富臨皇宮 (已結業)

相約朋友食飯，有點困難，朋友住在上水，我住在九龍東區，真是一個東，一個西，地點通常都會選擇在中間位，方便找食，交通便利為主。咁啱，呢個星期六同班同學上大陸玩，回程時，路經上水，相約好朋友聚一聚，順便傾一下工作上的問題。上水，是朋友熟悉的地方，我這個外人，當然要朋友好介紹啦！哪裡有口福！他知道我喜歡食小菜，就決定食小菜啦！小菜真是好平宜，又多款式，海鮮新鮮美味。滋補燉湯，看得出用料豐富，湯清味濃，帶甘甜，一點都唔油膩，好適合秋冬進補時節飲用。芝士龍蝦伊麵，非常惹味、香濃芝士剛好掛滿每條伊麵，入口香滑，龍蝦啖啖肉，彈牙爽口，鮮甜又可口。乳鴿，每次食小菜，見到帶乳鴨食，我一定是唔會放過的食物，今次教唔例外，每人要左一隻，大大隻，炸得唔乾身，絲絲肉質嫩滑，鮮味十足，肉汁爆出，外脆內軟，味香濃。生煎菜肉口，唔食飯都要食的菜肉包，即叫即煎，菜肉包，散發了不少的香煎味道，表皮煎得脆卜卜，內保留肉汁、餡料豬肉、蔬菜都保留了鮮味，鬆軟好吃。

令人意外既傳統酒樓踏入十二月  愈黎愈多飯局自己屋企提早做冬   又唔想走咁遠  就去左屋企就近既呢間酒樓食飯開頭其實冇咩期望  始終認為酒樓都係食一般一圍圍既菜式部長姐姐見我地坐低人唔太多   建議我地散叫d小菜就可以我地望望餐牌 又真係幾多選擇 湯  真係要重點推介一下金銀菜燉豬肺湯足料  非常足料   用菜   雞 豬肉 等等既食材去燉  一大煲  4個人飲 每人最少都可以飲兩碗清熱 滋補  鐘意飲湯既就岩哂咸魚煎藕餅部長姐姐話係佢地自己製作  並唔係係街度自己買返黎 食落又唔錯 重點係唔油 每一口都食到d 蓮藕碎  正呀蒜蓉炒豆苗份量多  另外除左用生蒜炒  炒完佢頂頂仲放左d炸蒜   口感更佳味道更野味菠蘿生炒骨呢個真係屋企人至愛  一般出街都會叫到所以好易就食到高低生炒骨肉質好緊要 不過呢度控制得唔錯仲少少脆口BB豬半隻開頭有d驚食唔哂  不過其實講明BB豬 份量又唔會太多 唔洗擔心外皮脆扑扑 好好食 正呀最後忍唔住叫多左個生煎包黎食雖然外皮唔算煎得非常脆口  但係都絕對有個風味係度食飽暖住走  大家都食得好開心大家可以一試呀！

朋友最近在上水置業，當然是要替他高興，難得是我與同事到大陸工幹，返到香港，還早，就打個電話比朋友，順道到她的新居參觀一下，也慶祝新居入伙。當然在大陸空著肚子回港，都是想同朋友好好食返餐晚餐。我個人喜歡食中菜，愛其有鑊氣，坐得又舒適，聊聊天。小菜又多選擇，有部分還是特價，食得零舍開心。精選小菜、生猛海鮮、樣樣都好吸引味蕾。滋補燉湯水，用料十足，水鴨、花旗參、雞腳、瘦肉、滋補藥材，湯清味濃，飲落甘甜，滋潤，富有骨膠原，好適合秋冬滋補身體。芝士焗龍蝦伊麵，係我的喜愛，亦係好耐都沒有食過，今晚特別開心，當然也要來一個，獎勵自已的胃口。芝士香濃，但略有小小咸，有待改善，伊麵掛滿了香濃芝士，伊麵有質感，龍蝦鮮甜、彈牙爽口，啖啖肉，鮮甜味溶入口中。花膠北菇鵝掌煲，大大件花膠，彈滑有質感，夠膠質，骨膠原豐富，北菇好入味，厚肉，彈牙爽口，好稔滑。

家人提早做節食飯訂了富臨皇宮未講食物之前..............先講講服務職員有禮，但上菜真係太慢......................叫起菜最少45分鐘後先上第一道當上了第一道後，就一下子全都一齊上應該知我地快餓暈吧所以一下子除咗飯跟甜品一次過來啦!!!!我地唔介意一下子上既~~~~講番食物食物整體水準不錯西蘭花蔥爆蝦球蚌片蝦夠大隻爽口蚌片厚切但爽脆味道不會過鹹 龍躉兩味之碧綠炒球魚肉滑不易散開沾的粉不多，恰到好處味道鮮甜美味 龍躉兩味之清蒸頭腩最正係啲蔥!!!!!加上少少豉油就帶出魚的鮮 紅燒乳鴿呢個............信義妹係人奶媽..............禁忌之物...............無口福食啦........拎六仔的影張相當食咗啦~~~大家話味道不錯喎!!!!見到大家食得津津有味 紅燒竹笙海皇燕窩內裡有竹笙、蟹肉、雞脾菇絲、燕窩味道清，湯不太杰 果皮蒸鮑魚鮑魚鮮甜，帶有陣陣果皮香 薑蔥焗肉蟹蟹偏細蟹肉亦都略為差了一點薑蔥量夠，信義妹都食了不少 櫻花蝦海鮮炒飯裡面就食唔到海鮮啦~但係櫻花蝦就有大量飯炒得夠乾身味道適中，加上櫻花蝦的少少鹹鮮味呢個大家都想E

星期六一家人都無出街，一齊去飲下午茶，以為星期六日會好多人，點知等左一陣就有位。鮮竹卷，正正常常，好食的蘿蔔糕，味道岩岩好，咸咸地，煎得好香口每次飲茶必叫既鳳爪，都是正常的酒樓風味上菜果張紙都無拎走，員工真係好hea做南瓜煎堆，係四個大波波，剪開左方便食， 有啲黐牙，甜甜地幾好味。下午茶時段18.8一隻，以為一隻乳鴿會切開四件，所以叫左兩隻，點知細隻到只可以一開二，個皮一啲都唔跪蘿蔔絲酥餅，上菜紙又係冇拎走，感覺好唔衛生一件係凍既兩件係熱既，蘿蔔絲好好好好好咸馬拉糕，黎都已經係咁嘅樣，受咗輻射？食落味道都係正正常常，不過真係唔知咩原因變咗輻射馬拉糕平時飲茶最怕啲點心要等好耐，叫左十幾樣野，上菜速度都算快，不過加水同收碟速度相當慢，叫左三四次先黎收碟，有個呀姐仲建議我地自己執出去整體食物質素都可以，對屋村酒樓黎講，都叫正常的了！

假日一家人食飯，今次和平日坐嘅位置不一樣，坐得比較遠廚房，之前坐近廚房魚缸附近的。話說一入到去，某位女部長就向我們殷勤地推介酒席的菜單，冇幾千蚊都唔落樓嘅菜單，又話其他小菜的菜單沒有，話經常轉菜單，極力推介我哋食嗰個酒席菜單。🙄🙄🙄後其，我們在跟廚房附近的枱，發現有幾張小菜的菜單，之後我哋就懷疑該位女部長的態度，她更沒有走過來招呼我們這幾台，行咗去第二度。我哋叫咗德國鹹豬手、清蒸海上班、木桶豉油雞、叉燒、燒楠仔、木耳浸菜苗、冬瓜盅。我哋七點開始叫餸，等到成八點幾，鹹豬手同條魚都未到，期間不停去問職員有冇，佢就話同廚房追追.....追左成個鐘有多！不知所謂！最後叫咗總經理來講，最後經理話：「不如你哋取消啦」，有冇搞錯啊！後尾佢話請我哋食糖水......（無奈）希望這酒家的管理系統有待改善....

晚飯1般5太full. 隻阿拉斯加蟹成800蚊。拆開都多膏，入面好多水份。 不過主要食d腳。 d膏好濃好甘香， 濃到1pat pat泥膠甘，用匙舀。 好重海水味， 原隻蒸上黎。好型架，個個揸住黎影相。 d肉新鮮彈牙。 5個人都冇食哂因為連埋其他餸。 條魚我覺得1般， 不嬲5係太鐘意食斑，覺得d肉鞋。

新開左富臨咁耐都冇黎食過野, 今次係第一次過黎飲茶, 同埋屋企人一齊黎試下呢間有好多好新奇既野食呀, 四季豆, 戈巴, 蕃薯呢DD名就好特別, 不過食落就一般啫好似佢個四季豆, 加左D麻醬落去, 其實好唔夾, 不過唔算難食既, 四季豆同麻醬既味分開左咁樣, 不過麻醬幾甜, 都易入口既蝦餃唔算好食, 冇荀尖, 不過D蝦冇梅到, 有少少彈牙, 皮有少少厚, 都算不錯啦最搞笑係仲有雙皮奶叫, 好奇怪其實都係一個白色燉蛋, 不過比較甜價錢都OK啦, 一試無妨,不過唔會特登過黎食...

又到食糉的季節，證明端午節又到啦。細細個，屋企人就教我食粥要叫糉，食糉要點糖，點糖先好食。一開始都覺得奇奇怪怪，但食左幾啖就習慣了。隻糉點糖甜甜地，好似甜品咁好得意阿大個左要一邊點糖一邊點鼓油，兩種味道，更高享受，哈哈。最近屋企有三隻糉，包括: 瑤柱裏蒸糉，五香鹹肉糉，蓮莞梘水糉。開心地影完隻糉，跌左半隻落地，唉。

只為了芝士龍蝦伊麵富臨一開既時候，佢既芝士龍蝦伊麵只係$68，食左一次已經返唔到轉頭，之後係$88，到宜家$198⋯⋯我都係成日會掛住$198 真心貴，好彩佢宜家出龍蝦伊麵套餐，$238 有伊面有乳鴿，仲有木桶雞$48，所以多人去都好抵食芝士龍蝦伊麵個汁真係無敵，佢d龍蝦就中規中矩，因為呢個價過下口癮，性價比絕對係高好快已經食哂乳鴿都嫩滑大隻，相比出面既，都非常之唔錯木桶雞$48 一大盤，唔好以為hea貨，之前好似唔知$18定$28 超抵，味道好食之餘都新鮮既

同肥仔睇完戲都已經成8點，問佢想食咩佢又話唔知，咁我地就坐車返左上水先，返到去都夜，最終又去左酒樓食少少算數~入到去坐低後就見到酒樓推出宵夜先有得食既韓式部隊鍋，心諗真係幾得意，明明係中菜餐廳又何解會有韓國食物，係好奇心下就叫左個試試侍應送來後同張菜牌上既相一模一樣！個鍋入面有蝦蟹、午餐肉、腸仔、墨魚、年糕、青口同菜等，份量都好足，雖然同韓國既部隊鍋係有D出入，不過我就更鍾意呢個改良版本講吓海鮮先，食落味道鮮甜多汁，肉質爽彈，很是美味，而午餐肉更是懷舊的大大罐個種既午餐肉，好有口感之餘更帶有濃香的豬肉味，一個字，而湯汁就是韓國個種微辣中帶點微甜的泡菜味，很是野味，加埋海鮮一齊食真係好夾，另外跟鍋仲送一碟肥牛，整體都算OK抵食！

又一個工作至夜深的晚上，精神差就一定，但填飽肚先係目前最為重要的事，係就黎餓到想咬人的情況下，就同左幾個口臭同事去食宵夜~行行下入左去呢間酒家開飯去經過一輪你推我讓後就終於叫左個宵夜部隊鍋，送來後同張相真係差唔多，有 蝦、蟹、红椒、青椒、章鱼仔、青口及年糕，內容都好豐富，食落味道好鮮甜，仲有幾分泡菜辣味，食在胃中，尤感溫暖幸福，呢個餸真係做得幾好同事N仲叫左個清蒸飽魚,口感彈牙又爽甜，用黎送啤酒飲就最正加上價錢都唔算好貴，都算食得過食食吓覺得無菜食總係好似欠左D野咁，於是最終又叫埋碟鮑汁螺片扒生菜，生菜炒得嫩爽，螺片鮮甜滋味，夾在口中充滿多種層次感，真的很讚埋單除開3個人，每人都唔過2百，都算好合理！

唔經唔覺原來返來放工返到屋企已經成8點幾，阿爸原來今晚無煮飯下，成家人就去左屋企樓下酒樓食晚飯入左呢間酒樓後，我地因為太肚餓的關係下，好快就揀好晒D餸第一樣就係宵夜先有得食既部隊鍋，個鍋都唔算好細，夠晒成家3口食，入面有蝦蟹，又有菜、年糕、腸仔、魷魚咁，好多餸，個汁又熱又辣辣地，最適合我口味，依得我地成家都好滋味~而跟部隊鍋付送既肥牛都算OK，肉質都不俗，加埋鍋中既菜同湯汁下，一個字"正"之後仲叫左個清蒸飽魚，味道鮮夾嫩，鮮味得我同阿爸都叫左個白飯黎食今餐分數絕對係中上上級別，滿意滿意

放假去飲茶~ 1點幾到，唔等下午茶啦！芋絲春卷: 表妹嘈住要食春卷，好啦嗌一碟塞住佢把口。想啦鮮蝦春卷，但尼度只有一款，算啦照啦。上枱岩岩炸起，即食會辣口，非常好，即叫即整所以食落非常脆口，入面甜甜地，都唔錯。义燒腸:非常欣賞，未試過飲茶會比咁足料义燒，有瘦肉同肥膏，肥膏緊係唔會食，但只計瘦肉，份量都好足!仲大大舊，义燒味唔重不過冇所謂，當肉食。腸粉皮滑，good涼瓜排骨炒河:如圖料都係足嘅，排骨同平時一般食嘅差5多，好味，肥肥地嘅肉又軟又滑口汁嘅味都調得5錯，唔會太咸。苦瓜好大片，亦唔會好苦喎，幾特別。仲有其他點心都唔錯，上枱速度又快，亦唔貴，如果去開上水可以試。

一行人到酒樓，唔使等位，比咗大廳大枱，酒樓裝修新，用燈飾做到流星效果！不過感覺太花！好娘！大廳好闊落！唔焗促！不過碗筷非常油膩！摸上有食物殘渣！差！ 燒肉：皮唔脆！肉實，唔好味！富臨燒鵝餐（$158） 富臨燒鵝（例）燒鵝雖然皮唔脆，不過肉嫩，點酸甜燒鵝醬好味！高山耳浸菜苗：菜心苗爽脆！雲耳爽口！湯底清甜！ 乾炒牛河：炒得唔多油，河粉滑！豉油唔香！ 蝦餃皇：蒸得過火了少許，皮煙韌！蝦肉爽口！ 豉汁蒸鳳爪：炆得入味！ 蟹籽燒賣皇：幾大粒！豬肉多汁 豉汁蒸排骨：排骨幾滑！唔會過肥！鮮竹牛肉球：牛肉滑，馬蹄爽，枝竹索晒啲汁！好味！ 鮑汁叉燒包，第一次來時比上層嘅鳳爪汁沾濕晒，叫店員換過一籠！包鬆軟，叉燒醬甜蜜！好味！ 古綿馬拉榚：鬆軟微甜！ 翡翠鮮蝦腸：蒸過火，腸粉皮爛晒！蝦爽口！ 手指青瓜海蜇：青瓜爽脆，海蜇煙韌但太少！醋汁酸酸地開胃！ 涼拌高山耳：雲耳爽脆，索晒醋汁開胃！香煎蘿蔔榚：完全唔脆，比得好少醬料！唔夠沾！醬皇金錢肚：醬汁濃味，牛肚索晒汁！煙韌好味！四寶滑雞扎：好大一卷，我食到索晒汁嘅棉花！好味！上海菜肉包：無食鮮蝦菜苗餃：少許蒸過籠，皮煙韌，菜餡好多，爽口唔膩！食物好味！服務本來