寶島餐廳

营业中

休息中

宝𡷊態度惡劣大大聲響全部食客面前趕客走原因話我身上面有大汗味來趕我走話我影響佢啲食客老實講大熱天時烈日當空人人都會出汗不能夠因為這樣趕客走這個唔係道理如果時常挑客人做生意不如把你個茶餐廳開去中環地方果員工很惡嘅態度咁對啲客我從此唔會幫襯其他人都唔好去有汗唔好去唔係比人趕出去呢啲服務態度攪死全香港飲食業怪不得現在啲市民上大陸消費就係呢啲害群之馬個個都話香港啲飲食業很差態度然後去大陸消費如果這間餐廳唔去改善的目中冇人既態度不懂尊重任何客既態度就早點結業唔好浪費一些有禮貌既餐廳入呢做生意！

返工得好短時間，食好野真係冇乜選擇，寶島餐廳外賣送得快，而且三十幾蚊超級足料，完全係元朗返工恩物，最怕就係等好耐，等得黎已經要開始做嘢唔知幾時先有得食寶島由落單到送上黎，唔洗20分鐘，開黎食仲熱辣辣，西炒飯夠足料，一份share兩個人食都夠飽有時間都好希望可以睇下用餐環境，不過外賣整體黎講真係各方面都幾好，另外同事叫左個炸雞比薯條，都十分重份量，雞比接近我塊面咁大🤣🤣真係良心企業最怕叫炸野起碼等半個鐘以上，送餐時間不得不再讚一次

叫左個五香肉丁炒飯，一上檯，一望就知瀨嘢，炒飯望落係白色濕潤得嚟又一舊舊，食左頭兩三啖，食到一啖係未炒散嘅一舊鹽，同一堆好濕潤的飯，肉丁有三四粒嘅。。。。我食左未夠五啖已經埋單走，當時有入客，個男的又叫左五香肉丁炒飯，當刻好想嗌停佢，講真，個炒飯唔係貴亦唔係平。。。但唔好咁冇誠意咁頹囉。。

前日叫左個外賣，42蚊，真係衰過兒童餐，魚柳好似手指咁大，阿媽仲叫我俾一半佢，呢餐真係衰過減肥套餐，衰過人地食剩，d朋友見到，叫我一家要post,無可能咁都俾客人食，我哈期望好好味，但只少要食得飽先啦，而家係食唔飽，食完好似無食過咁，我唔係有心批評，我希望有良心唔好咁慳皮，唔夠料取消呢個餐，點解要煮成咁呢？我希望老板見到可以改善下，味道其次，最緊要有良心啦，唔該食完落街食面包，咁既份量，衰過人地食剩。

冬天冰冷冷，最啱就係食個煲仔小菜咁啱行過就入去試下入到去雖然裝修比較平民，又唔見到有咩台灣嘢食，但睇到小菜一碟連飯同熱飲都係$55，啱曬我呢啲長崎糧尾嘅人嗌咗咸魚雞粒豆腐煲，豆腐好味，再配上咸魚香送飯一流。如果一枝公，屋企無人煮飯，呢度係一個唔錯嘅選擇另外仲有晚餐同碟頭飯，都好經濟實惠例如枝竹或豆腐火腩飯都唔錯，仲有蒸魚或水蛋，我見隔離枱都好多人叫美中不足嘅係如果收銀姐姐可以笑臉迎人，講句多謝，食客會好感動的

我和家姐一向都喜歡吃下午餐，難得星期日大家都放假在家，於是今日一起等到2:30出街覓食，但假日的元朗通街都是人，大多數餐廳都客滿，有些更要在室外等位。在如此酷熱天氣下，要我在室外站多一分鐘都會中暑身亡，於是我們隨便去了一間有位的餐廳。小時候記得千色的寶島十分好吃！本來以為這間也是＂寶島＂，怎料是兩間毫無關係的餐廳，而且食物質素和服務態度更讓我大大失望。一進店就只淨下一張枱，夾在水吧和另一張枱中間，那個位置窄得連椅子也拉不出來，要先讓家姐坐下，把枱拉至最貼家姐的位置，加上我椅背後緊貼的那位顧客再讓位，我才可以坐進去再看這裏的下午茶餐，都是正常茶餐廳有的款式，我本來想叫＂龍蝦丸併沙律＂，但由於未食午餐，所以轉叫了麵餐填肚，而這就是中伏的開端！那裏有名可能是新來的伙計，落單超慢，而且我說了三次要＂龍蝦丸拉麵熱奶茶＂，他還要問我＂係咪飲凍檸茶＂，激死記憶中這間店都有一定歷史，恐怖的是他們的餐具也明顯地有一段歷史！湯匙的外圍全都崩掉也沒有換，真的令人感覺不良好。龍蝦丸拉麵（$26）其實在物價膨漲的世界還能以26元吃到一個麵餐實在不應太多要求，但這個拉麵實在能媲美我在宿舍煮的午餐，而且是因趕時間而

一直以來, 以為元朗只有一間叫寶島的台式餐廳, 在千色廣場內. 殊不知某一天經過那間認知的寶島宴棧附近時, 竟然發現還有一間叫寶島餐廳的店子, 剛巧上星期五不知到那裏吃晚飯, 於是決定去這間新店試吓.和寶島宴棧相比, 這兒比較細少一點, 亦沒有卡位, 食物種類則跟前者差不多, 當晚點了一個小菜晚餐, 是豆豉雞翼煲, 另外老婆叫了一個豬扒包和一杯紅豆冰.豆豉雞翼煲出乎意料地好味, 放下來時已聞到香味, 啲雞翼都算大隻, 而且入味非常, 甚至連青椒和洋蔥等配菜都好好味, 我全部吃掉呢. 豬扒包就一般貨式, 件豬扒唔夠大件, 大唔過個包, 而且偏乾身, 唔多有肉汁, 肉質鞋鞋哋. 但個包就幾脆. 紅豆冰幾大杯, 而且紅豆很多, 亦唔太甜, 雖然不是椰汁而只是用一般花奶, 少了椰香, 但以這個價錢來說是不錯了.雖然說不上坐得很舒服, 但和千色廣場的寶島宴棧相比, 這兒絕對抵食得多, 尤其是小菜套餐, 前者每款小菜要40多元, 但不包任何飲品, 連白飯都沒有, 要另外加錢, 小菜的份量亦不見得大碟. 但這裏每個小菜平均只是30多元, 還有一碗餐湯, 白飯及一杯飲品, 相對起來抵食極多呢. 我見到

今日出完tst就入返黎元朗同fd行街，之後個fd帶左黎呢度吃，因為貪佢有部電視機。店舖比較迫夾，擺晒枱之後，中間走廊得返一人左右的闊度，出出入入有些不便。肉噪豬扒飯： d醬汁帶點甜甜地ge味，肉粒卻有點韌，幾野咬落去都彈牙=.="，豬扒質感都還可以，吃落都夠味同埋淋，飯方面就偏濕，有點兒難入口。 麻婆豆腐飯：己加辣，可惜仍屬於小辣程度，辣味反而由炸菜帶出。今餐晚飯平平凡凡，在區內有其好的選擇。

打完牌搵地方食晚飯, 行經此地, 打算好好醜醜食餐飽。要了芝士焗龍利柳飯。飲胚芽珍珠。等三個字, 焗飯到。本來就甚不抱期望, 亦預了飯底吾係真正炒飯, 芝士吾係果種芝士, 汁係生粉溝出黎。哈！就是預不到會全中。恭喜我自己！芝士好『特別』, 一塊塊好似結他pick既形狀。又吾係芝士味...........不過龍利柳都OK。算是Bonus。朋友飲埋杯野飲。朋友M要沙爹金菇肥牛煲, 附送例湯, 超多味精！PS.點解元朗咁多間寶島餐廳...

看到寶島造名字, 好多人都以為是台式食店, 原來是一間港式茶餐廳, 加上台式得飲, 故取此名.大熱天時, 行元朗行到身水身汗. 係時候Tea 一 Tea. 還沒有行入教育路, 卻被此茱餐廳停住, 不是因為佢有台式飲品, 而是大家已經疲倦了.下午茶餐, 都是一般西多, 炸脾沙律等一般過一般的東西...叫了一個菠蘿油同西多菠蘿油, 有點失敗, 牛油已經是全溶, 平常的是暖包加冰凍牛油, 這次是熱包加全溶牛油, 似是丁過. 西多補回不足, 夾有花生醬, 炸得又香口. 救返有個OK!有三個Shop Keeper女仔盯著我地既位......只好退...........

每次同朋友們o係元朗唱完k 都會o黎喱間餐廳食焗飯,因為喱度o既焗飯無其他餐廳咁濕，而且又唔係貴喎，我最愛食芝士龍脷柳焗飯or 海鮮伊麵，都係三十蚊多少少，加杯珍珠奶茶都係加$3，好經濟^^但琴日因為趕時間，所以只叫左兩杯<蘋果綠茶加椰果> 外賣，一杯就$13，如果加椰果都只係加多$3 咋，而且仲有好多椰果o添呀~~~~ yummy

今日放假，去左元朗睇漫畫，下午茶諗住搵台式野食．．．百份百﹑士林台灣麵同茗仙坊明明行到去０個個位都唔見有呢間鋪既？！唔知執左定係我黑仔哩？＝ｏ＝；前後共搵左成個鐘行到又攰又餓，見到呢度有間寶島，台式野ｗｏｒ，個名都響開飯見過下，所以二話不說就走入去啦＞＜下午茶個牌淨係貼響門口，唯有睇餐牌叫。最後叫左個全日供應既餐：酥炸豬扒米線＋百香果紅茶少甜加珍珠。碗米線以為份量會好細點知都ｏｋ大碗的，而且有好多白菜同芽茶添！豬扒雖然比較薄身不過都大塊，食完飲埋個淡淡地既紅茶已經飽飽了！不過杯紅茶味道好普通，過下口引而已。服務方面：個阿姐有少少惡，反而有個長長地頭髮既男人都幾ｎｉｃｅ。

其實依間食店都食過幾次，貪佢都幾大間，又無乜人食，可以靜靜地傾下計！＠.＠唔知點解，起初覺得依間野唔會好食（個人直覺），但其實又無想像中差，起碼o個度傾計ok囉，又無乜人，感覺幾舒服。ｄ野食就不過不失。今日食左個咖哩吉烈豬扒飯，個皮都幾脆，咖哩幾香，同埋佢ｄ配菜「薯仔」，都炸左先上碟，覺得幾有heart囉。