小方糖甜品 (廣華街)

营业中

休息中

極差體驗 當時落微微雨 我地亦冇為意就帶埋吧遮入去 把遮有少少濕 但係佢以極度唔友好嘅態度離可以話係呼喝 大大聲咁叫我地放啲遮出去 呢方面雖然係我地顧客唔岩 並冇為意 但係佢嘅態度真係好影響係鋪頭裡面食嘢嘅意欲 我叫左個楊枝甘露 $38，黎嘅時候真係呆左，碟嘢上黎唔係芒果黃色，而係好似加左啲豉油嘅色，加上西柚極度難食，超硬超苦，芒果肉係黑色嘅，食到最後真係食唔落，剩低一半，另外啲朋友嗌嘅芒果相關甜品亦都係黑色係芒果邊邊 講番公道說話 佢嘅心太軟都係ok嘅 但係圖文不符 冇熊貓嘅圖案 整體黎講體驗非常差 如果唔係隔離甜品鋪冇位 都唔會選擇佢 （第一次comment，冇唸過係嬲到負評） 價錢最後大概$300埋單 7個人

尋晚同朋友5個人去食糖水，入到去坐低叫野食，一邊等一邊傾計，突然一個環保袋比人掉上檯，我地全部人都嚇左一跳，原來係朋友放係櫈上面既袋，個唔知係老板定員工既人掉上來。我地5個人坐的是6人位，有一個位無人坐，所以放左個袋上去，其實如果唔可以放，你可以話我地知，我地會拎返起，而唔係一聲不響掉個袋上來，一聲唔出就走左击。 而到我地走個位都係原封不動，無其客人坐。之後又見佢拎住個匙羹罵洗得唔乾淨，好大力甘掟落個膠盆到，好彩無彈返起整到我地，因為坐係個膠盆旁邊近廚房門口。知道你好好生意好忙，但唔代表你可以甘樣對客，雖然野係好食，但唔會再去，好似乞食甘！

2022-11-28同朋友食完拉麵後🍜唔夠喉再去食甜品🍮去咗附近小方糖甜品😀甜品店走平實路線😁主打食中式糖水同刨冰🍧平日晚市時段，客人唔算多😃店員安排坐四人枱4️⃣我哋點了，朱古力粒粒拿破倫，45蚊份，賣相幾好，用咗有大約十幾嚿，酥皮粒疊成座小山，旁邊配上香蕉同朱古力雪糕，酥皮粒幾香脆，味道正常，唔推介依款甜品🍮紫留心中，55蚊份，有新鮮榴槤肉，同埋有勁大嚿紫糯米，紫糯米甘香軟糯，榴槤味非常香濃，加埋大量嘅爆爆珠，口感非常豐富，啱哂鐘意食榴槤嘅朋友🥳整體環境還可以😌服務一般，店員態度麻麻🙁食物正常，榴連甜品都可以，飯後經過可以試吓😉#小方糖甜品#朱古力粒粒拿破倫#紫留心中

又到happy friday, 去旺角小方糖外賣拎走糖水歸家品嚐。芒果椰汁西米露芒果果肉好鲜甜而且又多汁，啖啖肉，西米巳經滲入了椰汁味，而且非常彈牙有口感，真係不錯的糖水芒果班戟芒果班戟一直是我最愛的甜品，皮薄餡靚，而且班戟皮又滑和薄，，芒果果肉也鮮甜，奶油又滑，真係太愛這甜品

🥥椰皇湯丸芋圓燉蛋白 $55 (7.3/10)椰皇，椰汁，湯圓，芋圓，西米，燉蛋白！非常之足料，湯圓有三粒，係芝麻餡嘅，皮比較厚，湯圓都有流心，甜甜地有少少芝麻味。芋圓有六至八粒，口感好韌好似橡皮咁，唔好食😂😂西米好多好淋，蛋白好滑好重奶味，椰汁都甜甜地有椰香，椰子肉都軟身，除芋圓之外都好唔錯！推薦指數: 7.3/10除咗椰皇之外，其他糖水都係$30-$40都比較抵食，下次可以試吓其他款！

吃貨女王推介小方糖🍭現家開始涷了啦，食完飯都想食D 滋補同熱既甜品。暖男識做啦。今次去旺角小方糖試咗椰汁蓮子燉雪燕同椰皇湯圓燉蛋白。係冇錯一個人食咗兩碗🍴🍴🍴😍椰皇湯圓燉蛋白（大愛😍)我係超級芋圓控唔粉。好QQ😋😋😋燉蛋白都好香滑，超濃奶香味❤佢會蒸到散曬😋佢真係用心整作。湯圓係芝麻味大大粒，好流心❤呢個係我食完都想再買多份既甜品。😌椰汁蓮子燉雪燕你知我泰妹係椰子控同埋最怕甜，但係呢個正啊唔甜雪燕堅係一條條層次分明有口感。返工返到殘曬補一補佢。

🥭香芒小丸子 $38好多餐廳嘅香芒小丸子都會太甜，但呢間嘅香芒小丸子就芒果味濃得嚟，又唔會太甜👍🏻啲芒果都好香甜，而小丸子就煙煙韌韌。整體來講唔錯☕️炭燒藍山咖啡雪芭 $38呢個甜品感覺好特別就試吓，呢個甜品有兩球咖啡雪芭加個咖啡味啫喱。雪芭嘅咖啡味係幾濃，但有啲似現成嘅咖啡雪糕。整體感覺比較普通，唔太推薦雖然食物都算抵食，但服務方面就比較差，有位店員嘅態度有啲差😥 有得揀應該都唔會再嚟幫襯-味道: 7/10服務: 4/10環境: 6/10回頭率: 4/10總評: 5/10💰人均消費: $38

在旺角食完晚飯後去找糖水舖吃飯後甜品，行經廣華街見小方糖坐滿八成客，似乎比同街其它糖水店多人。於是和太太入內叫了一碗凍海帶綠豆沙和熱合桃糊。兩樣都是$23。可惜非常失望。綠豆沙很細碗，不見綠豆，只見稀稀的沙，水多過沙，海帶最多三條。合桃糊更差，尚有幾塊未完全溶解的糊狀物體，更有少少酸味，相信是合桃糊煑後存放太久才翻熱，翻熱又不均勻所至。咁差的水準為何有咁多客？發覺後生仔女多叫新式甜品，很少像我老人家叫舊式糖水便明白了，以後也不會再光顧了！

🔖行街行到流晒汗，梗係去食返碗甜品，經過嗰陣傳來一陣陣香甜嘅芒果味，就入咗小方糖食啦，試吓佢哋嘅芒果係咪真係咁吸引。 💬 芒果樂園 對於芒果控嘅我，第一時間就見到Menu上邊小方糖嘅招牌「芒果樂園」，顧名思義，成個甜品圍繞着芒果而製成，當中包括用咗芒果肉、芒汁同芒果雪糕，入邊更加有牛乳布甸、椰果以及QQ水晶珠做配搭，芒果同埋其他配料都好夾，而且突出左芒果嘅果味。 💬 香芒小丸子而呢個小丸子同樣地用咗芒汁，新鮮嘅果肉，對比芒果樂園，呢個係用小丸子做點綴，非常Q彈，為成碗甜品帶嚟一點咬口，而且有糯米嘅香味，同芒果相得益彰。

真係唔想寫差佢 但真係頂唔順唔想其人中伏 。1. 份量奇少，碗野的深度下面有圖可睇，係我食過咁多間糖水舖最少的一份。2.用料差，柚子很苦，芒果沒什麼味道。就算係黃店都無面比，難食就係難食，咁既價錢有更好的選擇，啊唔係，就算無選擇都唔會再幫襯，無下次！

情人節無堂食唔緊要，男朋友專登買咗糖水外賣返嚟同我食，仲要係小方糖，仲要係我最鐘意食嘅芒果拿破崙💓 仲有芒果糯米糍 🥭佢自己就揀咗日式紅豆腐花💗✨ 芒果拿破崙每次食都好驚嘆❗️粒粒都好大粒🤤有別於坊間嘅拿破崙，唔係一層一層嘅酥餅，而係一整個空氣感極重嘅酥餅，即使外賣返到屋企都冇淋到👍🏻 面頭嘅芒果好新鮮好甜🥭每一啖都好滿足✨ 芒果糯米糍芒果又甜又香，一啖一粒嘅Size岩岩好😚✨日式紅豆腐花紅豆好甜💗豆腐花好香豆味又滑樣樣都咁好味💓下次再試埋其他嘢先

👼🏻榴槤天使 $50呢個甜品超豐富 有新鮮榴槤蓉 榴槤汁 水晶珠 同埋雲尼拿雪糕水晶珠無味道但脆卜卜榴槤蓉同榴槤汁都超重榴槤味 榴槤控絕對滿足! 🥥榴槤小丸子椰皇燉蛋白 $55燉蛋白好滑溜但如果更熱辣辣就會更好～濃郁嘅榴槤味中透出淡淡椰子味

飯後打算食甜品，見到附近有甜品舖就排隊。入到去見到一個個子高高的女員工，態度非常惡劣。我們一行四人，員工安排一張六人枱，我們好心說可以轉另一張四人枱（當時有位），打算騰空一張六人枱給其他客人，我們嘅出發點都是替甜品舖著想。起料，女員工態度非常惡劣，大聲講坐呢度唔得咩，我同朋友嬲到即時起身走。以後都唔會幫襯所有小方糖分店。😡😡建議老闆應關注一下員工嘅態度，培訓一下員工。再這樣下去，只會影響公司嘅收入。

🎊小方糖甜品Giveaway🎊📍:旺角廣華街翠園大樓二期地下1號舖⏰:3:00pm-1:00am⭕️:現金、Alipay呢間甜品舖提供多款中西式糖水甜品 依家天氣凍咗 啱晒冬日推介既燉品系列🙈有雪耳蓮子燉湯、雪耳百合燉湯、雪耳百合蓮子燉湯、杏汁蓮子燉雪燕及椰汁蓮子燉雪燕等🥣-芒果小丸子椰皇燉蛋白🥥-🌜燉蛋白好滑溜溜 好香椰汁味 椰汁做底 裏面嘅椰肉可以食埋架🤣 加埋新鮮香甜嘅芒果肉 啖啖都係芒果 加上煙韌嘅小丸子 好足料好好食🤣食完會好飽肚架🙈-芒果小米小丸子(加曲奇雪糕)-🌜芒果肉好多 至少有五大片🥭好甜🙈 小丸子好煙韌大粒 唔會太淋 再搭配埋椰汁 飯後甜品啱晒🤩我仲加咗個曲奇雪糕 好邪惡🤧📍小方糖甜品 共有六間分店(荃灣, 寶琳, 將軍澳 , 旺角, 九龍城, 九龍灣都有分店)#香港美食 #平民美食 #旺角 #旺角美食 #香港 #美食 #高質 #hkfood #hongkong #hkfoodie #openrice #hkfoodblogger #giveaway #likeforlike #hk #hkig #foodshare #hkrestaurant #foodies #

同朋友旺角食完飯搵甜品食，行咗一陣都搵唔到甜品鋪，終於搵到喇，又有位，就食呢間，睇餐牌都好多甜品揀，揀咗楊枝甘露豆腐花， 唔係太甜， 都ok足料， 豆腐花亦都幾滑朋友就揀咗芒果椰子樂，份量都ok， 都唔算太少， 朋友都覺得ok唔錯， 幾好食ok啦，其實旺角鋪租都貴， 都明白分量唔會太多嘅，同埋做幾十蚊生意，係需要不斷翻枱，先可以賺到錢嘅，食完坐咗一陣間，見出面有人等位， 都費事阻住人，即刻埋單走， 招呼不過不失啦。