寢宮

营业中

休息中

酒吧行過見到佢個名好特別,相又幾靚,就上去飲杯野🍸有特色cocktail1️⃣西施橙汁,桃加rum酒,飲落好清甜,唔會好濃酒精味💰HKD$982️⃣楊貴妃荔枝,西柚加tequila,飲落有d苦,酒味較重💰HKD$98menu幾有創意同精緻,環境方面都大,有波枱pong game,不過裝修就唔係好有寢宮

諾士佛台上面嘅酒吧原來都有好嘢食餐廳氣氛幾好環境裝修都好chill 有格調餐廳有2間private room 想私隱度高啲嘅可以早少少去book枱Dinner set 黑松露忌廉蘑菇湯上面有一層好香滑嘅泡泡成份真材實料，蘑菇湯又蘑菇搞成啖啖都係蘑菇蓉意大利巴馬火腿扒煙三文魚拼盤點樣可以一次過滿足兩個願望？就好似呢個拼盤咁雖然只係前菜但係絕對唔馬虎巴拿馬嘅火腿同蜜瓜嘅配搭再加上濃味嘅煙三文魚開胃之餘更更期待個main煎帶子配紅菜頭意大利飯$198超鍾意食Risotto 嘅我必試Risotto關注組紅菜頭意大利飯的確少見意大利飯粒口感軟糯再加上大大粒嘅原粒蘑菇同埋煎得啱啱好嘅巨型帶子係我喜歡嘅嘢啦🥹帶子煎得啱啱好Chicken on fire 🔥 火焰烤雞$328到呢度嘅重頭戲燃燒中嘅雞啦🔥🔥🔥原來真係會着火，都幾喜出望外儀式感100分火燒雞嘅香味，視覺嘅衝擊，再加上食落口雞嘅嫩簡直係三觀多重嘅享受😎唔好睇成隻立體嘅雞好似食得好麻煩咁廚師最後會拎入廚房幫我哋去晒骨務求令你有啖啖肉嘅享受😂😂服務員態度好好，好親切有熱情都推薦嘅

呢間餐廳黎過幾次，貪佢有埋桌球食野前可以玩下！ 點左杯cocktail: King-mud-Lun-Yam,飲啦！ 睇個名已經知唔係一般cocktail 用中式茶具裝住，Whisky 勁重手，輕帶白酒香，好正！ 黑松露忌廉蘑菇湯blend得好香濃幼滑湯面泡泡綿密帶有陣陣松露氣味、菇菌香温度好熱，越飲越暖胃意大利巴馬火腿及煙三文魚拼盤涼食頭盤有風乾火腿拼煙三文魚薄切火腿肉夾蜜瓜肉食，咸香之中又有一份甜蜜煙燻過三文魚肉，食落有柔和咸鮮口感法式古法紅酒燴牛尾配扁意粉肉汁香噴噴，伴扁意粉食啖啖掛汁濃郁牛尾肉燴得透，腍腍地好入，帶有紅酒果香筋位爽軟彈牙秘製烤豬肋骨配辣椒燒烤醬外層搽上醬汁，用大火香烤豬肋骨，表面夠火喉沿邊切鬆軟離骨，肉質Juicy仲有油脂香伴碟仲有金黄鮮菠蘿肉，果酸緩解燒肉餘味

某日放工既Happy Hr 果杯飲品都係睇 Beauty With King 呢個page 去揀江山美人有關既飲品，店員推介我最Igable 既楊貴妃（一邊荔枝，一邊石榴味既cocktail)。Dinner 主要係西餐，但我既focus 同覺得最特別就係泡泡面既松露湯，我連想到luxury泡泡沐 and capuccino style 既湯。老公點既羊架都不錯，叫我老公食晒三塊羊架佢，佢簡直又滿足又夠飽，因為我話我個帶子risotto 夠飽唔會同佢爭。總結：我一向都勁愛fushion 菜式，呢度都好多中西合壁既美食，只來一次係唔夠架。

激安優惠！消費金額只需滿200即可無限添飲白啤酒至10時正！呢個超旬既限時優惠真係好抵！尋日我同朋友去到呢間酒吧，獲知到呢個優惠我就想即刻分享比食友們聽！呢個餐酒吧就係位於諾士佛臺既寢宮，三好餐廳，1️⃣野食幾好2️⃣環境幾好3️⃣優惠幾好！好好好！推薦比大家～·以下係詳細介紹，想睇詳細啲嘅就睇落去啦。🥣🍄黑松露忌廉蘑菇湯及🌽粟米忌廉湯相較之下黑松露忌廉蘑菇湯比較出色，濃郁得黎黑松露味又好出，粟米忌廉湯口味略嫌普通。.🥓意大利巴馬火腿及煙三文魚拼盤意大利巴馬火腿配上蜜瓜有驚喜，煙三文魚嫩滑帶點煙薰味，入口甘香濃郁，口感煙韌。.🔥🐥招牌火焰烤雞超級推薦，首先侍應會將原隻雞放係你面前點火比我地打個靚卡，超級有儀式感！哈，係真真正正既燒雞，超型超有記憶點！然後餐廳就會切件再上，嫩滑多汁，我原本仲以為佢係打卡only嘅啫，點知原來咁正咁好味!.🍚香煎帶子紅菜頭意大利飯意大利飯感覺到廚師係想將飯既口感煮得有少少半生熟嘅感覺，但係食落去嘅時候有點感覺對我來說真的有點太生，而帶子份量略小，都係調味係出色既，如果你哋會叫呢一道菜嘅時候時候可能要叫一下要求廚師要將飯煮得再熟少少。.食完餐飯我仲同朋友留喺度玩咗一晚，

今晚早咗收工就同同事一齊落咗ㄒST度食晚飯， 咁見到呢一間類似西式酒吧嘅餐廳，咁我就同朋友試一試，入到去個氣氛都幾好，都見到有多人喺度飲酒同食晚餐，而且枱與枱嘅間隔亦都幾好，都有啲空間，所以自己都覺得幾滿意呢度嘅環境，咁我就同同事叫咗以下食品：黑松露忌廉蘑菇湯:呢個蘑菇湯最特別嘅地方 就係野菌味濃沃， 都有好多mushroom嘅碎碎粒， 就唔算太creamy，如果creamy啲就好啲。不過呢D都係個人喜好。意大利Pama火腿及三文魚拼盤:佢個parma ham比較乾身同 唔算太油，雖然係同我試以前食嘅parma ham有D唔同，但係擺喺沙律菜到，感覺都幾協調。 同埋入面個三文魚我覺得都幾fresh。 餐前開胃菜幾好!紐西蘭頂級肉眼扒伴香烤時令蔬菜配燒汁 : 呢個肉眼扒我就絕對十分喜歡，因為呢個塊扒啱曬我哋呢啲食肉獸，同埋佢呢塊厚肉，我覺得幾新鮮同埋佢煎起上嚟都恰到好處，我叫七成熟佢真係畀到七成我，所以如果大家鍾意食扒嘅朋友可以試下呢塊肉眼扒。輕煎帶子配紅菜頭意大利飯:呢一個意大利飯，我覺得幾好食因為有我鍾意食嘅cream resource， 同埋個飯真係硬硬地真係似意大利嗰隻整法， 唔

酒吧重新開業後今天終於第一次蒲吧！來到買醉熱點諾士佛檯，暢飲前當然要吃個夠打底藏身於商廈的餐廳空間感十足，配備美式桌球枱及Beer Pong，更有可愛牆畫及韆鞦供客人打卡三道菜晚市套餐的黑松露忌廉蘑菇湯口感幼滑並帶有啖啖松露香頭盤意大利巴馬火腿及煙三文魚拼盤的火腿肉質柔軟，脂肪分佈均勻主菜紐西蘭頂級肉眼伴香烤時令蔬菜配燒汁有嚼勁香煎深海比目魚配白酒香草汁肉質細嫩來到酒吧怎少得酒精類飲品？ 經典Mojito雞尾酒充滿濃郁薄荷和檸檬風味，清新爽口

揾個場同一大班朋友飲酒玩樂呢度就啱曬啦有得篤波仔有其他board game仲有唱k房仲有韆鞦一路飲一路盪除咗啤酒烈酒大路cocktail之外呢度嘅打卡賣點就係以中國四大美人命名嘅酒精飲品閉月羞花沉魚落雁四個之中我選了閉月 ($98)即貂蟬 = 咖啡混入三副烈酒 vodka, drambuie & kahlua果然有很重嘅咖啡味 酒味回甘 女仔都好適合因我的喜好 調酒師減少了甜味用茶杯盛載 飲酒都覺得特別有古典味～嘢食主要係set dinner和下酒小食餐湯黑松露忌廉蘑菇湯 上面有一層很細密的泡沫 口感細緻前菜巴馬火腿和煙三文魚主菜煎帶子紅菜頭意大利飯($198)味道清爽 帶子煎得香不過意大利飯有點太硬 過了Al dente 經典卡邦尼意粉 ($168)非常creamy 濕潤感適中 唔會食到好乾

同朋友黎到尖沙咀寢宮badroom食晚飯諾士佛臺一帶除咗有好多特色嘅酒吧仲可以食到好好味嘅晚餐😎見佢轉左新menu 過嚟試試Dinner set 🍽裝修真係好有特色 提供桌球枱俾你篤波呢D設施係最吸引我的地方我地坐高枱 一D都唔好窄 跟餐: 黑松露忌廉蘑菇湯濃稠度正常 香濃突出 口感幼滑😆頭盤先嚟 意大利巴馬火腿及煙三文魚拼盤咸香嘅巴馬火腿配上清甜嘅哈密瓜 帶點鹹香味煙三文魚夠肥美 加埋少少沙律菜 好開胃😜單點小食: 黑松露薯條 $78薯條炸得香脆 粗身薯條食落一啲都唔油😂 味道都唔錯👍🏼黑松露醬超好味配上非常濃嘅蕃茄醬亦都好滋味單點小食: 蔥花爆牛柳粒 $138牛肉爽脆多汁且帶微辣鎖住肉汁有嚼勁而不乾硬 好惹味！冬菇切成立方粒 加埋帶籽青尖椒😚好有港式風味 熱騰騰的鑊氣帶有大排檔感覺火焰烤雞 $328即席點火 即時火焰烤 打卡一流呀店員會將燒雞切件同埋將D雞骨拆除食落都幾方便🤣🤣雞肉好嫩滑又多汁 芥末照燒汁味道濃郁☀️整體餐廳氣氛都好唔錯適合同朋友聚會傾下偈食下飯😋

平時多數同朋友去諾士佛台飲下野，原來樓上都有好多唔同既餐廳。今次我地去左位於諾士佛台樓上既”寢宮”食飯，呢到氣氛好好，適合三五知己食個飯傾下偈，食完飯仲可以飲杯野篤下波。重點係，野食同野飲都好好味！介紹下呢到既主食先，首先係廚師推介既招牌火焰烤雞肉質好鮮嫩好juicy 上菜既時候會有專人即用火再燒一燒 令到雞皮入口更脆！又睇得又食得 仲好岩打卡添！另一個主食係法式古法紅酒燴牛尾配扁意粉牛尾燴好入味，好”林”，配埋扁意粉，食曬都唔會覺得膩！不得不提前菜既粟米濃湯，佢同出面食既有少少唔同，係新鮮粟米熬製，好香好好飲！中意粟米湯既朋友必試！黎到墨西哥脆片，好香脆，唔會太重口味，配埋餐後既酒，一流！最後唔少得緊係一人嗌左一杯酒啦！首先係Sangria(Red) 唔會太甜，飲到啖啖既果香加埋紅酒本身少少既澀味，balance 得岩岩好！再黎係一款好特別既 王昭君 Gin base, 再加左莓汁，甜甜地好好飲，好岩好怕苦澀酒味既朋友飲！個杯既擺設都好有傳統特色，好岩打卡！今次dinner 食得好開心！好食，酒好飲，仲好岩打卡！我已經想再去食多次啦！

餐廳位於熱鬧的諾士佛台，入面有桌球枱，每枱都有盞可調光暗的小燈，氣氛同侍應服務都好好～Snack-招牌焗蠔Set dinner-香烤紐西蘭一級肉眼扒-香烤深海比目魚Mocktail:-berrry garden-red seaSet dinner 包左餐湯及前菜，是野菌和粟米湯兩款，前菜幾好食有沙律，煙三文魚，parmaham配哈蜜瓜，特別一讚兩款湯都好濃稠，飲落有粟米碎及野菌碎，真材實料增添口感小食都有不少選擇，焗蠔可以揀辣或不辣，一碟6隻，肉身厚充滿蒜香牛扒大塊肉味濃郁，肉味濃厚，好抵食比目魚整體不過不失，勝在夠平我好鐘意薄荷葉味道，甜甜地好易入口

去嗰日咁啱打風，有特登打過嚟通知返相關安排，去到之後都幾有禮貌。佢哋介紹咗個200文任飲雞尾酒套餐，幾啱我同我個班frd，大家都係頭幾次落嚟。因為打風佢哋廚房冇開，我哋響入面食外賣佢哋都ok，冇額外收切餅費嗰啲。遊戲方面有桌球同埋乒乓波掟杯，我哋唔識玩，佢哋都特登示範畀我哋睇😂。整體服務態度好好，嘢飲質素都唔錯，下次會再嚟。

終於開番酒吧，即刻去試一下。Dinner set已經包括Salad, soup and main course。烤豬肋骨真係好大盤，個人覺得最好食係佢地嘅紅菜頭香煎帶子意大利房，飯身唔會太硬，而紅菜頭汁亦都唔會有草青味，加埋帶子好夾。

happy friday, 尖沙咀chill下，飲下野食下水煙，黎呢間badroom, 絕對係好推介。大家黎之前可以做定快測，棒上面寫埋姓名同日期，假如冇都唔緊要，即場亦有提供全新快測包，同密封地方做快測。前菜係parma ham配蜜瓜，加埋煙三文魚。食得出好新鮮，唔會太咸。Badroom 焗蠔 ＄268蒜味好香，特別想提佢既蠔超大隻，亦好creamy，入口即溶。火焰烤雞（標準）＄328烤雞會我地係面前點火燒一陣，儀式感十足。呢道菜唔止睇得，仲好好味，廚師會幫我地去哂骨，而且肉質好嫩，必食之選。香烤紐西蘭一級肉眼＄368肉眼好厚，而且質素非常好，我地揀左3成熟，的確廚師控制得好好，好有牛味，好食。

假期前夕，要去酒吧Chill一吓！餐廳燈光昏暗，令人可以好放鬆。 中間有一張波枱，好技術嘅可以出去show off吓。 我自己就無謂顯醜喇。坐低先叫杯飲品傾陣計先。 【Real Pina Colade】 係用椰汁、菠蘿汁、rum酒調製，質地似沙冰，隨口一啖，暑氣全消！【Red Sea】 鮮紅欲滴，cranberry汁加上薑汁汽水調配，味道清新，男女都咁啱飲！之後我哋叫咗兩個晚餐同一份招牌焗生蠔share食。 頭盤先嚟，有意大利巴馬火腿，帶點鹹香味，有特色；仲有煙三文魚，口感亦很好。餐湯係意大利雜菜湯，湯底配料十足，健康開胃！主菜【招牌火焰烤雞】，見枱枱客都有叫。 淋酒上隻雞再點火，隨住燃燒火焰熄滅之後，香味撲鼻。 店員再攞返隻雞入去幫我地斬件，排列整齊再上返枱，好細心。 雞嘅外皮烤得金黃酥脆，雞肉保持非常鮮嫩，仲有肉汁流出添！另一主菜【紐西蘭頂級肉眼扒】伴碟有好多燒烤好嘅蔬菜！扒身外皮非常香口，帶點嚼勁，肉色粉嫩，質素真係唔錯！招牌生蠔有6隻，蠔肉飽滿。 配上蒜蓉焗烤，既食到生蠔嘅鮮甜味道，亦品嚐到蒜蓉烘焗焦香！一般酒吧嘢食都係一般般，呢間算係好高質，推介！