富華冰室 (碧街)

营业中

休息中

星期六夜晚8點幾兩公婆入去食個飯，叫咗西式，野食ok,但係啲侍應服務真係好有問題。我哋食完，我放低匙羹我老公都未放低已經有個四眼阿姐行埋嚟問仲要唔要，ok,唔緊要始終己經食哂，收哂啲碟諗住飲埋杯野先走，有個短頭髮又高既阿姐就同個四眼阿姐開始單單打打，又話唔知點解唔走又話哩樣嗰樣。。。前後我哋坐低到佢收哂啲碟都係廿零分鐘，成個餐廳爆哂棚既話我阻你哋就話啫，成個場都無人後半場仲係已經唔俾人入去坐，短頭髮個高姐姐仲又啤又單打，咁應該係門口寫入內食野半個鐘內要埋單走吖嘛。知道自己唔係咩高消費，食茶餐廳唔係話要求服務呀，咩顧客永遠是對的，但係都唔係咁嫁。

剛才係富華食早餐，叫咗個沙嗲牛肉麵餐，一心諗住呢啲基本嘢，衰極有個譜。首先來係沙嗲牛肉麵，麵唔得，牛肉出也很一般，食到一半想飯啖奶茶，諗住攪兩下先，見有片白色嘢在翻滾，心諗唔通有椰子片？咁都幾有心思喎，當然係我諗多咗，睇真係白砂糖包的紙袋，咁即係上手落完糖，洗碗嘅冇洗乾淨，沖奶茶嘅師傅又冇睇！再睇吓佢啲阿姐原來執枱係將所有枱面上的垃圾掃晒落杯碟度，即刻明晒，呢間應該唔會再來了。（叫咗幾分鐘有人過來，好彩那位阿姐的反應和處理尚算正常，換過一杯）

今日我輸咗！今日要去油麻地，喺地鐵站一出就見到有得賣菠蘿包，於是乎做完嘢就專登返轉頭買啦。買完之後見到得個紙袋，又諗起今日有紅雨又有黃雨，於是乎就問阿姐「落大雨，可唔可以畀個膠袋裝住？」阿姐話要收一蚊喎🙄我心諗：個菠蘿包要$10 ，竟然要用一蚊買個膠袋？！於是乎我就唔想買啦，阿姐再話：要膠袋要畀一蚊呀。跟住我一邊擔住把遮一邊就走啦。鬼知要保護呢個紙袋裝住嘅菠蘿包，我半個身濕咗，我隻手又攞住遮又攞住個紙袋，隻手攞到痹咗。返到屋企攞個菠蘿包出嚟食啦，鬼知見到個袋濕咗，個菠蘿包淋咗，個心嬲咗，條氣chok住左，個肚餓咗。今次我輸咗！

位於油麻地的富華冰室，與別不同！每位店員非常有禮貌，招呼到位，簡直是香港茶餐廳界里的奇葩啊！一般來說，香港的茶餐廳, 系可以完全配合香港嘅急速都市拍節～落單快、出餐快、翻枱快！而客人呢必須配合～叫餐快、食得快、埋單快！這間富華服務員，居然會慢慢等你選擇，送餐來居然會請問邊位食海南雞？而不是放在枱面便掉頭走去了！而且落單准成度100%完全冇錯👍🏻你知啦香港人好麻煩，依個又要少甜又要少冰，嗰個又要油飯轉白飯⋯好啦講完服務講食物質素啦！午市套餐$57，主餐+餐湯和一杯熱飲，如改凍飲另加三蚊。水門無骨海南雞飯～雞嘅份量多，油飯有蒜香油香茅味。抵食之選！猪扒意粉～就影真一般啦，意粉🍝➕茄蓉。

今午不很餓，食了一個下午茶餐：沙嗲牛肉蛋麵，沙嗲有奶香味，不似一般茶餐廳的得個濃字；蛋煎得生熟恰到好處，蛋白邊有蛋白味和軟滑，喜歡蛋的我，實在感動，沒浪費蛋應有的好味道！服務：沙嗲配麵要流。所以來到不少評論侍應問題，首先我被問到要麵還是米粉？明白是她的好意，但當客人點了麵就不要再問好了。如一般評論，侍應不知道是年紀大？還是未做過沒經驗，一位幫我點單的，寫錯了飲品，不過感恩的是他們會換給你的。還望侍應能看見評論，改善一下態度。

諗住入去食個餐醫肚，一坐底跟住唔該叫餐，個四眼阿姐即刻叫起身話唔可以坐依度，跟住再跟佢去另一張枱坐底，再叫餐，個四眼阿姐好似唔想落單咁，態度惡劣，心諗已經講唔該落單，妳咁唔想做就辭工啦。員工趕客，老闆請左佢真係當黑。

親眼見到水吧內一個男人一路食煙一路工作，佢其他同事好似冇反應，似乎已經慣性。室內本來都禁煙，重要明目張膽工作中食煙。疫情嚴重，應保持口罩戴上，注意衛生。其實都叫老顧客 早餐味道尚可菠蘿油其實好好食😋以後都少去為妙。

今日摟左消費卷去買野，行到油麻地肚仔餓，搵間感覺安全D食個tea，最後選擇左富華，起碼有分店有管理。優點- 入門口已經很認真的要求掃安心出行同電子針卡- 乾淨- 阿姐服務吾錯，要兩隻碗仔仲自動去搵熱水幫我洗。乾炒牛河 （$51）3分- 非常熱辣辣，下午茶來講算大碟。- 牛肉有一半比較多根- 河粉炒得幾均勻，每條都分開同有鼓油。酥皮蛋撻 （$7）2分- 剛剛出爐熱辣辣，- 酥皮吾得，層數吾多同埋無層層分開，- 蛋味吾香亦吾甜。

係咁多款香港嘅麵包當中，我自己最鍾意食嘅真係莫過於係菠蘿油啦，今次就去咗有好多人推介嘅呢一間富華冰室入面食菠蘿油！見到呢個餐牌嘅冰火菠蘿油就真係覺得好期待啦！呢一度嘅菠蘿包非常之香，而且新鮮出爐嘅菠蘿包真係好吸引，熱辣辣嘅外皮，再加埋凍冰冰嘅牛油一齊食，口感層次非常之豐富！而且呢一度嘅牛油亦都係超級大件，絕對冇偷工減料！牛油嘅味道亦都非常之香

和人約定時間早到了，就在附近搵餐廳坐住等時間過普通到冇得再普通😂餐蛋麵本身朝早出門口前已經咬咗個包為咗有個地方坐到一個鐘就頂硬上兩隻蛋係太陽蛋 超合心意麵軟硬度都剛剛好 因為太飽食到一半放棄咗

諗住臨堂食完之前食個下午茶醫肚~不過呢個<<板燒西冷牛扒煎蛋 配公仔麵>>($43)就麻麻哋!同我朝早食嘅早餐質素有啲參差😗湯底冇味嘅! 西冷就係正常茶記嘅發揮¯\_(ツ)_/¯煎蛋唔吸引…所以我都冇咬到😂佢好在係…唔想食公仔麵嘅話可以轉米粉/通粉/意大利粉!男朋友鍾意佢嘅幼滑米粉💁🏻‍♂️.唔知佢生蟲定係個茶餐細，佢仲吞得落一個<<足料靚雞批>>($12)🤦🏻‍♀️我試咗兩啖! 唔知邊度「足料」！食到好多三色豆，但係冇雞肉🐥不過菠蘿包都冇菠蘿啦!雞批冇雞肉，可能都合理😏

因要到油麻地上課。附近都沒有茶餐廳 只有富華。一人去食早餐明明有好多位都要逼住搭枱！落單時阿姐唔行埋來，要隔成條大叫，當然會落錯，咁遠點會聽得清楚，落錯單反鬧我！食物唔係特別好味！去左幾次阿姐啲態度都係咁差！無下次

今天是2021年12月30日，想不到臨近年尾都可以發生一件令人感覺失望的事。我們公司同事原本很喜歡去到這餐廳享受午餐，平均每個月都會去食1-2次富華，公司同事一班人，8-9位左右，因為野食好味，又快又近公司，由其焗咖哩海鮮飯，熱狗，是我的最愛。但最近幾次實在令人太失望， 有位丫姐，態度十分之差， 又無禮貌。餐廳的枱其實不大，明白很多茶餐廳都是這樣的，搭枱、分枱坐亦很正常，平時我們9位去食，都會分3張枱，有時3個人一張枱會搭1位我們不認識的客人（雖然覺得奇怪，三個熟人跟一個陌生人搭在一張細的枱， 但平時食米線時，也會這樣，所以我們亦不以為然）但今次我們9位去食午餐，竟然要分2張4位，加1位搭其他食客的枱食，令我們感到非常驚訝，一班人食飯第一次這樣分枱食那位丫姐態度十分差又大聲，還問我們有什麼問題，「4位4位1位，唔岩咩？」那一位要搭枱的同事遲來，還語氣很差的問我們「呢一張搭枱的仲要唔要呀？」明明當時有其他枱，場地不是全滿的，態度十分差，真令人失望。美食亦彌補不到。

中午同小朋友入去食飯，入左去見隔離丫姐食緊欖菜肉鬆炒飯，好似好好食，跟住就落單叫一份，小朋友就叫左份沙嗲牛肉公仔麵。但之後發現丫姐食淨好多欖菜肉鬆炒飯，收左入去，隔了一陣，我個份就送左出嚟， 好出奇地個飯外邊超冷，但裏面超級熱和冒煙， 我食左兩啖即想嘔! 侍應走過來問我乜事 ，我話點解個飯咁冬，但係裡面會熱到冒煙，好肯定係二手撈埋一齊，即刻比錢走，我事後打去食環投訴佢地!!直係係好嬲丫!正一冇良商店，一世都吾會入去富華，好想講粗口丫!

因為平時食飯時間比較晏所以LUNCH成日都等到富華下午茶14:30PM後先過黎食👍🏻👍🏻因為佢個下午茶唔洗五十蚊就有杯野飲同焗豬扒飯😆而且佢地焗豬扒飯份量好大我一個女仔人家就食唔曬有時食唔曬既可以拎返屋企食多餐焗豬扒飯多汁用黎撈飯都好唔錯但豬扒就普普通通啦唔厚但都唔會太薄既一塊豬扒👏🏼個人就幾鍾意飲富華既茶走或者凍奶茶有時凍奶茶佢沖得會有D澀🧐 可以問佢地拎多D奶都好大方比左成兜奶我