富華冰室 (碧街)

营业中

休息中

某天一早起床, 肚子有點餓, 便一早出外找尋美食, 預計品嘗一頓豐富早餐, 一起行一起看, 遠處見到前面餐廳一早己排了十多人, 心想值得去排隊一下, 相信食物不錯的；最後等了約五六分鐘, 店員有禮地安排了二人坐位坐低, 早餐選擇有差唔多十樣, 由於第一次幫襯, 先點選了最基本的仿鮑魚火腿絲通心粉, 可配北海道牛乳炒蛋或太陽蛋, 另有自家製出爐餐包； 等了不久, 已送上了大大碗通心粉, 有不少仿鮑魚火腿絲, 個湯底也算香甜, 太陽蛋熱辣辣, 餐包帶點輕輕甜味, 很是美味, 整體配搭適當； 最後飲杯香滑熱奶茶, 感覺相當滿足, 今天有一個好嘅開始.

這是我最愛的港式早餐。沙嗲牛肉公仔麵+凍檸茶少甜唔該！😎😎😎富華冰室嘅早餐非常豐富，當然價錢都比較貴啦，但一分錢一分貨，佢係好食嘅。跟餐既多士變左做迷你菠蘿包仔，仲烤暖左先上，炒蛋都炒得好滑，唔會過老。火腿就一般既火腿。最滿意係個沙爹牛肉，沙嗲醬汁夠香濃，食到有一粒粒細細粒既花生碎，牛肉分量亦多，一塊塊唔係碎濕濕既，公仔麵煮得有彈性，仲加咗兩棵生菜添, 食完呢個早餐連午餐都不用吃了。至於服務態度方面， 香港嘅茶餐廳都係咁上下，要快。我一個人入去食，快黎快去，覺得無乜野既。食個早餐je, 滿足到個胃口就得啦。

原來油麻地開咗間咁嘅餐廳，地鐵站出嚟冇幾耐，再見到有好多建築工人入嚟，水洩不通😯而且裝修都幾靚，入嚟試吓。睇完個餐牌有好多個選擇，不過最後揀過簡單嘅選擇，沙嗲牛肉公仔麵餐🤪不過北海道牛乳炒蛋份量有啲小，不過味道都幾好，蛋味香濃。麵包係有椰絲喺上面，不過就冇烘底，個人比較鍾意多士。😗不過朋友提一提我，有可能佢嘅設計係想將個餐包斬開一半，然之後將雞蛋以及火腿塞入去，成個好似漢堡包咁樣食🙀，有啲咁嘅事，下次試吓😛公仔麵有條生菜喺上面，幾得意。生菜其實本身都幾新鮮。公仔麵唔錯，煮得啱啱好。牛肉幾淋，湯濃不過可能有少少鹹😛奶茶幾好飲，係茶記冰室嘅水準😋總括而言，可以重新再嚟多次試吓其他食物😁

一人入去食早餐，有卡位空位也不能坐，要被迫與陌生人搭枱，將顧客踢來踢去。侍應態度超惡劣，呼呼喝喝，同時也選擇性執行。食物質素也不理想。早餐麥皮不熱，芝麻豬仔包也凍及硬！以後也不光顧了。

昨天落咗單等了15分鐘未到，再追原來漏單，然後2:03 pm再同我落單，坐到大約2:25pm ,有位侍應走埋嚟同我講，你可唔可以快啲飲埋杯檸茶，因為出面有人等！😓😓😓😓😓😓無下次

樓上有個女侍應，真的是趕客走格。老細建牆，員工推牆。樓上有個女侍應，真的是趕客走格。老細建牆，員工推牆。樓上有個女侍應，真的是趕客走格。老細建牆，員工推牆。。。

綠色餐包🤮你食埋我個份炒蛋份量都幾細……另外係d侍應極混亂，唔分工唔合作，全部都唔關自己事，互鬧+鬧埋d客😓😓😓客舉手搵人都要比人話🙄鬧住做，嘈到頭痛🙄

夜晚 9 點零鐘去到，上咗 1 樓見到有大把位諗住揀個卡位坐，點知啲阿姐死都話啲卡位唔坐得係都要你坐啲近樓梯嘅位，連啲入少少嘅位都話唔坐得好似啲位有寶咁。其實呢如果啲位係攞嚟擺嘅而唔係俾啲客坐嘅，咁就不如叫你老細租少啲地方慳番啲租啦扮乜嘢地方寬敞有樓上雅座啫，地方細啲咁啲客咪唔駛揀位坐你哋又抹少啲地方可以早啲收工囉。好喇費事同你嘈諗住叫個鮮茄牛肉飯食完就走，點知個飯嚟到就更加一肚氣，個茄汁就酸到無倫而個飯就有啲係硬嘅好似未煮熟咁。其實呢一個鮮茄牛肉飯都係茶記嘅基本嘢，我都唔明點解可以整到咁差而呢個飯都係我近年嚟食過最難食嘅碟頭飯之一。如果連一樣咁基本嘅嘢都整得咁差，其他嘢食嘅質素都可想而知所以真係無下次囉。講真就算俾你租到個大鋪裝修又美輪美奐，如果連我上述講嗰兩樣嘢都做唔好，唔好話我黑心但係你哋遲早都係步上一手嘅下場。

衝衝忙忙食個晚飯，其實都好多選擇，不過在油麻地想食得快、飽，選擇真係吾多。以前X華冇左，現在有富華，食物質素同埋環境都保持到，賣相還可以，最緊要食得飽。如果價錢可以平返少少就更好。

今天去食，招呼很差，在下午非繁忙時間很多卡位都無人，但不給人坐，趕客走。乾炒牛河經常炒濃，其他食物水準一般，叫了食物送錯隔離枱，還賴厨房遲安排，下次不會再幫襯😪

出名好味嘅沙牛麵好似都唔太就腳~我有特登入過長洲試通記 ，又走去元朗試永順食店 好食就好食…但要山長水遠去又唔太化算😅好彩office附近有間都吸引到我encore再encore嘅沙牛麵👏🏻👏🏻👏🏻只係$38就有齊<<招牌沙嗲牛肉麵 配 火腿嫩滑北海道牛乳炒蛋/ 自家製出爐餐包>>，當然仲有餐飲☕️粒炒蛋好似一個融緊嘅雪糕球咁🍨唔止望落好滑~ 入口都幾滑!而且唔會碎濕濕好難拮🍴火腿….就係火腿囉😂輕輕煎一煎~餐包就熱烘烘嘅👍🏻佢有時係墨西哥包㗎‼️‼️‼️真係好睇彩數~ 今次就普通啲🙃講番沙牛麵⚠️牛肉嘅份量好多，有成七八塊(?)而且厚薄都恰到好處! 口感軟腍得嚟有嚼勁!沙嗲有好香嘅花生同蒜蓉味~非常濃郁! 但又唔會過多令碗麵過咸🙌🏻雖然麵底唔係出前一丁！但同樣煮得彈口！好好食！食完即刻覺得個morning好good🙆🏻‍♀️

好耐冇同老公食早餐借啲意叫老公返崇拜跟住就陪我食早餐啦😆趕時間所以見到乜就食乜啦呢間餐廳開咗咁耐都未幫襯老公就話佢試過午餐都幾好早餐就未試過所以我地就一於入去試吓早餐款式都屬於多嘢揀嘅不過都係嗰啲啦我就嗌咗雪菜肉絲米粉老公嗌咗豬扒蛋公仔麵再加兩個蛋撻普通茶餐廳嘅早餐冇乜驚喜亦唔係差不過我對嗰個波型嘅炒蛋幾有好感😆不過個餐包就如果可以再熱返少少就好啦另外都可能好耐冇食蛋撻我覺得個蛋撻好好食吖😋

夜媽媽吾知食咩好，黎到碧街，懷念以前翠華，就叫富華既西餐食。睇真富華既西晚餐真係好大份，如果我吾係餓底都未必食得哂咁多野。其實重有個包、湯同埋野飲，不過吾記得左影低添。

今日同家姐逛街，唔覺唔覺miss左午餐， 所以索性等吃下午茶。這家茶餐廳開了沒多久，地方環境比之前那家光猛多了， 位置都比較舒服。下午茶選擇超多，樣樣都是我喜歡吃的， 好難決定。好不容易下了單。我點了黑椒牛肉炒意粉配紅豆冰， 家姐就點了全日早餐。意粉炒得好香口， 黑椒味濃意粉是較幼身的但都很有質感，牛肉就有點典型酒樓feel的。紅豆冰夠凍但唔算太甜，紅豆有咬勁。全日早餐超級大份，還配上新鮮出爐菠蘿包，魚柳炸得香脆十分抵食。