小房子 (已搬遷) 新店位置

今次去了以溫室花園做主題的餐廳 “小房子”位於旺角豉油街一幢舊樓樓上店鋪裝潢以白色和植物佈置為主，燈光柔和，中間放置大座桌旁邊就是向窗的餐桌，地下桌邊都圍著小植物我們點了這兒所有的好推介餐點都是走和風式的飲品我們都叫了玫瑰桂花烏龍茶少甜卻帶有清香的玫瑰花味和桂花香，很好喝，夏天凍飲真的涼透心主食這兒只有一款就是桂花烏龍三文魚茶漬飯X茶碗蒸再各自配了北寄貝沙律和介辣八爪魚茶漬飯先自己沖上桂花烏龍再作攪伴意想不到這個配搭我挺喜歡，清香而加上三文魚有口感，濕度適中的茶漬飯淡淡清香口感而我吃的北寄貝沙律材料足和新鮮，也是很不錯最愛就是茶碗蒸，很滑的蛋香，很好味甜品當然不會錯過這裡有名氣的櫻花水信玄餅及豆腐芝士蛋糕櫻花水信玄餅好精緻真的不捨得吃喔淋上糖漿上去，少甜又帶點酸，因為當中有白酒和蘋果醋，口感清新另外的豆腐芝士蛋糕又是很特色 豆腐味濃郁，不會太甜！想去試試小房子的朋友記得早點去等位喔Love a Little More Each Day ❤ a Chai 阿柴

一間位於舊樓既cafe我係比佢既乾花,裝修吸引而來的環境真係好舒服想做偽文青不防黎食野,坐下😂入正題喇-到底有咩食呢？其實主食佢係無得揀淨係得3文魚飯不過都幾特別,佢係溝烏龍茶食其實都無咩味😂唔太影響碗飯佢仲有前茶有比寄背沙律/芥末八爪魚我朋友揀左比寄背沙律我覺得好食過芥末八爪魚仲有蒸蛋,夠味,夠滑,超推介👍🏻不是hea做的水果紅茶個味道有點似奶蓋紅茶水果味唔算太重正合我口味

（註：本人已開openrice account多年 一直無寫過review 但這次經歷實在惡劣得令人無法啞忍）有名無實的小店，只懂賣弄風情sell小本sell小清新但完全不懂生意之道、不懂人情世故、更不懂禮貌，只能用兩個字形容：垃圾。本人自問一直深深支持本地小店，深明香港地租金高企經營生意艱難，但做人必須黑白分明，要有要求，唔得就係唔得。當晚未到九點已經行到上去，在悶熱的炎夏行咁多層樓梯上去早已身水身汗，正當急不及待坐下之際，侍應小姐開門後冷冷拋下一句：我地九點鐘last order, 所以你地唔可以入黎。語畢便馬上關門，連裝作抱歉的力氣也捨不得花，我們還來不及反應過來已被狠狠地趕絕門外。對於侍應小姐如此精簡的一句，我有兩個問題：一、請問如果貴點黑字白字寫十點關門，真的有必要九點last order嗎？其實當晚已經吃過晚飯的我們只打算叫杯野飲之類，純粹抱着坐下hea下的心態上去，沒打算留多久。若貴店認為炮製一兩杯野飲需要整整一小時，貴店似乎注定不適合立足飲食業，甚至連打開門做生意的資格也欠缺。二、貴店老闆認為這是正確的待客之道嗎？侍應小姐的態度確實令人毛骨悚然，在沒有嘗試問我們到底上來

和朋友想找一個地方放鬆一下心情，於是挑選了這一間鬧市中的花園一直都知道這個美麗的地方，不過亦聽聞這裡訪客有不少，所以一直想找一個非假日前來終於有機會了，這天更加是一個陽光明媚的日子在唐樓地下入口就見到這個雅緻的小店招牌，文青味道飄送同期店內更有畫展舉行中暑天之下，撐了幾層樓梯上到店前，卻驚見告示指當天延遲開店（！）同樣摸門釘的客人為數不少，有近十人同樣失望離去。既然一早已計劃來訪，所以我和朋友都不想輕易放棄，在附近逛了一個小時再折返剛才遇見的客人都同樣等了一個小時後，再回到店前守候！不過店主／店員仍然不太準時…再等多了10多分鐘方可入座一入內就已見主子懶洋洋在嘆冷氣啊餐牌被乾花包圍，美感十足，不過實際上選擇不多自助水吧是加入了水果的detox water，少少甜又消暑而且怎麼可以連水都這樣美，公平咩我們主要想有個地方坐坐、聊聊、拍照，而且才剛吃了午餐，所以只喝飲品了Peachy.foodie rating: ✮✮☆☆☆(2/5)飲品選擇不多，凍的飲品選擇更少，所以就點了它。它是Daily's Speical之一。美美的櫻花顏色很討好，很可惜梳打味道不太天然，不如預期，亦違和了店的風格。

見佢好似幾好坐幾舒服就同個朋友去呢度食個晚飯，呢度選擇既食品唔多我地叫左烏龍茶三文魚荼漬飯配紫薯有荼碗蒸，朋友就配北寄貝沙律，開頭以為會唔飽咁小件，點知都幾飽下，仲以為荼漬飯會好怪，點知又幾好食wor

友人飯聚選了這裡. 裝修非常精緻, 是很relaxing的室內花園主食有三文魚茶漬飯配茶碗蒸.很喜歡茶碗蒸, 很香, 內有蟲草花Dessert也很有心思. 特別是這個櫻花水信玄餅, 非常漂亮花茶也很好喝

真係一個好好小休的好地方，一踏進去就充滿花與草的清新氣息～😚小房子是賭上所有資金，希望反抗社會固有形式的一個實驗😏食物跟飲料只是想收支平衡而做的，但又出奇的👍特別和😋好味🍹水果紅茶 用上新鮮水果，再配上英式紅茶，飲落很清新~🌸櫻花水信玄餅 這個非常精致，晶瑩通透到可以睇到成朵櫻花，食落口感滑溜，帶點淡淡酒香再配上黑糖漿，非常好味🍙三文魚飯團配蟹籽沙律三文魚飯團食落有點鬆散，但味道尚算合格

久久不見嘅大同，幾個女仔圍埋咩都8卦下講下，所以搵左個想試好而嘅地方去試下。主食只得一種嘅關係，我地係每人食左一個三文魚茶漬飯餐，當中包左一個日式蒸蛋以及一款小食。再之後每人一杯野飲。最後叫左兩個甜品一齊share。三文魚茶漬飯味道好淡，好清，而且分量都幾少，三文魚碎亦不夠新鮮三文魚有鮮味，味道一般。但個蒸蛋同小食有驚喜。蒸蛋夠多料，而且有放豬肉粒，令到味道夠。小食我選擇左芥辣八爪魚，真係幾辣下，但切到細細粒咬落爽口，幾好幾好。甜品叫左個雪山火山同招牌櫻花果凍。坦白講，我覺得雪山好食過個果凍。雪山起碼有酒釀蘋果，味道幾好，但果凍真係得個樣....味道好淡，不加黑糖其實真係無咩味。如果有機會再去，只係飲下野，坐下傾下計，幾好嘅。但食晚市就真係太貴喇。返食指數: 3粒星 (最高5粒)。

位於旺角較靜位置的小房子👼🏼一進門撲鼻的花香和簡樸的傢私都營造出很舒適的感覺🌾整個小房子都滿舖盆栽和乾花，真是一片鬧市的靜土🎈餐點選擇不多，下午茶時間就點了豆腐芝士蛋糕和玫瑰桂花烏龍茶🍵🌹芬芳的玫瑰配合烏龍茶的甘，桂花味很淡，茶味很濃帶點苦🍂木製和玻璃的茶具超漂亮😻豆腐芝士蛋糕味道很清淡，配上燕麥和抹茶醬作為茶點感覺不錯👍🏻而且不會過甜，跟這裡柔和自然的感覺很配😌

一直想試呢度嘅水玄餅，今日決心同朋友來試！假日1410來到已經差不多坐滿，好彩行快一步唔係就有排等！同朋友一人一個茶漬飯套餐，包一個茶碗蒸同自選小吃，我哋分別揀咗紫薯同北寄貝沙律，另外再加玫瑰桂花烏龍茶及櫻花梅子梳打！茶漬飯味道較淡，但夏天咁熱，食淡淡哋都唔錯！份量唔算多，女仔okay但男士就應該唔夠飽！北寄貝沙律同紫薯都係意料之中嘅味道，無咩特別。我一直係茶碗蒸迷，呢個茶碗蒸都無令我失望！蒸得好滑好鮮味！好快俾我食晒啦！飲品值得一讚！我果杯玫瑰桂花烏龍茶好靚，味道一啲都唔甜，好好飲！每啖都會飲到淡淡花香，好治癒啊！朋友杯櫻花梅子梳打佢都話好好飲！最後...因為我哋掛住同貓貓玩，完全唔記得咁個水玄餅....都係下次再來啦！

假日想搵個悠閒嘅地方同朋友傾下計，呢度係一個唔錯嘅選擇，冇最低消費，冇限時。餐牌嘅選擇唔係好多，主要係茶漬飯、蛋糕同花茶。因為已經食左午餐嘅關係，只點左杯花茶，花茶濃度剛好，感覺有舒緩作用，又或者係因為店內有三隻猫不時行來行去，坐喺枱上面，感覺遠離煩囂。

上次同朋友B黎過呢呢間小房子，然後就念念不忘。然後朋友C又竟然都想試下，所有就同黎食下野，感受下優雅舒適嘅環境。不過今次好多人，坐不到比較舒適嘅位置。。。它位置其實都幾隱敝。如果上次唔係朋友帶我黎，我諗我都搵唔到。行上呢憧古舊大廈後就到架喇😌小房子内裡嘅燈光好柔和的。令人覺得好舒服。連貓咪都訓得好舒服☺️講下食物先。今次食嘅比上次我黎食嘅時候，好像無咁好味😐確實係有點兒失望。。。今次只有一個main揀。桂花烏龍三文魚茶漬飯，另外再配一份前菜。可以三揀一。然後再有一個蒸蛋。可能我比較重口味，所以我對呢個茶漬飯不太欣賞😐味道實在太淡了。。。反而呢個蒸蛋我覺得好好食👍🏻😋裡面有點菇，蟹柳，白果，還有一點點肉。味道剛好。介辣八爪魚也不錯。一路食一路恭鼻嘅感覺。。。爽呀😁北寄貝沙律還可以。只係本人不太喜歡那質感特飲係櫻花梅子梳打。天氣熱熱地，飲呢個又幾fresh👍🏻酸酸鹹鹹的青蘋果鐡觀音，啜左友人兩啖。茶味濃,但都仲可以散發出蘋果清新嘅味道😁比起街上飲的，確實好飲好過街上嘅連銷買茶嘅鋪頭

小房子是旺角一間很有特色的樓上cafe 又是另一間會被乾花包圍的cafe-這次點的是蘋果冰茶和「鎮店之寶」櫻花水玄信餅和蘋果冰茶🙆🏻-櫻花水玄信餅 ($48)像是個水晶般晶瑩剔透地包著朵朵櫻花 再倒上楓糖漿 實在令人不忍心吃下去剛入口先傳來陣陣楓糖漿的甜味 之後再散發出陣陣白酒的香氣 最後卻以點點酸味作結是很特別的一道甜點-蘋果冰茶 ($42)感覺是很organic 的飲品 能透徹喝到蘋果的自然甜味 和紅茶亦很搭當然不如港式檸檬茶般絕配 但絕對值得一試-溫馨提示: 去前請先打電話預約 -

呢間旺角嘅樓上café－小房子呢期好hit，雖然佢地方唔算大，如果星期五六日去仲會有少少迫人。不過！細極都好，地方咁靚，真係麻雀雖小，不過五臟俱全嘛🖐其實成間cafe係有好多花草樹木、盆栽等等，所以會有浸清新嘅植物味（如果你對植物敏感就唔好博喇），就咁聽都覺得個裝修好文青啦。而café入面仲有個擺畫、擺藝術品嘅位，你叫完野食就可以行埋去欣賞下，真係即刻覺得自己好有藝術修養，影相真係一流😌😌至於食物方面，由於嗰日好肚餓嘅關係，個set唔係好食得飽我地：三文魚茶漬飯、北寄貝沙律、蒸蛋，聽落好似好多，但其實全部嘅份量都唔大，比較岩美少女嚟食，不過因為我地食量較大，所以之後就要再加宵夜喇🙊🙊🙊其實你望下，求其影張相都會覺得好靚好好睇。個人認為佢個蒸蛋同沙律幾好味，不過個茶漬飯就略嫌淡咗啲啲喇。不過$130落樓就偏貴咗少少喇，大家有興趣可以去食下，入面仲有貓仔周圍走，小心啲唔好踩到佢啊🤓🍃（留意返，星期五六日去係超多人，基本上好難影到啲冇人嘅相，所以如果想影多啲靚相嘅朋友可以揀平日去。）

假日下晝約埋朋友黎，大約2點黎到間cafe 已經差唔多full 晒 同朋友唯有坐望街長櫈唔太舒服 cafe 環境簡約時尚 好舒服 可惜今日星期六多人坐唔到梳化位同朋友都未食lunch 每人叫左一客三文魚茶漬飯配茶碗蒸蛋同芥辣八爪魚 賣相充滿日本和風味 首先將湯倒入飯中 配埋三文魚碎食口味清新 好夾 但份量好少 有d貴😢 最欣賞個茶碗蒸蛋 😊 有肉碎蟹柳蟲草花加埋蛋口感豐富😋好味👍🏻 個配菜八爪魚都唔錯😋另外叫左杯凍青蘋果鐵觀音唔岩我口味😌飲到一半好酸就放棄左