富士山55 (拉麵沾麵專門店)

营业中

休息中

🇭🇰富士山55·呢間我中學嘅時候喺銅鑼灣食過㗎 嗰陣幾好食架 不過今次再嚟就覺得一般般 唔知係咪我嗌錯野食🤭🤭不過見佢呢個咖喱沾麵幾特別 所以都post比大家睇吓😈·日式豬扒咖喱沾麵$89我本身係好咗想食柚子沾麵嘅 但係見佢呢個期間限定好似好得意咁就嗌咗 不過我覺得佢唔係好夾🙈佢個咖喱係真係就咁咖喱湯 我本身以為會有啲豬骨味咁 所以唔係好沾麵 不過我幾鍾意佢個湯下面有個蠟燭一路熱住 所以食到最後都仲係熱嘅😎😎之後佢塊豬扒大塊就大塊啦 不過塊豬扒本體係好薄既 所以有啲柴 反而麵條幾好味 幾彈牙同幾掛麵🍜·#rbyeat#rby日本菜#rby尖沙咀·📍尖沙咀麼地道75號南洋中心地下7-8號

🇭🇰#香港捐窿捐罅記尖沙咀特色拉麵沾麵專門店🍜繼續搵鄉下嘅代替品🍤又到食鄉下野嘅時候😈 大家成日都鬥拉麵定沾麵邊個好食啲💁🏻‍♂️ 今日就兩個都食曬😗唔洗做選擇🙋🏻‍♂️呢家原本係銅鑼灣都有食開，但係結業咗之後就冇乜機會去食，咁啱去開尖沙咀就特登去試下，見佢主打海膽拉麵🍜又未試過呢類新式 自然就要試吓😂小店嘅位置唔算大，有唔少嘅bar位，而且廚房係採取開放式，所以都睇到拉麵係點煮😂 夠晒衛生👍-🍜 #雙倍海膽拉麵 🍜 （$168）（7.5/10）湯底係好濃厚嘅海膽，飲落重海膽味同creamy 💁🏻‍♂️海膽就食落唔腥，味道鮮甜☺️叉燒係薄身嘅五花肉，而且夠肥美 唔會好似食香口膠咁😂隻蛋亦都係煮到半生熟，唔會實心🥚唯一覺得要改善嘅係，海膽可以更多😈.🐷 #特濃豚骨沾麵 🐷 （$88）（7.25/10）湯汁好窩心咁用石頭鍋上，咁樣就可以保持佢嘅溫度💁🏻‍♂️而且唔會好似其他沾麵店咁到最後濃縮成一pat醬🙄麵條尚算掛湯，形狀比拉麵嘅粗，而且沾麵係一定凍上🧊等食嗰時會有一個爽口嘅感覺👍.🧀 #日式芝士雜坎 🧀 （$32）（7.25/10）日本人正常食完拉麵真係會叫一碗飯浸湯食🍜而今日呢個就係芝士加飯，本

真食評真自費!日本沾麵店,主打特濃豬骨湯配彈牙手工麵,愛重濃口味湯底既朋友一定要試有拉麵,沾麵食法,沾麵$83蚊,加麵底$15,另可加配叉燒,菜等唔同配料小吃類有炸雞,醬油雞翼,炸芝士蝦球等等選擇最特別食法係食完沾麵既湯底可加追芝士湯飯,日文叫雜坎豚骨拉麵配木耳絲,蔥,半隻滷蛋,仲係流心狀態!叉燒2片,以份量計已經好豐富麵條係特製既超彈性麵,夾起掛湯之餘,仲好有彈性,配合濃湯,入口鮮濃豚骨味久久不散隻蛋超正,浸到好入味,日本蛋既味道特別好食豚肉叉燒係厚瘦相間既五花腩肉,入口夠油香!沾都配料相同,但走湯,用一碗濃湯沾麵條掛麵汁食湯底比起拉麵更濃更咸,湯可以用面前既小電爐加熱食,係日本好出名就係呢個原因食到尾個湯都係熱呼呼!曾經上過好多日本電視節目平均消費$120評分7/10富士山55 (拉麵沾麵專門店) 尖沙咀麼地道75號南洋中心地下7-8號

平時極少分享食評，不過今次真係不吐不快，希望店主會睇到，會盡力改善吓自從銅鑼灣嗰間結業後，仲以為以後都冇得食，自己又冇去search，點知今日經過尖東見到佢，當時開心到呢...不過早知就唔去食仲好，依家連個美好印象都無埋 首先冇咗個電磁爐，啲麵食兩啖就開始凍，一唔夠熱就真係唔好食。跟住啲service態度差到呢，真係茶餐廳都好過佢。最後就係個地方太細，坐得好唔舒服，冷氣仲要向住個頭係咁吹。如果好食但地方細都唔緊要，不過依家咁樣就真係趕客。本來日本麵呢間喺我心目中一直都排頭3位，依家除非可以去番銅鑼灣嗰時嘅質數，否則真係免費都唔會再嚟

其實好耐以前已經食過佢既沾麵拉麵等等都覺得好好食，今次經過比張poster吸引到，所以特登同男朋友尼食海膽沾麵。見到menu都仲係好期待，就算明知份量一定會比相少dd, 但尼d打卡麵應該點都有d睇頭，加上對佢既信任，就叫左價值接近300蚊碗既一碗麵。岩岩再睇埋其他食評先知，原來我都算幸運，起碼都叫左大舊睇頭好d, 但當時見到同menu出入咁大，真係好嬲，雙色海膽無雙色，海膽雖然大舊但都無相咁鋪滿麵，連魚子份量都唔夠。叫左店員尼問圖片係咪只供參考，佢話今日無來貨兩種海膽，所以比得一種 但已經比左雙倍。我嬲唔只因為份量有差，而係第一 你無雙色我落單既時候點解唔講？到我問先講，第二，你話比左雙倍都係我問先氹反我咁講，咁魚子尼？就連沾醬本身有果一點海膽都無埋。其實係我落單果陣如果佢已經講定無相咁多，今日無雙色但會比反雙倍同一種海膽，再決係唔係繼續落單，咁成件事就唔會咁嬲，而且仲要係價錢問題，高級餐廳我都未至於食三百蚊一個麵，結果就係感覺比人呃。男朋友叫既櫻花蝦拉麵，無期待就正常發揮。下次再有想搞gimmick 野，做唔到就不如唔好做，正常發揮其實你都算係間好食既餐廳。

📍富士山55 (拉麵沾麵專門店)📮尖沙咀麼地道75號南洋中心地下7-8號.餐廳位置係小巷, 唔係有心去都有機會會miss左留意唔到😅店既size唔算大, 大約坐到20人左右, 所以有時經過都會見到條小人龍.小店主打沾麵, 而我本身都鐘意食沾麵多過拉麵, 因為沾麵個湯通常都比較濃味, 岩晒我呢啲重口味既人😗.濃香櫻花蝦沾麵🍜HKD93湯底濃郁, 佈滿滿滿既櫻花蝦, 令成個湯更香😌粗粗既麵條食落彈牙, 沾埋個濃濃既湯底拎返上黎果陣帶埋啲櫻花蝦上黎一齊食, 口感豐富, 一啖入面有齊濃湯, 麵條同櫻花蝦😍叉燒不過不失, 糖心蛋味道唔錯, 細心位係個湯下面有個小火爐, 可以keep著湯底既溫度👍🏻食拉麵食沾麵湯底既溫度都好重要.呢度時不時有啲seasonal既拉麵, 例如夏天有柚子味, 偶爾又有海膽沾麵, 鐘意試新野既朋友仔可以留意下.整體環境💭💭💭好味道：🧑🏻‍🍳🧑🏻‍🍳🧑🏻‍🍳🧑🏻‍🍳🧑🏻‍🍳服務態度🤵🏻🤵🏻🤵🏻🤵🏻性價比：🧐🧐🧐🧐回頭基率💫💫💫💫.#nonstopeatingdiaryjapanese #nonstopeatingdiary日本菜 #nonstopeatingdiaryra

位置不多，卻帶有日式居酒屋風味的小店，有沾味及湯拉麵供選擇。被店外一張海膽拉麵廣告吸引，一試究竟。海膽拉麵 ($128)• 配料頗為豐富：叉燒兩片、竹筍、紫菜、半熟蛋等等。當中配料以及拉麵的軟硬程度都可以按照喜好而選擇。• 但是主角海膽份量卻偏少，至少跟海報所示意的有一段距離呢......雖然海膽的味道不俗，甘味適中還帶點海水味。• 亦可能因為這個原因，感覺跟豬骨湯底有點格格不入，兩者没有得到很好的協調。

上次自已黎自私食過一次海膽沾麵影左俾高太睇，佢話佢又想食今日就同佢黎試食多次雙色海膽沾麵，訂價$298其實都幾進取餐廳坐位大概十零廿個左右，两張四人枱，其他都係吧枱我叫左個櫻花蝦拉麵其實除左係上面加左啲櫻花蝦乾之外都，其他同普通豚骨湯拉麵分別不大溏心蛋做得幾好其實雙色海膽沾麵個賣相都幾吸引雙色海膽用左一半加拿大海膽，一半馬糞海膽再加上三文魚子高太覺得個沾麵汁比較咸左啲，我就覺得還可接受不過我地大家都覺得海膽既質素比較一般個麵高太食左一半就俾左我食總括黎講，性價比唔太高試過就算啦

放假和朋友一齊來食，睇到Manu個海膽拉麵好似好吸引，不如就試試吧！心唸既然試了不如叫雙份海膽，好似幾正喔！雖然“圖片僅供參考”已是共識，有心理準備，但應該也不會差太遠。片刻之後員工送上一份份量很少的海膽拉麵（見圖），困惑中向服務員查詢，這是雙份海膽？？和圖片中單份差不多喔！三位員工木口木面不予回應，追問之後給我一個Eric哥的電話，叫我想投訴就搵Eric。結果當然是已讀不回啦P.S. 唔記得影現場Manu添，不過可以參考其他食評的菜單。唔會再去

今日難得去咗尖東，點知好多舖頭都星期六日唔開，而家咩世界，不過唔緊要見到暗角遠處有呢一間拉麵店，個樣都幾似樣，就入咗去食啦🙃🙃🙃嘩點先其實都唔錯，原來係有沾麵食嘅，咁我就叫咗個少少辛辣嘅口味，慶祝下復活節，希望我都可以復活，價錢正常都係八十幾$90 ，雖然個湯唔係太熱，但係味道都算正常，啲肉食落去幾好味，下次如果真係好想食拉麵嘅話，都可以過嚟試吓嘅，見佢仲有其他飯類同埋小食等等，同埋有海膽，不過價錢就貴啲，下次試吓先啦如果有錢

雖然現在已經有晚市堂食， 但是已經習慣回家吃飯, 加埋有幾個小鬼在家，在家吃比較更自在， 上次試完拉麵,今次試下沾麵, 櫻花蝦沾麵，特濃豚骨沾麵， 櫻花蝦拉麵,豚骨拉麵， 沾麵湯非常濃郁， 麵質煙韌彈牙， 特別喜歡,櫻花蝦的味道鮮，甜，香， 今次帶回家都是大約半小, 湯仍是很熱。 今次特別點了芝士飯, 以往是在餐廳煮好的， 回到家稍嫌硬 ,今次和大廚商量,將湯和芝士飯分開, 回家後自己煮， 這效果非常理想, 芝士完全溶入飯， 甘香味美， 這就是常客的優惠。 還有外賣特別優惠， 買三送一真係覺得超值。

今日約左朋友去尖沙咀買清酒～見未夠鐘又肚餓經過間拉麵店 係門口望到個餐牌幾吸引～決定入去試試😅我點左一客煎餃子$32（5隻）和一碗海膽沾麵$198店內是選用開放式廚房可以望住廚師下廚 感覺都幾親切。滿心期待既海膽沾麵終於送到我面前啦～。暖笠笠既湯底看似很濃郁第一啖飲落口，味道偏咸🙄沒有豬骨湯味🍜麵質口感比較硬 麵難以掛湯。反而海膽望落去色澤好新鮮，味道非常鮮甜👍。至於碟餃子就令我非常失望望住佢係光波爐拎出黎個皮乾爭爭 硬繃繃 🤐最後我光速填飽個肚就埋單離開了🤥。味道：3/10價錢：3/10環境：5/10。富士山55 (拉麵沾麵專門店)地址：尖沙咀麼地道75號南洋中心地下7-8號。

今次係平日下就去食, 都唔係好多人,唔洗等位就入得去啦!特濃豚骨沾麵 $88湯底好濃郁, 但略嫌食到尾就有啲太鹹, 食完要飲返一兩杯水🥲🥲比較中意佢個麵, 係粗身既麵, 咬落好有口感, 份量都好足夠,好大碗麵, 食哂一碗都好飽🤤但叉燒就比較薄😣記得以前會有電子爐係位到俾你加熱個湯, 但係依家就轉咗個小火爐去保暖咁,食到尾都可以keep住熱咁!☺️煎餃子 (5pcs) $32一上到枱,個餃子都唔係幾吸引, 如果再煎燶少少會香口啲, 餃子皮都薄身, 味道都正常, 但係就一定要配佢嘅醬汁一齊食如果唔係就冇乜味.👀

疫情至今， 餐廳 6時後禁堂食， 很久沒有吃拉麵, 今天特別想早些收工， 希望趕在六時前食到拉麵, 正想收工，老闆有吩咐， 終於遲咗15分鐘先出門口, 去到拉麵店已經係五點九， 諗住趕不及吃很失望， 店員很有禮貌招呼 ,並介紹可以外賣, 我諗拉麵外賣？ 質素能有保證嗎？ 店員細心介紹， 湯與麵是分開盛載 ，回家吃應該沒有問題。 實在太掛住拉麵味道，所以大膽一試。 拉麵店距離我家大約半小時, 回到家立刻將拉麵 取出， 湯還是熱騰騰, 馬上將拉麵倒在湯內，味道和在店內吃都是一樣，湯夠濃，麵質也不會太稔， 溏心蛋夠香滑， 叉燒薄而有咬口，也有燒過的香味。 從此幾時都可以食拉麵啦👍👍👍

之前不嬲去開銅鑼灣間分店，不過黎開尖東順便重訪依間拉麵店，我覺得冇跌Watt 依然好食！✅ 櫻花蝦拉麵 ($93)滿滿既櫻花蝦💕 簡左濃湯配合好掛湯既幼拉麵 真係好rich! 叉燒比較薄 麵量唔少 加埋蛋都好夠飽～-✅ 辛辣沾麵 （$93）唔太食得辣 覺得中辣都幾辣🤣 不過係惹味 而且有層次既辣！ 偏粗身既沾麵幾有口感-✅ 名古屋醬油黑椒雞翼 （+$20）外面夠脆 入面雞肉嫩滑 唔錯～-❎ 章魚小丸子 （+$10）九成係粉 淨係食到一細粒章魚 可避🤣-🦁 富士山55 (拉麵沾麵專門店) (尖沙咀)尖沙咀麼地道75號南洋中心地下7-8號🦁 人均消費：$108｜推介：❣️❣️❣️❣️