小方糖甜品 (廣華街)

营业中

休息中

依間分店位於廣華街/響正廣華醫院隔離街喺旺角油麻地食完晚飯/慢慢行下就可以食得落甜品✨杏仁芝麻糊 熱今次試咗杏仁芝麻糊/真係有啲失望/一入口就食得出係粉開出嚟OEM嘅味道除咗杏仁芝麻糊，小方糖甜品仲有好多其他嘅甜品選擇/有中式甜品、西式甜品、鮮果沙冰、西米露、涼粉、刨冰、棉花冰、燉品、豆腐花、特色飲品同埋仙草可以揀都係食番留戀天使嗰啲特色嘢好啲🥢小方糖甜品🇭🇰旺角廣華街2-20號翠園大樓二期地下1號舖

叫咗一個榴華，不過成杯水汪汪，食落個感覺唔係太舒服。另一個叫紫超，其實即係香芋雪糕加沙冰，因為有雪糕，所以呢個甜品都勉強可以。有更多更好嘅選擇。試一次，無下次。

同朋友食完晚餐嚟食甜品，我就叫咗榴槤椰皇，榴槤份量都多嘅，舊榴槤唔係咁新鮮，食落味道唔夠濃郁，好似擺左一段時間咁，入面嘅椰汁西米都OK嘅，但$60幾覺得唔值。朋友叫嗰幾款甜品都有試食，味道都係正常發揮，建議唔好叫榴槤甜品，如果真係好鍾意食榴槤嘅人會好失望。間店舖偏細，但入面就放咗好多枱凳，整體感覺好迫，坐得唔係咁舒服，都係快食快走，唔太適合留喺度坐低一邊傾偈一邊慢慢食，同埋都唔使等位就有得入，冇乜要求底下，係到粗粗地食個甜品都OK。

我見不少人都來這間糖水店吃糖水，我走的時候也見門外有不少人排隊，一開始都想應該是好吃有驚喜的。平時真的不太常吃糖水，因為很少那麽晚還在外面，畢竟明天要上班。由訴於我不想吃凍的，熱的沒太多選擇，就叫了榴槤小丸子椰皇燉蛋白，說實的來了比我想像中少很多，很細個，而且很甜，我覺得是超甜，蛋白就正正常常，整體來說我不太喜歡。我朋友叫了個悟空，其實大概就是香蕉沙冰，份量也超少，因我沒吃朋友說不太好吃，最後吃得超快就走了。

今完飯行左下街同女朋友去食甜品，見到嗰間比算多人所以入去，店入面算是比較逼，但不用等位，但餐廳質素有d保留，性價比低，可能幫緊店主交租😭叫咗芒果汁35元，悟空40元，榴槤小丸子椰皇燉蛋白62元芒果汁唔夠凍，但係味道唔差僅僅合格。而且唔會太甜。配料份量不是太多悟空：太細碗，五分鐘都食完，而且椰汁沙冰嘅味道0，得焦糖味榴槤小丸子椰皇燉蛋白:榴槤正常份量，但其他配料太甜！榴槤肉都正常的總括而言不會再次光顧

同男朋友行街行到攰，咁就諗住入嚟呢間小方糖食個甜品，順便休息吓啦～ 點知呢度啲冷氣勁凍，完全係想你食完快啲走嘅感覺😅😂不過點都好，佢呢度啲甜品都係幾好食嘅。如果唔介意冷氣凍，可以喺度快啲食完快啲走🤣士多啤梨雲呢拿涼粉（$39）我本身自己好鍾意食涼粉，所以就叫咗呢個。兩個雪糕係包埋嘅，其實本身係叫咗士多啤梨，再加曲奇，點知姨姨上錯咗俾我🥲如果想要多一球就要額外再加錢。不過對我來講，兩球就好夠啦😂整體來講都係幾好食，可惜冷氣太凍😂

相信呢間小方糖都出名到街知巷聞架啦，每次黎油麻地都必食呢間甜品。唔exactly記得個芒果刨冰叫咩名，但真係好消暑解渴🤣 又夠晒凍，啱晒我呢啲夏天走過流到成身汗嘅foodie不過唔知點解啱啱前兩日嚟個冷氣凍到傻，老實講有啲凍到似想趕客。所以如果夏天要來食呢間嘅話就記住帶多件外套啦👀but well… 不得不讚呢度嘅甜品真係世一！呢間餐廳嘅中西式甜品都一樣好食，唔論係芒果刨冰、糯米糍，定係奶凍布丁，每一款都好味，真係令人回味無窮🤩 咁佢嚟講都幾推薦大家去試吓嘅，而且價錢又唔算好貴，啱晒一班朋友嚟聚會🌟ps 個芒果刨冰真心好好食www 芒果控must need try try唔使講咁多🤩

食完晚飯好似還欠什麼似的，原來係甜品個胃作怪。於是乎係附近尋尋覓覓，搵到一間甜品店。甜品店牆上有好多狗狗相片，店主應該愛動物之人。炭燒藍山咖啡雪葩意外驚喜！雪葩嘅炭燒藍山咖啡味好濃厚，啖啖優香。配了一件咖啡味啫喱，都係咖啡味濃郁，咖啡控必食。芒樂多珍珠，椰果，椰果條，芒果肉，益力多沙冰呢個就麻麻地，芒果肉並不是鮮果肉，沙冰益力多味亦比較淡，只可說中規中矩，沒有特別。

Having desserts here with friends was not because their desserts were particularly good. It’s just because they had the shortest queue among the desserts shops nearby.Unsurprisingly, their fruits were not fresh at all. Portion was okay, but a bit dirty in terms of hygiene.

食完鐵板燒諗住食個甜品，就睇中咗小方糖隔離嗰間，點知執咗笠，就食小方糖原本諗住食窩夫嗰啲，點知佢冇，咁就揀個心太軟啦我同朋友一齊去食，本身已經飽飽地，諗住嗌一個甜品，但係見到最低消費每人一個甜品，就夾硬捱多一個芝麻糊芝麻糊到咗先，冇乜芝麻味之後心太軟到咗，一拮落去唔脆已經知道賴嘢，點知入邊仲未溶晒，成舊冰喺度，搵個waitress同廚房講，廚房有個女人話心太軟係凍㗎，如果唔係就會熟晒㗎啦然後個女仔復述一次就走咗，完全冇理過我地我哋再同另外一個男人講，佢同廚房講，然後廚房嗰個女人親自出嚟，佢話佢哋係專業嘅、professional，如果熱啲就會成舊熟晒，唔會流心，但係我哋同佢講入邊係一舊冰，直程唔熱，佢就堅持佢嗰套理論，仲話心太軟凍係正常我真係從來未食過心太軟冰，仲夠膽講自己係正常佢話唔介意幫我哋再焗多一個，但係效果一樣，叫我哋cancel佢最後就無端端食咗個芝麻糊走咗，想食嘅嘢食唔到，白白俾佢賺咗20幾蚊出到門口發現廚房嗰個女人帶住不嬲隻手套去餵狗…？！究竟咩衛生意識？！其他客人食咗啲咩？！

呢間野真係差，首先係服務態度奇差，店員西面，大力dum餐牌，dum牌（勁大聲）完全冇事顧客，真係寧願冇食過呢間餐廳，甜品又唔係好食，味道一般，甚至中下。中間又去咗玩人地隻狗，摸狗喂零食，無除手套，可想而知衛生情況差，真係見到都唔想再食落去🤮🤮🤮🤮🤮🤮🤮價錢又唔係特別平，又要求繁忙時間每人最低消費一個，明明間舖頭都唔係好多人食，環境又差，一定唔會再去食非常差一定要寫低收錢個陣又唔理我地

初4晚旺角食完飯，想食糖水做宵夜，十點幾去到旺角店見到好多人排緊隊，長期都咁受歡迎咁多人排隊，之前食過幾好味，所以就算要等都照等啦落左單15-20分鐘左右就有得拎啦，都算幾快，如果堂食可能就等位+等出甜品既時間會耐好多啦 叫左香芒小丸子，有芒果肉粒係甜既，有咬口既小丸子，大粒爆珠，芒果雪糕球，同埋芒果汁做汁底因為本人椰子敏感，好多時糖水店都係椰汁做底，我就吾食得啦，喱間有芒果汁底，太好啦實在然後朋友食椰皇芒果燉蛋白，外賣都成個細椰子殼比你，太有誠意啦食落吾算好甜，有椰香，有芒果粒、小丸子、燉蛋白，都足料食落都飽肚總結：價錢適中，款式多元化，味道好味，配料夠足，等出餐時間15-20分鐘，態度幾好，值得再黎

呢類糖水舖好似愈嚟愈少～要好好形惜唔好比啲pancake呀🥹貴價又唔抵食嘅甜品鋪取代～·～·～·～·～·～·～·～·～·～·～💁🏽‍♀️榴連小丸子椰皇燉蛋白 $60椰皇燉蛋白而家好少糖水鋪有得賣今次仲要係配埋我至愛嘅榴連蛋白加埋椰汁份外嫩滑小丸子搓得幾煙韌幾有咬口💁🏽‍♀️芒果樂園 $40牛乳布甸、芒果汁、椰果、芒果雪糕、水晶珠味道唔差，芒果酸酸甜甜剛剛好

今日约左朋友一齊打火鍋，因為疫情關係，已經好耐無見面。打完火鍋，意猶未盡，朋友提議食糖水。附近有一間小方糖甜品一坐低，見到佢嘅餐牌，有各式各樣嘅中西糖水，好特別。我地點了椰香紫米露：外觀好吸引，椰香味十足，一口咬落去軟軟糯糯，仲有得揀熱食或凍食。香濃芝麻糊：每日自家磨製黑芝麻，入口順滑，中間唔會帶有結起一塊塊的粉團，真材實料。椰香芒果糯米糍：芒果夠甜，皮又薄，口感煙煙韌韌。整體來說：呢間舖頭唔錯，糖水不會太甜，下次會再來，試埋其他甜品。

同朋友聚會完就諗住轉場食甜品🍮我哋就去咗油麻地黑布街嗰邊睇吓，嗰度甜品店林立，中、西式都有🐒今日係星期五而且臨近農曆新年所以間間甜品店都好多人，我哋分頭去攞飛排隊，等咗大約15分鐘，小方糖就有位裏面啲位置都幾迫，難得有張枱俾我哋五個坐埋一齊都算唔錯我地叫咗番薯芋頭薑湯圓 - 薑湯超級辣，唔食得辣嘅朋友就真係唔建議嗌啦椰皇杏汁布丁 $58 - 杏汁加埋椰汁味道好濃郁，而且布丁好軟滑，推介拿破崙- $48大大嚿，有三舊，雖然裏面冇餡但非常抵食，聽侍應講超好賣，我哋咁啱就係嗌埋最後一份🙊真幸運👍🍀蛋白燉鮮奶 - 奶味濃郁，鮮奶挺身食到尾聲侍應就即刻收枱，想坐多一陣都唔得，眼神已經有少少想趕你走，冇辦法可能出面真係太多人等位，我哋前後都只係用咗30分鐘🐿有興趣食嘅朋友要練習食得快啲💨整體體驗: 7/10中規中矩唔算太有驚喜，但係如果唔使排太耐都係一個唔錯嘅選擇