富臨皇宮 (已結業)

最近同朋友近近地去富臨度飲茶以往都去開沙田區的富臨 雖然稱唔上好食但都叫正常 不過不失於是諗住呢間都唔太差一去到就覺得服務態度其差 台上冇點心紙 叫左好耐都冇侍應理後來黎左個侍應 態度好唔耐煩 放左張點心紙就即刻轉身走但茶又唔開 卡又唔開 真係幾無奈上菜速度其慢 等左40mins都唔上點心侍應解釋點心係即叫即蒸 所以會耐點到有點心食時 好多點心都蒸過龍 大部份都淋哂其中個煎薄撐 淋到好似條毛巾咁個炒芥蘭仲恐怖 條條都油令令 真係唔敢食唯一推介 馬拉糕食落好香黑糖味 好特別 而且又鬆軟 推介呀

星期六去左呢度食飯, 老豆睇左兩睇餐牌覺得價錢OK就入左去食啦~今日都幾多人黎食, 唔知係咪近中秋既關係, 好彩我地都幾早到, 唔係要等位就麻煩~老豆發牌都點左幾多野食,  有乳鴿啦, 響螺湯, 南非鮑魚, 炒左個菜, 芝士焗龍蝦同埋蒸左條龍躉, 好好餸呀真係先黎既係個響螺湯, 呢個湯黎做頭炮真係不得了, 佢啖湯勁甜勁鮮味, 真係好好飲, 望下佢煲湯渣就知我無誇張, 好足料先煲到呢個味, 平時覺得夏天飲湯好唔爽既我都飲左兩碗! 不過價錢唔平, 都知一分錢一分貨, 但唉也團年飯咁就無計啦! 最後連D 湯渣都唔哂, 係咁食D 螺片乳鴿叫左兩隻, 都好入味呀, 又多肉~南非鮑魚只落左兩條蔥去煮, 厚肉, 有彈性~~芝士焗龍蝦配烏冬, 龍蝦幾好, 大大舊肉, 而且一早夾開哂D 殼, 好易食; 芝士醬偏結身, 唔算好濃味, 食多少少都唔會覺得太膩口~ 不過如果上台時可以再熱D 會好食好多!!條龍躉蒸得岩岩好, 新鮮所以無咩腥味, 魚肉滑滑~~今日餐飯都幾豐富.

免費報章近日刊登富臨皇宮特價晚飯海鮮的優惠券，四人食海鮮餐每人平均都係百幾蚊，真係仲平過自己煮，擇日同兩老老姊刷番餐！土瓜灣的富臨皇宮街坊酒樓格局，地方很大，依靠街坊熟客的支持。金蒜銀絲鮮帶子 ($98) 金銀蒜鹹香惹味，帶子開邊肉質鮮甜嫩滑，粉絲吸收了帶子的鮮甜味，加上豉油調味，食味吸引。果皮蒸南非鮑魚 ($116)鮑魚肉質柔軟彈牙，果皮同蒸增加鮑魚香氣，新鮮活鮑魚以清蒸最能帶出鮮味。波士頓龍蝦 ($168)配烏冬以芝士焗，波士頓龍蝦不及澳洲龍蝦的肉質，但價錢平宜好多，加上以芝士焗尚可帶出鮮甜肉味。烏冬不用油炸，比常用的伊麵健康清淡，烏冬吸收龍蝦的鮮甜味食味不俗。清蒸沙巴龍躉 ($168) 沙巴龍躉 大約一斤左右，大小適中，清蒸能帶出其鮮甜嫩滑感。兩老亦一至讚好！富臨今期主打特價海鮮價錢吸引，食味亦算不俗！

是日又去欣榮花園探朋友，順理成章去富臨晚饍，由友人負責叫菜。欣榮花園的富臨皇宮面積很大，就算人客很多亦坐得很舒適。淮杞燉響螺湯湯盅看似很大，其實只可以分到四碗湯，因為湯渣實在很多，雞看似有半隻份量，再加上淮山、杞子、紅棗、螺頭、赤肉，材料十足，湯味亦很濃很鮮。紅燒乳鴿每隻切半，要用手先食到，食落有大塊肉大杯酒的豪氣，乳鴿皮未算燒得很透，肉質尚算嫩滑有鴿味。花膠北菇鵝掌煲中的花膠當然不是甚麼上等貨色，但有數塊之多，入口有花膠質感，加上炆北菇鵝掌，咀唇都可以感受到點點槳口感覺。當晚食完飯與友人仍多坐一會，沒有人催促埋單，感覺良好。

一到九月十月,就係食蟹既季節,朋友們都喜歡食蟹朋友平時去開呢度飲餐,發現最近出左個黃油蟹四人餐,都幾豐富,所以就揀左一日一齊去食清蒸頂級黃油蟹黃油蟹每人有半隻,今次黎食都是蟹乸由於已經將蟹一分為二,所以就先吮中間既蟹膏雖然不擅長剝蟹肉,吃得有啲狼狽,但蟹膏都算鮮甜,而蟹肉都好多,鮮味十足脆皮乳豬乳豬皮好脆身,而且件數都唔少點少少乳豬醬食更加好味原盅燉響螺湯湯有好多料,唯獨不見響螺蹤影,只見豬肺,豬肉,雞腳,菜乾等等湯有啲咸,味道還可古法蒸龍躉腩唔知咩叫古法蒸,但只見佢以雲耳墊底,再淋上蔥油,可能呢啲就係古法蒸龍躉肉唔多,但都叫仲滑身,不過佢比埋條龍躉既尾龍骨比我地變相骨多過肉生煎菜肉包唔知點解要配個點心作結,不過食左咁多道菜,反而最期待係呢包一碟八件熱辣辣,表面少少脆,包身卻軟棉棉

又喺度食黃油蟹嘅季節，我地全家總動員出動去食蟹當日餐廳坐滿晒人，我哋一坐低就即刻落單，但係都等左成個鐘先有得食，不過唔緊要啦有好嘢食就咩都冇所謂先來隻黃油蟹，餐廳已經好細心咁將兩隻黃油蟹剪開成四件，見到啲蟹膏流晒出嚟我嘅口水已經流哂出黎脆皮乳豬足足有半隻乳豬每人分到4-5件，而且皮脆肉嫩，豬皮仲熱辣辣西芹炒蚌片西芹好爽脆，鑊氣十足螺頭湯好鮮甜而且用料十足花膠生菜花膠好厚而且味道濃郁古法蒸龍躉龍躉肉成隻手指公咁厚，單純清蒸食到龍躉嘅鮮味最後仲有生煎包應該係即叫即煎，外皮脆，肉汁保持得住

今日係土瓜灣附近做完義工，就去同屋企人食飯，話去富臨到食，就去左間近近地醫下個肚今次屋企人都叫得幾豪氣，叫左份果皮蒸南非鮑魚，阿拉斯加蟹，豉椒炒蜆果皮味好重，又吾會遮蓋左鮑魚嘅鮮味，反而令到佢更鮮，個鮑魚又比我想像中冇咁韌，都幾好咬口阿拉斯加蟹好大隻，d肉好鮮，味道好夠，吾洗加好多汁都好夠味，非常啖啖肉，幾好食黎多個豉椒炒蜆個汁好濃郁，撈飯食一流，仲有d青椒紅椒，d蜆肉又冇乜沙，都幾好係富臨皇宮食海鮮都幾抵，吾會話好貴，都幾好喲

友人喬遷欣榮花園入伙，上去探吓小朋友，友人盛意拳拳邀請留下晚飯，樓下有富臨皇宮，近近地都好。以前食過富臨皇宮其他分店，感覺上質素麻麻，不過友人話都幾好咁是但啦！見到有龍躉兩食228，依家喺街市買龍躉肉炒球都要過百，酒樓有人整埋都抵食。龍躉肉多骨少，小朋友都食到，就叫呢個。另外做緊特價燒鵝例牌20蚊，真係抵到極，又叫。再叫多個泰皇蝦腰炒通菜，三大一小都夠食喇。燒鵝例牌都有脾位，雖然件數不多，但20蚊真係冇得要求。燒鵝微暖，鵝皮尚叫脆口，鵝肉比較痴骨，可能緊緊熟，燒得透啲會更好。清蒸龍躉頭腩有少少碎骨，大人比較啱食。龍躉頭腩都有好多肉，龍躉皮膠質豐富。西蘭花炒龍躉球嘅龍躉球就啖啖肉，小朋友都鐘意食，西蘭花比較硬，炒耐少少腍返啲會更好食。泰皇蝦腰炒通菜幾惹味，都有唔少蝦仔，個菜唔算辣，咸香味濃啲。四個人都係食咗400蚊，街坊酒樓有時唔煮飯落樓食不失為好選擇。

星期日就是懶洋洋，不想煮飯落街食晚飯喇 !!! 之前放工路過，見到這份好抵食的波士頓龍蝦孖寶，一於嚟試下喇 !!! 點了份芝士焗龍蝦伊麵底 + 極品燒鵝皇例牌 ... HK$258 不鍾意燒鵝，亦可以配紅燒乳鴿、金裝拼盤或者叉燒皇 例牌的燒鵝皇先到 ... 例牌都幾大份，仲斬了隻燒鵝脾比我們 ~~ 皮薄有少少脂肪，食落去微脆又甘香，鵝肉嫩滑，點少少酸甜醬一起食就無咁膩 上湯焗龍蝦伊麵底 估不到波士頓龍蝦都幾多肉，龍蝦肉質鮮甜彈牙 墊底的伊麵份量不少，伊麵吸收哂上湯和龍蝦的精華，很好味 金銀蒜蒸三頭大元貝 ... 亦都是抵食推介 ... 大大隻元貝只是 HK$18 隻 元貝肉厚又鮮甜，記住要食埋墊底的蒜蓉粉絲呀 !!! 菠蘿生炒骨 HK$68 炸漿不太厚又夠脆，酸酸甜甜好開胃 XO 醬西蘭花炒象拔蚌蝦球 HK$98 仲有很多抵食菜式想試 ... HK$48 木桶豉油雞、HHK$68 清蒸沙巴龍躉班、HK$68 隻薑蔥焗肉蟹 ... 下次唔想煮飯又嚟開飯先 ** 以上分享是以我的口味、喜好和情況作出分享及感受，一試 / 合用與否請自行決定

無飯家庭開飯@富臨皇宮家中老人家只愛吃中菜，平日都是無飯家庭，但都是各自自理三餐，今日難得夾到時間就一齊到附近食晚餐。中式小炒配合老人家胃口，火桶豉油雞 $18(2至4人可用優惠價享用一隻)，皮都上了色，肉都唔會有雪味，幾嫩的。高山耳沉菜苗$58就健康的嘛，黑木耳爽口，少油同上湯整熟。海味銀絲煲$68就當是飯的代替品，炒得乾身唔會出水或粉絲發漲。有椰菜蝦乾同乾瑤柱絲，不過食到尾就有點油。手拍青瓜$33開胃一下，酸酸甜甜一下子就食曬啦。拼盤$88就有炸豆腐，素鵝，燒腩仔，煙鴨胸肉，勝在大大盤包羅萬有，總有合口味。海皇冬瓜盅$98，平日沒機會喝湯，也沒人買料看火煲，冬瓜補水去暑，成個上。入面有蝦，真蟹肉絲，蟹柳，豬肉，勝瓜粒，帶子，草菇，有火華火腿煲到湯都幾鹹鮮架，晚上連喝4大碗。甜品我真是忍不到，還要很抵食，出門食個糖水都起碼30蚊了，我不用30蚊食到兩個。雙皮奶$10.8都幾滑，雙皮就食唔出啦反而是燉蛋白，有蛋白同奶香，熱辣辣剛蒸好，食完甜入心肺仲好滋潤。香芒糯米卷$12.8就皮好薄，仲包了椰絲在外層，餡即是混了芒果肉的布甸，口感彈彈黏黏仲好重花奶味。因食物都幾大份，仲可以打包走，平日

要同家人食飯揀餐廳諗到頭都爆，因為家人比較喜歡中菜，還是揀了富臨。埋單都係$400到$48木筒鼓油雞真係食到喊。腐乳炒通菜黎到大大碟，夠4人份量，好抵食！瑤柱琵琶豆腐見都幾特別就試下，估吾到做到外脆內軟既感覺，又唔會覺得好油膩。食素既人應該幾鐘意！香薯一口牛（即係黑淑薯仔炒牛柳粒），食落好香口，餸白飯食一流，薯仔同牛好平均，即刻叫碗白飯黎。整體黎講，環境坐得舒服，最緊要啱長輩口味。要讚的是店員服務態度良好，經常幫我換骨碟

今日屋企無飯食，去左揾朋友一齊食飯，朋友提意去富臨，因為簡單唔洗諗，結果就去左依度食。依度既環境仲好寬敞開揚添。平時如果唔係有飲宴，好少去酒樓食晚飯，但經過今次之後，我覺得酒樓絕對係食晚飯或聚會既好地點，因為有好多選擇！見到餐牌有好多小菜食，但由於我地人唔多，所以就叫左就兩樣食物黎食。蜜汁叉燒皇：叉燒既表面燒到有少少焦脆，咬落去好肥美，而且仲有少少甜味，叉燒既味道層次分明，而且個底勁多叉燒汁，勁juicy，真係配白飯一流！XO醬西蘭花象拔蚌蝦球：蝦球炒得好爽口，而且肉質鮮甜可口。象拔蚌好有咬口。而西蘭花炒得好爽口。材料索滿左xo醬既香味，仲有少少微辣添，勁野味。成碟餸既火喉控制得啱啱好。

今晚同媽媽兩個人二人世界，平時日日煮飯已夠辛苦，特意叫佢抖下唔好煮飯，去左屋企附近食晚飯，去左酒樓叫小菜，平時都係飲下午茶先去，食晚飯小菜真係少之有少，見門外既廣告餐牌小菜標價都幾合理，所以吸引左我地入去<<瑤柱琵琶豆腐>>用左瑤柱絲打成芡汁淋係豆腐上，豆腐中有蔥粒同食落有少許似雞蛋口感，入口軟綿綿，配汁食幾濃味又不會太咸<<清蒸東星斑>>東星斑大約有十四兩左右，媽媽話食魚前要用豉油不斷淋係蒸熟左既魚身上，令豉油同蔥既味道以提升魚肉既濃郁味，魚肉食落幾嫩滑，蒸得剛剛好，蒸魚豉油加蔥送白飯食實在無懈可擊<<木桶豉油雞>>依款豉油雞係平價小菜之一，估唔到以優惠價食到咁大隻既全隻豉油雞，每件雞肉肉質非常嫩滑，而且整得好入味，味道剛剛好，啖啖肉，大隻到食唔哂要打包回家整體而言，小菜味道不錯，亦係一般所食到既傳統酒樓中菜，價錢比想像中便宜同合理，以前去親酒樓食都覺得貴，但而家物價高脹，其實同外面既小菜館價錢差不多，可能仲覺得便宜點，起碼酒機坐得舒服少少同空間感大點，同家人去食確實不錯既選擇，但服務員可

呢排好忙 都冇咩時間同屋企人食飯難得今日放早 於是同媽咪兩個人去撐枱腳費是佢咁辛苦係屋企煮飯***1.波士頓龍蝦孖寶 $238小編好中意食芝士 雖然係膩左d 但都照叫左個芝士焗伊麵底 芝士味濃郁 龍蝦都幾有肉再配埋兩隻嫩口而有彈性嘅紅燒乳鴿我地都好滿足😂***2.XO醬西蘭花象拔蚌蝦球 $98一餐飯點都要叫碟菜嘅 雖然象拔蚌係韌左d 但d蝦尚算爽口***3.果皮蒸南非鮑魚 $38隻叫左兩隻鮑魚 本身怕會煮得太韌 點知煮得啱啱好 爽滑得黎好易入口 仲有少少果皮香味突岀左鮑魚嘅鮮美

天氣寒冷，見到有個128一位火鍋任食2小時，諗住試下，點知原來比大家樂大快活仲衰，叫豬楠片點知成塊都係肥膏，叫羊肉無羊肉，支竹硬到食唔到，肥牛普通，仲衰過大快活！仲要等左大半個鐘咩都無黎，仲限時！問服務員，全部都好無禮貌，好似我欠佢錢咁，最後成餐都係食丸食菜，都無諗過俾128要d野有幾好食，但唔係咁囉，仲要成餐飯都受氣！以為唔會再光顧，俾錢買難受