寶湖海鮮酒家 (租庇利街)

营业中

休息中

我每日都光顧這酒樓, 但次次都是12:45前埋單(因有半價), 以中環區, 噤既價錢, very good

朋友生日,係度擺左兩圍,大家都中意打牌,當然4點一開始就黎打,打到8點起菜,先來有個拼盤(海蜇,炸豆腐燒肉同埋燒熳魚)無食燒肉,其他三款都唔錯,其中熳魚最好味,仲脆脆地,好好味啊~~之後有芝士龍蝦伊面,呢味ok,龍蝦肉都幾爽,不過唔夠芝士;又有西芹炒尤,味道一般,無乜特別;再來燒雞;雞無乜味;花膠螺肉湯,花膠好味,(當然不及屋企亞媽煲的咁正)不過始終唔太中意飲酒樓的湯,因為味精太重;之後有荷葉飯,我巳經飽飽地,只食左兩啖,不過都幾好味喎;再來的水餃巳經無食;不過有人裝完又裝,我諗都唔差掛~~最後唔少得梗係壽包,糖水,生果,壽包食左少少,都唔錯喎~~糖水係紅豆沙,無食,生果都係行貨;埋單每人二百,總括來講我覺得係唔錯既;(因為舊年係皇上皇擺左三圍,不過大家都覺得麻麻,所以今年試下寶湖,不過呢間較上環果間細少少;另外呢度什市點心都幾抵的,有時星期六都會同同事去食,都Ok ga)

在這嚴峻的環境下都落重本裝修，真的不能不配服幕後主理人的勇氣。今日同三個同事來飲茶，發現裝修過後地方係乾淨同光猛左好多。點心小菜同以往大同小異，價錢仲好似平左少少tim。叫了四人套餐，有個迷你冬瓜盅、半隻沙薑雞、三個點心、一個小菜同一個炒飯。冬瓜盅都不算太迷你，每人都可吃倒兩碗，但就幾多味精；沙薑雞雖是冰鮮貨但幾嫩滑，都OK；三款點心是燒賣、牛肉燒賣和潮州粉果，俱有水準但沒有得選擇；小菜叫了時菜扣花膠，花膠幾厚身不欺場；最後的魚香炒米粉幾大碟，味道都OK；最後仲送埋紅豆沙。埋單$240，位位60蚊幾經濟，又食得幾飽，難怪重開仲係咁旺場。

在這嚴峻的環境下都落重本裝修，真的不能不配服幕後主理人的勇氣。今日同三個同事來飲茶，發現裝修過後地方係乾淨同光猛左好多。點心小菜同以往大同小異，價錢仲好似平左少少tim。叫了四人套?，有個迷你冬瓜盅、半隻沙薑雞、三個點心、一個小菜同一個炒飯。冬瓜盅都不算太迷你，每人都可吃倒兩碗，但就幾多味精；沙薑雞雖是冰鮮貨但幾嫩滑，都OK；三款點心是燒賣、牛肉燒賣和潮州粉果，俱有水準但沒有得選擇；小菜叫了時菜扣花膠，花膠幾厚身不欺場；最後的魚香炒米粉幾大碟，味道都OK；最後仲送埋紅豆沙。埋單$240，位位60蚊幾經濟，又食得幾飽，難怪重開仲係咁旺場。

雀局菜四菜一湯，包燒味併盤，另三款小菜有多款選擇。因酒樓出品故大部份小菜都幾有水準，唯獨是千祈唔好叫「XX」兩味，「XX」是任何海魚類，因為試過三幾次D肉都是霉的，懷疑是用了唔新鮮的魚。每圍500蚊免加一，仲抵過去聯誼會打。

尋日返工經過，見倒有早市特價優惠，就即管走入去整個好耐都無食的「一盅兩件」早餐。鳳爪排骨飯同鮑魚雞札都係八蚊，當然唔係什麼好料，但起碼都叫做新鮮出爐熱辣辣，加埋壺特濃普餌，在北風吹的朝早真的好滿足。