富華冰室 (秋雲大廈)

营业中

休息中

富華食過好多次好早之前食過，覺得麻麻近排食過之後，覺得食物比以前進步好味佐，今次午餐時間經開荃灣見到有就入去食午餐set都有好多款，有牛扒薯菜，意粉焗飯，感覺幾吸引，最後叫佐個西冷牛扒拼辣肉腸十薯菜，$68點知上菜時，我真係凸咗一凸，兩塊西蘭花－個蕃茄，好薄一塊西冷，一條辣腸唯一一個正常size係薯仔，自問唔係大食但你收$68蚊，出呢個分量給客人你都夠膽收？良心何在？雖然呢間係咁，但我都會留港消費，支持有良心嘅餐廳

今日經過荃灣，諗住求其食個tea。本身叫咗一碟肉絲炒麵，同一碟黑椒豬扒炒意粉，上枱時，成碟肉絲炒麵跌咗落張枱度，個waiter竟然用碟意粉兜返起個肉絲炒麵，放返上嚟諗住俾我哋食，跟住鬧佢換過碟，然後佢同事將碟肉絲炒麵，拎咗入廚房再整靚仔啲攞返出嚟！跟住我話，成碟跌咗落枱面，仲好意思攞返出嚟？我叫佢換過豬扒飯比我，仲好似十萬般唔願意，一句唔好意思都冇，仲要係幾個侍應都係咁態度，如果想食到肚痛就歡迎過嚟挑戰吓呢度啲衛生。真心痴線！！

無驚無險又到週五，又系每日必經過程霖嚇中午食乜嘢，最後同事話帶我食最中意既嘢，帶住疑惑同好奇跟住同事出去 🍅番茄餐肉湯(通粉) ：分量適中，湯底酸甜，飲得出系有用新鮮番茄熬制。通粉比較軟，系我中意既口感。肉分量較多，番茄唔会太酸，都算鲜甜。 🍍菠蘿油：即點即做，麵包鬆軟酥皮香脆，黃油巨香口感冰涼。 🍋凍檸茶：清新爽口，茶底香濃，檸檬清香。環境：地理位置交通方便，餐位舒適，環境乾淨，店員服務態度較好。上餐快

評分制度： ( 0 至10 )齡最低分，十為滿分....其實 下午想搵啲嘢食，又想飲杯冇植脂奶 沖嘅奶茶， 遙遠望下見到佢有黑白奶，所以走入去試下。叫咗 有咖哩海鮮飯， 菠蘿油， 奶茶 ，紅豆冰， 蛋撻咖哩飯(6.5分)算唔錯 ，咖哩汁味道冇搶喉， 都有兩隻青口菠蘿(5分)油凍咗喇， 牛油就更加 冰凍 而且硬， 佢冇整熱畀我， 其實咁樣有影響食物味道㗎蛋撻(6分)係佢哋嘅招牌 ，但係今次都唔夠熱， 對蛋撻嘅愛情分數真係會降低紅豆 冰(6分)一般般啦 ，如果紅豆 有日式甜品嗰一種再梗係發達啦，香港茶餐廳都算係咁㗎喇奶茶(8分)冇令我失望，黑白奶衝出嚟好飲，茶味夠濃， body 夠 full， 終於無辜負我今次入嚟嘆奶茶 嘅衝動

/國慶假期🥩茶餐廳鐵板餐/國慶假期姐姐都要放下假出去輕鬆吓，而我哋同Lisboy去完Playhouse放電就喺附近呢間出名嘅茶餐廳度食晚飯，再去睇煙花🎆🍽️ 鐵板西冷牛扒呢間茶餐廳之前喺尖東都食過，最鍾意佢哋嘅鐵板餐，有湯有包有嘢飲，最正係個鐵板上碟嘅時候熱辣辣，滋滋渣渣😂鐵板叫咗五成熟上碟就大約七至八成熟，好大個厚切西蘭扒，叫薯菜仲有原隻焗薯添😍抵！仲加錢叫咗杯特飲雜果賓治，真係超過癮🍹🍽️ 焗鮮茄豬扒飯Lisboy就自己揀咗呢個焗鮮茄豬扒飯，焗豬扒飯炒飯底同新鮮蕃茄加埋大量芝士喺面同新鮮豬扒，好足料，入味、真係食到舔舔脷🤤叫左一杯龍鳳檸樂清一清個喉嚨！好消暑🍹 🍽️ XO醬叉燒炒出前一丁而Lisba太耐冇食過XO醬炒麵，呢間冰室最正嘅係會用貴價嘅出前一丁，加上叉燒入味， XO醬炒埋一齊鑊氣夠，正啊！🍽️ 牛扒煎蛋麵真係太耐冇食過出前一丁啦，所以叫多咗個牛扒煎蛋麵share食，黑椒牛扒入味，煎蛋脆卜卜🍳係小時候懷念嘅味道😍🍽️ 叉燒包、紅豆菠蘿包、墨西哥流心包呢間冰室仲有個麵包corner🥯標榜即日新鮮製造，所以我哋都每人叫咗一個包試一試究竟，最鍾意佢嘅菠蘿包夠脆個心仲有啲甜甜地嘅紅豆蓉，真係

今日落荃灣casting🎬行行吓熹寶係富華冰室門口企定定唔願走😂原來喺門口見到食客d餸菜，大大碟好吸引😍睇嚟為食熹寶又出動啦‼️冰室闊落光猛，有別於一般冰室，菜式多樣化，有風味小炒，精選出爐麵包，湯麵，🍜小食等店員推介-招牌酸菜魚🐟魚肉爽口啖啖肉，而且無骨，放滿開胃酸菜同配料例如：腐皮，芽菜，木耳吸收湯底精華，撈飯就一流夠晒鑊氣-惹味 🥔薯仔牛柳粒🥩牛柳切粒，煮至半成熟，肉質超軟嫩，薯仔切粒，油炸夠晒香脆，最後加上小量黑椒，味道出晒黎家常小炒🥬時蔬炒牛肉菜心清脆爽口，蒜香十足，而且保持青綠，牛肉新鮮有口感全日早餐🍳有熹寶至❤️炸魚柳，大大塊，色澤金黃，外酥內軟，仲有誠意滿分嘅斑蘭味嘅餐包，呢個全日早餐好有驚喜以上小菜配明火例湯及絲苗白飯，份曬夠晒我地3個人，食到捧住個肚走😋

︎冰室四周圍都有，呢間食物真係算大件抵食又好味，仲有大大個麵包櫃出爐港式包點添👅❤︎惹味薯仔牛柳粒($98)牛柳煎到焦焦脆脆，再有一層蜜汁封面，菜如其名甘惹味，仲有軟綿綿入曬味嘅薯仔同雜菜，真係勁好送飯🍚🙌🏻︎❤︎西蘭花炒魚塊($98)西蘭花青綠爽脆，魚柳塊塊大件滿足🐟芡汁稠度同調味合適，仲有陣薄薄麻油香❤︎三色蒸水蛋($68)蒸蛋底層都嫩嘅，而且有好多鹹蛋同皮蛋鋪地，外食又唔想太油膩嘅，呢個係吾錯嘅選擇❤︎菠蘿檸檬撻($11)檸檬醬光澤同色澤都好靚，遠遠已經見到佢係麵包櫃向我招手👋🏻味道可以想像為二寶糖檸檬味，點綴小小菠蘿粒，幾特別同清新架🤣❤︎芝麻/谷古麻糬($6/粒)個頭算幾大粒，面頭係小小脆皮feel，韌性都幾高，買個黎過下癮都抵食架😆

位置方便就腳環境乾淨企理餐牌樣樣齊 價錢合理惹味薯仔牛柳粒係我嘅心頭好幾乎去開食小菜都叫薯仔炸得香脆牛柳粒夠嫩夠多汁有啲黑椒微辣呢碟夠惹味 送飯一流韮黃蝦仁炒蛋唔少餐廳嘅經典又簡單既菜式新鮮嘅韮黃搭配彈牙嘅蝦仁同滑蛋炒得恰到好處 欣賞佢調味唔過咸 比較健康份量唔少 配料夠多出爐靚蛋撻食到勁飽都要叫下出爐蛋撻呢間真係唔錯 脆脆嘅撻皮包裹住濃郁嘅蛋液一入口就化開散發出濃濃嘅奶香8蚊件熱辣辣抵食龍鳳檸樂/什果冰龍鳳即係指咸檸加新鮮檸檬酸味之外仲會有啲咸香 幾清新附送嘅例湯都幾足料唔係味精湯

店名：富華冰室 (秋雲大廈)地址： 荃灣眾安街29號秋雲大廈地下A-C號鋪1.黑椒薯仔牛柳粒 $98薯仔牛柳粒不嬲都係絕配，牛肉肉質軟腍，薯仔走過油，蜜糖配黑椒冇得輸,超級惹味😋😋2.招牌酸菜魚 $98招牌酸菜魚，份量十足，湯底勁香，魚片滑得黎有厚度，芽菜，辣椒，酸菜，枝竹，雲耳，娃娃菜都份量好足，湯底比原先冇咁SPICY，岩番香港人嘅口味，魚片份量超足，招牌酸菜魚真係冇得彈，極度推薦🤗🤗3.西蘭花炒魚塊 $98魚塊大大舊，配埋蒜蓉炒，非常惹味。口感十足，西蘭花又多，好有穫氣👍👍👍以上三個都係小菜套餐，跟白飯，熱湯及飲品。熱湯有白湯，西湯及中湯。飲品我地叫左兩杯特飲（特飲+$10），一杯系3.6北海道牛乳（熱）,一杯系龍鳳檸樂。4.雙拼三文治（芝士拼咸牛肉）$35三文治份量好足，咸牛肉軟棉棉，配埋塊芝士，好香好惹味總價$349

[✨荃灣富華冰室 ]#荃灣 #富華冰室🔸椒鹽魷魚 $93必叫之選，新鮮炸起非常酥脆，油份唔會過多油膩感唔重，調味亦岩岩好唔會太鹹，份量又多，惹味又抵食！🔸魚香茄子煲 $78🍆茄子惹味，吸收哂啲湯汁，香氣四溢鹹香味十足，用嚟配飯食真係愈食愈開胃，水準好高😍🔸黑椒薯仔牛柳粒 $98有驚喜，醃過嘅牛柳粒肉質嫩滑，非常入味；薯仔大小適中，外層有微微焦香，咬落去幾香口好食😋🔸蒜蓉炒時蔬 (菜心) $63菜心清香爽脆，炒得有鑊氣，健康得嚟又好食。上面四道小菜都配有白飯，熱湯及飲品，熱湯可以揀忌廉湯/中式湯/羅宋湯，選擇豐富，CP值頗高！————————♡♡♡♡♡♡————————✨總結食物有鑊氣，無論係水準定CP值都唔錯嘅港式茶餐廳，座位坐得舒適，加上位於鬧市中交通方便，行開附近嘅又諗唔到食咩醫肚好，不妨一試！📍富華冰室🏠荃灣眾安街29號秋雲大廈地下A-C號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfood

服務態度勁差 仲話香港人態度差 大陸人咪又係一淡淡 大陸呀姐真係以為自己老世 唔會再黎第二次 人地睇緊餐牌 不停催我地落單 一落單唔洗兩分鐘就到啲野食 以為好有速度 點知啲通粉係暖既 杯菜蜜甜到嘔 個菠蘿包仲犀利 個包又實又難咬 仲話自己做 麵包舖仲好食過佢

去左荃灣茶餐廳，茶餐廳叫鐵板豬手，豬手係炸好的，豬手份量好大碟，仲要有好多骨膠原既外皮好似唔會好肥，咬落啖啖肉，仲有一條脆皮腸，配埋熬奶茶更有茶記味道。記得呢到啲蒸魚飯唔錯，所以就嚟呢到食。 呢到選擇好多，不過都係一般茶記嘅食物，亦有少量嘅蒸魚食。魚係即蒸即食先至好，味道都正常，唔會話唔夠新鮮而勁腥，吃蒸魚配一碗熱騰騰的白飯是常識吧！，原來孖住上，滾熱辣又嫩滑，魚身嬌小就要講求嫩滑， 有魚味，正 ，如要求是日例湯是送的。在茶記吃個蒸魚飯，好味高質、性價比OK。

星期六小朋友在荃灣學完興趣班我哋一齊喺附近富華冰室食飯即叫即整，熱辣辣小菜，我至鍾意❤️✅美式雜扒 $118非常豐富的雜扒賣相超級誘人落醬汁時"喳喳聲"夠晒地道😂😂肉排好厚實！！好大塊~ ~大大份絕對夠食😜雞扒肉很鮮嫩一點也不柴牛肉熟度啱啱好，鮮嫩多汁最正一整個薯仔配上醬汁食很開胃仲有幾款醬汁🉑按照自己口味搭配✅富華小炒皇 $101小炒皇是我的最愛炒得夠鑊氣及惹味韭菜配上蝦乾、魷魚🦑、炸腰果等材料香脆可口也增添口感，惹味十足，送飯小菜一流👍👍✅茄子魚塊煲 $85魚塊滑嫩，味道夠鹹香，令人愈食愈開胃，茄子🍆夠諗外皮香脆有嚼勁，香氣四溢😍配搭一齊食，口感更豐~~一味很好下飯的菜！..

店名：富華冰室 (秋雲大廈)地址： 荃灣眾安街29號秋雲大廈地下A-C號舖1.黑椒薯仔牛柳粒 $98薯仔跟牛柳粒大小適中，火喉充足，蜜糖跟黑椒配搭非常配合，牛肉入味，肉質軟淋，薯仔走過油，配埋蜜糖食好好味😋😋2.招牌酸菜魚 $98招牌酸菜魚，並非浪得虛名，拍得住大陸出名嘅酸菜魚，配料足，湯底正，魚片滑，芽菜，辣椒，酸菜，枝竹，雲耳，娃娃菜都份量足，湯底特製，切合番香港人嘅口味，好飲到停唔到口，魚片滑份量足，招牌酸菜魚係實至名歸，大力推薦🤗🤗3.西蘭花炒魚塊 $98魚塊大大舊，份量有足，西蘭花又多，火喉又夠，仲要配埋蒜蓉炒，非常惹味👍👍👍上面三個都係小菜套餐，配有白飯，熱湯及飲品，熱湯有忌廉湯，中式湯（每日例湯：老黃瓜湯）同埋羅宋湯,飲品我地叫左兩杯特飲（特飲+$10），一杯係3.6北海道牛乳（熱）,一杯係龍鳳檸樂4.雙拼三文治（芝士拼咸牛肉）$35三文治份量足，咸牛肉炒過，配埋塊芝士，每一啖食落後都非常滿足總價$349

今晚叫左3個餐：西蘭花炒魚塊$98凍檸茶+$8大排檔風味，份量十足，鑊氣夠，平日小朋友唔肯食西蘭花，今晚竟主動要食🤣🤣。豉汁蒸䱽魚$108凍檸茶+$8原條䱽魚即叫即蒸，平時好少叫這道菜，怕太鹹對小朋友不好，但今次這個䱽魚味道適中，不會太鹹送飯一流，小朋友都食得津津有味。招牌黑椒牛柳配薯菜$124凍奶茶 $3推介，牛柳入口鬆軟，但感絕不似一般冰室用梳打粉醃製👍🏻。