家·養份

营业中

休息中

西灣河很少優質環境好的樓上Café給我找到了，去過了一次後，不停心思思想再去菜式雖然不是好多頁的餐牌，但都有多款選擇。到訪需要擇日啊！因為Café不是日日營業呢！是日到訪日子是星期四中午，全場滿座，最好預約，確保有得食。點了素南瓜雞脾菇黃薑飯賣相好吸引打卡影相一流，睇落很精緻細份，但吃下一整個都很飽肚，味道方面，雖看到深深的黃薑色，但不會很重黃薑味，南瓜帶有少少鹹味，食落不會啖而無味可以送飯，很多粒粒雞髀菇，有少量松子和提子乾點綴，配上淡淡的椰汁，把整個素南瓜雞髀菇黃薑飯的賣相和味道大大提升影相要快手，不然飯外型會鬆散，穩固時間維持不耐啊！值得一試。

是咁的, 星期五喺港島區想搵個地方食生日飯,突然又想起這間餐廳, 於是提早去訂位,和訂了一個豆腐味蛋糕🎂,三個人每人點了不同的set dinner share一齊食, 咁就可以試多幾款😋😋😋食材好新鮮，好好味, 冇味精湯還可以添飲😋😋😋

在西灣河想找個舒適的地方食下野~找到了呢間餐廳, 距離西灣河地鐵站B出口只是步行一分鐘左右。 大約二點到達,已經滿座了,等了一陣已經有位. 食物吾錯,環境吾錯,下次去試意粉😋😋😋

見到社交媒體網站街坊關注組介紹先知附近有間西灣河有間樓上cafe😍見到樣子不錯就即刻book 枱去試菜😋星期六 2:00後人唔多，播住jazz ge background music 就算隔開幾台啲人講野都唔會覺得好嘈。 但枱與枱相距好窄，如果人多嘅話相信會有啲迫同嘈。香辣油漬蕃茄乾雞扒意粉🍝好好食‼️意粉微辣惹味亦都夠乾身，相信唔食得辣嘅人應該都可以應付到。 雞扒香煎亦都夠味。overall comment 係cafe 做到依個質素冇嘢可以挑剔！Normal 嘅牛油果煙三文魚意粉佢唔係唔好食，但有對比有傷害Lemon Soda 🍹本身都無額外落糖漿，好清新。soda 最緊要夠氣而佢都係合格ge✅覺得依間cafe 值得俾更多人認識，所以要係open rice 寫comment 俾個舔舔脷😋

呢間野都開左一排，但個名好唔吸引，所以一直無試。最近終於無啦啦試左，平心而論，食物同咖啡都真係幾好味，不過價錢巨貴，唔會經常食。但如果諗住叫外賣要小心，呢間野唔知點解好唔鍾意俾餐具、飲筒客人，唔止一次，你會返到屋企or公司先會發現無辦法食得到，真係吹脹！！！

西灣河好小有樓上cafe，cafe有啲隱蔽，試過摸門釘因為佢剩系開星期五到日。今次終於調教好時間可以黎試啦😆我地叫左🥑牛油果香煎三文魚丼同🍅蕃茄忌廉🦀️肉意粉🍝。飯用左珍珠米加埋煎左既三文魚、粟米、新鮮既牛油果同飯素，每啖都好有咬口，加埋沙律醬一齊食好開胃。意粉軟硬適中，如果蕃茄汁可以再濃郁多啲會更好😁甜品試左🍰tiramisu，咖啡味香濃，忌廉好軟滑，整體唔會太甜膩👍🏻👍🏻

今天再次光臨，與朋友享受了一個開心愉快嘅午餐，食物美味，午餐款式選擇多，環境舒適乾淨，店員服務態度好，吃完午餐再點店主自家製蛋糕，正另外，預訂了一個「日本抹茶crumble cheesecake」給朋友晚上慶祝生日，超好味優質水準高，勁推

平時甚少去港島東，今日去開西灣河嗰邊，順道四圍搵食。逛逛下無意中留意到呢間樓上店，幸好呢晚唔多人，walk-in都有位。呢度地方唔算大，但環境舒服，入面的裝修擺設都有點家的感覺，都幾切合到店名。今晚分別叫咗兩個晚餐料理前菜梅漬車厘茄秋葵沙律：車厘茄用梅漬方法製，第一次食，好香甜又冇平時食開的車厘咖有種酸酸地的味道，好食！家‧養生湯品蟲草花薯仔湯：飲得出完全無味精，好足料，好有住家湯水味道，原來仲有得添飲添！飯藜麥甘荀珍珠飯：加咗藜麥及甘荀粒，令到成碗飯更加健康小食(四選二)我地叫咗兩個sets，當然就試哂四款啦藥膳迷你醉鮑魚：藥膳味濃，鮑魚夠淋夠入味，下面有一塊白蘿蔔吸埋d汁，韓式泡菜豚肉片：無平時食開的泡菜嗰種辣，豚肉亦夠入味蟹肉牛油果他他：我本身鍾意食蟹亦鍾意牛油果，呢個小食好啱我口味，估唔到蟹肉同牛油果味道原來咁夾，兩樣都可以互相帶出各自味道日式炒野菜：入面有椰菜、甘荀絲同雜菇，味道正常發揮主菜慢煮挪威三文魚柳配青菜忌廉醬：滿滿的青菜忌廉醬好香濃，三文魚柳啖啖肉香煎北海道豚肉扒配蘋果醬：呢個主菜真係好有驚喜，豚肉扒外皮似係有少少炸過，入面肉質非常鬆軟，唔駛點咬咁，而且好入味。上面

新嘗試食出廚師用心的晚餐小食梅漬車喱茄配金平牛蒡沙律~品嚐鮮香茄味，帶出香甜滋味迷你醉鮑魚涼伴蘿蔔~輕綿鮑魚爽甜蘿蔔，成強烈對比而不失平衡辣味豚肉炒野菜~惹味微辣豚肉片，肉汁掛滿野菜豐富味蕾，絕無油膩感主菜慢煮雞肉伴黑蒜醋味醬~橄欖蔥油破格健康，雞肉出奇鮮嫩彈牙，味道配搭洽度好處，黑醋蒜味醬適合濃味人士餐湯餐牌寫養生湯，店主話今日係姬松茸野菌素湯~以全素煲出健康香濃湯水，素湯濃味令我懷疑人生藜麥甘荀飯~粒粒珍珠米，淡淡青宜風店主更提供免費添飯添湯，小食每月更新（利申本人屬大胃級，但覺得整個套餐份量己很滿足，晚餐小確幸）價值合理，期待下次

一直都想來呢間餐廳，喺我屋企附近以前經過即興上嚟都冇位或者休息，今次終於早一日訂位，有planning 萬無一失✌️果然無黎錯✌️cafe環境舒服🏠是我喜愛的😍食物質素都唔錯👍意粉軟硬適中👍味道唔會太濃健康之選😋我今次係黎食午餐兩位加埋二百幾合理價👍，我老公點左牛油果煙三文魚忌廉意粉+茉莉綠茶，我就點蕃茄忌廉蟹肉意粉+咖啡，兩個餐都幾好味，本來牛油果三文魚都是我的至愛，但係呢度我比較喜歡個蕃茄🍅忌廉蟹肉意粉的味道多啲。我哋仲加$38要左件無花果卷蛋🍰估唔到有成個無花果係裡面，佢話係今日新鮮做的好味😋，侍應嘅服務態度非常之好，有問有答 ，咁方便我一定會再黎。大家想嚟嘅話，要留意開放時間🕰，我以前經過想即興，都唔啱時間😅

今日 lunch time 黎到呢間樓上小店叫左2個意粉1個係青醬帶子意粉另一個係蕃茄蟹肉意粉本身會包一杯野飲我就叫咗涷紅茶另一杯就cold Americano野食方面味道唔錯幾入味食到意粉同啲醬係融合一齊！不過配料就唔係好多所以主要澱粉質比較多室內環境舒適入面有廁所仲有啲書同布袋寄賣同有classic music 做 background music同朋友打下卡hea下都真係唔錯~不過店内環境比較細相信如果夜晚應該需要預約！

環境好寧靜舒服，坐得闊落，啱2個人又啱幾個人一齊。舊唐樓但地方企理，水磨石扶手同花磚地板買少見少了。食過幾次出品幾好。之前季節限定嘅肉桂花茶好香飲落暖暖地，今次試下雪梨洛神花都ok，下次試下咖啡。意粉食過卡邦尼醬汁適中。今次青醬帶子青醬略少，同減啲蒜蓉就較好。

同媽媽去西灣河 lunch，喺OpenRice 見呢間無論喺服務、環境同食物質素都幾好評分，所以去試下。結果真係無令我哋失望。地方唔太但好cozy，家庭式裝橫，有少少日本喫茶店嘅感覺。服務誠懇真摯，唔會怕問多兩句煩到人。食物都有驚喜。我哋點咗三文魚牛油果飯、牛油果蘑菇酸種多士同豆腐mousse蛋糕，配埋斑蘭菊花茶同蜜糖菊花茶。前者個三文魚牛油果飯，份三文魚係一粒粒煎香咗嘅，牛油果熟透，配埋蛋黃醬同粟米粒，好似沖繩吧塔塔飯，好好撈，好好食。牛油果蘑菇酸種多士亦係正常發揮，加埋沙律菜，好清新，無負擔。兩款花茶都加左少少蜜糖，唔會過甜，好清香。豆腐mousse蛋糕個樣已經好加分，淡淡嘅豆腐味，佢用嘅係甜菊糖，減緊肥都唔怕食。呢間餐廳食嘢，好似去咗朋友屋企咁，好親切，食物份量輕型，食嘅係食物嘅原味道，唔係靠醬汁吊味。好適合啲想出去食，又唔想太重口味 / 份量太多 / 怕肥嘅人。不過追求濃味/啖啖肉嘅就就未必岩喇。

同朋友仔偶然經過呢度發現原來有間咖啡店，入到去覺得好舒服。好似係傳說中「想開一間咖啡店」嗰種感覺～我哋本來只係想來飲杯咖啡，但係原來最低消費要$60～冇所謂啦，每人食件cake。店員姐姐都好有禮貌去介紹，覺得佢哋真係好有誠意，令人覺得好舒服。覺得佢哋做嘅蛋糕，沖嘅咖啡都好精緻，欣賞。真係好別緻Tiramisu就普通咗啲呢件朱古力蛋糕真係好特別啊，印象深刻，質感係相對平時食開嗰啲朱古力蛋糕硬～但係口感真係好特別，同埋好味！咖啡店最緊要係杯咖啡真係靚都哇哇聲牛油果炒蛋酸種包！總括嚟講，覺得呢度真係一間有特色嘅咖啡店。價錢唔講得真係好抵，但係我覺得誠意用心製作真的值得支持

在西灣河很難找到這個寧靜地方午餐， 樓上店，環境很開揚， 裝修設計也很舒適， 枱不多， 有空間感， 令客人坐的舒適， 員工態度很有禮貌， 初試意粉， 食物水準不錯， 咖啡☕️好飲， 甜品可以