富臨酒家 (已搬遷) 新店位置

我們一行20人到幸福樓食火鍋,最初感覺很好有電梯(木做),坐落之後乜都無,茶又無,水又無,杯又無,都無所謂一餐半餐姐.跟著就要自己去食物,點之出到去乜都無,仲要食物無乜新鮮,返到去,之後點之隔離無啦啦GAS起大火,好驚!!!

難忘的晚飯。我同屋企人一行三人去晚飯,菜單如下:炭燒豬頸肉大班兩味:腐炆頭腩 菜心炒班球塞螃蟹 燒豬頸肉除肥了點外, 味道其實不俗,尚可接受,班球的「班」很「木」, 一吃便知不新鮮。頭腩的魚也是一樣, 完全不合格。最厲害還是那叫塞螃蟹的「食物」,那根本只是豆粉炒蛋白,吃下去一「pat pat」的,又有點像一堆白色的嘔吐物,我從未吃過如此難以下嚥的食物,簡直不知所謂。灣仔幸福樓就是有這樣的出品,

後記2005年12月24日未試過打邊爐冇牛肉食,只見到d人既枱面有一碟二碟牛肉,但係出面得過吉碟,幾次見到人拎牛肉回程時,到我出到去又係冇,火都黎埋,最後到我走時都見到有牛肉,但一見到真係唔係好開胃,d牛肉肥膏多過肉,點食呀!其他只係有山根,獅子狗,芝士腸,豬肚,炸魚皮,菜.....真係好少野,有出過魚生,煎雞弈,人又多,好似搶咁又要輪,但係我又見到其他人好似好享受咁,可能啤酒汽水任飲,咁佢地覺得抵食掛.我自問唔係好鐘意咁搶法同埋咁輪法.sorry,真係唔啱我不過呢度有個待應非常好,戴眼鏡胖哥哥,佢一見人在非吸煙區食煙立即出聲制止,如果個客唔埋佢真係再行埋去同個客講多一次(頗大聲的),個客都知衰唔食,真多謝佢令我有個咁好的住食環境.

由晚上6點3開始一路任食, 每人九十幾蚊, 非常抵食, 汽水, 啤酒, 竹蔗水等任飲, 不停供應, 熟食好多款, 熱辣辣, 又好食, 生食又係好多款, 又新鮮, 重有甜點心, 糖水都有四款, 每檯送一碟醉雞, 好好食. 每隔大約幾個字會有特別推出的食品:1. 大閘蟹, 憑單領取, 每人一隻, 不用搶, 味道OK.2. 椰皇燉燕窩, 憑單領取, 每人一盅, 出奇地好味.3. 北京片皮鴨.4. 蝦沙律.之後重有無就唔知, 因為已經飽到走左.服務一般, 但起碼夠侍應, 不會無人理你.很好的一間酒家.

好食, 好抵食! 之前同班同事去灣仔個間! 正!! 好食, 又多野食! 7點幾食到10幾都一直有得食! 強烈推价!!!!

今日同老公兩個人去食lunch,食左8樣0野:xo醬少蘿蔔糕+海鮮扎+煎釀三賽+山竹牛肉+咸薄撐+叉燒包+蛋撻+牛肉腸,樣樣0野食都幾好味,只係service慢左D

7月23日逛完書展9:00pm幾, 我同兩位朋友去o左灣仔幸福樓打自助火, 入去坐底後, 就出去睇o下有o麥食, 入去前我都知道熱盤唔會再出, 所以得番D尾, 但無想過連火食物都無O麥, 我心想O甘入來打邊爐食O麥呀, 走去問部長佢O地又一個拖一個, 一時又話一陣會出, 一時又話我負責晚市, 打邊爐O個邊唔係佢負責, 無人行理.只係間歇性出兩, 三碟應酬我O地, 但係O甘多人等,一陣就無曬, 到~9:40分客人開始鼓譟起來,一一不斷投訴,我O地都有投訴, 問部長出面無O食幾時再出, 點知個店員反問我O地:咁你想食O麥呀, 激到我O地紮紮跳, 回應番佢:咁你出面有O麥食呀, 佢無聲出. 其後佢O地終於行取食物出來比客人吃, 但數量都好有限, 約七, 八碟左右, 全部都係魚蛋, 腸仔, 蔬菜, 蟹柳, 烏冬等食物..... 質素好差,仲好串咁大聲叫你O地快D去囉呀, 唔係轉頭又無嫁啦, 我心想咁叫打邊爐呀, 同難民有O麥分別呀, 我都無心機再食啦, 差不多十點幾,就埋單((約70幾蚊位), 見到其後入座的人都派紙仔點菜啦, 點解我O地唔係咁嫁, 莫非真係要找人幫佢O地食曬D尾, 總結一句講

d姑媽話要同我同daddy, mami飲茶, 要去灣仔幸福樓, 我就即刻上左openrice睇食評, 唉, 個個都話d service差, 我巳好唔想去...同mami講:"mami, d網友話幸福樓d serive好差, 我唔想去呀...:mami:"係ga! 出哂名ga啦! 你夠薑咪同你姑媽講要去第二度lo!"唉...我同d姑媽八年冇見, 一見就諸多麻煩咩...而家又放緊暑假, 唔通重話唔得閒....重要約早上7:30! 即係我要早上5:30起身!結果我在落狗屎既雨之下仆左去...入門口巳比個女人"折"住話唔入得住, 要我入遮套, 唔好搞濕佢地方!入到去, 個個大人都"懶"客氣, 你推我樣咁唔tick野食...好啦, 由我哩個"靚"妹去tick lo! 問佢地食咩就話:"得ga喇, 你自己鍾意食咩就叫, 我地樣樣都食"咁我咪tick lo!我諗成日飲茶都食蝦餃燒賣, 今次叫下新鮮d既野啦!豆沙窩餅同水晶包係佢地叫左, 食住等我地到的, 豆沙窩餅- 好油, d皮好un奶黃水晶包- 幾好, 奶黃幾多下我見佢地都係叫甜野, 我就諗住叫甜野佢地都冇意見:蘆薈蜜瓜糕- 係馬豆糕既變奏, 馬豆

樣樣點心都唔係好食普通野值得一提就係佢既雞絲粉皮好難食雞好鞋冇咩料到!又唔平wo!

D野唔好食,又等得耐,D點心仲有D凍添,點食呀,同埋D態度好差,好似有客人就等於要佢地做多左野,好唔得!!

呢度幾迫,兩個人去心定坐摺檯,幸好那天和朋友飲茶有單邊位坐.....點心較特別有鵪鶉蛋燒賣,粉麵連日式拉麵/東蔭公湯烏冬都有....質素一般,唔特別差,大概六至七十蚊一位倒.

講真....我都試過覺得很唔抵...因為明呃, 又計呢樣又計那樣...根本自己碟碟叫仲抵, 但我前幾晚去左大角嘴麗都酒樓就真係覺得好抵, 因為$40, 已包湯底, 食物都係任叫任食, 而且都無咩欺場, 幾十款任叫, $10 有3 支青島,$12 有1 榨嘉士伯, $5 有1 榨西瓜汁....都算係好抵, 但當然火鍋料沒有肥美的海鮮啦...但點都叫做抵食啦$40, 我地2 個人埋單連茶,加一,醬油費,啤酒... 都係$128.00 <br>唔一定打火鍋抵, 其實食晚飯都很抵架~<br>唔知其他麗都分店有無大角嘴呢間咁抵呢? 因為它在太子,沙田,旺角都有分店....

$58 任食任飲火鍋加埋d 唔知乜野收費, 同埋一個強迫你要的什錦鍋(已經係任食,俾個什錦鍋即係除褲放屁, 佢明係屈水) 收費竟然係$9X 一位, 再加埋兩碟要收錢的野, 埋單要成百二三蚊位, d 野唔好食服務差, 以係唔會再去.

可能因為禮拜五係公眾假期啦，佢放左多好多位出黎，感覺好迫好辛苦。而今次野食就差左Ｄ啦，個籠金錢肚真係不知所謂，食左感覺好似怪怪地味同埋成口粉咁既。最差就係其中一個侍應真係好唔掂，記得以前黎到佢既service就係好差，個時仲見到佢俾個經理鬧，但佢仍然無改善，今次去就更差，不但只無啦啦叉隻手出黎收野，嚇親我地之外，佢沖水既時候更完全當我地無到，沖到週圍都係不特只，佢差Ｄ瀉到我個身度，又無禮貌，講野又大聲又成日同人嘈，尤其同Ｄ部長嘈，連Ｄ部長都費時理佢....你話幾恐怖???

又係放工同D同事去飲早茶，佢又平又抵食，環境又舒服，係灣仔區的確吸引到我去幫襯，但有一次小弟放大假，我D同事去飲早茶就遇到一次好唔愉快既經歷，點心送黎後佢地食左啖就發現點解凍既，咁梗係要叫佢換啦，但點知叫下一次叫下又一次，佢地不但無換，仲拖左成半個幾一個鐘喎，死未，我D同事真係慶到丫.. 不過我又覺得佢平時都OK丫，一次既犯錯，就原諒佢啦，如果再有就Black list 佢囉，幸福樓下次唔好再犯錯啦!!