寿司部

营业中

休息中

自從blacklist元氣之後成日都唔知可以去邊到食壽司不過終於比我地搵到又平又正又黃嘅replacement啦🤩-本身聽朋友講呢間餐廳嘅壽司係普通AEON外賣壽司嘅質素都覺得有啲擔心同頹但見佢啲壽司咁平，就本住好又一餐唔好又一餐嘅心態去食點知又幾好食喎🤩特別推介燒鵝肝壽司($12)同燒芝士珍寶三文魚壽司($16)啲油脂香到呢🤤忍唔住encore咗兩次-🥢魷角/醋鯖魚/玉子(甜蛋)/吞拿魚沙律 $5 🆙🥢北寄貝/三文魚/甜蝦(甘蝦)/芝麻八爪魚 $6 🆙🥢大八爪魚/鮮帶子(生) $7 🆗🥢芝士燒熟蝦壽司 $8 🆗🥢吞拿魚/ 大蔥吞拿魚軍艦 $9 🆗🥢炸吉列蠔壽司/ 鹽燒左口魚邊壽司 $10 🆙🥢燒鵝肝壽司/即製廣島蠔 $12 🆙🥢鹽燒芝士珍寶三文魚壽司 $16 🆙-🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 9/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 6/10服務 𝗦𝗲𝗿𝘃𝗶𝗰𝗲 6/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 9/10整體 𝗢𝘃𝗲𝗿𝗮𝗹𝗹 7.5/10-📌 兩個人食咗25件都係大概$200賣單，每人$100就食到咁好食嘅壽司都唔知去邊到搵🤣鹽燒芝士珍寶三文魚壽司

心血來潮想食壽司，見到呢間壽司部價錢大眾化，而且都有唔少街坊幫襯，就入去買咗D壽司返屋企食！雖然食物價錢比起任何連鎖餐廳更便宜，但是食物好有質素，性價比好高！點咗一個壽司拼盤，19件壽司即點即握先$148，計返每件先$7.7，仲要壽司唔係玉子或者腐皮壽司之類，淨係花之戀壽司都有三大件！價錢真係平到好誇張！ 壽司拼盤有三文魚6件，花之戀3件，鮮帶子3件，玻璃蝦3件，鰻魚2件，馬刀貝2件，一向鍾意食三文魚，呢度嘅三文魚色澤新鮮，選用近腩位部份，非常肥美！每件花之戀更加有三大片厚切三文魚包裹，加上慷慨嘅蟹子，實在滿足！帶子柔軟鮮嫩，口感無變硬，明顯新鮮。馬刀貝口感爽脆，一樣深得我心！玻璃蝦質感相當不錯，爽口彈牙，輕輕咀嚼時可以食到蝦肉鮮味，新鮮度甚高。我哋仲點咗美國珍珠蠔，原先諗住點兩隻試下，點知店員非常公道，竟然話因為蠔開出來比較細，所以額外送多一隻俾我哋！非常開心！雖然蠔唔算好大隻，但鮮味十足，仍然保留海水味，口感creamy爽滑，我哋都後悔點得太少！雪櫃仲有三文魚骨賣，買咗一包煲湯。$20一大包，價錢好抵，而且好多肉，自己起完魚鱗煎一煎香，加埋番茄薯仔咁就係一煲健康又美味嘅三文魚湯！

寿司部Environment: ★★★★★Service: ★★★★★Taste: ★★★★★❤值得一提係呢度服務質素係無得彈，態度超親切，有禮貌❤雖然店舖唔大，但好多街坊幫襯好多年，外賣都有做❤裝潢好優雅，有日本風，乾淨整潔。❤壽司價錢親民，人均$50-$100，五蚊留下都有，性價比高❤除左單點，都可以叫set拼盤，around $100就有好多舊壽司同friend慢慢歎❤環境乾淨，唔驚唔衞生❤款式豐富，過百款，刺身，炸物，小食，手卷，火灸，生蠔❤夠新鮮，即叫即製，香口惹味，整體高質，好過好多連鎖壽司店❤最推介係燒鵝肝壽司， 油脂豐富，經炙燒後超香，但入口唔會太膩。同埋必叫帆立貝，大大粒，鮮爽帶甜。🔛🏃‍♀️🏃‍♀️🏃‍♀️大角咀埃華街105D地下#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkgirl #igfoodie #hkblogger #hungry #foodphotography #holiday #foodstagr

偶然比我搵到呢間性價比好高嘅壽司店！對鐘意食刺身既我係一大福音🥳takeaway翻屋企一度睇劇一度慢慢嘆刺身，簡直係人生一大樂事呀🥴💕我叫咗有我最愛既三文魚、三文魚腩、油甘魚、左口魚裙邊、赤身、海膽，好豐富，師傅幫我擺到好靚。價錢親民，但塊塊都幾厚切😍而且肉質食得出係新鮮貨，性價比十分之高呢！特別推薦三文魚同海膽😋見到有蠔忍唔住叫2款試下，即開美國珍珠蠔同廣島蠔，2款都好鮮味，尤其鐘意美國珍珠蠔，蠔肉好creamy！寿司部 (大角咀)大角咀埃華街105D地下

今日突然想食壽司，諗起同事介紹大角咀有間又平又正的壽司店，立即動身去試試，門口貼住餐牌，估唔到店舖細細又會有咁多選擇，壽司，剌身，炸物，卷物，軍艦手卷都有，真係應有盡有即開珍珠蠔，蠔肉豐厚，色澤新鮮有光澤，雖然入口蠔味比較淡，但啖啖肉，新鮮鮮甜螺切好一片片，一夾就食得，入口彈牙得來，十分煙韌，新鮮鮮甜再點了一盤$148的壽司拼盤，有6件三文魚，3件花之戀，3件玻璃蝦,2件鰻魚，鮮帶子3件，馬刀貝2件，共19件，三文魚新鮮美味，花之戀加上魚子粒同沙律醬，全部比例協調，玻璃蝦通透彈牙，鰻魚味道濃𨚲，帶子鮮甜，馬刀貝爽口，全部都新鮮，尼個價錢食到咁有手準的壽司，真係喜出望外如果趕時間外賣又不用等，打開冷藏櫃就可以買到已整好的壽司，唔好以為一早整定一定唔新鮮，一望魚生依然帶光澤感就知不是隔夜貨，仲有好多酒嘅選擇，可以一路食一路飲這裏還有鮮三文魚買，大大塊都係一百多元，比起超市抵好多，怪不得在坐期間，咁多人買，值得一讚呢度嘅店員親切有禮

嚟過大角咀咁多次，唔講都唔知原來呢到有間價錢親民既壽司店。小店鋪頭面積唔大，就咁行過好容易會miss左，餐廳只有一張枱仔，所以大部分客人都係外賣自取拎返屋企食。 麻雀雖小，但五臟俱全，餐牌上壽司款式豐富，連炸物都有，而且價錢非常親民，大部份壽司都係$10或以下。全部壽司都係即叫即製，確保送到客人手上嘅時候仲係新鮮。呢個價錢當然唔可以期待有高級壽司店嘅質素，但係平得黎絕對唔差，部份壽司仲幾有驚喜。我最推介係海膽花之戀，海膽同三文魚都好新鮮，海膽比想像中好味，味道鮮甜，而且份量唔少。我試過某間連鎖壽司店嘅海膽又腥又臭，好彩呢間完全無咁既情況，仲出奇地好味。炙燒系列都唔錯，最好味係鹽燒左口魚邊壽司，燒鵝肝壽司都OK，重點係舊飯吸收曬上層食物既精華，所以特別香口。三文魚籽、帶子壽司，蟹膏玻璃蝦都正常。芥辣八爪魚調味得啱啱好，唔會太嗆又好香芥茉味，不錯。重點係店員非常有禮貌💕全程唔該前唔該後，又話唔好意思要我等咁耐。而且提供嘅豉油同芥末份量都好足夠，我唔洗就住嚟食。呢個價錢黎講，食物質素絕對不錯！

大角咀性價比高的壽司店食日本壽司一定要食材新鮮，有質素，這間用心經營的壽司店，是無意中發現，環境方面，座位不算太多。服務員非常有禮貌，佈置簡潔乾淨，壽司的種類有非常多的選擇，特別是我最愛吃的帆立貝壽司，非常鮮甜。好厚肉，口感非常滑。其他壽司都好爽口彈牙，非常鮮甜。另外芝心三文魚卷$26，芝士味非常濃郁，好夠香味，芝士控一定非常喜歡。價錢方面非常合理，甚至是超級抵食，特別是牛油果加州反卷， $40有八件，叫了差不多$200的壽司和朋友兩個人食，都飽到上心口。

食壽司唔一定要幫襯大型連鎖店 今日去開大角咀 竟然俾我發現咗一間隱世嘅壽司店 真係超平超抵食 仲要食物質素一啲都唔差 真係要俾十個讚唔好見佢店舖細細 食物款式一啲都唔惹少 款式夠曬多 有壽司，炸物，小食，刺身，丼飯，手捲……蟹柳及腐皮壽司四蚊有交易 三文魚壽司六蚊有交易 真係抵食店舖少少 有堂食或外賣提供 店內只有兩個職員 職員親民又好禮貌 服務態度一流即開美國珍珠蠔$50 蠔肉飽滿肥美 職員開蠔嘅手勢好好 沒有半點碎殼 啖啖肉好滿足加點點檸檬汁可以提出生蠔嘅鮮味 蠔味在口腔中久久不散 非常鮮甜 帶有淡淡的海水味劍魚腩刺身$50 厚薄度適中 口感非常爽口 而且帶有陣陣油脂甘甜味 魚油相當豐富 吃得出是新鮮的貨色螺片刺身 肉質爽脆彈牙 沒有半點雪藏味 鮮味可口三文魚壽司$6/件 厚切肥美 油脂豐盈 一口咬下即盡嚐海洋的鮮味店內亦有提供預先製作好的壽司拼盤大大盤壽司 (魚生的款式) 只需85蚊 價錢真係非常親民 抵食過大型連鎖店多多聲刺身拼盤$90 一盒裏面有三種刺身 眼見是非常新鮮的 三文魚以厚切方式呈現 非常大方 份量夠多購買三文魚刺身 亦可代客切片 夠曬方便仲有新鮮嘅三文魚頭，魚骨，

今日去咗大角咀同朋友食飯，大家都唔想食熱氣野，於是揀咗食間性價比高既日本壽司🍣☺️我地叫左牛油果大蝦沙律壽司，牛油果好有營養，要多食架～配個低熱量嘅大蝦，好食又唔肥😊燒鵝肝壽司，入口即溶～差啲夾唔起，如果個表面再煎脆啲更岩我胃口😋鹽燒左口魚裙邊壽司，好有魚油香，永遠都係我最鍾意食嘅野😚鹽燒鯖魚，就甘用鹽燒都已經帶左佢成個魚油既香味出黎😍珍寶北海道帶子，好大粒啊，超新鮮，啖啖肉，好適合我呢個帶子愛好者🥰甜蝦，新鮮，每咬一下都會起膠😆爽甜馬刀貝，好爽口，好大片🤩海膽手卷，超級開心，呢個價錢食到呢個份量既海膽😚😚

呢日去左大角咀食日本野，聽講好多街坊都推介！首先我地叫左幾款刺身，分別有珍寶北海道帶子、甜蝦、爽甜馬刀貝同魷魚每款都好新鮮！我最鐘意係魷魚同帶子😋😋帶子超級厚身😆😆之後就係壽司啦！呢到壽司都好有水準！海膽手卷超級正！必叫！海膽鮮甜之餘又大舊，食到手卷尾部分都仲有，唔會只係得舊飯😋牛油果大蝦沙律壽司配埋一齊都幾夾，真係有食沙律嘅感覺燒鵝肝壽司鵝肝好肥美但又唔會過於油膩👍🏻👍🏻鹽燒左口魚邊壽司呢個次次食壽司都會叫，呢到得整得好好😆日本大蔥吞拿魚蓉壽司掛住食呢個冇影到相，呢個唔係切到好似醬咁，比較有咬好👍🏻最後仲叫左個小食，鹽燒鯖魚燒得岩岩好，仲配左個沙律醬點，食落唔會太乾呢到以食壽司嘅店黎講，真係性價比好高👍🏻

呢間性價比相當高嘅日本餐廳，對鍾意食日本野嘅人來講絕對係一大福音。款式亦都相當之多，壽司刺身都係即叫即做相當新鮮。因為製作需時所以有時都會鍾意叫外賣，坐喺度食我驚會食到唔停手🤭😆個人最鍾意嘅就係甜蝦、帶子、赤貝同炙燒左口魚邊。

三文魚壽司好肥美😍入口即溶😍炸蝦反卷就夠脆夠新鮮，我食過最好食既炸蝦反卷😍火灸三文魚壽司都夠野味😍仲有蝦壽司，蟹棒壽司，同帶子壽司，全部都好新鮮好好味😍全部滿分！最緊要係平民價錢！又坐得舒服👏十分推介👏坐底有茶送，配壽司絕配👍👍不枉我做左10年Fans, 仲帶左咁多朋友去食🤣個個都話好好食下次要再尼😆希望可以長做長有！老闆又好人，啲野又好食，仲有歌聽，有茶飲，又平，仲想去邊度搵？

店舖唔太起眼，但因為我向來都中意食日本菜，所以就入咗去睇。店舖雖小，只有一張枱，以外賣為主，不過我自己一個，就選擇咗堂食。一入到去就見到有得揀自選魚生飯，不過我就覺得cp值唔高，所以就冇揀，揀咗加州卷、三文魚握壽司同埋炸蝦手卷加州卷$30有8件，比出面常見嘅會細啲，一口份量，好食三文魚握壽司$6/1，握壽司最少要嗌兩件，三文魚切得都ok厚，唔會好薄，都可接受嘅。炸蝦手卷$18一件，紫菜脆卜卜，唔會好難咬開，讚超中意食依間，以後仲會繼續幫襯

好想食壽司，本身經過呢間見到佢門口甘簡陋，都唔打算入去食，但係衡量完元氣外賣都要等好耐，而爭先質素真係好一般，所以都係決定試下。或者係因為本身都無咩期望，所以俾佢既質素嚇親，絕對係性價比好高既壽司店。店舖有set 同單點。因為set $128/$148已經有好多舊壽，好容易會吸引左。但計過之後，其實單點可以全部係心儀之選價錢又差唔遠，都係食單點。其中吉列蠔，三文魚腩，甜蝦都係物超所值。夠份量，鮮鮮同好有魚香/做得好juicy .其他壽司係同元氣差唔夠甘，係油甘魚會差小小。佢呢度壽司四到十幾蚊一舊。三文魚腩係八蚊，鰻魚係十蚊。我地呢度甘多舊係一百二十蚊，好滿足。

呢排天氣超熱所以好想食凍冰冰的食物咁壽司一定係最好選擇但人算不如天算當你想食凍野其實其他人都想食我地黎慣呢間大角咁隱世壽司店今日都勁多生意 尤其外賣單所以一入壽 師傅都話壽司要等耐d我地叫左好多壽司三文魚、北寄貝、粟米沙律、劍魚、魷魚、赤蝦、立魚、櫻花魷魚、油甘魚同希寧魚。整體仍然係高質三文魚勁甜美又厚帶子大隻鮮甜希寧魚爽脆油甘魚魚油十分足唯一較失色係魷魚🦑不過我見佢地做到停吾到手性價比都仍然係勁高