富臨皇宮 (已結業)

平安夜唔想食貴野, 之前黎打邊比左張佛跳牆coupon, 288 一盅見平安夜又用得, 又未食過, 訂黎試下啦！湯料都算係咁，迷你版花膠, 鮑魚, 翅，螺肉, 海參等, 2個人, 每人飲到3碗幾到, 幾夠味, 老火湯嘅味, 唔係淡淡嘅見到餐牌有特價38蚊龍蝦，問有冇得叫, 點知真係有! 38蚊龍蝦伊面, 茶餐廳一碟牛河都唔只, 今日個芝士汁整得幾好, 面少左d, 肉份量都ok, 2個人食2樣野, 慢慢食都開始飽。見到有甜品叫, 又即管叫個双皮奶同芒果糯米卷, 双皮奶即叫即蒸, 但甜左dd, 同埋冇塊皮, 失望左dd。芒果糯米卷個函硬左d, 係芒果布甸夾芒果肉, 普通啦。

早上起床已九點，肚子餓了，喝個早茶吧！等了一會兒就安排好位置，酒樓燈光通明，全場裝滿水晶吊燈，相當漂亮！座位之間相對較窄，十分嘈吵！食物點了一段時間才上來，維持著一般的水平吧！最好吃的是金錢肚了，整體而言比較難讓人有回頭的衝動！可是，店子卻奇門如市啊！服務真心一般，揚手沒人添水，自己添了幾次，頗糟糕！蘿卜未夠甜，做成糕沒驚喜是肯定，煎出來不夠乾身，吃在口中水水的感覺！菜肉包味道略淡，菜和肉的調味未到家！有椰子香的饅頭，勉強可以！粉和水的比例失衡，軟綿綿的，無甚質感！鳳爪可以！金錢肚很好吃，爽口，微辣，味道濃郁，令人留下印象的小食！偶一為之好了！

都冇想過春天都未過這麼快就可以消暑了.為冬瓜盅而來.叫左:海皇冬瓜盅,加拿大龍蝦上湯焗煎麵底,涼拌高山耳海皇冬瓜盅:煲得好好味,用料足,有螺片,蝦,蟹柳,蟹肉,蓮子,燒鴨肉,金華火腿茸,鮮草菇,瘦肉粒,夜香花.味道清甜可口,入口舒服,燒鴨肉特別香口,其他材料煲得剛剛好,唔會老,每人有4碗,份量幾足.加拿大龍蝦上湯焗煎麵底:龍蝦新鮮,肉質唔梅,幾彈牙,煎麵好脆,不過個汁就差左D,幾油下.味道都唔錯.涼拌高山耳:爽脆好味,微辣令食慾更開胃.最後重有餐後水果送.西瓜好甜又多汁,波蘿好爽甜,唔會酸.真係滿足而回.

幫襯了土瓜灣富臨多年，一向的印象是食物合格，但服務零分；仍然繼續幫襯主因遷就老人家的居住地點，而且要酒樓食飯的話附近亦無其他選擇。一家人食飯小菜幾味，原本無甚麼可評，不過今次確實有問題。簡單的餸不多講，是次主力談談廚師推薦的餐牌，其中一款叫「黄金脆蝦丸」。不用講都知是炸蝦丸外層鋪上蛋黃粒；上檯時賣相OK，但一咬就知有問題...明明餐牌是「黃金脆蝦丸」，點解會變成黄金脆「龍蝦丸」？？以為是彈牙蝦丸，現在只有打邊爐那種龍蝦丸；你可以話龍蝦丸亦屬蝦丸的一種，但根據最新的商品說明條例，這是否有誤導之嫌？要查過至知。另外點了「獅子頭」，肉質及味道都OK，無特別。由於老人家為酒樓熟客，所以最終無投訴，但對富臨集團極度失望。

諗住開開心心同屋企人做冬，點知食到一肚氣！入左黎欣榮住兩年，自問係熟客，屋企人差唔多日日都去飲茶，年中買唔少年糕券月餅券，但唔知係咪因為從富臨漁港轉左做富臨皇宫，部長同經理都轉晒。今晚真係好嬲，同屋企人決定以後都唔再去食晚飯！今晚提早一星期做冬，約左親戚共九人，book左位，去到富臨見到人頭湧湧，已心知不妙。做節期間只可以嗌套餐，我地嗌左個$1,888八人餐，7:30人齊叫上菜，跟住一路傾住偈一路等......等......等。等左20分鐘，有個部長走過來問係咪上得菜，我地就話嗌左起菜啦喎。點知再等多20分鐘都係冇動靜，於是我地當中兩三個人開始扯火，部長講左好多次「黎緊」，但係我地就係咁見住隔離果枱俾我地遲入座既食客d菜係咁上......。之後嘈左好耐，男經理先莆頭，但都只係話「黎緊」，其時我老豆已嬲到唔肯坐低。又過左20分鐘，終於上左兩味餸：芝士焗龍蝦同埋炸子雞。其實係人都知富臨既芝士焗龍蝦唔得，如果同九龍城竹園比就更高下立見。報紙之前都講過話富臨d芝士焗龍蝦夾雜蟹柳，不過屋企人鐘意食呢味餸，冇辦法。一如既往，龍蝦肉「梅」、冇肉、芝士用芝士粉整。呢d都算，我當佢將貨就價。但成碟餸凍晒