富臨漁港囍臨門酒家 (已結業)

上次去完富臨，今次又再去多次去探親戚。見到西檸扭麻花好似有啲新意就諗住試下，點知伏咗，明顯炸得唔夠，淋淋地之餘，仲好重粉味同油益味。所謂嘅西檸蜜完全冇。 好失望。而賣相亦都一般，建議大家唔好試。 除咗西檸扭麻花，我哋仲落咗個點心拼盤，入面有叉燒包，麻蓉包，水晶菜餃，粉果，椰汁紅棗糕，燒賣同埋蝦餃各一粒。其中令我最驚喜係水晶菜餃同椰汁紅棗糕。水晶菜餃真係好多 莧菜，一啲都唔韌，亦都唔會有好重嘅味精味，反而有輕微嘅蒜頭味，令到菜餃升到第二個層次。而個粉皮煙煙靭靭，晶瑩剔透。整體賣相因為粉皮透明，令到翠綠嘅莧菜顏色可以用肉眼透過晶瑩剔透嘅粉皮都睇到。另外椰汁紅棗糕都好好食。椰汁同紅棗嘅味道平均分配， 唔會有一種味道主導。椰汁層同紅棗層一白一紅，令到賣相升級， 口感煙韌。整體而言，賣相幾好 味道不錯，值得一試

呢個黑椒大腸，味道偏鹹，不過黑椒味好重，大腸唔會好酥，不過有少少靭。大腸索曬啲黑椒汁，好入味，其實都幾好食。大腸週邊有啲鹹酸菜，能夠中和有呢個大腸嘅鹹味。 而個生菜鯪魚球就好好食啦。平時食開嗰啲會一pat嘢咁樣， 不過呢個就好有彈性，鯪魚味非常重，鮮味十足。鯪魚球體積大之餘不失配料，有好多蔥，芫茜， 令到鯪魚球唔會腥。整體而言，鯪魚球有質素，不過黑椒大腸就有待改善。兩碟嘅賣上都不錯， 價錢中肯，下次去富臨可以試下。

今日和一位退休老師飲茶，她很好來我公司附近和我吃午餐，平日實在難夾時間喔。今日去了富臨漁港荃灣千色店那間，侍應姐姐非常有禮，立刻冲茶比點心紙。先望下附近街坊吃什麼才落單，飲茶最好係可以慢慢食，傾下計啲吹下水，最欣賞點心拼盤，兩個人吃啱啱好，有叉燒包、麻蓉包、一粒燒賣、一粒蝦餃、仲有素菜餃、潮州粉果和棗皇糕。另外再叫一籠我最喜愛的蝦餃皇和布拉腸粉，兩個人合共$99.5, 今時今日，物價上漲，以此開心價吃個午餐，一樂也！

(((荃灣區的茶樓是全香港最便宜的!!! )))我媽媽說的, 這番話!!! 所以這富臨漁港囍臨門酒家的午市也是非常的便宜!!! 值得一吃而又比較特別的是:脆鹵豆腐: 豆腐的外層炸得很鬆脆, 豆腐的內裏是軟綿綿的, 而且超級滑溜!!! 讚!!! 杞子桂花糕: 桂花糕很清新, 又爽口, 桂花味道很清香, 又不會太甜, 很清甜, 吃多幾塊都不會膩!!! 讚!!! 最特別的要算是:高山蘑菇包: 它們的外型超級可愛的!!! 像真度又超級高的蘑菇樣子, 但味道不太討好... 但以下的一種就完全不推薦了: 綠茶千層糕: 完全沒有綠茶味道, 而且質感是(((超級o林)))!!! 像在吃BB的(((糊仔)))一樣...

見全場得2枱打邊爐已有少少倒抽一口涼氣，仲要唔係跟住你張order紙執餸，而係求其推一車出嚟然後問你有冇點呢啲嗰啲。。。點嗰啲就唔係出嗰啲，好在我哋人少，如果人多肯定瀨嘢~ 我哋都費事再劃。。。。結果我記得點咗嘅黑豚肉，魚皮餃同豆腐都無嚟，但嚟咗好多我哋無點到嘅究竟呢個係咩玩法?

今日假期家人茶聚選擇咗呢間富臨，假日好多酒樓都唔會有特價，但呢度只要10:00前入單就依然有特價一行5人09:30去到，須然已經好多人但好采唔使等有位好快咁揀咗11款點心就入單，唔夠5分鐘已經送上香煎蘿蔔糕，急不及待試吓先，一個感覺……幾鬼咸一人食一啖已經停手，期待下一個點心送到，點知成十幾廿分鐘後先送到牛肉腸粉及炸兩腸都合格，腸粉都幾滑D粉唔會硬，山竹牛肉漲卜卜而且顏色唔會太黑或太红，食落冇騷味，幾好，流沙包內係芝麻餡，唔會乾甜味啱啱好，其餘……鴨腳扎、燒賣、上海包、鮮竹卷、菜乾豬骨粥都中規中矩,5個人假期飲茶11碟點心，埋單160元，都算幾平點心就ok但服務就一般喇，唔知係客多還是人手不足，想搵個侍應都相當困難，有待改善

富臨酒樓在荃灣千色匯六樓全層，樓底夠高，落地玻璃，裝修富麗堂皇，在荃灣區來說應該算是最大酒家之一。這是為什麼閒時總會喜歡過來飲茶的原因。雖然有很多餐枱，但要知道喜歡嘆茶的香港人何其多，所以才“撘枱”是必需的。 眼看酒樓的服務員不是太多，但是枱的數目就超多，所以叫他們換枱布，他們會不願意，服務質素略差。富臨的茶是普通之上，荼色均衡， 荼味醇厚。梅菜肉餅飯 ，$6.8梅菜較少但肉餅份量撘夠，差不多跟碗的大小一樣， 好抵食。蝦腸腸粉皮太淋，一夾就散， 較為失望，幸好有原隻大蝦。柴魚花生粥，$7.8，粥底好綿，不會水汪汪，好多柴魚，好香!雞扎腐竹皮好軟，但汁的味道有點酸，不知道是或因為醃雞肉火腿冬菇的味道？棉花雞所有材料都緊緊壓在一起。魚肚好大塊，把大部分汁醬都吸收起來。細心發現其實現在好多酒樓的電視都變了擺設，但富臨多部電視都是播放著節目， 一邊睇電視一邊喝茶談天，讚！滿分為10分(1分最低，10分最高)食物：7環境：8衛生：5服務：5價錢：9舒適度：7總分：7

😡😡😡😤😤😤今晚19/1/2017去富臨洒樓食團年飯，入到洒樓已經覺得唔對路，成間洒樓有大半空枱！😥點知食到一肚氣，一個穿紅衫短髮中年女服務員態度超差，對食客呼呼喝喝(應該係洒樓內唔夠人手，將怨氣轉到食客身上)😡；之後我媽媽好客氣問佢少少嘢，佢就非常無禮貌(呼呼喝喝)回應我們，當時我全家都激到爆(立即還拖鬧爆佢)，但佢態度變本加厲，我們立即向部長投訴，最後佢全晚被安排清枱及set抬，再無serv.其他客人😡！我來食嘢但要受人氣，係咩世界吖😤！一間食市內食物當然重要，但服務員服務態度亦相當緊要，你哋洒樓食物整得有多好食，但只要有其他問題已經令食客不再光顧！🙅🏻‍♂️🙅🏻‍♂️🙅🏻‍♂️請洒樓管理層留意一下，如該員工不適合做樓面(受唔到壓力)，就應調職做後勤位置！😩最後希望貴公司生意興隆！😅

是日午餐飲茶，原本開心的家庭聚會，但到埋單就谷氣！下午1點到達，飲正價茶，侍應比午市點心紙，咁就叫啦，點知就中伏！點心紙寫住$9.8嘅點心，到找數果陣變左$14.8,楊州炒飯寫住$48，比錢就收$58，原來佢話張點心紙寫住星期日要收多5蚊，咁就寫清楚啲吖，啲字細到我地都睇唔到，十分誤導，大家小心唔好中伏！跟住仲另外收多兩個我們冇嘅點心錢，我地2：15埋單，佢話係我地2：10落單，態度勁差，真係唔想激氣就最好唔好幫襯佢啦

去配完新眼鏡，就去呢度食晚飯，咁大個人都未食過大閘蟹，咁之前係富臨食飯有劵送，係荃灣啱有富臨又用得，一於試下。2人食，太飽了，呢度開頭以為好抵食，其實茶芥加一都貴，有碟花生收10蚊，我地叫左1碗白飯又10蚊，茶10蚊1位，又無濕紙巾比，元朗和天水圍果間有囉，感覺去西餐廳都差唔多價。但豬手真的好大隻㗎

又係12-9-2016 (Mon),爸爸o係o度用由媽媽永久居所o既經營者,送出o既月餅劵,o黎呢o度攞o左一盒雙黃白蓮蓉月餅,由於真係太唔健康,要注意飲食,但過節都要應吓節食啲,咁o係呢晚食飯,又每家要一個,就可以輕嚐啦.15-9-2016(Thur)中秋節正日晏晝,爸爸返到o黎冇耐,就問個月餅好唔好食?我都未開,佢就開喇.月餅顏色唔深,佢切好o左睇睇,皮薄蛋黃多油,食落,白蓮蓉唔算太甜o既,不過味道好似唔係好夠,蛋黃唔算好鬆軟,我食到幾重膻味,有少少怪.分數係3.5分

未試過1間酒家既晚飯係咁差的,上菜夠晒快,點左1個前菜,2個主菜加多個炒飯,唔駛5分鐘就上菜, 本以為ok, 點知。。菜又唔熱(應該預制再叮熱), 炒飯完全無味道。。唉。。。上左賊船

食物味道係唔錯，食物夠熱，新鮮蒸，而且抵食，價格相宜。但講到服務質素，真係要寫返幾句，抒發一下，唔明白d人係用一種咩心態做呢個服務性工作，服務業唔係應該用服務去工作既咩!？服務態度惡劣，舉手舉到手軟都冇人理會，越食越受氣，唉！真係冇下次。

原本開開心心同爸媽食結婚周年+母親節飯，換來一大肚氣樓面嚴重唔夠人，舉手舉到手軟都無人理。一個短髮姐姐服務差得無可再差。因為原本點咗嘅菜賣哂，所以我哋需要改單，問多佢兩句優惠詳情就對住我哋大聲發皮四，仲超無禮貌未講完就轉身走人，叫我哋自己搵經理改單，喺我哋面前同另一位同事嬉皮笑臉推搪工作，疑似有極嚴重之燥鬱症......俾佢搞到咩胃口都無哂，成家人仲差啲因為咁而鬧交最終有位正常少少嘅同事幫我哋落單，但氣氛已不能挽回第一碟上碟係呢個牛仔骨，賣相極差，得半兜，牛仔骨薄身而且大細不一，得十片以內，牛肉好騷，超多油，$88真係呃錢例牌燒鵝分量大，每件切得好大件好厚，不太方便食用。皮唔脆，肉鞋珊瑚蚌好大件，好難share。正常質素這次用餐經驗真的太差，只能BLACK LIST!!!

今晚心郁郁諗住同家人來食飯, 因為之前去過其他地方的富臨都幾好, 諗住冇死, 就試下, 點知換來的係一肚氣!!!本身個場都冇咩人, 心知不妙, 不過都算....叫左個大閘蟹, 不過不失. 都OK既, 但係之後就開始黎料.....我地叫左個"椒鹽白飯魚", 但係點知黎左個"椒鹽魷魚", 心諗: 唔係掛, 咁快出事? 我都算, 只係叫個侍應換左佢, 但係果個侍應冇換不得止, 仲要強迫叫個客人: "幫幫忙, 要左佢", 下? 而家係你地落錯單, 點解要我地去食D唔係自己要的野? 仲好笑的係, 我家人嬲嬲地唔想睬佢, 繼續食野, 擺到明好唔想要, 點知果個侍應就伸到個頭落一落, 係我家人耳邊, 貼到好埋話: "好冇? 幫幫手, 至多我送個糖水俾你!" , 心諗: 同你好熟? 之後我家人唔想搞大件事, 就話算...之後黎左個水鴨湯, 好好笑, 係人都知呢D細檯仔, 你放得個煲湯黎根本上冇咩位裝湯和渣, 咁點解唔好去第2度裝哂先上? 反正隔離檯冇人, 咁唔係仲好? 乾乾淨淨, 同埋我未見過一個侍應裝湯和渣可以用成個幾2個字時間, 仲要人地食緊野係度搞黎搞去, 真係好唔識做, 食得好唔安樂, 好想同