廳，就梗係諗住食佢嘅招牌肉丸啦！但排隊揀嘢食嗰陣，見佢有炸豬手，仲要係超抵價$66，唔係唔食呀 🤤 Sorry 呀肉丸，我都係下次先食你喇！呢隻炸豬手真係可以用抵食夾大件嚟形容！一個人食，細食啲嘅都未必食得哂 😂 同埋以快餐嚟計，呢隻豬手嘅賣相真係好吸引！我一坐低就急不及待要食，但落刀嗰下覺得好韌，諗住實伏咗啦。。。點知原來係刀嘅問題 (因為餐廳只提供最普通嘅餐刀，但喺其他餐廳食豬手，係會俾把大据齒嘅切肉刀你) 食落塊皮係真係脆嘅，味道唔錯，冇豬臭味！雖然跟蒜茸汁，有啲搞笑，但又岀奇哋夾，再加埋頗酸吓嘅酸菜，真係好惹味 😋除咗炸豬手，我仲點咗個脆朱古力杏仁餅！但呢個杏仁餅唔太推介，太甜，同埋個餅底好沙好乾。。。雖然都有少量脆杏仁粉，但整體而言真係甜到爆，基本上食唔岀朱古力或杏仁味 🤦🏻‍♀️我係一個大食嘅人，所以我一個女人仔都KO到隻豬手 😎 但食完豬手 + 塊餅，連我都覺得頗膩。。。我諗我下次都係揾人share隻豬手，然後再加肉丸會好啲

家家家家 GAGAGAGA！而家去沙田間宜家coffee shop！間唔中食下，佢個menu又唔同咗LU~除左上邊menu之外，仲有好多特別小食，如薯餅同豬仔骨🐖叫咗例牌肉丸，焗三文魚長通粉，小食拼盤同雪燕花膠... 都幾多新菜式👍有2-3舊大大的焗三文魚，茄汁唔會酸，份量充足🤓魚丸5粒 13蚊，10+5粒21蚊，買多買小自己話事！拼盤就炸的香口食物一堆，小心熱氣💥甜品有2舊花膠，好重奶味底，好飽肚... 要諗清楚食唔食得落先好嗌啊😗😗

自和天使相識，就知道她喜歡吃一些「熱熱濕濕」的食物。所以火鍋、滾粥、煲湯……等等，是我們經常會吃的東西。記得有一次，我和他提起「佛跳牆」這個菜式，竟然發現大家也沒有吃過。之後曾花很大的氣力去找「佛跳牆」這菜式的餐廳，最後竟然發現「宜家」在新春期間有限供應，原本打算趁機一試。後來因為種種理由，我們錯過了呢次機會。今日，因為一個偶然嘅情況，我一個人來到「宜家」，單獨試「佛跳牆」。畢竟是第一次食，我完全不知道佛跳牆應該有什麼材料、或應該是怎樣的味道。就像之後究竟會發生什麼事，我其實是一點概念也沒有，但也只能小心翼翼地走下去了。撈起盅底材料一看，發現材料和傳聞中的有很大分別。畢竟「宜家」收的是大眾價錢，不能預計有太喜出望外的材料。不知這是否佛跳牆應有的味道，但我吃下去的感覺是和盆菜的湯汁很類似。然而「熱熱濕濕」的感覺卻很實在，或許這對我來說已經足夠了— 我知道，從今以後，每一次我吃這個菜式，也會想起天使。原來要找尋回記憶的鑰匙，不太困難。不過，下次還是吃個正式點的「佛跳牆」，努力地為自己找個更美好的回憶吧？

2021元旦家中更換平底鍋，去宜家shopping，順道午餐。冷盤煙三文魚正常，但長通粉，新年季節限定的意粉及豬排薯菜就非常熱力不夠，越吃身體越凍，要立即加入酥皮濃湯才能中和。環境一如以往舒適，適合一家大小，但食物質素真是差了很多很多。

無得去旅行，唯有去宜家食瑞典美食當去歐洲😅脆皮燒豬手：豬手皮燒得較乾，要點醬汁中和才能入口，豬手肉尚算嫰口，配搭的酸菜不錯，可惜薯仔太硬吃不下。整件豬手份量十足，只賣$69，性價比滿分💯還吃了朱古力杏仁餅，只賣$16超平，食完才記起未影相😅味道不錯

喺沙田呢一個比較貴價既地方，有時諗唔到食乜嘢，就會行過去Home square，間ikea覓食！間餐廳由朝到晚都有源源不絕嘅人流，同時間餐廳嘅早餐、午餐、下午茶同晚餐都會有唔同嘅菜單！（提醒一下餐廳係以自助模式㗎）當日係去食下午茶嘅，必點嘅一定係小食拼盤，有司華力腸、粟米粒、薯格同雞翼！另外佢嘅瑞典肉丸薯蓉都係必點之一，肉丸配上紅莓醬同蘑菇汁，係意想唔到嘅好味（如果唔夠，仲可以自助式去唧架）另外個日見到有個蔬菜薯餅，覺得幾吸引就跟人嗌左一碟去試吓，味道都唔差，同埋食落去感覺都健康啲！至於個意粉呢就相對平庸，個白汁唔特別，同埋比較竭身。記住用餐完畢要自己收拾餐盤同餐具，餐廳嘅隔離仲會有宜家傢俬嘅食品超級市場部，大家可以揀返肉丸同醬汁返去自己煮添！