小巷弄

营业中

休息中

今日同同事去樓下呢間買外賣返去食 叫左個雞排滷肉飯試下 拎到返去 真心嘩一聲 呢個係滷肉飯？以我所知既滷肉飯一定唔會係咁 連少少味食唔出 🤦🏻‍♀️ 食左兩三啖仲發現入面有條毛 完全食唔落去 我仲叫左碗貢丸湯 個湯仲要勁甜 好似糖水咁 🤨然後同事叫左個蚵仔煎 個蚵仔煎得2隻蚵仔 其他全部都係菜 又係淡茂茂😂 所有野真係得杯奶茶叫做唔錯 我地買之前都睇左評語先決定買呢間試 大部分評語都好好 點知。。。我真係食一次就夠🤨

太耐冇去旅行，突然間好掛住台灣既牛肉麵，係北角好少有台灣牛肉麵舖，就係北角匯開了一間，叫小巷弄，環境舒適，座位夠闊落，點餐係手寫用紅色既marker pen （跟台灣一模一樣夠晒環保♻️），餐牌內有好多唔同既選擇。我叫咗台灣牛肉米粉，麻辣豬耳，同埋綠茶蘆薈多多（微糖，微冰）。麻辣豬耳係限定優惠，豬耳入口爽脆，有麻辣香，食唔停口，限定優惠$18，抵食！牛肉米粉上枱時未食已經有好香既牛肉味，湯底香濃，牛肉厚切，肉同筋分佈適中，忟得好入味，咬落好冧身，正呀！ 蘿白好入味，米粉用了台灣新竹米粉（超幼細）飲品綠茶蘆薈多多，用了密封式的手搖杯，綠茶味唔重，蘆薈肉有好多，多多乳酸唔太甜，飲落開胃。埋單都係一百蚊，價錢實惠，值得一試，用一百蚊食到台灣風味，抵讚！ Btw，店員服務態度好，值得比。

今次來到北角滙，有不少食店，有間看似不錯既台灣店，有牛肉麵、魯肉飯、蚵仔煎，台式甜品等等，很多款式也想試，最後選了鹽酥大雞排魯肉便當和蚵仔煎。鹽酥大雞排魯肉便當 HKD 65 - 喜歡鹽酥味道，每次吃也很有到了台灣的感覺。大雞排不太鬆脆，炸粉和肉含油脂比較少， 但也相對比較健康。魯肉好像比較硬身， 不像平時用豬腩肉做成的又肥膩又偏甜，米飯像是珍珠米很煙韌。蚵仔煎 HKD 46 - 看上去不太漂亮，顏色是灰色的，吃起來倒也不錯 ，蠔夠新鮮，薯粉多到幾乎吃不出雞蛋的味道， 好煙韌，我是比較偏愛煙韌口感，加上特製配蚵仔煎的醬汁，味道不錯！總括來說以港島區來說，性價比高，當天也有不少堂食和外賣客，也有做午市和下午茶優惠，是間可以一試的台灣店。

小巷弄紅燒牛肉$68湯底濃郁肉湯味，伴隨微微藥膳味，不咸，牛腱分量多，每片都厚切，筋肉分布平均。口感嫩，沒有羶。滷蛋豆腐干$28略為有失望，因為係豆腐乾是炸過，不是滷水豆腐乾，不過滷蛋都好入味，豆腐干上的滷汁都好夾好食！鹽酥雞粒$22新鮮炸起， 雞粒香脆，肉嫩，沒有厚厚咋粉，不油膩。檸檬愛玉$17 （套餐跟飲品可以減$8）酸酸甜甜，配牛肉麵及炸雞粒可以中和及解渴餐廳環境新正，價值合理，絕對係北角區內，嘴饞想食台灣野時的選擇

北角發展得好快。北角匯已經變成左佢地嘅新地標。一共有三期，仲有個大海濱係後面，成個環境好舒服。好多餐廳都想插旗係依個新商場入面。依個商地可能比到人一種high class 嘅感覺，入面嘅餐廳有貴嘅都有適中嘅。今日介紹依間就係適中嘅代表。台灣菜比人嘅感覺，平靚正。今日依間都唔例外。餐廳門口係正北角匯商場門口，相當唔野小。難得出開港島就試下新野，4~5點去買外賣做晚餐，入面唔算多人。環境乾淨。menu 十分之多，影都影唔哂。小食 台式小香腸唔錯，正宗台灣風味。可惜冇叫多幾份，唔夠分。牛三薈麻辣醬乾拌麵有牛𦟌，牛筋，牛肚鐘意食牛，一定唔可以錯過。個麵，第一次試，好開胃，小小辣古法滷水大雞腿麻辣醬乾拌麵雞髀夠哂入味，個麵朋友都話好食。有小小搶過主角嘅風頭。特盛台灣牛肉便當朋友係食肉獸，佢冇揀錯。真係好多肉。有牛𦟌，豬軟骨，貢丸，花枝丸食完有滿足嘅感覺係正宗台灣嘅風味，一d 都唔花巧。野飲，其實佢有好多特式飲品我地冇叫到，都係叫番d 跟餐嘅飲品。水準中上，唔失禮。

環境4分：大大張餐牌就放响門口位，非常顯眼同易明。地舖好光猛，散枱全部有板隔開，雖然地方唔算大，但一D都唔逼，可以畀四分。衛生5分：餐檯非常乾淨，餐具响檯上面個櫃仔入面好衛生，可以畀滿分。服務5分： 樓面侍應同收銀都係咁好人，快手快腳唔囉唆，滿分！味道5分：1)     獨立包裝蜂蜜蘆薈烏龍茶蜂蜜味好勁，入面非常多蘆薈粒，絕不孤寒，夠爽潤。2)     小巷弄半筋半肉牛肉湯麵個湯底有非常濃郁嘅牛肉味，應該用左好多牛骨煮，麵條非常煙韌，有彈牙嘅感覺，牛筋牛肉都非常之淋。3)     宜蘭迷你蔥肉餡餅一客有四件，個餅皮唔會過厚又煎得香口，蔥肉餡除左夠嫩夠熱仲爆曬汁。抵食5分：100蚊多D就有碗牛肉麵，一杯嘢飲，同埋一個小食，真係食到超級飽，非常抵食，滿分。

第一次食飯食到成肚氣，從來只看食評不post的我都忍不住要寫。睇番之前dcomment原來我地不是第一批遇到d咁惡劣行為。星期六下午兩點幾，同frd睇完戲，話想試呢間，所以來食。但啲嘢勁難食⋯⋯我地邊傾邊食，突然個中年女店員伸手想拎走我同我frd碗麵，我frd當時仲拎住筷子食緊，拎起碗時，用不純正廣東話態度語氣勁差話「你地食完架啦」，我地勁愕然，話「未呀，仲食緊」，都冇話佢呢d不禮貌行為，反而佢放低碗行開並大大聲講，「食成個鐘，出面有人等緊架，d人食兩個字就好走啦」，我即刻望下時間，只是食左半個鐘，然後我話都有一個鐘，個阿姐冇理，繼續大大聲比說話我地聽，我地兩個女仔又唔想潑婦罵街同佢爭論，都冇胃口食，比錢走算。但講真d野食唔係好味到值得排隊，仲要態度差成咁，趕客鬧人，想做多幾輪，第一次食到成肚氣，你想d客兩個字食完，唔該門口寫到明，唔兩個字食完你地唔歡迎。千萬不要幫襯！

行完一田拎住好多重嘢想搵間近近地嘅餐廳坐低醫下肚腩仔👻見到商場水牌推介左精選商鋪又心郁郁想食下台灣特色便當就上返去北角匯商港地面個層發現原來之前搭住轉地鐵返工個陣都經過舖頭整體裝修光猛企理乾淨枱櫈唔會好似出面啲求其餐廳油立立平日食飯時間唔使等太耐 又咁岩有位 落單係用點心紙嘅形式落喺餐牌上面上菜速度迅速等左大約5分鐘到啲野食就已經黎齊哂我同男朋友分別都叫左一份主食有bar枱同英文餐牌🌟招牌牛肚牛筋滷肉便當 $62牛筋口感煙韌 配上滷肉汁零舍入味 牛肚仲有六七舊 加埋分量充足嘅滷肉飯 非常滿足🥰🥰🌟古法滷水大雞腿滷肉乾拌麵 $58相比起出面單隻大雞腿閑閑地都30蚊呢隻雞腿噸位十足 都幾抵食 啱晒食肉獸嘅朋友而且呢個乾拌麵就唔會一早整好曬咁求其 軟硬適中 上枱唔會凍冰冰😈推介指數：8/10

吃過晚飯後，和朋友到附近的台式小店吃個糖水，順便買點夜宵給老公😏今次就有地頭蟲朋友介紹吧，小店看起來不錯。輕芝士岩鹽奶蓋茶興芝士岩鹽奶蓋，帶有芝士香味，又有點鹹香，不會膩，加上茶底的關係，好飲綜合仙草凍我就喜歡吃仙草凍，配料豐富，有珍珠、愛玉、芋圓、番薯圓、仙草凍、紅豆。戶縣和番薯完夠味，有咬口；仙草凍滑溜溜的；再配上飽滿的紅豆，好吃唷！還有平時少見的蘆薈，真是吃配料都吃到飽😆小巷弄紅燒牛肉配滷肉飯買了個便當給老公當宵夜，紅燒牛肉份量多，入味十足。滷肉飯是絕配吧🤣🤣滷肉有少少油脂，剛剛好👍🏼不會過於油膩。老公另外也喜歡配上滷水蛋半隻和薑片，吃起來真是開胃。這間小店都可以記低，下次再試試。

8點左右放工經過北角匯見到呢間台灣野突然好想食見門口餐牌價錢又唔太貴於是就決定買外賣返去食堂食位置都算多位人客都幾多 外賣就唔使點樣排隊好快搞掂見到餐牌分三個時段午餐、下午茶同全日供應除咗主食仲有好多特色嘅台灣小食仲有好多台式飲品喺台灣麵、乾拌麵同台式便當之間掙扎咗一陣最終決定咗揀醬油豬軟骨滷肉便當便當份量好足 配埋滷蛋同黃姜最鍾意食滷蛋！滷肉軟嫩唔油膩味道鹹甜配搭得唔錯豬軟骨軟腍入味 咬落鬆化得嚟又有啲軟骨有咬口送飯一流食下食下差唔多食晒成個便當返到屋企將個綜合仙草凍放咗入雪櫃食完個便當之後再拎出嚟甜品時間綜合仙草凍有紅豆、愛玉、珍珠、蘆薈同芋圓一次過滿足晒幾個願望最鍾意食佢個芋圓 有三種口味 料好足 每一啖都有唔同嘅口感最緊要係唔會太甜 食完好滿足

今日早收工去北角拎完野就行左一陣北角北角匯現家除左有唔同既商鋪外，仲多左好多食市👍🏻咁岩走既時間經過小巷弄，就想搵番台灣既味道😋我果日二點幾去到鋪頭，見到店內都坐滿哂客人，所以最後都係叫外賣回家吃😂不過店內其實堂食都好舒服👍🏻 夏天咁熱入到去個冷氣好足夠，環境都好乾淨又唔會好嘈，一入到去員工服務都好好👍🏻 佢有好多唔同既餐牌，而我今次因為二個人食，所以叫左小小野🚩滷肉飯 $38 配 輕芝士岩鹽奶蓋抹茶 $21滷肉飯份量適中，味道都好好唔會太鹹，撈埋個飯一齊真係好好味，而佢飯入面都會加入半隻滷水蛋，醃青瓜同醃黃薑👍🏻讚，而杯奶蓋抹茶甜味適中，抹茶上的奶蓋幾驚喜👍🏻🚩起司蛋手抓餅 $40呢個手抓餅外賣拎到番屋企仲可以咁熱同脆口，手抓餅入面係椰絲菜，蛋和芝士，一啖咬落去d芝士都會流岀黎，真係完美組合 🚩鹽酥大雞扒加滷肉便當 $65 配蜂蜜雪梨茶 $17 呢個便當份量好多，足夠二個人share 食，而佢既鹽酥雞扒大大塊，拎到番屋企唔會淋之餘仲好脆口，都唔會好乾，雞肉都十分之肉嫩，加埋個飯真係超飽，配埋蜂蜜雪梨茶，解渴一流👍🏻整體來講，如外賣既外賣盒加$2 ，由落單到拎外賣只係等左15分鐘👍🏻拎

台灣嘢食is da best🤓1. 台式小香腸滷肉便當 $58香腸有三條 甜甜地 有蜜糖香 而個飯嘅份量都幾多 偏濕潤 仲有啲肉碎撈飯 咸咸香香 就咁食都好飽肚2. 牛肉香蔥手抓捲餅 $39出面個皮都有香酥味 入面包左啲平時食牛肉麵會見到嘅牛筋肉片 都幾惹味3. 鹽酥大雞排 $38層皮超香脆 炸都好脆口 仲可以揀口味 小編就揀左海苔 都幾過癮4. 綜合仙草凍 $48咩都有 有珍珠 紅豆 愛玉 芋圓 同仙草 唔算太甜 咩都有齊 可以滿足到所有願望5. 梨子蘆薈多多 $25酸酸甜甜咁 有啲梨子清香 6. 輕芝士岩鹽奶蓋冬瓜茶 $27芝士唔會太多太咸同太出 同冬瓜茶都夾 唔會太邪惡Overall推介指數：4/5位於北角海旁 食完仲可以行吓 幾開心

前幾日去北角探朋友，去到夜晚想食啲嘢，個friend話有間台灣嘢想試好耐，又幾近北角匯，個位都易搵，就決定去食啦～嗌咗好多嘢食，兩個人嚟講都好飽，total食咗250左右，唔算貴都唔算平啦首先嗌咗兩杯手搖，輕芝士岩鹽奶蓋抹茶啲奶蓋都幾重味，偏咸。鐘意飲奶蓋或者芝士嘅人應該會幾鐘意，不過其實抹茶同奶蓋溝埋就尾尾好啦。第二杯要咗檸檬愛玉，偏酸，但係幾好飲👍🏻主食方面叫咗鹽酥大雞排滷肉便當，啲雞唔似平時台灣鹽酥雞嘅雞排，但係都幾嫩，而且滷肉睇相好似無乜，但其實只係收埋咗喺雞排下面。整體嚟講，可以一試！小食反而嗌咗幾多，有芝士蛋手抓捲餅，份量都幾大下，我食咗一舊都食唔落第二舊啦😂入面好多椰菜甜不辣同雞粒都好好食，值得一嗌。出面啲雞粒多數好柴，呢間雖然未嫩到有汁，但至少唔會乾到變肉絲咁😋甜不辣就平時出面嗰啲，但啲醬就好夾最後就係甜品！綜合仙草凍，50蚊都算幾貴，不過好彩份量都唔算細。料都幾多種類，有愛玉、蘆薈、珍珠…芋圓都有綠色版嘅但味嚟講同香港其他舖頭差唔多。因為最後都食到好飽，個仙草凍都冇食太多，朋友食晒😂完

小巷弄係北角匯旁邊嘅一間餐廳，好近地鐵站。呢度嘅價錢都幾親民，性價比高，一般常見嘅台灣食物、飲品都可以係度有得食🤓👍🏻 夏日炎炎，梗係嗌返本凍飲消下暑🥸呢杯鳳梨多多消暑解渴一流，就算飲到底都唔會因為啲冰而好淡，相信其他飲品應該都出色🤩 另一杯杏仁茶雖然無個種香味，但都係濃味好飲👍🏻清清地，呢個肉燥菜就啱，嗌個餐加$1x就有呢個小食我去個陣限定時間優惠，都幾抵食同幾好食😬呢度嘅餐份量都幾夠，男仔食都唔會驚唔夠飽。今次嗌嘅鹵水雞髀啲鹵水味幾入味，雞脾好肥好juicy🤩🤩最後嗌左呢個起司蛋手抓餅，雖然係煎炸嘢，但食落又唔會好油，無咁大嘅罪惡感🥸最後佢仲有啲甜品可以嗌。不過我同朋友已經好飽。最尾埋單都係$140，咁嘅價錢食到呢個質素嘅食物，都冇咩可以挑剔了🥳

最近同屋企人去北角維港凱悅尚萃酒店staycation，由於酒店唔包晚餐，所以我哋就喺附近嘅商場覓食。屋企人比較鍾意食台灣嘢，所以我哋就揀咗呢一間充滿台式風味嘅小巷弄。不過我哋唔想喺出面同人哋迫，所以就揀咗外賣自取，買完拎返酒店食，我哋要咗一份鹽酥大雞扒加滷肉便當做主食，跟住仲嗌左三款小食同兩杯飲品，仲有一份甜品。滷肉便當同鹽酥大雞扒嘅味道都唔錯，而且滷肉嘅份量都相當多，夠撈成兜飯，呢樣值得欣賞！小食方面我哋叫咗芝士蛋手抓捲餅，綜合甜不辣同埋最近做緊特別優惠嘅鹽酥雞粒，當中最推嘅就係鹽酥雞粒，雞粒肉嫩多汁，而且啖啖都係肉，而家做緊優惠真係好抵食。至於芝士蛋手抓捲餅就有啲乾，所以一定要叫嘢飲，我哋就要左一杯輕芝士岩鹽奶蓋抹茶同檸檬愛玉，味道都正常！