家後2.0

营业中

休息中

聽聞深水埗有間餃子店好出名，嚟到梗係要食佢嘅餃子啦！今次選擇咗香口嘅煎餃，half half 嘅叫法就可以試到好多唔同嘅味。今次試咗小籠包豬肉餃、韭菜餃、芫荽豬肉餃同埋芹菜豬肉餃。煎餃真係冇得頂，煎得好香脆，同埋餡料都食得出好新鮮😋難怪呢間咁出名啦!肚餓的話仲可以加$20變做一個餐，有埋日式彈牙烏冬同前菜🍜除咗有餃子之外，更出名嘅係佢嘅cheesecake。每日cheesecake都係限量供應，味道都好多特色，今次試咗抹茶cheesecake🍰超級出色!!! 配埋咖啡最甜品好特色🤤

家後係深水埗區已經頗有名氣，而家開埋家後2.0添，一於試吓!-紅燒豬手煮得好淋👍 我食豬手就係鍾意啲煮得夠淋既，又夠入味，一碗有4-5隻，2-3人share都ok～-灼韮菜豬肉餃（套餐加配是日住家鹹飯&冷盤小食&烏龍茶）可以再多啲韮菜味😛 餃子餡料都幾足&新鮮. 冷盤小食係凍菠菜，ok既. 烏龍茶正常發揮.-煎菠菜豬肉餃煎到個golden brown出嚟啵🤩 外脆內軟、食唔停口👍 -日式住家飯團加咗牛蒡同蘑菇仔去整，有嚼勁有啲濕潤又夠味～-熱豆漿鑑於食完煎餃有啲熱氣，決定養生吓先🤣 豆味都幾濃架😙-原味巴斯克蛋糕呢度既巴斯克蛋糕7pm左右就賣晒，超受歡迎🤣 建議大家一嚟到可以留定一件先，有唔少客人都係咁做😏講返件蛋糕先，原味好有蛋香味，texture亦都厚實得嚟有鬆軟既感覺，中間仲有少少流心感，總結係果然名不虛傳😋

家後2.0📍深水埗汝州街131號地舖家後開左2.0分店啦…因為好耐冇食餃子，所以今日特登同朋友黎到深水埗家後2.0食餃子同巴斯克芝士蛋糕啦🍰今晚收工時間大約七點半到餐廳，門口已經排滿曬人，見到每個人都會走入店舖問仲有冇巴斯克蛋糕，而得到嘅答案竟然就係已經賣曬啦🥲🥲店員重提醒我地如果想食巴斯克芝士蛋糕就要七點前入座啦😢我哋今次叫咗三款餃子😍🥟＊是日新款煎餃（ 京蔥豬肉煎餃）＊韭菜豬肉煎餃＊菠菜豬肉灼餃餃子每份有8隻，煎餃煎到金黃色，好香脆，皮薄餡靚，咬開嘅時候有好多肉汁湧出嚟😆😆湯餃會連一碗是日燉湯，今晚嘅係海底椰湯，好有家的味道😍如果大食d嘅朋友驚8隻餃子唔夠食嘅，重可以轉為套餐，套餐有兩款可以選擇（日式或中式），日式既係是日住家麵類（烏冬） + 冷盤小食 + 熱烏龍茶，中式就係一碗鹹肉飯+冷盤小食+熱烏龍茶，今次同朋友兩款都有試曬，烏冬湯底係昆布鰹魚湯，烏冬非常彈牙，好好食🤩鹹肉飯雖然細細碗但食曬都好飽肚😆總括黎講，食物食落都有種家嘅味道😍😍😍餃子好食，性價比高，我下次一定一定會再黎家後2.0，早d黎食巴斯克芝士蛋糕🫣餐廳推薦指數：9/10

本來想去家後食，點知休息，就嚟2.0試下。排隊等咗20分鐘叫咗韭菜豬肉煎餃同洋蔥豬肉煎餃，餃子款式多選擇👍🏻但小食得幾款，仲要售罄餃子煎得一邊，係幾脆，不過另一邊係油浸！呀仔話我整嘅仲好食😓埋單同收銀講聲話好油😅油到有D頂住頂住想嘔佢話：係呀！有D人係食唔到咁油。咁講法即係佢地最出名係油浸餃子？？？

以自家制手工餃子做賣點，個人覺得煎餃比較香口美味，湯餃配的湯是冬瓜湯，消暑解渴，豆漿都濃豆漿味，最不能錯過的就是芝士蛋糕，見隔離枱叫走了最後一件，正失望之際，店員話到正店取一個過來，開心返。

家後2.0由佢舊鋪食到佢2.0既新鋪。絕對值得支持嘅小店。老闆健談友善。今日放假又心思思去咗食。餐廳特色用每日燉湯配餃子吃。蟲草花元貝湯鮮甜有益夠哂火喉。叫咗三款餃菠菜豬肉餃灼雲耳椰菜豬肉餃灼小籠包豬肉餃煎小籠包豬肉餃煎餃子煎到金黃色皮薄香脆小籠包豬肉餡比例剛好豬肉鮮味可口。菠菜豬肉餃灼特色餃子原來菠菜釀餃都咁好食。健康又有益。雲耳椰菜豬肉餃食落口感爽脆清甜餃子size 適中放湯食又有另一番風味。餐廳還有自家制既芝士蛋糕每日限量供應今日我哋晏咗只賣剩原味。芝士蛋糕鬆軟幼滑好味。

#ftf_深水埗餃子出色都算 甜品更勝一籌手工餃子套餐（灼） $42⭐️⭐️⭐️⭐️⭐️灼餃雙拼叫咗芫荽豬肉同埋菠菜豬肉，健康得來又超鮮甜，好少何我係鍾意灼多過煎，可能本身餃子調味出色，所以我呢度覺得灼餃已經好能夠滿足我嘅味蕾！手工餃子套餐（煎） $46 x2⭐️⭐️⭐️⭐️⭐️煎餃雙拼叫咗韭菜豬肉餃、雲耳椰菜豬肉餃、洋蔥豬肉餃同小籠包豬肉餃，全部都外脆內爆汁，全部都皮薄餡靚，放耐個皮都唔會淋，唔點汁食都食到材料本身嘅鮮香味，點完醋更加提鮮。個人嚟講，四種口味最鍾意洋蔥豬肉餃，韭菜豬肉、通椰菜豬肉平實得來都好出色，反而小籠包就唔算太有驚喜，味道同口感就比較單調，真係餃子型嘅小籠包咁樣。豬骨湯上海麵 $16⭐️⭐️⭐️⭐️味道就普通豬骨湯，但勝在上海麵夠韌性，口感彈牙，我鍾意！抹茶巴斯克蛋糕 $35⭐️⭐️⭐️⭐️⭐️呢個價位係等於出邊Cafe Double價錢嘅水準，抹茶味香濃，口感Creamy，唔太膩滯，又唔會太甜！🍴 家後2.0 (深水埗)📍 深水埗汝州街131號地舖回頭率🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

約左餃子控朋友特登黎深水埗試家後，揀新舖試諗住環境好啲🤣，事實都係唔錯，乾淨夠光猛～6點幾黎到都坐滿大半😮，同埋好彩order定蛋糕，叫得黎已經差唔多無🤫餃子有灼/煎揀，仲有飯同小食，飲品有日系少少既茶，選擇豐富😚🔅原味芝士蛋糕 ($30)巴斯克蛋糕係呢間名物😂，果然名不虛傳😍，口感好滑，芝士味🧀香得黎食落唔會好膩💕🔅開心果芝士蛋糕 ($35)見到綠色以為開心果味唔會好濃，估唔到食落勁香！好濃開心果味😍，中間仲有少少流心，大推💯🔅煎餃套餐 ($44+ 雙拼$2)同朋友都叫左雙拼餃，每隻口味各4粒～🥟餃子包得唔算好結實好大粒，油左啲啲，不過皮唔算厚，煎得香脆得黎唔𠝹口☺️🔸是日新款餃麻辣白菜餃幾好味！少少麻，唔會好辣，但辣得黎幾香🌶️🔸小籠包豬肉餃見咁特別所以叫左，超級爆汁😍，食嗰時要小心啲😆🔸雲耳椰菜豬肉餃有雲耳同椰菜食落口感爽脆🔸韭菜豬肉餃韭菜朋友話一般～🔅日本Sangaria烏龍茶500ml(深) ($10)💬餃子ok，未到特別驚喜，但巴斯克真係好食😂，不過建議早少少黎～食完7點幾已經排長龍🙈

’家後’’的延伸分店呢間有少少Cafe風裝修風格升華咗 嗰種家庭經營風味 人情味依然在繼續招牌動作 見到三位員工好勤力咁包緊餃子主打食煎餃與蒸餃 以前係‘’家後’’ 幾種口味餃子都食過晒嚟到2.0 就試吓其他主食 芝士蛋糕賣剩得返咖啡味🥲明明先至晏晝5:30 咁快賣晒其他口味沙薑雞中翼飯 $46一開始嚟到睇落去有啲失望 真係 唔可以比外表呃咗食落去非常入味 鹹香沙薑 總共五隻雞翼咖啡味芝士蛋糕 $35這款芝士蛋糕的尺寸雖然不大，但對我來說已經很足夠了屬於Basque Burnt Cheesecake一種，表面烤至微焦 芝士味不會過於濃烈 非常細滑這款芝士蛋糕雖然不是流心，但內部卻像棉花糖般柔軟，完全不會有硬邦邦感覺 濃鄉咖啡與細滑芝士

餃子控嘅我成日都周圍搵好味餃子，依間亦係我第一次食就愛上嘅餃子店，平時我通常都去總店食，唔知分店又有冇分別呢🤩我同屋企人叫咗個手工餃子套餐，揀左要是日新款煎餃子同煎洋蔥豬肉餃，配是日住家麵類係烏冬，而冷盤小食係菠菜，飲品係烏龍茶，烏冬份量比想像中大碗，入口好煙靭又順滑，食得出係手打烏冬，質感一啲都唔粉，湯底係昆布鰹魚湯，清得黎唔會太過淡，味道啱啱好。本人最鍾意煎洋蔥豬肉餃，外皮煎得非常之香脆，個皮夠晒薄，咬一啖洋蔥豬肉嘅湯汁湧出嚟，食到好甜又濃郁，超好食！而是日新款煎餃子係泰式冬陰功味，酸得來又辣辣地幾開胃另外我哋叫咗灼雲耳椰菜豬肉餃同韭菜豬肉餃，水餃皮一樣非常滑又夠薄身，食落口唔會一團粉咁，雲耳椰菜入邊有少少薑，軟熟又彈口嘅感覺，不得不讚韭菜豬肉餃入邊嘅韭菜好香，食完都仲有韭菜嘅香喺口腔中徘徊，如果灼餃嚟講我個人非常推薦要韭菜餃嚟到點可以唔食佢哋嘅招牌熱賣紅燒豬手，炆得非常濃郁入味，同埋已經係炆到好軟熟，一咬啲骨已經好容易碎，豬手骨膠原同肉嘅比例好平均，唔會淨係食到豬皮咁膩😍跟餐嘅凍豆漿唔會太甜，都幾好飲最後又點少得佢哋舖頭最熱賣出名嘅巴斯克蛋糕，我去到已經得返咖啡味，之前食過原味已

睇過食評，知道呢度啲巴斯克蛋糕仲好食過餃子，主要係想嚟試蛋糕，點知8點左右嚟到仲要大排長龍，起碼等咗5-6枱，20+分鐘先入得 入到去先知蛋糕賣晒 都算，餃子都有興趣試吓，但佢啲餃子44蚊得8隻，我雙拼仲要+2蚊，叫咗椰菜同菠菜，喺我等到咁餓嘅情況下都仍然覺得相當普通，唔明點解可以開到兩間鋪，大排長龍。重點係 煎餃煎到燶晒，食落口一陣燶底味，體驗好差，唔建議大家大熱天時排咁耐隊食又貴又普通又唔飽嘅餃子。第一次喺openrice寫食評，真係非常失望，希望大家唔好中伏

家後開左2.0，新店環境好舒服呀！我地叫左3份煎餃一份湯餃，個人鍾意煎餃多啲，皮薄，煎得香脆之餘又唔油！👍🏻小籠包豬肉餃煎餃限定！好有驚喜！就算煎左咬落去都勁juicy!麻辣白菜餃鍾意食辣既要點呢個啦！比較濃味，辣辣地好過癮！洋蔥豬肉餃充滿洋蔥既香味，平時好抗拒食洋蔥既我都覺得好正🤭！韭菜豬肉餃湯餃包一碗是日燉湯，皮薄而且餡多！最後一定一定要食呢到既巴斯克芝士蛋糕！我哋七點幾嚟到已經賣晒啲特別味🥹，得返原味，但都一樣咁好食！🥹千祈唔可以錯過！

（煎）洋蔥豬肉餃+小籠包豬肉餃 +日式套餐 煎餃隻隻煎得金黃香脆，非常吸引，餃子皮唔會太厚，有啲啲咬口，【小籠包豬肉餃】豬肉餡料肉嫩多汁，肉味香濃，真係好似食緊粒放大左嘅煎小籠包🤣【洋蔥豬肉餃】坊間比較少見嘅口味，粒粒洋蔥令豬肉更加鮮甜，唔會有辛辣感，味道好特別日式套餐跟昆布湯烏冬，湯底清甜，昆布量比較多，烏冬滑溜彈牙（灼）韭菜豬肉餃 + 雲耳椰菜豬肉餃+ 中式套餐灼餃食到餃子嘅原汁原味🥟揀返啲傳統口味，韭菜香氣十足，雲耳椰菜爽脆清新，更加襯托出豬肉鮮甜，加上餃子皮滑嘟嘟，食多幾隻都唔覺漏原味芝士蛋糕餃子店名物⭐️芝士蛋糕⭐️蛋糕芝士奶香濃滑，口感綿密，而且仲做到流心效果，果然好高質👍🏻

星期六熱屎辣辣跟友人行咇出去搵食，一直有間私心想食，今日係呢個緣份要去了。去到深水埗已經見到條長長人龍排隊🫨排咗大約20分鐘先入到間餃子店雲耳椰菜豬肉餃 （烚）菠菜豬肉餃 雙拼+$2 $42即下單即落水煮，等咗10分鐘左右熱辣辣上枱😍 餃子算大隻，餡料多，合格 今日是日靚湯係豬骨煲雜菇湯，濃郁菇香，飲得出係老媽靚湯芫荽豬肉餃 （烚）洋蔥豬肉餃（日式）是日住家麵+冷盤小食+烏龍茶 $72日式昆布湯烏冬+筍小食+熱烏龍茶烏冬十分彈牙，唔係cheap cheap平價烏冬👍🏻最有驚喜係芫荽豬肉餃🌿入口就好濃郁芫荽味🙌🏼 而友人十分喜愛洋蔥餃，係用白洋蔥🧅佢話估唔到洋蔥包餃都咁好味 。食完麵加餃子包到佢頂心口😂沙薑雞中翼$30都有4隻，大大隻幾靚仔 味道方面佢哋煮得好入味，連骨頭🦴都好輕易乾淨🤤🤤凍豆漿（枝）$12是日芝士蛋糕$35聽講呢到巴斯克好出名，長期買光，有唔少人專程嚟就係食佢cake先肯走原味豬屎味買晒，得返玫瑰味。表面有少少焦燶，所以有少少甘 入口第一啖有啲半熟質感，濕潤濕潤，其後就實返 ，不過玫瑰味可能係指個花香味 食落只係甜甜哋，相信原味好出色。大佬講緊呢個價錢，呢個size你

一直見到依間餃子店都好出名但都未試過，今日放工有空去到深水埗食，今次食一間應該係新開嘅，因為叫做2.0😆大約7:00來到，見到入邊已經坐滿，但係我就喺門外等候，等等咗大約10分鐘左右終於有位，店舖唔算好多位，但係乾淨而且唔算坐得好迫😆▶️煎芫荽豬肉餃 $44每一隻都煎得好脆口，咬落去好多汁滲透出嚟，而且由於煎得脆口，令到芫荽味非常出，再配上本身已經提供嘅唔同醬料，包括醋、辣菜脯等，更加提升味道🫠🫠▶️灼韭菜豬肉餃套餐+是日住家鹹飯+冷盤小食+熱茶$60灼餃亦是很出色，韭菜味亦是非常出，蝦皮薄薄，但係外皮都唔會爛，食落又好軟滑感覺😆兩款餃子完全唔同感覺，真係好值得試晒。另外行飯方面亦都好出色細細兜，而且每一啖都係鹹味，更加提升食慾🤤▶️豬骨湯上海麵 $16湯底唔似出邊濃烈味精味，配上餃子食落去飽到啱啱好▶️沙薑雞中翼$30呢款又係好值得試，雞翼應該用咗好多時間醃製，每一嚿都大大隻，而且非常之腍同埋入味。另外我再用沙薑汁配上海麵亦是非常匹配。🫠🫠▶️原味芝士蛋糕$30由於蛋糕數量有限，所以我一去到已經叫定，而最後都叫店員上，蛋糕真係非常值得一食，係巴克斯蛋糕，入面係有啲軟的質感，而外面係比較硬，食落