小平津 (已結業)

認識了相當久的名字，識左佢無十年都有八年。以前一唸起食日本野就會唸超佢， 當香港經濟好似火箭咁突飛猛進，恆指也快到三萬點時， 好多人包括我都有能力食好啲， 自此就將 [ 小平律] 慢慢忘記。 今晚再重來絕對是緣份， 疫情下沒有預約就輕易有枱 。 進入小店前先量體溫， 再在枱面上放上消毒搓手液，確保大家安全，是每位市民應有的責任。 上一次來都好多年，小店的裝潢都無印象， 踏進小店一刻就以往的記憶返晒黎，一間踏實的日式料理店，一坐底已經送上小食， 真係咁多年都會變過。 誠意小食是 [ 牛舌粒、青瓜、芝麻沙律] 餐牌上選擇不小， 沙律、刺身、壽司、料理、燒物、窩物、炒飯等， 選擇困難症的客人會幾辛苦。我二話不說選了我最掛念的 $60其餘還有 軟殼蟹手卷$39、 碎蔥油甘魚卷$56、 自製雞丸$27、 鹽燒牛脷$38、野菜豆腐窩。 圓錐形的 外型趣緻，急不以及待一試，那濃濃的南瓜香甜湧出來， 其實點只得南瓜味咁單調， 內錎還有紅蘿蔔粒、雞蛋、栗米、沙律醬等，清甜健康，私心推薦。  和 [ 碎蔥油甘魚卷] 水準沒有太大落差， 前者香脆可口； 後者真材實料食到最後一啖仲食到有油甘魚碎。 串燒

Lunch time想食小平津嘅話，記得要book位！佢嘅menu最岩選擇困難症嘅朋友，一次過可以揀2款主菜。而我最鐘意嘅都係佢嘅壽司set，可以揀7款壽司，仲包埋沙律，湯同烏冬。今次就揀左帶子，赤蝦，鰻魚，海膽，蟹膏，同蟹肉沙律。當中最鐘意都係赤蝦同蟹膏。赤蝦大隻又夠新鮮，其實佢仲有甜蝦可以揀，不過有大隻嘅赤蝦，又邊會有人會去揀細隻嘅甜蝦？🤪蟹膏壽司唔係好多地方有，佢唔係貴價食材，但我每次見到都會叫。蟹膏完全”醬”住個口，香得來唔會腥👍🏼其他菜都合格水準，算係高性格比嘅選擇

老公要加班，襯住空檔時間都要同佢食晚飯傾下計，唔知去邊度食好，老公話不如去返拍拖前食過嘅餐廳回憶下。小平津，原來我哋剛認識未開始拍拖嗰陣去過一次，依家以夫妻身份再去，感覺特別，最驚喜係我覺得服務同食物質素都比幾年前好。芥末八爪魚，芥末可以再多少少，見議點軍艦會比較好，就甘食麻麻地。牛油果沙律，好新鮮，加埋啲青瓜絲好爽口鮮甜。軟殼蟹壽司，係呀之前都有食過，真係好食，所以忍唔住要叫半份食多次。大大件，軟殼蟹炸得香脆，大大啖好滿足。自家製燒雞肉丸，又係必點之選，肉質鮮嫩多汁，小心爆汁滴到周圍都係。海膽炒飯，炒得好香口，加上青瓜絲減低左油膩感，唔好以為份量少唔夠食，其實份量多，食到好飽。最後有甜品呀，士多啤梨雪糕，甜甜蜜蜜，下次等小b開始食大人嘢可以帶埋佢嚟，再次重遊小平津。

第一次黎小平津食，味道唔錯！呢到個位要熟門熟路既人帶去，唔係朋友知，都完全唔會知道帶呢到既存在，Lunch去食唔算好Full，唔洗等位好正。餐牌有好多選擇，有選擇困難症既朋友會有D難揀哈哈～不過好快我就決定要食Sushi啦，叫左三文魚同蟹子壽司～新鮮度都幾好，性價比唔錯，稱唔上勁好食，但Lunch食飽個肚係無問題～～～～～～～～個烏冬唔算好大份，男仔會有D餓，但係店員會問夠唔夠飯，我諗應該可以加。

經同事介紹黎到登龍街永光中心食日本野，唔講真係唔會識去！因為樓下好多餐廳之餘，仲要上樓先去到！本身無唸住寫食評，事關只係普通中午放lunch點知食落又幾好食，所以無乜圖 無點影相，還請見諒！一入去就聽到幾枱日本人傾計，都市傳說日本餐廳有日本人食係等於好食！搞到我有小小期待啦一入坐就上咗個沙律啦，勁新鮮同唔腥 蔬菜仲係脆口，呢一個前菜好食過好多餐廳前菜！牛肉牛鍋 配烏冬 $72首先湯底係似壽喜燒底，但完全唔咸 可以飲埋！烏冬唔係平價烏冬，又無冷藏味！咬落有口感，唔會粉下粉下咁牛肉都唔係吉吉家既肥牛！佢係比較靚啲牛肉，脂肪比例較少，食落牛味有 仲份量都多！仲有唔少既配菜，娃娃菜 冬菇 紅蘿蔔 蛋總結，性價比高既日本餐廳lunch！無加一，服務態度亦都好好！一定會再幫襯

在最初開業已有幫幾次，銅鑼灣，太多日式食店，咁既價錢，都沒多特色，亦不會要求特別寬敞，香港人，明白的。靠的是服務吧當日即慶晚餐，沒訂枱，坐吧枱，還可以燒日本青椒仔，有一點點渣，但很有青味。有次行過蘇高超巿，都見到有得賣，只記得小平津價錢，原來都不算貴。最初店員推介，覺得有點貴，但都一試鰻魚豆腐，真係仲好好味，質素不是最靚，對鰻魚有要求的，就要食燒海鰻吧。個人偏好，已好滿足茶泡飯，係香港，只食過乜苑酒店係最滿意的可能當年“友人“的關係吧而小平津依個，香港來說都不錯飯，湯，太間單，太間單分出食材好壞質素另外點了一瓶清酒，倒第一小瓶後，店員都主動放回雪櫃，又主動睇下坐酒的是否冰需要換當晚都是爆場的，員工氣氛士氣都很好。真係值得一大讚香港餐廳保持水準，價錢，已很難得，所以我亦很難得會回頭再去

📍銅鑼灣 食晏推介之選呢間小店有好多唔同款嘅 #setlunch 簡！有#拉麵 #烏冬 #鍋物 #魚生飯 #燒魚 #咖喱系列 #吉列豬扒 #燒雞扒 💯 仲可以好彈性俾大家揀飯🍚或者烏冬或者拉麵🍜都可以，要加$5至$15🉐 每一個set lunch會配上 #沙律 🥗 同 #漬物 ，如果揀咗配返仲會有 #面豉湯 配上🥄 平均大概$56至$95一個餐💰⭐️照燒雞扒飯🐔 個雞皮真係煎得好出色👍🏻連我平時唔識雞皮都忍唔住要食晒佢！又唔肥膩， 味道剛剛好，啲肉又滑又入味！🥢非常推介💙💙

小平津係幾年前一個老友介紹，而家已經係我哋一家人經常去食日本嘢嘅飯堂。小平津是一間居酒屋，位於登龍街某商廈，地方不算大，座位稍為迫夾，但勝在價錢適中，食物質素唔錯，而且幾有日本小酒居嘅feel。這裏多數是熟客，經常見客人和店員聊天。每次我哋想去小平津食嘢，都會六點鐘前上去walk in, 如果唔係多數無位。今年情人節我哋即管碰碰運氣，好好彩今次又有得食啦！慣常點了我哋最鍾意食嘅幾樣食物，南瓜沙律、鰻魚豆腐天婦羅和軟殼蟹卷，另外也叫了煙肉焗蠔、三文魚壽司、海膽壽司和魚湯鍋。每次食都吾會令我哋失望！晚上食滿某個金額還有雪糕送添！

呢間日本餐廳位於銅鑼灣，覺得佢質素一直都維持到幾高，而且又唔貴，所以成為咗我同男朋友嘅食堂～•首先佢個免費前菜係豬脷青瓜粟米粒，幾好食，一啲都唔馬虎🤗•佢嘅海膽一板價錢都係百幾蚊，非常之抵食，食得好滿足。•另外佢有一個係🥢鰻魚豆腐天婦羅都係超好食，不過唔記得咗影相。•明太子雞翼🐔都好正好飽滿好多明太子～•要咗個🍤蝦刺身，佢幫我地炸埋個蝦頭，好酥脆好好食！•最後仲會送雪糕🍨做甜品，唔錯唔錯，誠意推介～

每年都與死黨在酒樓團拜，但今年多新年飯局，大家提議不如改吃精緻又不太貴的食物。 其中一位死黨提議不如去銅鑼灣小平津吃日本餐，餐廳在時代廣場ua戲院附近，吃完可順便逛街看戲。 大家都覺得提議不錯，所以便訂了枱。 餐廳不算很大，枱面也較細。 但座位下面設有一個膠籃方便放手袋，很貼心設計。 所以坐下也不覺地方太過淺窄。餐廳午餐有很多選擇，價錢也都不貴，點了一個雜錦魚生卷和加州卷丶燒鰻魚飯及牛肉火鍋。 當雜錦卷送上來的時候，還跟一碗湯烏冬，真是感到驚喜，因這set 午餐只售62元。 雜錦卷內的魚生非常多和新鮮，雖然得兩件但也感覺滿足。 燒鰻魚飯鰻魚非常肥厚，牛肉火鍋更是整個窩面都鋪滿肉汁甜美牛肉，而且這火鍋只售70元，實在是性比價高。 我們在店內暢談了個多小時，到埋單的時候才發現原來不用加一，弄得我們齊齊嚷著下次一定要再來。 到了離開的時候 先發現原來店內有人在排隊，令我們感到不好意思。

銅鑼灣登龍街真係好多好野食😆呢間算係日本野入面抵食夾好食🥢lunch time通常都full晒 無book位一定唔會等到😖lunch menu有好多選擇簡 都係below $100 包湯包沙律 簡左比時比較貴既牛肉壽喜燒烏冬set 個壽喜燒鍋雖然無個爐燒住 但都keep到d湯同烏冬熱辣辣👍🏻湯底好好味 食完成個人暖粒粒😙雖然環境一般 無咩日本氣氛 但價錢同食物質素黎講算唔錯✨一定會再黎Set lunch 牛肉壽喜燒 $65

我第一次跟朋友去呢間餐廳食lunch, 我見咁多人諗住質素都ok, 點知，中伏了。我叫左個豚肉生薑燒，個樣望落去都唔太吸引，咬落去仲驚，我第一次食豚肉生薑燒係可以難食。不論豚肉同洋蔥都一d味都冇，冇甜味冇咸味，得個鞋字。最重要係，我咬咬下突然覺得好硬，原來，佢塊塊豚肉都係有骨嘅，我真係真係第一次食生薑燒嘅豚肉有骨。又鞋又有骨，其實佢想我食咩呢。而個面豉湯，係同水無咩分別。最後，我只係食左半碗飯同幾塊豚肉跟洋蔥。其實，真係求其揾個人煮都應該好味過佢。而家要去買珍珠奶茶頂肚。

今日同我朋友喺銅鑼灣買嘢，到附近一間日本餐廳食嘢，而間餐廳呢出咗名啲嘢食，美味之餘呢個價錢呢又大眾化，燒雞柳好香，內裡又多汁唔會太過乾，仲有軟殼蟹都好好味外脆內軟，同埋呢佢嗰炸漿非常之鬆化，總結是平民價美味享受。

今日出街食下午餐，平時帶飯在公司食，本來食越南菜，但人家無開門，轉食日本野一杯茶，前菜醒胃後上一碗湯大大块雞扒外皮酥脆可口，肉質鮮嫩多汁，好吃😋但白飯太軟，好似煮得太耐太多水，無飯味，糊狀米飯都得食，免收加一

前幾個月每個星期日都會食既日本菜！又抵食又好味個人最中意食佢個煎餃子🥟又翠(唔識打)又足料，每次都同爸爸叫兩客餃子食串燒都整得好好味，雞翼丫，雞軟骨丫，牛利丫，羊架丫哩啲都好正，牛利有分汁燒同醬燒，個人中意汁燒多d熱食仲有壽喜燒牛肉鍋烏冬，泡菜豚肉鍋烏冬哩d，唔怕食唔飽！另外，所有刺身都好好味好抵食，魚生切到大大片又厚，然後仲可以跟番人數叫番相對既份量，兩個人就二人前咁上，唔怕會叫多浪費左既情況！整體十分扺食！