小娘惹 (已結業)

一向好中意食喇沙，呢間真係好食，叫左招牌海鮮喇沙，個湯底好得，夠濃郁，又有椰香！d蝦好大隻，d肉又彈牙又大隻！喇沙有2隻麵混合，口感一流另外叫左限定肉骨茶，有藥材味，味道適中，d肉夠腍。值得一讚係員工態度好好，好有禮貌。

呢間餐廳每日只係開兩個半鐘(12:00-14:30) 我一度懷疑佢哋係唔憂做嘅 而事實的確每一日lunch time 佢都大排長龍😂-🔸招牌娘惹海蝦喇沙 $70🔸本身抱有好大嘅期望 但食完之後我係有啲失望嘅 水準只係屬於正常發揮 無啲人吹捧得咁犀利🤭佢呢款喇沙 奶味偏重 無乜辣味 雖然呢個係佢嘅特色 就係大人細路都食得 但我自己就唔太鍾意呢隻味🤔 另外就係佢嘅色素好多 你見佢成碗都黃色就知😂-🔸金榜去骨海南雞 $66🔸反而我覺得佢嘅海南雞唔錯 無論係雞嘅肉質 飯嘅口感同埋醬料嘅配搭都好match👍🏻 下次去應該會食多次佢哋嘅海南雞🐥

今日為大家介紹一間鰂魚涌隱細小店🥰小編第一次食完已經愛上左呢到嘅喇沙🤣同埋佢只係開1200-1430 大家記住去懲罰吓🤣==============================招牌娘惹海蝦喇沙（$70）8.2/10將喇沙膽 蝦湯 椰奶結合 熬製成鮮黃色嘅喇沙湯 湯底勁重椰奶味同蝦膏香🥳 而且相當足料🤩-巴東牛肉配白飯（$66）7.8/10非常正宗嘅巴東牛肉🥰牛肉用上牛面頰肉 油花勻稱 食落十分爽口🤩-斑蘭焦糖燉蛋（$38）6/10焦糖燒得太燶 斑蘭味唔算太出 好一般🤣

呢間小店聽講淨係做午市，12-3，之後就唔開，係香港咁貴租嘅地方，咁都可以維持到生意，就知道有料。睇門口嘅報道，原來老闆曾經係五星級酒店做廚，食物梗係高質🥰12點去到，都仲有位，唔洗等，不過食完之後就見到要等位啦，係呢個市道都要等位，叻叻🥳要讚讚老闆娘細心，見我一個人傻傻的係門口，就主動問我係咪等人，又主動比飛我，因為要人齊入座。我嗌左招牌娘惹海蝦喇沙（$70），朋友就嗌左金榜去骨海南雞飯（$68）。跟餐送熱羅漢果茶，清甜滋潤，感覺養生，好舒服。亦都可以半價轉特飲，朋友就叫左咸檸7。海南雞飯好快到，仲送碗湯，望落好靚，不過我就無試啦。之後就到招牌喇沙，一黎到真係話左出聲，好大碗，好足料，絕對對得住個價錢。先飲啖湯，不得了，超級creamy，好似飲緊奶咁！味道唔辣，怕辣的朋友都可以嗌啊。係酸酸甜甜咁，飲到欲罷不能，好想飲晒成碗湯。麵底係油麵mix米粉，米粉索湯，油麵有咬口，夾埋一齊好有層次。海鮮方面，3大隻海蝦，蝦肉彈牙，仲有3隻螄蚶，索埋湯味好正。老闆娘仲好細心，比定張紙我地放蝦殼。配料有豆卜、芽菜、魚旦，完全吸盡湯底精華，好好味。呢個喇沙絕對係我的no.1，下次會返去試下新加坡喇沙！

鰂魚涌午市時間來到附近人頭湧湧，有不少上班族過來這邊覓食。看到這間小店門口裝修深有有特色，也有報章曾經報道過，便選擇了這間餐廳外賣。中午時分外賣大約等了10至15分鐘。外賣喇沙有兩個盒分開，一個食盒裝湯，另外一個食盒放麵食以及餸菜，以防面發脹。面是摻摻，即是一半米粉一半油面。餸菜方面有三隻蝦，芽菜，魚板，半隻蛋，一些細小的貝類等。湯底濃郁易入口，有讓人想飲完整碗湯的意欲，若果整體份量再多一點點就更好了。跟餐有一杯無糖羅漢果茶。

有人跟我一樣很喜歡喇沙嗎? 請舉手. ***一日只開3小時的小店 ***嘩, 在香港如何交租呢? 試一試佢, 會一會佢.喇沙的椰香湯底很濃郁. 配傳統的摻摻(油面MIX米粉) 面的找湯力很強. 材料非常豐富有螄蚶、蝦、豆卜、雞蛋、芽菜、魚片蝦很爽口, 豆卜又吸湯, 香港好少見的螄蚶很加分! 不過, 面和湯都不太熱, 是可以即刻放入口的溫度, 就是一入口有一種老闆想食客 “快D食完快D走” 做多幾轉的感覺. 收碗和杯的速度很快, 很有效率, 不會怕被老闆說偷懶. HAHAHAHA. 羅漢果水未飲完就被沒收了. 總結: 時間競賽, 一試無妨

第一次食完已經愛上左呢碗充滿娘惹味嘅喇沙，好想番兜! Really tasty laksa with bold favours👍🏻🔸「新加坡深海魚蛋喇沙」(HK$66) 一上枱就試咗啖湯，超濃郁同creamy，椰奶味好重🤤好正係會令人上癮想飲唒碗湯，如果辣少少就更惹味! 深海魚蛋都好彈牙，食得出係用魚肉整，其他配料仲有芽菜、魚片同豆卜。.🔸金榜去骨海南雞 (HK$65)媽媽叫左呢個，跟埋椰子🥥雞湯同香茅雞油飯，試左一件雞都幾滑呢!

今日難得day off，決定黎食下呢間想食好耐的小娘惹❗️❗️小娘惹位於濱海街後巷，平時只係做午市，星期日又唔開，唔憂做咁，難得今日放假就決定黎試一試❗️❗️今次叫左招牌娘惹海蝦喇沙（$70），喇沙最重要係個湯底，重椰奶味，好香濃，再加上海蝦味重，好好食，而入面海鮮配料都算多，雖然偏貴，但其實好值得，因為實在太好食喇🤩😍跟餐送羅漢果茶，加錢可以轉唔同特飲今次加左個東蘋果山楂茶，好好飲❗️❗️❗️值得一試整體來講好出色，唔怪得可以咁串成日唔開，雖然店舖細細搞到成日要排隊，但都好值得花時間黎食❗️❗️

Lunch time大排長龍既小娘惹雖然舖頭有啲細坐得比較逼，但係佢既喇沙湯底真係好得😍😍😍 係香港算係食過最好食既湯底🤗Momo同Boo叫左一個深海魚蛋喇沙($66)同埋招牌娘惹海鮮喇沙($70)🍜 魚蛋真係好彈牙🤗 海鮮喇沙有啲細蜆都幾有鮮味😋 Lunch仲送羅漢果茶☕️ 但要要留意佢地既開舖時間唔好摸門釘呀😄

本身見到網上食評推介，好似幾好食，去到之後都有好多人排隊，諗住應該都唔錯，但點知態度極差。其實間舖細+人手唔多本身唔係問題，香港人點都會體諒，但老闆娘嘅態度就係「因為我人手唔夠，所以落單就係咁慢架啦，係要等架啦」但其實間舖地方細、人手唔夠、又多人，都唔關我事架，點解要搞到好似係我錯咁🤷🏻‍♀️搞到我地成餐飯就食得戰戰兢兢，有要求都唔敢叫個咁忙嘅老闆娘過尼，拿拿林食完就走，費事坐耐左少少又比人鬧😰食物味道就普通啦，冇驚喜，但呢個價位可以食到啲坐得更舒服+服務更好嘅餐廳，同其他食評講嘅一樣，就算野食再好食，如果每次尼食都係要受氣嘅話，就真係免了🤮

這家隱身在鰂魚涌小巷內的馬來西亞娘惹菜小店，喇沙好味到不得了🤤!!!小店空間有限， 格局頗為擠逼，座位之間很近，不能舒服的坐著，但裝潢是挺別出心裁的，滿有風味。因為座位很少，而等候叫號的人潮滿滿，要人齊才可入座。店員在安排入座時出現了點小混亂，不時叫錯號之類，但小店人手不足，看到店員已很盡力，小小錯漏完全可以理解及包容。深海魚蛋喇沙湯麵🍜：麵底是正宗的油麵x米粉🍜，湯底超香又濃郁惹味，忍不住喝了不少湯。正宗古早肉骨茶🍲：配有豆卜、油條及白飯。肉骨略嫌有點乾嚡，湯偏重藥材味。相比之下，我比較偏愛胡椒味較重的肉骨茶。門外的餐牌

It was our first visit...we had two main dishes and two desserts & more for lunch. The main dishes were tasty but it wasn’t hot enough to bring out the best taste of the beef (RENDANG SAPI PADANG). We were disappointed of the taste of desserts too and we’ll not order any desserts from the restaurant if ever, we’ll go back for another try...!

睇完電視覺得好吸引，星期日難得消閒，點知12:15 就去到，要等位。入到去又迫又窄，但心諗：想食好嘢，無所謂。於是叫老闆娘落單，叫左萬七次都唔應，應嘅時候話叫我等等，門口個張要落單。咁點解唔可以落完我張再去門口？咁歧視呢？叫左肉骨茶同喇沙，味道一般，肉骨茶又唔熱又甜無藥材味，啲蝦又梅，最最最差係個老闆娘以為自己間舖係世界第一，態度極差、漏單、語氣極兇。送餐來就叫隔離位遞俾我，想受氣就去啦。簡直係一間差到極點嘅舖

Got a day off to try this restaurant around my place. Arrived around 12:30 and office people are lining up for seats. The restaurant opens only during weekdays lunch time to keep their high food quality, and I admire that. We waited for around 20 mins for our seats and a lady introduced us inside. The restaurant sits around 20 people at a time, cosy. We ordered both Laksa noodles with shrimp and fishballs. It was the right choice! The soup base was amazing, rich and coconut flavored. The shrimps

食物味道其實OK，但老闆娘態度實在太差。一開始招呼你好似好有禮貌，但落單的時候有其他要求就開始黑面。我個同事想飲品轉熱薏米水，她不是說無，而是直接問凍飲走冰得唔得。我同事以為她無聽清楚，於是重複一遍話要熱飲。之後她就開始黑面話熱飲我要煲，人手有限麻煩體諒下。OK，算啦，點了凍飲。我同同事低聲抱怨了兩句，應該給她聽到。臨埋單時就不斷話，只有她一個人，希望我們能體諒。其實我想講，盤生意是你的，請不請人幫手是你的決定，我真金白銀光顧，為什麼我要體諒你？你是非牟利機構？所有盈利拿去做善事？如果是的話我就會體諒。否則大家公平交易，你省錢唔請人幫手要我去體諒，真搞笑！再者，明知做唔切，就刪除熱飲這個選項啦。希望老闆娘見到能自己反省下。這樣的服務態度，食物再好都無用。