小桃咖啡室 (已結業)

都好耐冇上一啲比較傳統的樓上Cafe了，今日找到了小桃，位置超方便，與Time Square只有一條馬路之隔。店內裝修不差，很有情調，天氣不太熱，可以享受自然風，仲可以一路食一路欣賞時代廣場的風景，看著繁囂的都市，你卻可在慢活的生活中享受，別有一番風味。不可不讚的是這裡有不少遊戲可供大家玩，呢類的Cafe，真係買少見小。小桃華麗套餐 B，好方便的選擇，按照人數，餐廳幫你安排，價格亦很公道。是日沙律，配法式蒜蓉包，整體表現不錯，水準之作。日式炸餃子，每人兩件，份量足夠，不將貨就價，而且餃子外皮炸得很脆，水準絕對高過外面的連所餐廳。蜜汁雞中翼，力推之小食，外層塗滿了蜜糖，而內裡還有很多的肉汁，好鬼惹味。如果多一件就好喇。魁北克肉醬鋪天薯條 配醬燒豬肋骨 (金獎菜式)，不得不讚美這一道菜，豬肋骨燒得很有技巧，火喉控制得完美，肉質鮮嫩多汁，而且一點也不會黏骨，一咬就骨肉分離。而鋪天薯條則加了肉醬、芝士和Sour Cream，令味道上有多種層次，怪不得店員力推我們必點這道菜。意大利卡邦拿意粉，份量頗多，材料足，意粉口感帶點彈牙，夠入味。是日甜品（泡芙），每人兩件，唔駛掙。傾斜比薩（藍莓梳打，雲呢

去完旅行 想比D手信朋友再吹下水 樓上cafe就最好不過啦 大家都係過海返工 真心諗唔到邊度有樓上cafe 朋友之前試過小桃咖啡室 話食物不錯而且分量大 小桃有4款set.... 但其實分別不大 我睇完之後主要分為 普通飲品、無限飲、飲酒 所以4個人叫3個普通的$188set最化算 嘩..！ 個沙律吞拿魚長通粉成足料 以為通常前菜得少少你就錯了 成個主菜咁大 沙律配上蒜蓉多士 炸蝦餅及法國酥皮芝士田螺 2碟小吃都熱辣辣 酥皮田螺比較出色 中間有白汁而且酥皮鬆化 白菌煙肉卡邦尼意粉 奇怪食完之後唔會好漏 意粉creamy煙肉炒香 3人分量放一碟其實見到都飽 另一主菜係 第六屆食神爭霸戰金獎菜式 原條醬燒豬仔全骨配薯條 聽個名都知勁啦 每人可分到2舊 豬肋骨肉汁keep到唔會乾晒 酸汁醒胃仲可以點薯條 飲品係我就飲西柚綠茶 而朋友就飲凍咖啡 反而咖啡就沖左好耐 真係見住佢專登拎包咖啡豆即磨 甜點係雪榚泡芙或雪榚新地 以為雪榚泡芙係出面放題好淋個D 又出奇地好食喎 又脆口 雪榚又夠凍 Um... 食物質素好 上菜又唔會趕頭趕命 不過個女客服就好似記性差左D而且對菜式唔太熟式

係銅鑼灣行街行到攰，想搵地方Hea又唔想再去行更遠，喺時代廣場周圍望見到對面大廈有間類似cafe嘅餐廳，諗都無諗就上左去。餐廳地方雖然唔大，但環境都好舒適。望住個景都好靚，對正時代廣場心臟地帶全景。望住咁繁榮人來人往嘅街景，又同朋友輕鬆傾吓計，感覺好特別。雖然有得散叫，但叫套餐比較方便同抵食。佢嘅套餐係斷人頭計，一人大概＄200 ,包晒前餐飲、前菜、湯、主菜、甜品、後餐飲等，好抵食。落咗order 未有嘢食，就同朋友玩下鋪頭提供嘅Card games,波字棋。一邊玩，一邊飲下餐前飲，我地叫左兩杯雪糕水蜜桃梳打，有陣陣水蜜桃香，仲有雪糕食，岩晒我黎d咁為食既人。前菜有酥皮螺肉撻，一人有兩粒，酥皮食落好鬆化，不過醬汁味道蓋過螺肉，我地連食左螺肉都唔知。餐湯就正正常常，如果餐具精美會食得更開心。跟住落嚟嘅鵝肝，系黎一餐飯嘅重頭戲。上菜時我同朋友都望住對方，心諗，塊鵝肝會唔會太大塊！而且煎得唔差，鵝肝嘅汁完全鎖晒係入面，食細細啖已經滿口鵝肝嘅香味。佢會比塊麵包你送鵝肝，令你唔會覺得太膩。就到主菜啦，有卡邦尼火腿意粉同埋豬肋骨加薯仔屋出名既芝士薯條。你份量實在好大，我覺得如果係三個人份量先岩岩好

又去左間少少難搵既樓上餐廳（話說前身係女僕cafe) 。全場約20個座位，麻雀雖小，但有齊board games、電視、露台。。。。同埋𥄫女專用望遠鏡食物選擇除左散叫之外，另有4個套餐供應，方便腦殘既我地，而且分量會按人數增加，我地一行4人就叫左3個套餐另加1客鵝肝。依家好少餐廳沙律有咁多長通粉，幾乎一份正餐份量，坊間通常都係得幾粒似做裝飾咁，抵讚！夠香脆，如果可以再厚身小小就仲正，配甜酸醬，食完一件再一件。3大粒，造型似蛋撻，口感豐富，面層薄薄一層芝士醬，提起左個咸香味。沙冰雖然唔係啖啖肉，但確實feel到芒果蓉喺口，仲有QQ果凍，好好咬口；朋友試紅茶，唔係糖水溝出黎假到死個一種。足料（火腿磨菇洋蔥香草。。。。。意粉）、creamy 、3人份量但我地4個人食都食到眼King king。肉質軟，味道濃，好過大集團rubx Tuesday/spaghetti housx ，薯條外脆內軟，配埋惹味肉醬，食到手指郁郁寶物沉歸底，傳說呢道菜係繼得獎豬仔骨之後第二好味，果然。。。yummy一口咬落去肥美到不得鳥，係好邪惡但真係停唔到口，無懼三高大家全力搶食套餐包埋甜品，係兩粒迷你puff，配上朱

是日晚餐相約友人於銅鑼灣的一間樓上cafe。我們都是去到才知店內有個小露台，可以邊用餐邊看到時代廣場外的眾生相小露台設計別緻用乾花圍著邊沿、配上小蠟燭、羅馬神話中的小愛神—邱比特、經典芭蕾舞劇《胡桃夾子》中的人偶擺設，很浪漫的感覺☺️☺️☺️我們欣賞了一會才開始點餐🙈我倆點了個二人尊貴套餐因為這套餐有我喜歡的鵝肝😋先來頭盤法國酥皮焗田螺伴海撒沙律 酥皮很香口 沙律很清新！餐湯是羅宋湯 芝士蒜蓉包好香！前菜就是鵝肝了原本以為套餐配的只是小鵝肝殊不知竟然是大大的一塊 好開心鵝肝沒有焦黑 煎的剛剛好配上蕃茄粒吃 有中和了油膩的作用主菜之一蕃茄煙三文魚pizza沒有厚厚麵團的口感反而香脆清新 三文魚的份量還不少啊另一主菜 卡邦尼白菌煙肉意粉睇相都知個份量多得驚人😮😮差不多有三、四人的份量丫磨菇和煙肉都有好多發覺這裡的廚師一點都不吝嗇 哈哈🙈🙈其實都開始飽飽地不過都要食埋個甜品先士多啤梨伴雪糕泡芙賣相好好 好滿足啊！最後還點了餐飲桂花釀我倆完全被杯具吸引了很精美的英式設計 真係忍唔住影多幾張相 哈哈意外驚喜的一間cafe 用心的設計

今日同一個好耐都無見既朋友係銅鑼灣諗左好耐都吾知食咩好，我地都好想搵間又好食又可以坐得耐既餐廳。最後係openrice search左好耐就決定左呢個，見佢好評都有成百個，又無咩負評！我哋叫左個2人set, 首先有個芝士蒜蓉包，凱撒沙津同是日餐湯。芝士蒜蓉包既蒜味足夠，而個吞拿魚通粉沙津都幾特別，平時餐廳未必有，味道不過不失。是日餐湯我就叫左羅宋湯，個湯濃郁又吾會太酸，幾好。之後就到小食蜜汁雞翼，個雞翼甜甜地，而肉質好嫩，雞皮吾厚，都幾好食！而另一個就係香煎法國鵝肝配蕃茄莎莎，當然吾係幾百蚊既品質，但係有百幾蚊既程度,好surprise!而個醬燒豬仔全骨配肉醬薯條真係最令我記得，因為真係好好食，個醬燒豬仔全骨相當夠肉汁同入味！入口個下都feel到好有水分，吾會難咬，而且食落去吾會覺得油膩，食肉獸一定要trytry,果然係食神爭霸戰既金獎菜式，好值得推介！其實係呢個時候，我已經feel到我地應該夠食之時，就黎左另一個主菜，就係芝士茄汁肉醬意粉，仲要好好好好好大碟，好足料！兩個人咁既二人set一定夠，有男仔都夠食，真係好適合情侶食！最後係個是日甜品，雖然個餐牌無寫叫咩，不過食落就似雲呢拿泡

因為係凡高會員，有九折，所以就黎試下。 之前黎過一次，咁啱俾人包場，冇計，惟有走人。原來集團三間餐廳有冇包場，都可以去佢地個網頁CHECK!咁就唔駛摸門釘啦! 小桃咖啡室好近時代廣場，約左朋友喺時代廣場個大鐘度等，再一齊上黎。黎呢度，首先要入去一幢舊樓，再搭一個古老升降機，係外掩門加手動拉閘式升降機，真係好有特色，我咁大個女只見過兩部呢款老爺升降機。一出LIFT轉左，就會見到燈火通明既大門。但朋友拉住我在猶豫，佢好似有啲唔想入去。推開大門，完全係另一景象。入到去，只剩低一張室內既空枱同空的VIP房(原來俾人訂左，只係未有人到)，幸好早黎一步。露台位好正，可惜已被兩對外國客人佔據。揀野食先，套餐由百幾蚊至二百幾蚊不等，我哋揀咗個二人至尊套餐，每人$208。一人一杯自選特飲，朋友揀左#620 黃昏里米尼(芒果梳打加雲呢拿雪糕加忌廉泡)我就揀左#707隨心花釀 花釀二重奏，可以由店員幫你揀，而我就自己揀咗檸檬草加茉莉花。如果單點花茶就會奉送兩塊曲奇餅，配餐就冇嘅! 大大壺，清新既味道，飲足成晚。法國酥皮焗田螺伴凱撒沙律，一上枱就好香濃既牛油味，每人有兩個酥皮焗田螺，好香脆，要襯熱食。芝士蒜蓉

講到hea下時間、同朋友吹水，自然都會諗起去cafe，平時喺旺角、尖沙咀都有唔少，估唔到銅鑼灣都有間唔錯嘅樓上cafe~週日喺銅鑼灣要搵個地方坐下食下野，去到波斯富大廈嘅小桃咖啡室~cafe嘅環境唔錯，雖然位置唔多，但空間感足，梳化位都坐得舒服。另外有幾個窗邊位，對住times，咁啱有兩位外藉客人飲緊酒，感覺幾chill窗邊用左唔少胡桃夾子裝飾，相當可愛裡面有間房，幾闊落，人多可以考慮。餐牌選擇多樣，有全日早餐、沙律、吐司、意式薄餅、湯、意粉、薯蓉、飯、豬仔骨、小食、海鮮拼盤、甜品、酒精/非酒精飲品，消費時間兩小時，每人最低消費一款食物/飲品。考慮到係旺區，都係合理。當中有唔少2人套餐，套餐兩點後供應，用餐時間係3小時，定價$158-$278。咁我地揀黎揀去，決定當食埋晚餐，又可以坐多陣，就點2人餐。因為只有一個廚，全部都係即時制作，所以唔係快餐式cafe黎，可以慢慢坐下，甚至玩下board game都得。2人特級套餐 $188/位 (餐包、沙律/餐湯、主菜兩份、甜品、飲品)芝士蒜蓉包+是日沙律蒜蓉包好香脆，是日沙律配上長通粉、粟米、吞拿魚，都幾飽肚架。芝士蒜蓉包+是日餐湯我點嘅係餐湯

係銅鑼灣食左咁耐野，反而好少可會食Cafe。咁岩係時代廣場附近行街見到有間樓上Cafe，就行左上去2樓試下新野食。環境都算靜靜地，有間房仔丶露台同埋大廳，我就選左係大廳到坐。幾鍾意佢呢盞燈。Cafe最大樂趣係咩？咪就係玩Game同睇書囉~成套城市獵人同埋one piece係度，睇成晚都得Lucky Star，夠哂清涼，唔算太甜。Russian Dream，酒味比較重，所以岩哂我法式酥皮焗田螺，新鮮出爐熱辣辣。一口一粒，酥皮永遠都係我最愛。味道比較清淡。All Day Breakfast入面有牛肉腸丶煙肉粒丶蘑菇炒蛋等等，都算豐富。雖然男仔未必夠飽，但係如果想搵個地方傾下計既，都算唔差好creamy既藍莓芝士蛋糕，岩我口味

同事聽到我上次去cafe有豬仔骨食，佢表示好有興趣...（其實我唔太'好'...不過對個薯條念念不忘😂所以就一齊去🙋🏻）上次臨走之前，店員介紹過薯仔屋個老闆有另外兩間鋪頭，見到原來小桃咖啡室都有燒豬仔骨所以我建議如去呢間試吓順便睇吓個環境有咩唔同今次都係叫咗個二人餐..餐湯係我最愛嘅羅宋湯配看到脆卜卜嘅法包玫瑰花釀，個名好好聽，其實即係玫瑰花茶😉第一次飲花茶，本身覺得玫瑰嘅味有啲奇怪，但飲飲下就覺得個人放鬆左，仲鍾意左玫瑰嘅氣味😳西班牙茄汁蘑菇煙肉意粉，分量二人啱啱好，同事話好大碟😂😂略嫌煙肉唔夠香蜜汁雞翼，上次一試難忘，好似食緊燒雞翼咁，蜜糖包住燒得香脆嘅雞皮，十分惹味...每次都有想叫多碟既衝動😳可惜個set太飽😂😂鋪天薯條，我大愛既粗薯條，脆得黎又唔會油淋淋，加上忌廉芝士醬同gravy 汁，甜甜地酸酸地幾醒胃所以食多幾條都唔覺得濟🤐🤐店舖金牌燒豬仔骨同事好想食心太軟特登加左＄28，焗得恰到好處一切開個心太軟，啲朱古力漿就好似熔岩咁流晒出嚟成嗰碟都係，本身想拍片都趕唔切實在太流心啦!!上次食完薯仔屋，已經做左會員今次買單有九折小桃咖啡室同薯仔屋走兩個唔同嘅路線,目標客人都唔同，前者

星期日天公不做美，雨下得相當密，加上大風，感覺還是冷冷的。朋友提意不如找個地方先吃個飯，大家唔想太破費，於是我由提意來到 ，它與時代廣場只有一街之隔，與羅素街可以近距離接觸。 小桃位於舊式唐樓內，電梯是相當舊式的設計，相信它比我年紀更大，半自動化的歷史遺跡。是需要手動去開關鐵押，那曾經是某套電影場境吧。店內有點家的感覺，感覺是相當隨意的地方。 餐牌內也有幾款套餐選擇，如下午茶餐和全日早餐等。我們不約而同地今更不想甜，所以點了全咸食。先來一份全日早餐 $118。份量和價錢成正比，有豬肉腸、蘑菇炒蛋、炸煙肉粒、焗豆、粟米粒和沙律菜等蒜蓉包相當鬆脆，略帶牛油香，豬肉腸卜卜脆，炒蛋色澤不太鮮黃，尚有蛋香但質感不太嫩滑。其的配搭也是平融貨色，份量對一個女生而言份量足夠。朋友選了咖啡餐茶。另點了一客 $118份量不小, 意粉被濃厚的忌廉汁包圍著, 味道濃郁相當掛麵。意粉有彈性，配上咸香的煙三文魚又香又好味。當店員送上Cappuccino$42 來時，那高雅的茶杯的確令我充滿期待。但看真一點就知現實和期望有點落差。基本上看不出是一杯泡沫咖啡，為它只有微乎奇微的奶泡，無論香味和味道也較遜色。雖然食物

(台灣人打字難免比較口語，吾好介意)繼上次品嘗薯仔屋，經過店家極力的推薦，愛游走咖啡廳的我這次來到了他的連鎖Cafe- 小桃咖啡廳不得不重複一提的是，來到這必須試試他的冠軍名菜- 醬燒豬仔全骨，一定不能被豬肋骨的賣相騙了看了乾乾的樣子，一口下去絕對讓你滿口都係醬燒味道，烤的非常入味!!-回到小桃咖啡廳的簡介，先讓大家欣賞一下這個平凡咖啡裡不平凡的風景，甚麼叫視覺味覺的盡情享受!從桌上這個可愛的胡桃夾子，望遠鏡，蠟燭看出去，是條金碧輝煌，五光十色的大街街上滿滿的人群加上大樓上各式各樣的燈箱，廣告牌，店內以紅色黑色為主。陪襯的是一盞盞的大水晶燈，窗台前簡單而浪漫的花槽，就是個簡單而高調的西餐廳。記得喔要坐在露臺邊的吧凳!光是享受店內店外的風景,不小心就忘記把餐牌拍下了，只好借個圖，希望不要介意呢!我們點的就是這個-二人特級套餐，對了!建議最後再叫喝的 (等一下告訴你為甚麼!)老實說，我覺得這蛋包飯的外觀是看得出用心的，完整，乾淨的碟邊，加上花樣的三文魚。看起來應該不錯，可是一切開，的確有一點小失望蛋的厚度不太夠，不能跟飯融合的蛋包飯就是欠缺了一點點，接下來我們看一下切開後還是那句賣相還是有

近日去左銅鑼灣時代廣場附近，有間樓上cafe，環境都唔錯，食物質素有保証，完全體驗到係鬧市中既寧靜。上到去仲有唔少board games玩，傾下計放鬆一下心情都可以係唔錯既選擇。🍿睇完陣餐牌，跟朋友就點選了：「2人特級套餐$188/位」，套餐包括有：芝士蒜蓉包、是日沙律/是日餐湯、小食:蜜汁雞翼、主食:醬燒豬仔全骨(金奬菜式)配肉醬薯仔屋鋪天薯條+$10、卡邦尼白菌煙肉意粉、是日甜品，最後配每人一杯非酒精特飲：小桃是日特飲、夏日摩納哥。🍲🍗🍖🍟🍝🍰🍹「芝士蒜蓉包」是日沙律及是日餐湯，是每人選一款。沙律原來是長通粉加上沙律醬拌混，再配上少量沙律菜及芝士蒜蓉包。是日餐湯是羅宋湯，湯內雜菜豐富，味道剛好不會太鹹太濃，再配上芝士蒜蓉包。🥗🍲🍞「小食:蜜汁雞翼」一碟4隻，用上蜜汁燒烤成黃金乾身，燒炸味十足，食落外皮蜜糖滿佈，內裡肉質嫩滑。🍗「主食:醬燒豬仔全骨(金奬菜式)配肉醬薯仔屋鋪天薯條+$10」睇賣相已經好吸引，味道香噴噴，濃郁燒烤味道，肉質軟嫩，入口惹味，原來呢道菜式係「金奬菜式」，完全係實至名歸。而薯條炸後鋪上大量肉醬，食落香脆可口肉醬既配搭亦不錯。🍖🍟「卡邦尼白菌煙肉意粉」超大份量，

今晚約個friend食飯，佢帶左我去座要禁密碼既舊樓，連d lift都係要鐵閘手動開關，上到去就發現原來隱藏左間cafe!!感覺裝修幾靚仲好好feel，仲有個露台景望住時代廣場，勁有feel!!我同朋友叫左呢個餐頭盤係凱撒沙律搭田螺酥盒，沙律d醬調得剛剛好，而酥盒都好脆，夾埋田螺食好夾！餐湯係超多料既羅宋湯，最好食係舊包，加埋芝士烘熱，比一般牛油包好食好多。呢個餐仲有一人一份鵝肝仲要超大舊回晒本！我覺得可以煎得脆口d，不過已經好好食。煙三文魚pizza薄脆批，好脆口！不過開始飽，我地每人食左一塊已經食唔落要打包。而肉醬意粉酸甜度適中，夠晒開胃，仲有個夾比你夾意粉，幾細心，而且超大碟，係二人分量！甜品仲有puff，一人一粒岩岩好！餐包兩杯特飲，特飲d名都改得好靚，仲係粉紅色女生最愛，好似呢杯異國戀人，好夢幻！不過味道就偏甜。蝴蝶夫人都好解暑，甜左dd但都可接受。埋單每人二百三十蚊，野食環境都好正，值得再去！