小印度餐廳

营业中

休息中

近排成日見到《我的印度男友》呢套電影宣傳，搞到心思思想食印度菜 但係又唔知去唔去食好，因為之前食過嘅印度餐廳，一係好油，一係就唔係好啱口味，次次食都好心大心細。見呢間係OpenRice 都幾多好評，餐廳位置又易揾，就黎試下啦門口好sharp醒，又紅又黃，一眼就望到好易揾！餐廳環境都唔錯架！最緊要坐得舒服我同朋友成日都花多眼亂，最後決定嗌個二人套餐，乜都有就滿足到大家嘅願望啦因為朋友唔食牛嘅，所以咖喱牛我哋就問侍應可唔可以改做咖喱雞，侍應都好nice呀二話不說就幫我哋改咗～等咗冇耐其實我已經好安心對今餐飯都好有信心，除咗因為廚師同侍應都係印度人之外，亦都有印度人入嚟食晚飯，咁就知道呢間餐廳一定係好正宗好好食啦叫完嘢食之後一定會嚟呢一個餐前小食。快薄脆好香口，加埋呢個薄荷醬好refreshing 又開胃！好香芒果味嘅mango lassi 都黎左呢個真係冇得輸，大大杯夏天飲真係好爽！而且唔會死甜真係飲到芒果嘅甜味同香味，超鍾意呀極力推介！睇吓我飲完一啖之後就冇咗咁多啦～好搞笑呀佢chicken tikka 同咖喱角係一齊鐵板上，啲「滋滋咋咋」聲聽到就即刻食指大動！個咖喱角真心要讚吓，好大個

以前要食正宗嘅印度野呢就一定係去重慶大廈搵，但你知啦重慶大廈其實有時花多眼亂都唔知邊間好食，咁岩比我而家喺佐敦搵到一間舖頭仔，叫做小印度餐廳，就心郁郁想入去食啦。入邊面積唔係好大，但係個感覺好溫馨，燈光好足，坐得都幾舒服唔會覺得好黑媽媽，乾淨企理。餐牌有中文英文唔會唔識叫野食，雞羊牛海鮮一應俱全甚至素食餐牌都有。一叫完嘢食侍應就送上一個脆餅加一兜薄荷醬，脆餅好薄好脆，有少少辣，加埋個薄荷醬會酸酸地，有浸薄荷牙膏味，幾得意㗎。咖喱角好大嚿，入邊下一啲雜豆啦薯仔啦，好好食呀。隔離嗰個紅色嘅係係雞肉嚟嘅，加左啲檸檬汁落去，酸酸辣辣咁，好惹味。之後佢一想就上咗兩碗野，我用咗10秒時間先分到邊一個係咖喱，邊一個係燜黃扁豆。咖喱冇我想像中咁辣，香料好重，配搭埋d印度黃飯，一流啊！雞肉好軟熟，唔會柴皮。至於燜黃扁豆就唔好以為佢顏色好重會好重口味，其實係相對清淡的一味。個甜品真係太甜，我食唔到落去。總括嚟講，呢間印度餐廳唔錯，可以嚟食下。

點完菜首先就送咗一個印度餐前小食papadum，配上薄荷醬無骨雞肉咖哩 Chicken curry🥘每次食印度菜都心大心細，同一款肉類都有好多唔同風味，今次唔想食太辣，所以就揀咗chicken curry。依款咖喱偏向係甜味同香料味，辣度低，適合唔太食辣嘅人👌咖喱有大約5大塊雞肉，雞肉煮至腍身配料仲有薯仔原味烤餅 Plain Naan🫓烤餅一樣有唔同嘅口味，例如洋蔥、蒜蓉、芝士、薯仔，因為諗住用嚟點咖喱，所以就叫咗最basic嘅原味，烤餅厚薄適中，最欣賞嘅地方係個烤餅帶少許嚼勁，唔會覺得乾爭爭，唔需要蘸咖喱都已經好好食！！印度芒果乳酪 Mango lassi 🥭印度菜嘅飲品同埋甜品好多時都會偏甜，但係依杯mango lassi既有芒果嘅香味，又唔會太甜，甜味啱啱好，酸甜甜非常開胃，而且好適合依家咁炎熱嘅天氣，飲一啖透心涼～～仲有一點係餐廳冇加一服務費，都幾抵食👍

食印度野最擔心嘅係乜嘢呢？會唔會係驚環境比較幽暗、嘈吵、甚至有啲唔乾淨呢？😂 今日試咗一間令我有驚喜嘅印度餐廳，喺佐敦嗰邊，光線充足之餘，老闆好禮貌離開地鐵站都係大概5分鐘嘅路程，好容易搵🥸餐牌有好多選擇，分類都好清晰，又有圖片，中英文都有，點餐冇難度😜前菜黎一個青瓜乳酪先！🥳原本我哋以為係一片片嘅青瓜再加yogart係側邊伴碟，點知原來佢係將啲青瓜切碎晒，同乳酪混在一起, 好似食緊沙律咁樣🥳🥳🥳🥳主菜我地叫佐個咖喱雞同埋plain naan bread, 個咖喱雞醬汁非常濃郁，只係少少辣，兩個女仔都好鍾意❤️配埋個naan，真係Yummy Yummy 呀😍😍😍 個咖喱雞望落去唔算好大碟，但係原來裏面有四大嚿雞肉，超級抵食 🤪🤪爭啲忘記分享埋個飲品添！Mango lassi, 好smoothy, 好滑，食咖喱一定要配埋佢😙

Clean and Neat restaurant with nice decoratingLittle indian restaurant in WooSung street nearby Manulife building. Dishes cooked by native Indian in restaurants.Wine and beer are available. Restaurant size for around 20 customers or more.Good place to get rest after shopping in WingOn mall. Beef Curry with potato 78hkdindian style curried beef with potatoThe sauce of curry is tailored made by chef with special reasoning and it is hot spices. It is in Indian style. The taste is well accepted by A

好掛住飛印度嘅日子呀嗰陣時又成日自己走出去食印度菜，其實除咗日本菜之外我最鍾意食嘅就係印度菜啦，雖然喺嗰邊嘅餐廳好多都係食素嘅，因為佢哋嘅香料運用恰當，就算食素都好好食。今日就去咗學校隔離嘅一間印度餐廳度食，驚喜地，竟然非常之好食。Miss those days flying to india, sneaked out and have those nice Butter chicken, Nan ,Dorsa and Mango Lassi. Found this nice Indian cuisine near my school neighhood❤️ ——————————————呢度係一間北部印度菜嘅餐廳。佢哋有素菜同埋含肉類嘅餐單，其實選擇都幾豐富㗎。而且有印度特色嘅乳酪沙冰，同埋酒精飲品。This is authentic Northern Indian cuisine. They have veg and non-veg menu, with variety of meat choices. Alcohol and non alcohol Menu. And must-tr

lamb kadai 莎瑪拉燴羊肉用左莎瑪拉呢種香料加入去燴製既羊肉 羊肉羶味唔重 肉質鮮嫩 羊既香味好出 加埋莎瑪拉 多左一份清新 個汁都好入味 配答埋個印度薄餅好夾plain naan印度薄餅 即叫即烤 好香脆 而且咬落堅靭 都非常掛汁 配答咖哩食一流gulab jamun 玫瑰蜜炸奶球甜度好高 用左新鮮奶泡來炸 加上一層玫瑰蜜糖 奶香好重 外皮都炸得好香脆 玫瑰蜜糖味唔濃 咬落去係有融化既感覺 感覺特別young coconut 鮮原個椰青椰青係新鮮原個切開 再放支飲管就咁吸 好清甜可口 解暑一流mango lassi芒果味濃 甜度適中 酸度唔高 好開胃 天氣熱飲唔錯

通常食印度野都會叫chicken masala 或者食羊肉 咁二人餐就冇羊肉簡 但就有chicken tikka 另一樣印度野必食既燒烤雞肉 雖然個menu睇落唔係有好多野食 但turn out食完都好飽 因為一開始個starter係samosa 即係兩個咖啡角 唔好以為佢係平時茶樓食既春卷 入面個餡其實係薯仔同埋豆 出面個皮好crispy 個size就手掌咁大 所以食完都開始飽 記得記得要試下個淺綠色醬 係薄荷加yogurt整既醬 個味好fresh好開胃 之後個main一上出曬煙 用個naan點d咖哩都覺得好夠熱 如果唔想食飯既話 其實個二人餐係可以轉兩個都係naan既 咁就會有4塊 size都一樣係好大塊大過塊面 個naan上面既蒜蓉味好香 另一樣我覺得好飽都要飲既係mango Lassi 係加左yogurt既沙冰 係聽到即刻落單即刻打既 總括黎講都幾抵食

少去印度餐廳其中一個原因係因為唔知食咩好 見佢有個二人套餐即刻叫左 唔駛諗 原來佢有starter 係兩塊好脆既野 跟個綠色醬 唔點醬都好食 咖哩角同燒雞係一齊上 要食左咖哩角先 因為驚凍左會唔脆 入面充滿左薯仔同豆既餡 😋 板燒雞好食！又滑又香 仲每人都有兩大舊 咖哩牛配naan好夾！其實塊naan就咁食都好食 因為有garlic👍🏼同埋好！大！塊！ 可以meet一細塊夾牛肉食 或者meet一細塊浸落啲咖喱到🤭🤭 牛肉應該都有6-8舊 黃篇豆個人覺得salty 甜品唔識形容 似係饅頭浸奶加甜版飲品一定要叫mango lassi 係芒果加乳酪 所以質地會好kit 細食既可以叫一杯share 因為杯野都幾飽 同埋個set都好多野食🤣 

小印度餐廳係一間正宗的印度餐廳。餐廳係佐敦，位置都幾近佐敦站，係B1出口出，行幾分鐘就到。就係因為近又想食印度野，所以就尼左e間食餐廳係地鋪，餐廳嘅紅色招牌好易認，一望就搵到。侍應服務態度良好，會主動向客人打招呼。而且侍應應該都係印度人，落單需要講英文，但menu有中文字，唔識英文都唔驚。食物味道唔錯，羊肉超好食又唔羶，值得一試。烤餅脆卜卜，好好味。印度咖哩超香，而且有d辣，唔食得辣嘅人需要不停飲水。另外叫左個牛肉炒飯超正，而且大大碟、好飽肚。好啱同朋友一齊share黎食。炭燒鐵板都好正，d肉超香，食到停唔到口。飲品我就叫咗芒果乳酪，酸酸甜甜，最啱夏天飲。侍應好好人，會每人比杯水，仲要定時幫你斟水，服務態度超好。

心思思想又掛住我最中意既lassi同naan咁岩朋友又未試過印菜一於一齊開拓新美食版圖今次就尼到佐敦既尼間印菜可能係我見識少好少係鬧市見到有印菜開係地舖香港尼講相對小眾既菜系但開得地舖相信一定有番咁上下實力！令我地逼不及待啊朋友第一次食印菜 睇住厚厚既menu揸唔定主意我地於是決定嗌個2人餐包羅萬有 由前菜到甜品 簡直印式fine dining價錢亦比單嗌抵食 岩曬選擇困難症人士特別一提飲品方面本身跟餐係芒果lassi但我個人唔多好芒果 所以問左下可唔可以轉其他lassi店員好爽快就ok左 仲送左我地套餐冇包既脆餅小食 超好人！二人餐整體尼講份量都算多兩個女仔都唔係好食得曬而我最中意佢既天多利燒雞同蒜蓉naan前者惹味 後者酥脆當然其他品項都超唔錯 中上水準價錢合宜 位置方面 你話點可以唔encore！

本來以為, 食印度菜更係要去尖沙咀重慶。 朋友介紹佐敦這間小印度很不錯, 今日路經, 當然要一試。佐敦本身係好多野食, 不過咖哩都係第一次係度食。而家晚飯要早食, 唔洗撞到咁多人, 所以入到舖頭, 感到好乾淨清靜。 店員好有禮貌, 不過講英文溝通會好d。 因店員都只懂基本廣東話。 不過唔緊要, menu都好清楚。 因為開始天氣熱, 都唔會叫太多。 就只係點左洋蔥餅, 印度椰菜薯仔咖哩，和新鮮椰青。一坐底已有餐前小食。 真係第一次食到。 有d似墨西哥脆片，再配薄荷醬食。 好得意, 幾好食。洋蔥餅好香酥油味, 仲加左芫茜。 雖然我唔係好食芫茜, 但佢既做法味道又剛剛好, 芫茜味唔會太搶。椰菜薯仔咖哩好入味, 小辣偏甜。 最好係椰菜唔會煮得好爛, 同薯仔都好好食。配埋鮮椰青感覺好清新。 今餐真係食得好開心, 很值得一試。

好奇試下，價錢都唔算太貴，點左個羊肉咖哩同butter naan，加杯芒果lassi。先講咖哩，香味撲鼻，羊肉好軟，無騷味，辣度適中。個butter naan好正，可以話係我係香港食過最好食既。鬆軟qq，好有麥香，口感一流，下次嚟一定唔會再點要飯，一定食佢個naan。10/10強烈建議。個lassi還可以，無特別。服務都幾好，有禮貌，亦既有耐性，上菜出奇地快。會再嚟食

今日黎到佐敦食印度野，我自己最鍾意就係食印度野，所以除左去重慶大廈之外重會周圍睇下有冇咩好既印度餐，今日經過佐敦見到呢間咁光猛既餐廳就入左去。我地叫左印度鐵板燒雞、白咖哩牛、薯仔薄餅、蒜蓉薄餅同埋一杯芒果lassi。鐵板燒雞係我既最愛，唔理去度邊度食印度野都要叫鐵板燒雞，呢間餐廳既鐵板燒雞真係唔錯，上枱既時候重係好熱，有“炸炸”聲，表面有小小燶先係最完美，食落舊雞好嫰入面重係好juicy。白咖哩牛寫到明係微辣，食落重有小小甜，最啱就係要黎送薄餅，今次冇嗌飯，反而叫左兩款薄餅黎食，薯仔薄餅，脆既薄餅入面有薯仔，點咖哩汁食就最好不過啦，另外重忍唔住叫埋蒜蓉薄餅，蒜蓉味濃，而且中間冇夾其他野，所以食落更加脆口。最後飲埋芒果lassi就完美啦！

印度牛油咖哩雞:咖哩香料味不會太濃，適合香港人口味。味道甜中帶酸，質地很滑，又不會太重味，點薄餅或是單吃醬料都可以。雞肉很嫰，沒有骨，小朋友都可以吃。原味烤餅:很鬆軟，上桌時還是熱辣辣，點Butter Chicken的醬是絕配，要點兩份薄餅才夠吃。香料烤魷魚:用鐵板上，夠熱，外觀吸引。魷魚用咖哩調味過，肉厚但完全不韌，惹味可口。魷魚筒內釀了薯仔和印度飯，吸了咖哩和魷魚的鮮味，非常好吃，而且釀薯仔並不簡單，廚師功夫很好。椰青:水非常多又甜，椰肉嫰滑。