富東閣海鮮酒家

营业中

休息中

聽左好耐 富東閣片皮鴨今日終於有機會一試 一試難忘先講鴨 鴨皮唔脆 冇哂鴨油味鴨肉太實 好厚 好粗糙就咁食落去唔太好味摩摩皮即叫即蒸 而且一張紙一塊皮係有心機但係皮太厚 包完塊肉加埋好難咬 配料青瓜係黃既 一睇就知擺咗好耐咬落冇咩水份 好彩都仲脆 未係軟哂醬汁係最好既 因為係現成倒出黎既醬總括然而 唔會再食順帶一提食埋酸菜龍躉 唔會再叫金菇菜 酸菜一食好辣 浸左好耐但魚就冇味 唔酸 唔辣 係另外再放上去 最好味竟然係楊州炒飯 飯冇鑊氣 炒飯軟硬適中

$188片皮鴨其實唔算平，好多酒樓都做緊$88/$98/$108，幫襯呢度純粹支持黃色經濟圈，老實講，比之後退步咗，片皮鴨個皮唔脆，片到好厚肉，麼麼皮之前有少少咸味，宜家無味。但抵讚既係配料一啲都唔孤寒，一推京蔥一推青瓜咁比你，抵唔抵食就見人見智。另外叫了，黃金脆苦瓜，蛋黃包到每一舊苦瓜，苦瓜爽口、唔甘。本人本身唔食苦瓜都接受到。現場依舊有一班後生顧客支持，希望老闆多啲落場試下菜，唔進步都唔好退步。題外話：疫情其間叫過外賣小菜，部分出品麻麻，由其有雞既餸，雞件走油走到乾晒。

難得做好事,同d 朋友幫手去狗場做義工,又行樓梯,又行山路,又搬狗糧,餓到人都癲.難為年老義工住係深山,出入行山路,d 狗有咩事仲要帶佢地去診所,真係好辛苦.未落山已經打去富東閣訂枱,其實一直想試馳名片皮鴨.坐低,十幾張點餐紙,搵到片皮鴨果張.首先到係海皇冬瓜盅.大大舊冬瓜.冬瓜盅有蟹柳,蝦仔,貝柱,瑤柱絲,火腿茸,豬肉粒,瓜粒,草菇,湯幾清,幾消暑.咁當然唔夠asahi 消暑啦.片皮鴨到.跟青瓜同蔥.]春卷皮一層一張,一係成塊隊,一係自己搣.皮脆肉滑係正既.]蒜香骨,味道ok,但有少少乾.涼瓜炆鴨件,第一次見涼瓜少過鴨.清蒸沙巴仔,蒸耐左少少.上湯野菌時蔬,清清地,幾好,靠佢同大人交代.見其他枱都係食餐, d 師傅真係片皮片到手都軟,成個餐先九百零蚊.ok 啦.

今次要介紹呢排好hit既良心酒家出名片皮鴨估唔到另一樣餸更好食！！🤤同我推爆佢！🤩富東閣海鮮酒家🤩 冰鎮咕嚕肉 - 必食🧊🐖第一次食，勁好食！外皮比一般既咕嚕肉更酥脆由第一舊到最後一舊都keep住酥脆啲肉都好鬆軟 唔會死實酸酸甜甜 勁開胃💰$128片皮鴨🦆皮厚薄適中 幾大塊下偏煙韌(同出面既皮唔同)鴨既份量都幾多 唔會好肥夾住啲青瓜同蔥一齊食 無咁易膩加$30 可以兩食💰$178 (平日) $198 (閑日)👍🏻總括 cp值好高 食物高質回頭率 : 🐥🐥🐥🐥🐥/5

突然想食片皮鴨，就衝動地出左沙田，就淨係食佢又好似單調左d，所以再叫左幾款點心，真係好正，片皮鴨份量都多，都啖啖肉，而且餅皮亦係熱辣辣！再加埋幾款點心，簡直超滿足！食到好飽~

慶祝細路考完試，路經沙田，專登揸車去買佢好出名嘅片皮鴨片皮鴨係家人最favourite嘅中式菜式之一。但係近年食過幾間以片皮鴨為signature dish 嘅都唔係太有驚喜，一係較油，一係好蘇！擒日買咗一隻，內有鴨肉一盒，麼麼皮一盒同青瓜蔥段+醬佢哋嘅片皮鴨同高檔食肆不同，每舊都跟埋好多肉。以往對跟肉嘅片皮鴨都不太認同，因為覺得好似唔係好忠於原著。但係擒日試過竟然好surprise!鴨皮下嘅油脂分泌唔多，咬落去唔會一口都係油另外肉質比期望嫩滑好多仲要唔會成日蘇味絕對值得再去幫襯等外賣期間，發現平日晚上竟然八點鐘都要排隊等堂食。呢個情況比起市區酒樓都得個恨字。做街坊生意，老老實實又交足功課，一定長做長有後記。。。擒日返到屋企，一開檯大家就好開心不停食，所以鴨嘅相欠奉🤣😂

沙田嘅富東閣海鮮酒家喺一間良心酒家❤️，屋村格局，估唔到人流都唔算少。酒家用熱水滾住餐具，講究衛生。🍽當晚試咗最多人介紹嘅京式片皮鴨（兩食）加多一份小菜。……🦆京式片皮鴨（兩食）星期一至五：$188 ；星期六至日 $208片皮鴨厚肉，皮脆，油光足，份量多；配菜嘅京蔥同青瓜絲就有少少乾；至於么么皮，略為厚身，食皮都有少少飽肚🐷秘制柚子骨淡淡嘅柚子味，帶少少酸味嘅醬汁，開胃，醒神🍲七彩炒鴨絲（加 $35）有鑊氣，肉亦唔算少，正正常常咁啦……

全港最出名嘅酒樓 相信非富東閣莫屬啦💛當中片皮鴨一定係必食 星期六晚飯時間人山人海 果然預早兩星期訂枱係必須嘅😎🔺4-6人套餐 (一至五$688｜六日$708)🔸片皮鴨 1食落咗單好快就上咗包肉嘅皮上嚟而片皮鴨隔咗十五分鐘先上 嚟到嘅時候皮都已經半涼狀態 唔夠熱夾住食都覺有少少遜色 講返主角片皮鴨 上枱時賣相都可以接受肉佔嘅比例都比較多 食落外皮唔夠脆 配料青瓜同京蔥望落都幾唔新鮮 懷住失望嘅情況之下都係食咗兩嚿就放棄咗🔹粟米魚肚羹味道正常 但個羹稀到似粟米湯多啲…🔸蒜蓉蒸海邊蝦蒜蓉同蝦呢個配搭點都唔會伏嘅🔹椒鹽焗肉排份量都幾多 排骨粒炸得偏乾 再加埋椒鹽的確係幾惹味🔸菠蘿咕嚕肉其實味道冇乜大問題嘅 但咕嚕肉應該炸起一段時間 所以咬落偏乾柴 得個汁係微暖 🔹上湯野菌浸時蔬全枱都係肉嘅時候 真係要食多2條菜😂🔸椒鹽豆腐 HKD98平日嘅椒鹽豆腐可以當小食咁嗌但週末只可以叫例牌豆腐一口大細 個粉漿加入芝麻搞到外觀有啲奇奇怪怪咁 雖然係椒鹽 但食落反而偏淡(埋單見到要$98覺得有啲overprice🫣)💬平心而論 有希望就有失望 食物質素只係一般般 但呢個價錢嚟講真係非常扺食 講緊坊間一份片

/ 遠近馳名良心片皮鴨( ˊ̱˂˃ˋ̱ ) / ꧁富東閣💛꧂ #黃店推介呢幾年食個飯都要數下人頭 問下有無打針所以自疫情以黎已經慣左大時大節要喺屋企做節亦因為咁都好耐無去過中菜館 更莫講呢類屋邨酒樓適逢去開沙田又無咩特別黃店想試就決定兩丁友都要去食片皮鴨𝘓𝘖𝘓星期五晚去都等位 (留意有分小菜同火鍋)不過酒樓都算多枱唔需要等好耐一入座仲先黎每枱𝘍𝘳𝘦𝘦一支藍妹添 有點受寵若驚(笑)༄༄༄༄༄༄༄༄༄༄༄༄༄༄༄༛ 京式片皮鴨(壹食) $𝟷𝟾𝟾 (星期六/日 +$20)其實兩個人𝘒.𝘖.一份係少癲 但好彩完全唔膩 皮烤得夠乾身 乾到透光兼脆脆地皮下脂肪都已經迫哂出黎 油脂少肉味濃而不羶 每口啖啖肉 肉質又唔會嚡(˶‾᷄ ⁻̫ ‾᷅˵)要挑剔嘅話會話青瓜有改善空間 佢個樣似切完放左一日水都抽乾哂咬落仲乾過隻鴨咁另外烤餅皮都可以再薄多少少不過以屋邨酒樓水準黎計質素過然超班難怪成為餐廳重點招牌菜!多人𝘴𝘩𝘢𝘳𝘦的話仲可以+$35變兩食༛ 潮洲肉碎煎蛋 $𝟿𝟾久違嘅菜脯肉碎煎蛋 有種婆婆嘅味道~ (婆婆係潮洲人 印象中以前婆婆都有整過呢味菜)外食黎講呢個煎蛋算少油不過味道就好鹹下 建議浸下啲菜脯先用( ･᷄

全港唯一一間良心酒樓，雖然位置唔算好就腳，但唔想幫襯大集團❌，行遠少少一陣食多少少都抵阿。今次就介紹個久違既晚市先，睇住黎望梅止渴先。冰鎮咕嚕肉 $128 + 10%咕嚕肉啖啖都係肉🍖，肉質柔軟，炸皮薄薄一層，仲有少少脆口，比酸酸甜甜既醬汁包圍住，唔係紅到假個啲醬汁。不過冰鎮🧊原意應該係令佢外冷內熱同保持脆身，但咕嚕肉太熱辣辣，令到效果唔大。同埋略嫌配料少左啲，菠蘿🍍稀疏散落四周。京式片皮鴨 $178 + 10%片皮鴨🦆係連肉片個種，外皮好甘香，脂肪位唔算好多，所以食落唔會好膩。配料有傳統必備既京蔥同青瓜🥒，餅皮🫓都夠軟糯，包埋海鮮醬一齊食，令人食指大動。當然唔可以同專門店級比美，但酒樓黎講絕對係水準以上。片皮鴨兩食 京蔥爆鴨肉 $30 + 10%鴨骨🦴部份我地揀左用京蔥炒，好有鑊氣，京蔥送飯🍚亦非常惹味。再者都係加三十蚊，非常抵食。椒鹽鮮鮑魚(半打) $98 + 10%鮑魚炸得香脆，炸皮同樣都好薄，入面仲保持到軟林林既口感。薑蔥蠔煲 $98 + 10%一上台就香氣四溢，個煲仲辣手。蠔肉🦪隻隻都好飽滿唔會縮哂水，味道夠又好香口，係蠔味唔算好濃失色左。

沙田富東閣🌸黃店酒家💛💛好耐冇食片皮鴨啦呢間幾抵又好食😆😆＋30蚊有2食我地就食左個炒鴨殼一般 硬左d另外叫左個蜜糖黑椒牛柳粒好好食有埋薯仔好juicy 😋 推薦指數：片皮鴨⭐⭐⭐⭐⭐鴨殼⭐蜜糖黑椒牛柳粒⭐⭐⭐⭐

今日和屋企人去了呢間位於瀝源邨的富東閣海鮮酒家食飯，呢度嘅片皮鴨，價錢幾抵食，星期日$208片皮鴨壹食(包青瓜絲、醬料、面皮），兩食加$35，我哋揀咗食醬爆鴨件！坐咗一陣好快就有人送餐上嚟，首先片皮鴨的色澤睇落好吸引很均勻，鴨肉切得幾大塊，肉質比較有咬口？但鴨皮不算脆，而用來包鴨的面皮好大塊，一籠有十幾塊皮左右，質感偏厚！食咗幾塊已經有啲飽啦…兩食的醬爆鴨件唔係好重口味，份量都幾足料，食落都唔差嘅！！！

呢間富東閣出名有良心，位於沙田區，無論中午飲茶或晚飯都係平靚正❤️今晚叫咗個四至六人餐，我哋每個人$180都唔使，食到飽飽😋😋食咗最出名嘅片皮鴨，隻鴨都好大隻，好好味。另外仲有條石斑仔，粟米魚肚羹，薑蔥蠔煲，靚靚菜心及鎮江骨，整體質素都幾好，員工服務態度都唔錯👍🏻除咗片皮鴨之外，今晚最抵讚就係碟菜心，真係好新鮮好正，食落去完全冇渣，亦都好入味，值得一讚！👍🏻依家出街食飯每人都起碼二百幾，佢依然keep到平靚正，真係要多啲去支持支持。❤️❤️

一心支持黃店，亦知道是屋村街坊酒樓，已預期係一般水準都一心由屯門去支持下，隻片皮鴨D皮完全係切定好耐，完全係淋既，絕對係一般水準以下，冰鎮咕嚕肉$128，一盤冰上，肉就幾粒，口感同普通咕嚕肉冇分別，希望因為係晚市初初開返太旺引致，起碼要交返一般水準比特登嚟支持下既客人，重申，我只要求一般水準，因為尋晚餐飯絕對水準以下，非常失望

好少寫食評，但實在太失望同嬲!叫了盒燒鵝飯，唔期望會舊舊有肉，但都唔駛舊舊係骨皮係淋嘅! 比的全部骨位! 成餐好似食白飯咁!之前有幫襯過，今次的經驗令人不想再幫襯! 非常失望!