富邦餐廳小廚

营业中

休息中

夜晚11點15分入座，坐到凌晨12點依然有食客入黎食嘢！🤩卡位坐得舒服，冷氣涼爽得黎唔會凍親一坐低，靚姐送左碗青蘿蔔排骨湯湯夠熱，湯頭鮮甜有肉香，勁多料（可能就黎收鋪關係），排骨一啜就食到啲肉，夠腍夠入味，飲嗮！💪要左份時菜肉片飯（$55），之後加左杯凍奶茶少甜（+$5）餸夠熱，即時炒起，有鑊氣芡汁香，夠蒜頭味，惟味道偏鹹肉片有嚼勁，唔似落左鬆肉粉菜係油麥菜，師父炒得有功夫，夠熱夠脆飯有啲硬但係接受到，絕對唔係「軟飯」食物質素唔錯，穩陣夠大份，如果唔咁鹹就堅完美宵夜~ 🤩✌️凍奶茶跟餐加五蚊，茶香有澀味，夠凍，奶偏多鍾意茶味突顯啲記得要少奶~ 🥛時菜肉片飯+凍奶茶，送例湯，一共$60 佐敦區今時今日算抵食 👝得閒打完波食宵夜會再黎！ 😋#香港情懷 #抵食 #宵夜

今日個同事話試下富邦，我話好啦。第二次幫嚫而間嘢，外賣自取，一個通菜炒牛肉，一個西檸雞。重點嚟啦！但我食到中間，再夾菜，我真係想嘔返曬出嚟，富邦老闆，你啲餸有小強啊，你點解答我啊？

餐廳細細間，專做街坊生意、有傳統嘅卡位、落單同廚師都喺同一個人，廚房又係佢、茶水又係佢、收錢都係佢，😎值得尊重嘅茶餐廳老店。今次試食早餐，我哋分別叫咗兩個餐。第一個早餐A：火腿通粉轉公仔麵、牛油多士、煎雙蛋，飲熱奶茶。先講個麵，公仔麵麵偏軟、但食落又唔會係淋哂同脹哂嗰種、算幾吸湯嘅，火腿正常，仲附送兩條生菜，湯底應該係普通清湯，味較為清淡的，想食清d可以叫呢個麵。另外，值得一讚嘅係牛油多士，😱多士超脆、熱辣辣，一咬落去裡面d牛油噴岀嚟，好香😍、好想食多塊！好少茶餐廳能夠將方包保持咁脆又熱架☺️，煎蛋有少少油🍳、奶茶☕️正常。第二早餐C：炸菜木耳絲、五香肉丁公仔麵，飲熱華田。配料充足，佈滿個碗九成位置、份量超多，炸菜同木耳互相配合令味道平衡，不咸不啖、加埋五香肉丁嘅肉同辣辣地嘅汁，麵嘅味道立刻豐富咗，份量又多，係一個好飽足的一餐。杯熱華田都係偏甜，飲品嚟講建議大家要特別要求少甜比較好。🙃總括而言，行過路過路起眼嘅茶餐廳嘅早餐，麵夠大份、價錢平、多士脆已經足夠令我哋精神一個早上。除咗早餐，夜晚仲有好多小菜、蒸海鮮等住你哋嚟試食！👍🏻

今天本來想返屋企煮個面食，在佐敦慈雲山小巴站等了廿幾分鐘都無車，嬲嬲地又肚餓，見到小巴站旁這間《富邦餐廳小廚》門口有個小菜牌，第二行就是我最喜歡的粟米斑塊，於是就入了去點來吃，點了小菜後，馬上就送上例湯，不到八分鐘，熱辣辣的粟米斑塊已經來到，粟米斑塊外脆內軟，配合粟米汁真是非常美味，不到十分鐘我已經全部吃完，買單才$58元真是好抵！

是日放假，午餐去完尖沙咀i square名代宇奈食炭燒鰻魚飯，晚餐就光顧富邦餐廳小廚，食鼓汁蒸白鱔。富邦我就光顧了十幾年，這裡的蒸魚和煲仔菜很有水準。我鐘意食魚，五柳黃花魚，清蒸桂花魚之類。那些年前蒸鱔只售三十元，所以成日售罄。現在要一百元，連湯白飯，加左杯凍檸茶，老板娘好好，無收我凍飲錢。落左單不久好快就上菜了，效率真高。蒸鱔蒸得剛剛好，鱔肉肉質煙韌，吸收了鼓椒的味道，吃起來特別好味。湯和飯都是大大碗，絕對夠飽，很滿足。

今日黎左富邦食晚餐。鋪頭細細，都係屬於舊式既茶餐廳。八點多店內則擠滿了人，十分熱鬧！來光顧的幾乎全是街坊此店有名的是蒸魚套餐環顧四周，吃魚的似乎不少就叫了個梅菜蒸鯇魚套餐。包中湯、白飯同飲品。蒸魚套餐的例湯是金銀菜紅蘿蔔煲豬骨先呷一口湯，水準也不俗。相信亦沒有味精，很有住家feel鯇魚好大件好厚肉，蒸嘅時間控制剛好...肉質冇蒸到老哂或者生！仲有少少滑嘅感覺...雖然有好多梅菜舖面但唔會太濃味或太咸。十分惹味舊魚食得出好新鮮很多茶餐廳都有蒸魚套餐供應, 但魚未必一定新鮮, 有時仲會食到有沙的梅菜, 成餐飯食得好飽足。這裡經常見到一班小巴司機及的士司機。在這打躉及吹水.....服務方面店只有兩個阿叔，雖然非常勤快！但畢竟要照顧三、四十個客人..服務不可能會很周到....環境，餐廳已經二十多年經過歲月的洗禮，無疑也都變得殘舊！來茶餐廳吃東西一定要有這種心理準備。

一個星期六晚上路經此地, 正無目的地找個地地休息吃晚飯。四處食市都坐滿客人, 小弟一個人就打算事事但但醫肚就算。正要放棄之際, 看見一間細間茶記又有D似快餐店的物體, 話不二說進去坐下, 講真裝修就好舊, 一般情侶不會到, 就是我呢D一個人/街坊/上年紀的阿叔級才會吃飯。好, 由於太口喝還是先來支啤酒再慢慢看餐牌, 發現原來D小炒煲仔都幾齊全, 有D煲仔已很少地方會有。價錢仲很經濟呢。想了一會決定叫一個很少地方做得好的砂鍋魚頭煲, 另送白飯一碗。十五分鐘左右, 個餸就送來, 賣相OK又很香, 仲好鬼大煲,好似不用錢似的。最驚喜就係入面有火腩肉, 仲好幾舊, 真係傻傻地 .... 睇完我都偷笑 ... !呢個魚頭除左大, 仲係一整個, 香菜又好, 真係不斷食都食廿幾分鐘 .... 飯基本上我無吃, 扒了一兩口吧。因為實在是吃不下。講番Ｄ味道, 偏少少咸, 但炸得很脆同香口, 簡直回味以前的味道 .... 砂鍋魚咪就應該係甘囉 ! 嘆埋支凍啤, 人生一大享受, 果然今晚無入錯去。為免有做馬成份, 我先拍了照片給參考作證據 ... 哈哈 ! 服務就ok啦, 有人主動下單及傳菜 .... 之後

琴日夜晚又嚟呢度食我喜歡呢度有好多種套餐七點零鐘同個同事有卡位坐今次我地叫左個九菜花鮮魷仲有個菜遠班腩炒麵大家一齊分享食每人先嚟一碗例湯我覺得呢度例湯次次都幾好今次都無例外，好似住家湯粉葛豬骨湯，清甜可口菜遠班腩麵份量好大碟班腩都有好多片又香噴噴魚肉入囗表皮夠香脆肉心軟林仲熱辣辣菜保持翠綠爽口兼有菜味麵底香脆有咬口但係個汁就少咗啲九菜花鮮魷份量也不少菜花鮮綠仲好香好嫩口，完全無渣鮮魷魚亦都好爽口，調味適宜飯身夠乾爽有飯香呢度環境比較細得五六百尺服務普普通通成日都見到有好多小巴同的士司機幫襯大部份都係卡位全埸估計可以坐二十多人

依度真令人回味無窮...最近係這邊返工...嘩....每天都有蒸餸等著你回來...有蒸骨...肉餅...蒸雞...蒸魚「即叫即整」....如果食得悶悶地....可以叫下小菜食....蝦醬通菜炒牛肉無得頂....真係好大碟....牛肉夠林....蝦醬味道剛剛好....這裏的炒飯更是一流....其實老闆老闆娘好好人....你想要咩都可以整到俾你食....不分幾點鐘都可以.....這裏雖然地方唔大....有小許dirty.....但食野就當然是味道重要.....真的可以一試.....