家後2.0

营业中

休息中

今日放假去深水埗買平嘢，之前見到家後開咗新分店-家後2.0，於是就想再去食，好掛住佢啲手工餃子🥟分店都係一貫嘅簡樸風格店面簡約企理，入到去座位都好闊落，坐得好舒服我哋12點幾去到嘅時候唔算太多人，但一到午餐食飯時間就全場滿座，果然冇嚟錯 家後主打係餃子，餃子款式選擇都好多，可以選擇水餃或煎餃，仲可以揀套餐配麵，怕唔夠飽，仲有飯餐，雖然選擇唔係話十分之多，但因為主打係餃子，所以我哋都係叫咗餃子套餐餃子套餐除咗有餃子同面之外，仲有冷盤前菜，烏龍茶，仲包一碗燉湯冷盤小菜係筍，筍煮得好冧，加少少芝麻食落好香口好開胃燉湯好夠味，唔係淡茂茂嗰啲例湯，燉湯冇落味精，飲完唔會口渴蟲草花好夠味，啖湯真係好正一上嚟我哋就飲晒之後到主角出場，餃子粒粒都好飽滿好足料可能有一粒豬肉洋蔥餃子有少少爆開左，佢仲比多咗一粒我哋，小店果然係有人情味餃子套餐嘅餃子，可以選擇雙拼，我哋兩個餐揀咗四款：菠菜豬肉餃洋蔥豬肉餃椰菜雲耳豬肉餃韭菜豬肉餃我哋最鍾意都係菠菜豬肉餃同埋韭菜豬肉餃，呢兩款我哋覺得係最惹味，反而洋蔥豬肉餃煎餃嘅話應該會香口好多但今日天氣太熱，唔想食咁熱氣，所以叫水餃韭菜豬肉餃子夠惹味洋蔥豬肉餃子，咬落啖啖都

手工餃子套餐（煎）兩拼$46 叫咗一個芫荽豬肉餃四隻同埋菠菜豬肉餃四隻。香煎嘅餃子果然更加香口，個皮煎到好脆同金黃色。餃子內裏仲保留左好多肉汗，餃子餡都佔咗餃子裏面好大部份。手工餃子套餐（灼）單拼$40叫咗一個芫荽豬肉餃。灼嘅餃子同煎嘅餃子好唔一樣，不過係灼嘅話就更加可以食到餡裏面嘅味道。芫荽落得好足夠，同埋豬肉一齊食嘅時候又可以食到芫荽獨特嘅香味，每一啖仲有豬肉嘅鮮甜味。沙薑雞中翼$30 沙薑雞中翼同平時其他嘅嗰啲唔一樣，佢一隻係用咗沙薑水去浸啲雞翼。食落去冇咁熱氣同埋醋燥。一碗裏面有四隻，大大隻，而且因為用浸嘅方法煮熱，所以每一隻雞翼仲保留咗好多肉汁。開心果巴斯克蛋糕$35 不得不提，呢一個蛋糕真係全餐嘅焦點。認真細滑！而且食落去感覺上係好似食緊半盒開心果咁多咁濃！巴斯克蛋糕嘅中間整得好嫩滑，而且開心果味都好出。表面見到外皮係焗到變咗做金黃色，而且會有一啲焦糖化。

小店位於深水埗，裝修光猛整齊，木系傢俬，令人有家的感覺。餐牌除左主打既手工餃子，仲有飯餐、小食、飲品和自家製芝士蛋糕，另外仲提供生餃子，讓客人可以買回家自己煮。韭菜豬肉餃：韭菜和豬肉配搭得恰到好處，一口咬下去仲會爆出鮮甜肉汁，而且帶有韭菜既香甜味道。食灼餃子會送燉湯，今日係冬瓜薏米湯，不含味精，清熱去濕。豬骨湯上海麵：麵質幼滑，豬骨湯底不會太濃，有家的味道。咖喱牛根腩飯：牛根腩和薯仔都炆得軟腍入味，咖喱微辣，撈飯一流。加$20轉中式套餐：送鹹飯+冷盤小食+烏龍茶。鹹飯配料有薯仔和冬菇，份量剛剛好。冷盤係芝麻菠菜，味道調配得宜。原味芝士蛋糕：蛋糕充滿濃郁芝士味，口感細滑，好有驚喜。總結，小店食物質素好，甜品尤其突出，性價比高。

大家好今晚到了位於深水埗既家後2.0食飯這間店是一間Cafe 擺放了好多油畫主打係食手工水餃我就點了手工餃子套餐同一個飯同一個豬手先上既凍豆漿$6一杯都係微甜好正常豆味同埋鮮奶咖啡都比較滑都只係$25食物方面先上了鳥冬面煮得唔會太腍或太硬仲有好多紫菜仲有前菜係醃菜都幾好味跟住就係紅燒豬手都炆得幾夠腍同埋有四件甘多跟住就係韭菜豬肉餃同小籠包豬肉餃煎餃雙拼岩岩煎好首先個煎餃外皮都煎得脆餡料都好充足韭菜豬肉比較香小籠包豬肉就好似食上海小籠包既餡料味道仲有少少肉汁仲有一碗湯應該是日燉湯送埋應該係海底椰都幾清甜跟住最後上了咖喱牛根腩飯牛根同牛腩都夠腍咖喱都幾香濃仲有好多薯仔總括這家店既煎餃幾出色都值得來試下

Honey Dumpling has recently opened their 2nd branch in Sham Shui Po. Their 2.0 shop not only features homemade dumplings, but also rice ball, coffee and cheesecake. ◆Spinach & Pork Dumpling◆Cabbage, Black Fungus & Pork Dumpling◆Pan-fried Chinese Chive & Pork Dumpling◆Sand Ginger Chicken Wing◆LettuceThe caterpillar fungus soup and dumplings were served separately. Dipping some black vinegar, pickled radish and chili sauce made the dumplings more flavorful. Each piece was neatly wrapped with a bal

原本想去元祖店試試，結果門口已經有一群人在等位，所以我們轉去2.0看看。幸運的是，到達時店裡還有空位。我們坐下後，發現店內裝修清新乾淨且光線充足。接著我們點了菠菜豬肉灼餃和洋蔥豬肉煎餃，還特意點了抹茶芝士蛋糕和開心果芝士蛋糕。不久後發現開心果芝士蛋糕已經賣完，幸運的是我們及時點了芝士蛋糕。菠菜豬肉灼餃（左）和洋蔥豬肉煎餃（右） 原本以為是湯餃，結果上菜後發現湯和餃子是分開的。餃子和湯的味道不太搭配，湯雖然美味，但味道過於濃郁。至於煎餃，一咬下去會有肉汁流出來，洋蔥使它更加美味，煎得外脆內嫩，又不太油膩，難得的是如此美味。開心果芝士蛋糕開心果芝士蛋糕 開心果味道濃郁，入口即化，帶有獨特的開心果香氣，甜度適中，恰到好處。抹茶芝士蛋糕散發著濃郁的抹茶味道，與芝士完美融合，味道甜中帶有微微的苦澀，恰到好處。總括黎講我覺得芝士蛋糕出色過餃子。

成日聽到人講「家後」係比芝士蛋糕耽誤嘅餃子店😆，好奇嘅我今日就去試下先，點知去到摸門釘🥲，星期三休息，醒起佢有另一間，咁我就改行去「家後2.0」試吓～可惜今日冇開心果芝士蛋糕🥲得原味同玫瑰味我揀咗玫瑰味嘅芝士蛋糕$3️⃣5️⃣🍰有淡淡玫瑰香味，但未去到驚艷嗰隻，唔係坊間講到嗰隻咁好食～灼芫荽豬肉餃子🥟八隻$4️⃣0️⃣🥟餃子灼得啱啱好，唔會爛晒，餡料芫荽同豬肉配合得啱啱好，餃子跟咗一碗老火湯，不含味精～總括而言，餃子係好食嘅，但係芝士蛋糕就普通。是日消費$7️⃣5️⃣

普通過唔普通嘅餃子，韮菜味唔濃，皮偏厚，湯偏咸，芝士蛋糕好一般，唔會再去試，飯偏鹹，塊板寫餐牌唔清晰，問佢有冇蛋糕，只係拎自己電話出嚟望跟著行開，隔咗一陣先番轉頭答

星期一下就2點幾3點去到，得一台客但收銀靚女好似好忙咁😂😂外賣$30一件原味芝士蛋糕加兩個韮菜煎餃但打開見到芝士呢個size就真係啞左，味道正正常常囉，無網上吹捧到咁好食不過個size就真係會唔會太細件？定係我問題？煎餃味道正正常常，唔會好咸，不過韮菜多過豬肉Size 黎講都係正常，$44/8隻 小貴嘅....煎餃可以再煎脆多少少，因為都唔係過煎到好香口外賣無任何醬料或者當食菜鋪跟埋，呢個真心有啲失望總結一間正常嘅餃子店，完。

如果去過食家後既餃子，都知道雖然家後餃子好味，芝士蛋糕性價比非常高，但排隊會排到好熱，入面座位有少少迫。家後2.0！ 解決左排隊熱同迫既問題！成個感覺變得餃子也可文青！湯餃個湯底會係屋企感既粉葛眉豆湯。個湯雖然好好味（係會想飲哂成碗湯），但我覺得個煎餃仲好食。4隻菠菜豬肉 + 4隻芹菜豬肉。調味做得好好，豬肉唔會過咸，但又好入味唔同菜，真係會有唔同菜既味道，食得出新鮮包餃。煎餃做到非常脆身，係外脆內軟嗰隻！一咬開會好多汁湧出嚟。雖然脆身，但一個人食8隻都唔會覺得油膩！家後2.0仲有是日蛋糕板原味， 30hkd ，雖然size 唔大，但非常高質。食完8隻餃，再加一件細蛋糕，完美😍 滿足❤️

2.0 同本店最大分別就係坐得舒服好多👍🏻感覺比較似cafe 另一個最大嘅分別就係湯餃係變左湯+蒸餃今日係蟲草花湯😛😛 簡直勁有家的味道熱辣辣一碗 無因為要放餃子而稀左菠菜餃 賣飛佛❤️煎餃就叫左洋蔥🧅餃 好鬼夾十分惹味同煎得好香口👍🏻脆卜卜最後梗係叫我嘅心愛巴斯克芝士蛋糕 日日都有唔同口味，而我最愛一定係開心果味😚😚😚最近好多人都因為個芝士蛋糕慕名而來，所以堂食係限叫兩件 見到好多人都係專登入嚟食蛋糕，或者想買外賣蛋糕走 其實我覺得可以支持埋佢哋嘅餃子啊😁都一樣好好食 好值得 👍🏻

本身去元祖店想食蛋糕但係6點幾已經賣哂於是去附近嘅2.0試下睇下仲有無蛋糕賣結果好好彩岩岩番左cake我同男朋友2個人諗住一人一件點知店員話只限一件明明佢個雪櫃有唔止一件而且我地2個人點解唔可以嗌2個Cake????2.0係第一次幫襯鋪面裝修幾靚幾新潮但係安排真係有啲混亂店員完全做到一腳踢勁忙勁亂啲蛋糕又安排得差左少少如果山長水遠黎食cake但就限每枱一件作為客人都真係有啲唔高興嘅咁係咪我同男朋友分兩張枱坐就可以一人食一件先?老實講元祖店service都唔係特別好但2.0真係…無下次了😅

已經save左呢個家後好耐, 去到佢開左分店終於去試啦!✌🏻滿心歡喜咁去到, 平日夜晚都等左超過半個鐘先入到去, 店員叫排隊但又無隊可跟... 我地嗌左一份 煎餃-韭菜豬肉餃🥟, 湯餃-菠菜豬肉餃🥟, 熱豆漿🥛同一份原味芝士蛋糕🍰~ 等左25分鐘先開始有野食黎單睇睇食物味道係的確好味, 煎餃係值得一試, 好香脆足料, 跟湯餃既湯都有鮮味🥟👍🏻個人更鍾意菠菜豬肉餃既餡料!原味芝士蛋糕🍰不錯, 但未去到大家係咁吹棒咁好食, 不過呢個價錢整體黎講性價比都算高. 比較失望既係餐廳安排都幾混亂😢 排隊已經唔清晰, 大家都唔知堂食定外賣排緊. 店員話得3個人做唔黎, 好多客同外賣員又出又入咁問進度, 令本身唔大既餐廳更迫...上菜都算耐, 我地無催過就等差唔多半個鐘🤧🥢總結: 單睇食物既高性價比 我係會再去食, 但安排未搞好之前都未必會再試了, 希望快d請到人幫手🤣

呢間食過好幾次，最出名當然係餃子同芝士蛋糕，我個人認為只有煎餃比較出色，其他食物都只係正常發揮，即使芝士蛋糕亦普通，只係標榜由日藉老闆娘親手整，香港人只係太崇日，盲目追捧🤷🏼‍♀️芫荽煎餃最出色，芫荽味道突出，煎餃皮非常香脆咖哩牛筋腩，牛腩好柴，筋切得好細件有味飯其實冇味🫣菜脯好味，但每枱一樽份量好少，叫店員添加後都只會補充返少量，比較少器😅芝士蛋糕方面原本都好大期望，因為太多好評，呢日只賣剩原味，食落其實同坊間食到嘅水準一樣，其實食唔到都唔使可惜

諗住喺附近飲咖啡之前食少少嘢先, 上網搵到呢間好似唔錯, 佢嘅裝修同衛生程度都比第一間好呢度必試嘅一定係手工餃, 煎餃即叫即煎, 好香脆但唔會油淋淋, 足料包滿, 唔錯蝦醬蒸豬腩片飯鍾意食肥肉嘅呢個好啱, 有蝦醬嘅鹹香味, 不得不提個湯, 係冇味精嘅螺頭湯, 好滋潤好好飲！呢度竟然有homemade cheesecake, 呢個配搭好新奇😂不過件cake好滑, cheese味香濃, 一定要試吓