富士山55 (拉麵沾麵專門店)

营业中

休息中

富士山拉面店位於尖東，是遠離港鐵站的食店。點了海膽拉麵，湯底十分鮮味濃郁，不會像其他拉面店般只得一陣咸味。而且海膽味道十分新鮮，沒有腥味。我們坐在一個可以看到師傅準備拉面的地方，師傅一整排的放進面裡，簡直是視覺享受。半肥瘦叉燒剛剛好，椰菜鋪底，面的軟硬度可以自由選擇，軟身拉面煮得恰到好處。另外朋友點了個柚子沾面，嚐了數口湯底，好像正在品嚐一個柚子特飲，十分清新。每碗面上面都有半隻溏心蛋，十分流心，滑嫩。食完沾麵，可以多加一個芝士飯，當芝士飯加埋食剩的沾面湯底，立即成為了一個炊飯。

係尖東，有時真係醒唔起食咩好，咁岩經過呢間沾麵，海膽沾麵睇相都覺得好味，決定點2碗沾麵加上小食🤦🏻‍♀️未講食物前，先講一講環境。枱與枱之間過逼，唔夠冷氣及抽風，感覺好焗。原板海膽沾麵海膽是新鮮的，粒粒分明，海膽味濃麵質太硬，可以再淰啲就更好魚子粒配上海膽後，口感軟軟脆脆硬硬，都蠻特別湯底濃郁，但唔會過鹹义燒沾麵义燒一般，比較韌；咖哩湯底味道太濃小食點了炸雞，太乾，失去肉汁，似食緊肉乾，失望之選

成日想食CWB分店，最終沒一次成功，是晚只好到以前幫襯過的尖東店。雖過了五年，分店環境是一樣的，餐牌多了期間限定的選擇。因為期間限定，所以點選了柚子沾麵，試試有甚麼特別。湯底是豬骨湯底，白蘿蔔片是酸的，我未試個湯底就浸左蘿蔔片入去，可能咁樣令個湯帶少酸。總括來說，整個麵麵令胃口大開，我好少會食哂成個麵都唔會覺得膩口，今次實用少有，但個湯快凍真係要改。但名古屋醬油雞翼方面，味道比較鹹，但雞翼燒得好，外皮是脆口的，肉身亦保持嫩口，如可減少鹹度會較好。

好中意食拉麵既我，又係時候發掘下學校附近有咩食啦😂行下就揾到呢間拉麵店聽聞過佢既沾麵好食，所以平時唔叫沾麵既我都要試試佢，睇下係咪咁好食！重口味既我就叫左個特濃豚骨沾麵，果然冇令我失望🤤個汁十分濃味，唔會好油同鹹，同埋個麵可以掛到啲汁，亦係拉麵既精髓。另外一讚係個溏心蛋，真係有流心同埋唔會好硬。而且店鋪會每隔一段時間推出果季既特色拉麵，同埋有得比你揀麵既硬度，符合唔同人既口味。所以好推介比中意食拉麵既人士！

想速食又唔想食也快餐店，沾麵或拉麵係一個唔錯既選擇，呢間餐廳沾麵出名，就叫啦呢個係豚骨沾麵，個湯汁係用微火煲住上枱，確保一路食都仲係熱辣辣👍🏻麵質夠爽，可惜叉燒有啲啲「鞋」，湯汁唔會過咸，好味既餃子咸左啲呢個雞軟骨棒配wasabi沙律醬，好味，wasabi唔會嗆喉但又突出P.S. 不過鋪內冷氣唔夠加上開放式廚房，未食完碗麵已經全身汗

食過2次都嫌沾麵D汁不夠熱，今次已經改為熱爐仔熱住上，正! 櫻花蝦湯麵原來可配粗麵，下次必定改粗麵上呢！芝士炸蝦球應該自家整，體有芝士但味道不夠突出，試一次就可以了。。。

睇演唱會，最方便又多野食，就緊係去尖東噴水🐳池果邊搵食啦！唔使返工既我，當然負責去搵地方食，左行加行，唔想食茶餐廳，又唔想等位食壽司🍣，咁就比我搵到呢間拉麵又有位，就入去諗住拎定位啦！4位唔斯該，噢.......點知，原來要齊人先入得，出返去門口坐住等，等緊果陣，靚姐比定紙我睇下有乜食，原來係好似車仔麵咁，自己選左個底之後可以加餸，湯底要咩，麵要唔要淋d咁。好在隊友門都快到步，入去坐低，✔️完就落order，我叫左個海膽拉麵🍜，冇加餸，其實本身都有2塊豚肉+海膽。都唔使加都夠食。第一次試呢個組合，都幾好食，但個湯底就濃味左少少，食完會口喝。有水提供，可以唔使叫飲品，不過都叫左樽富士山水既果汁，唔太特別。個樽幾靚咁。食完之後，好快就執哂d碗，想提你唔好坐咁耐喇🤣。明既明既，地方細細，食完都係拿拿聲走啦！唔好阻人做生意。所以大家想舒舒服服坐耐d就要諗諗喇！

濃香櫻花🦐拉麵 $93湯底: 分濃厚/清淡 我揀左清淡已經好夠味 因為有海量既櫻花蝦😹 店內有電磁爐可以熱湯 幾貼心叉燒比較普通 唔夠軟身 但未至於難食因爲有啲味吊下癮麵質係幼身直麵 揀左軟麵 只要軟綿綿就滿足🥚❌唔流心 比較熟 以糖心蛋黎講小小失敗 btw唔影響味道//超級多櫻花蝦 特別既但唔太嗜 佢有兩間分店 唔sure銅鑼灣會唔會好味啲 評語係佢比較普通🤧友人既沾麵食完之後加左個芝士炒飯 都幾得意 但佢覺得味道變得有啲奇怪 我試左覺得好有趣

今日經過尖東所以決定黎試下呢間出名食沾麵嘅富士山55。我地可能比較夜黎，所以都唔駛等位，呢度雖然地方唔大，但都算坐得舒服。呢度之所以出名係因為食沾麵最怕食食下個湯會凍唒，所以會有電磁爐保溫，但好可惜今日再黎電磁爐巳經變左做石鍋，雖然都保到d溫，但當然無電磁爐咁好可以長期keep住個溫度。沾麵麵條軟硬適中，個湯底味道亦不錯，但唔掛麵，成碗麵最出色嘅係個叉燒，燒得剛剛好，好淋好香👍🏻呢間唔算係我食過最好食嘅沾麵，不過都可以encore嘅

今晚去紅館睇側田演唱會，但不想去火車站附近的商場食飯，因人太多，食店出品沒有一間有水準，於是在尖東附近食店找找，老公被這間海膽吸引便入內試試，店員很好服務，我們點了白湯豚骨拉麵和海膽拉麵各一，老公還多加一隻蛋，麵質的質素很好，而湯底也很好，老公喝清整碗的湯,取價也很合理。

滿心期待去食呢間好多人讚既 日本沾面拉面專門店，今次就專誠黎試個沾面個湯係有個火熱住，係唔錯既 唔會食食下變凍櫻花蝦沾面蝦味幾濃，唔錯豚骨沾面豬味都濃，叉燒好食坐bar枱位聽到有個日本師傅講野，都幾有日本的味道啊，而且有提供冰凍的水。店員都會講果幾句招牌日文句子，歡迎顧客& 多謝幫襯。但重點係，個面唔太好食，仲有唔掛汁！唔掛汁啊完全！個湯太稀喇，之前食沾面啲湯好杰架嘛！唉 其實啲料係好食架，就俾個湯同埋個面破壞左！

之前聽人講，富士山55沾麵好食，所以嚟試。叫原味豚骨沾麵。湯有明火熱住，感覺得意。麵量比我平時食開少。湯甜，特別係…有d椰菜碎？椰菜既甜同豚骨未好襯。平時我食沾麵，湯無明火熱住，會慢慢凍。今次有火熱住，啖啖都要等一下，反而有d唔習慣。後來發現，麵係涼。咁就用麵條去整凍d湯？又好似work work地。最後食完，覺，雖然一開始覺麵量少，但食完，都有飽、無想食其他野既感覺。Overall感覺舒服。

兩年半前未對拉麵沾麵產生強烈興趣，對出品亦不甚講究。當時曾經黎過富士山55，只覺得都唔錯呀，但未有留低深刻印象。近年越食越要求高，亦睇到好多食評，先知道原來呢間55係超具人氣。決定今日再訪，證明當時真係有眼不識富士山。今日到來柯打左兩客沾麵。從未驚過重口味，必選一客特濃豚骨湯，再加一客櫻蝦湯。 特濃豚骨沾麵  單睇賣相已經不錯。此處特色係沾麵用鐵碗裝著，正方便用迷你電磁爐加熱，保持沾湯溫度。特濃豚骨湯真係濃得不錯，再加上魚介粉，魚介香比豚骨味更為突出，非常香甜。個人幾欣賞佢嘅麵條，粗身麵非常煙韌，飛水亦唔錯，微凍正好。配料方面有兩片薄叉燒，略為燒過，叉燒雖然薄但味道相當香甜，肥瘦相間，不錯。而溏心蛋顏色淺白，應該無特過滷過，但入口相當甜，溏心程度亦算唔錯。最後加入鰹魚湯，將湯一飲而盡。  櫻蝦沾麵  櫻蝦沾湯係豚骨湯基礎上加多滿滿一層櫻花蝦，豚骨湯濃度略減，更加提升到櫻蝦嘅香甜味，此款會配上細麵。最後，將櫻花湯改造成芝士飯，蝦香味配上芝士香，非常好味。今日再訪的確令我重新愛上，全靠一個小小嘅電磁爐，令沾湯可以長期保持高溫，正係食沾麵一大加分之處。

其實已經係第三次黎食每次都冇令我失望係香港地食野好難唔使排隊架喇，但係今次我都係等左20分鐘左右，畢竟間店唔算好大。食左幾次，我最中意食既都係佢既沾麵，而今次我就試左櫻花蝦沾麵。佢既麵非常掛汁，櫻花蝦真係好香好好味重要係d湯熱辣辣架！如果凍左仲可以同店員要求翻熱，服務態度都算唔錯。呢間拉麵店真係值得你一試再試

As I need to work in tst this afternoon, it is a good time for me to savour the Fujiyama 55 tsukemen once more! I ordered the signature rich pork soup tsukemen without any doubt, and it didn’t disappoint me.The soup is hot and rich, with the hard choice of noodles, they taste as good as it can be. I added an extra soft boiled egg, but the yolk is a bit overcooked and not very runny. Will be back next time but some room for improvement.