小巷弄

营业中

休息中

我鍾意食台灣嘢，會周圍去試吓，呢間係我比較鍾意嘅🥰我每次黎都會叫牛肉麵，肉鬆蛋餅，珍珠奶茶😋大滿足🥳Staff 講國語， 好懷念去台灣旅行既日子🥰🥰呢度其實都幾多嘢食，我仲未試勻

呢排夜晚冇堂食，相信大家都好需要外賣美食。今日我就同大家介紹一間位於北角嘅高質台灣野食啦。 呢間叫小巷弄嘅餐廳位於北角匯，距離北角地鐵站超近，行過去3分鐘都唔洗，好方便架。 咁早幾日我就試咗好多款美食嘅，我最鍾意嘅就係佢嘅小巷弄紅燒牛肉拼滷肉乾拌麵。佢嘅紅燒牛肉係經典台式風味，香港黎講都唔容易搵到架～ 仲有第二款主食係秘制醬油豬軟骨拼麻辣醬乾拌麵，咁我以為台式嘅辣應該唔會太勁，不過佢真係幾辣下，辣得黎又好香，鍾意食辣嘅朋友應該會好鍾意。 小食我地就揀咗兩款😍鹽酥大雞排炸得啱啱好，面頭仲有啲海苔碎，好出色；而起司蛋手抓捲餅就更加得我歡心，因為佢外表酥脆，內裡軟綿綿，食落口感非常之豐富。 野食我地就order咗輕芝士岩鹽奶蓋抹茶再加珍珠嘅，奶蓋creamy抹茶茶香重，再加上珍珠都好有咬口，真係好滿足嘅一餐呀😋

北角匯雲集好多不同口味既餐廳，呢間餐廳位於二期入口，而且裝修時尚簡約，人流相當多！台式小香腸配肉燥飯 $60Taiwanese Sausages with Minced Pork Rice肉燥飯用上偏瘦絞肉燉煮煮成，口感比較紮實，比滷肉飯少了一份油膩感而更特出豬肉本身既香味！3條小香腸烤到剛剛好，口感嫩滑而充滿肉汁，配飯一流！而且仲有必配既滷水蛋，Q彈有咬口💯肉鬆蛋手抓捲餅 $41Pork Floss Egg Taiwanese Pancake新鮮出爐既手抓餅外脆內軟，咬落煙韌，層次豐富，而且肉鬆落得超多，啖啖綿密口感😋熱薑汁桂圓紅棗茶 $25Longans Red Date with Ginger Tea冬天熱飲必選，由店員即沖，足料暖胃😎

又想食甘梅地瓜條又想食芋圓點算好？🤣一於揾間台灣野一次滿足晒我兩個願望啦🤩。🐒下午時光-滷水大雞腿配甘梅地瓜條💰$42跟熱飲品(冬瓜茶)因為我純粹想食甘梅地瓜條，所以一於叫佢全部外賣盒裝，咁就可以唔使浪費又可以搞掂一餐即炸既地瓜條係外脆內軟，加埋啲甘梅粉係勁開胃，我男朋友食飽都偷左我幾條食😂雞腿可以揀滷水/炸，我廢事太熱氣就揀左滷，佢唔係甜滷水，所以食落唔會好膩，雞肉嘅肉質係實淨啲。🐒麻辣牛肚絲💰$32呢個個味道唔錯，夜晚我用後送飯食一流，啲飯食哂但都未食哂碟餸，佢on top仲有少少青瓜絲，唔會淨係得牛肚咁單調。🐒綜合仙草凍(紅豆/芋圓/珍珠/愛玉/蘆薈)💰$48仙草凍揀左堂食，因為店內環境都好闊落，所以都好舒服，可以一邊傾偈一邊食。個人覺得佢比得太足料😂有好多配料反而就冇咩糖水食，有好有壞啦，如果碗野大碗啲就正🤤

疫情嚴重，這幾天都吃外賣。這家餐廳在商場旁邊，位置便利。餐廳裝修簡單，木製的桌椅排列整齊。餐牌有不少台式小吃和主食選擇，還有芋圓呢！⭐️鹽酥大雞排$76這個套餐有雞排、飲品和一份小吃。可以選擇麵底，我選擇了米粉，湯底是番茄味。雞排要趁熱吃，份量適中，配上米粉很飽足。⭐️炸花枝丸花枝丸加上椒鹽味入口更可口。⭐️台式冬瓜茶暖暖的冬瓜茶是少甜配方，非常健康好喝。⭐️小巷弄魯肉飯$38魯肉飯的魯肉很軟很香。

三牛薈（牛腱、牛筋、牛肚）$76凍冬瓜茶少冰$3 +仙草$5個舖頭唔係好大，有大概10張枱同一張3人吧枱。好的式！🍜本身係全日午餐到嗌，唔包飲品，但係職員好好人又好有禮貌☺️幫我改喺午餐嗰度嗌仲送熱飲 慳咗$17。😆落左單之後啲野食超級快就送到，用咗大概5分鐘。💫碗麵有一嚿蘿蔔，但係個蘿蔔好大嚿，又炆到好淋。第一次見有咁大舊🤤牛腱超級厚有其他舖頭3塊嘅厚度🤩同時又唔韌好入味🔥牛筋炆得超淋，切到一口大小，入口即溶👍🏻每條牛肚都至少有一隻手指咁粗同咁長，爽口。嗌咗牛骨湯米，湯底有微微辣，好野味。而且喊度適中識落冇乜味精。啲米粉似粉絲，朔晒啲湯好好味。整體啲餸份量都好多 食到好飽🤟🏻冬瓜茶冇得走甜，但係甜度適中加埋仙草好有台式風味✨

今日係北角收工今晚想輕食唔食咁飽, 行左去北角匯個頭原來有好多好靚既燈色, 而係商場外圍有間叫小巷弄既台式餐廳🇹🇼, 見都幾多人登特走黎排隊買飯, 但因過左6點既關係都只能夠叫外賣🥲我咁少黎呢頭就相信當地居民啦😁今晚唔想食咁多, 諗住輕食就算咁岩呢到都有！1/ 蚵仔麵線 $37估唔到外觀細細碗但有成8粒蠔仔大大粒, 而且湯麵夠入味, 中間夾雜着一啲芫荽味👍🏾好令人懷念嘅台灣感覺🥺2/ 綜合仙草凍 $50佢哋嘅愛玉係呈方型, 有別於一般, 而仙草再加愛玉再加上黑珍珠等, 咬感好有趣☺️3/ 芋圓紅豆愛玉仙草凍 $47用料好足, 芋圓Q彈, 而且超多紅豆(本人為紅豆愛好者)😋其實餐廳仲有個外賣晚餐做緊promote, 而且幾化算, $7x - $8x 已經有主食+小食+飲品, 下次經開我一定要試埋佢！

去完北角行街落到去樓下見到間台灣餐廳，咁啱想食台灣嘢就即刻叫個外賣試下佢😌.本身想試佢個牛肉麵因為見到枱面有辣菜甫，但係諗諗下都係唔好啦，同屋企距離太遠，都係叫啲冇湯嘅選擇好啲😯.牛肚牛筋麻辣醬乾拌麵配麻辣豬耳及低糖綠茶$75鹽酥大雞扒滷肉乾拌麵配甜不辣及無糖烏龍茶$76.整體而言個份量都非常之多，我哋三個人食都食唔晒啲嘢😅.自己因為本身都鍾意食辣所以對呢個麻辣醬乾拌麵比較鍾情，牛肚問得好入味牛筋炆得好淋，個麻辣豬耳好爽脆，有返去佢應該要嘅辣度。雞扒食落啖啖肉，甜不辣好煙韌，好有咬口。👏🏽.飲品方便我覺得OK杯綠茶唔會太甜，烏龍茶就飲落消滯👍🏽.Cp 值及夠飽: 份量其實都幾足夠，好高CP值😆.翻啅:我要食辣菜甫配牛肉麵，仲有蛋餅！🥺

因為已經冇堂食,所以買外賣返屋企食行過見到呢間店舖有外賣餐，有主食、有小食、有嘢飲一set ，適合選擇困難症人士就揀咗是這一間店舖其實想食招牌牛筋麵， 但係怕返到屋企啲麵淋曬，所以就揀飯鹽酥大雞塊滷肉飯， 鹽酥雞大塊粉漿唔算太厚， 食落都一脆身， 肉燥飯肉燥比想像中淡，但係還好，食得太鹹對身體唔好小食揀咗炸花枝丸， 唔係好脆但係好彈牙好食飲品就揀咗冬瓜茶另外因為太肚餓，想再食多啲嘢，所以又叫埋一個起司蛋手捲餅， 裏面芝士多，另外有滿滿的 菜， 我自己最鍾意食呢一個另外外賣拎住就覺得啲食物非常熱，應該真係即叫即整，不錯不錯

近排夜晚禁堂食，餐廳新推出外帶優惠套餐，主食 + 小食 + 飲品，仲有得揀肉燥飯丶牛骨湯麵或拌麵，好啱我口味！招牌牛肚牛筋 滷肉乾拌麵 $75炸花枝丸(4粒)凍台式奶茶 +愛玉 $5比較鍾意牛筋，軟腍入味，由於係外賣，所以揀乾拌麵比較好，有埋青瓜絲，口感更豐富，炸花枝丸都唔錯！下午茶餐牛肉香蔥手抓捲餅 $42台式奶茶 (凍飲 +$3)外賣盒 $2/個手抓捲餅拎到返屋企先食，仍然酥脆，牛肉有少少辣，有大半爽脆嘅椰菜絲，感覺上無咁油膩。

去完東岸公園打卡之後，嗌外賣做晚餐。好耐冇食台灣菜🇹🇼，見到呢間都幾多人等緊外賣，全單又有9折優惠（另外每個外賣盒+$2），都幾抵，就買個晚餐試下。小巷弄半筋半肉·滷肉乾拌麵 $67乾拌麵份量好多，夠2個唔太大食嘅朋友share，麵質彈牙有咬口，配埋青瓜絲更爽脆，仲有滷肉粒提味😋 牛筋炆得軟腍，食落口係滿滿嘅骨膠原；牛腱肉都幾大嚿，肉質鬆軟嫩口，送飯/麵都唔錯👍🏻蘆薈芋圓仙草凍 $36（折後）蘆薈粒口感Q彈好咬，又健康；仙草滑溜，份量唔少；芋圓總共有4種口味，分別係抹茶、黃薯、紫薯、芋頭，大概有10粒左右，每粒都好大，口感煙韌彈牙，最驚喜嘅係每隻味都食得到食材嘅原味，尤其係抹茶同芋頭🥰食完之後真係好飽，下次想試埋啲台式飲品🤩

北角匯餐廳多蘿蘿，經過地下嘅呢間台灣餐廳，見餐牌上嘅價錢唔算貴，就同朋友一齊試吓😋每款配料可以配搭不同麵款，互相crossover，例如鹽酥雞排牛骨湯麵、紅燒牛肉滷肉便當🍱等，食客可以自由配搭出最想食嘅一款主食我哋點咗三牛薈：牛腱、牛筋、牛肚，肉質軟腍，入味，麵條煙韌，粗幼度適中甜不辣沾上甜辣醬，為味蕾增添刺激感，配上醃蘿蔔，一解油膩感牛肉香蔥手抓捲餅上枱時熱辣辣，好夠熱，外層煎至脆身可口，餡料好足，口感豐富😋綜合仙草凍配料好多款，單單芋圓就有成4款口味：芋頭、紫薯、地瓜、抹茶，仲有寒天、涼粉、珍珠、紅豆，最鍾意佢唔太甜👍🏻🔅整體嚟講整體食物、飲品價錢唔算貴，2個人叫咁多嘢食，埋單人均差唔多💰$100，實屬平民之選👏🏻

吃完晚餐，有濃味的牛肉麵、熱氣的炸雞排和上火的串燒羊肉，急需一杯能解辣、解渴、解「重口味」的飲品。我倆一心向超市地庫的茶飲店進發，但途中終於發現在這容易「迷失自我」、地形複雜商場中的「小巷弄」。雖說位於商場，但立地條件更像地舖。這刻心裡所繫的，當然不是吃的，而店子向街玻璃內的大幅飲料清單，正合我們意。現已為時不早，加上店內已沒客人，打烊了？只好硬著頭皮進去問問。原來還有外賣，而口渴指引我倆，向最不用動腦的解決方案著眼：招牌珍珠奶茶 ($25)。既是「招牌」，「風險」有限吧？我又記起那杯「怪咖」⋯⋯然後毫無「預警」之下，「驚喜」來了。「招牌珍珠奶茶，有買一送一！」吓？店面沒有半塊文宣、甚至店員也沒有半句宣傳，how come … 「這是現正進行的活動，不知何時結束！」店員這樣回答我的詢問。不管了，反正是著數，就當是從天而降的及時「聖誕禮品」吧！感謝著喝，不知是否因而變得更美味？奶茶湧進口腔，馬上感到一陣伯爵茶味：不是烏龍茶底，這倒是令我有些意外。同伴特別愛喝伯爵茶，而這杯可說是濃淡剛好。「少冰，少甜」是我們喝珍奶的標準要求，而以「少甜」的尺度，這杯就略甜了些少，但必須把「疑點」歸店家，因

今日去北角匯行完街後順便去食野 見到E 間台灣野 好似幾多人食 多人食即係好味啦 所以一於去試下先 叫左一碗三牛薈 即係牛𦟌 牛筋 牛肚 ， 牛肉湯清甜濃郁 麵質有口感 牛𦟌入味鬆軟 不過又唔係一咬就散哂 牛筋入味 牛肚幾爽口 份量都幾大份架 不過見人地又叫手抓餅 好似好香禁所以又叫埋起司雞蛋手抓捲餅 手抓餅幾香脆 入面有生菜絲 芝士同雞蛋配合得好好 芝士半溶 食到飽之後都仲覺得幾好味 食到有少少口渴 所以就叫左杯台式飲品 叫左杯清爽d嘅飲品 柑桔檸檬愛玉 酸酸甜甜 愛玉滑嘟嘟 好有口感 愛玉好似果凍 飲落口好解肥膩感 不過原來檯面上仲有一樽辣菜莆 用黎餸牛肉麵十分配搭 同都幾惹味架 最後埋單都係一百蚊多少少就可以食到禁豐富 下次再黎我會想試下佢地嘅鹽酥雞同滷肉飯 因為份量幾多 又好似好多人叫 隔離個小朋友又食到津津有味

主要係為咗食麵線先去成碗都正常 無伏蛋餅就有啲伏叫咗芝士蛋餅無諗過嗰餡係生菜又乾身又無醬又一樣伏嘅雞排魯肉飯魯肉少飯無汁根本唔係魯肉而係全部都係肉碎珍珠奶茶有陣花味(洗潔精味)完全唔係平時飲開嘅味我都係去返間有名嘅台灣餐廳