小樽壽司屋 (已結業)

今日lunch去咗食呢一間小樽壽司， 入到去環境一般，以為係有心小店， 叫咗個小樽丼， 問心真係唔合理價錢，88元一小碗 四下食灑， 首先講下上面嘅魚生新鮮程度，6/10, 唔係太過新鮮， 仲有少少 變咗既味， 啲米絕對唔係日本米， 有啲似我屋企嘅飯。 等待時間唔算太耐15分鐘左右， 質量真係有待改善。 衛生環境不用置評。 總之一句講曬好嘢食可以搵呢間食， 如果有得揀真係唔會揀！ 不過小店應該之前希望以後會更加好🙏🏻🙏🏻

依間壽司屋係我好鍾意食嘅壽司店之一，因為店舖取材新鮮，老闆有佢嘅堅持，我知道老闆以前係酒店日本餐廳嘅廚師，好欣賞佢自己創業都有咁多嘅堅持。女子don係我每次嚟都一定要食嘅，左口魚邊勁爽口，火炙過魚脂香濃。海膽新鮮清甜、三文魚子粒粒彈牙、三文魚肥美、吞拿魚茸都好好味，配合牛油果，成碗飯都好飽肚，好滿左，都只係賣$128，感動❤️每次放學好攰，過嚟食一碗飯就會精神晒。一個係火炙三文魚、吞拿魚等等既飯，都係女子don最好味。另外食過鰻魚飯、烏冬、刺身拼盤、壽司拼盤，都係don飯最好味。

兩點幾係瑪嘉烈收工，未食Lunch好肚餓，拉埋男朋友黎食餐好既慰勞自己。天時熱~ 即刻想食壽司😌 見到美孚近A出口有間rating唔錯既壽司鋪，就拍板去食！見營業時間去到3:30😹 3:00先到既我都淆淆地驚無得食~ 不過又冇問題wor! 店鋪小小，裝修簡約，我諗比較適合2-4人黎用餐！男朋友嗌左個火炙魚生飯($88)，我就嗌左吞拿魚海膽卷($128) ，店主一人工作，不過都冇話要等好耐~ 價錢唔貴，但係絕無欺場！火炙魚生飯都有唔少塊刺身，刺身唔係平時食平價魚生會"un"既口感，而係有啲油脂入口即溶既口感。。。。。。飯又夠凍夠味，加埋本身未食lunch餓到爆😂 食落真係好幸福，好快就食曬╮(╯▽╰)╭連埋加$5既支裝茶，埋單唔洗加一$221~ 真心覺得係對得住呢個價錢呀！絕對係真心食評，冇收錢架😂

漬物絕不過咸，左酒一流。呑拿魚玉子沙律（$38）蟹籽沙律（$18）真係自己買材料都冇咁平，重點新鮮、即整、爽口多汁清甜脆。38蚊沙律裡的吞拿魚係完全吾鯹。帶子（$48）、赤貝刺身（$38）、活赤貝刺身（$68兩個）鮮甜吾鯹，呢個價錢吾知講乜好箱押海鰻（$85）、左口魚裙邊（$14）、象拔蚌（$10）、海膽（$28）、帶子壽司（$14）如果你係游壽司、瞞著爹擁躉，呢度壽司啱哂口味。炙過嘅刺身油香出哂嚟更加香。你係冇睇錯價錢。櫻花蝦味噌湯（$10）即煑，燙咀，當化學茶賣到30蚊排餐死，呢個湯10蚊冇理由吾飲。老闆兼大廚是前洲際酒店NOBU廚師，但我深信佢真身應該係做慈善的。今時今日響香港大把食成千銀都係難食到想掉筷子或食吾飽嘅日本菜，呢度真係茶餐廳價錢，正宗日本料理質素，由今日開始將會成為我嘅飯堂。

大約個多月前睇過一篇報道，美孚有一間壽司店由前酒店任職壽司師父開設。今日就一於慕名一試 ，整個小店只能容下約8位堂食客人。入店坐落睇餐牌期間，發現不時有當區居民入內外賣， 進食途中，八點未夠店主宣告所有食材沽清；店主為保障食材新鮮應該做了不少功夫。餐點主打壽司及魚生，食品選擇其實來來去去都係個幾類，所以揀咗個包羅萬有嘅特選小樽魚生丼，滿足一次過就試曬多項式食材。魚生丼份糧唔算多但整碗完全被甜蝦、蟹柳、帶子、三文魚、吞拿魚、海膽、玉子卷、魚籽、北極貝...等等食材鋪滿。每一口食材放於舌頭上均可嚐出新鮮及海鮮嘅鮮甜味道。 相信同一碗質素嘅丼如果喺一啲旺區起碼要一個雙倍價錢先至可以落樓。論新鮮美味程度，性價比真係贏曬。

呢間係小店來，入面d位好逼不過去食就要預咗冇環境，人地係主要做外賣的🌞飯入面魚生種類都幾多主要有：海膽甜蝦吞拿魚三文魚墨魚(呢啲基本要有既野來😂)三文魚子我超愛😍佢好好咬唔係舊貨浸清酒果隻仲係無變腥可惜唔夠多... 而個飯食落去中係暖暖地，呢個唔錯👍不過飯量就比較少食完真係啱啱好夠飽但配埋啲餸就差唔多.而d刺生好新鮮，🦐甜蝦亦都好新鮮特別係個海膽，唔會有陣公廁海膽苦澀腥味一百蚊樓下有咁多款魚生絕對係抵食

今晚又幫襯小樽壽司屋，今次揀堂食！我地叫左🍣，即製手握壽司拼盤（A) 都好豐富，魚生又新鮮！仲點左佢既皇牌—小樽屋壽司卷呢個卷好豐富，有蔥花吞拿魚腩海膽同埋三文魚！仲叫多一個丼 ，什錦魚生飯 （C) 魚生又係好豐富， 抵食又新鮮！我地兩次叫外賣都叫左成二三百蚊， 今次堂食抵好多$178左右喳， 因為外賣紙有d set係無既！同埋即製既源故，落左單都要等一段時間，外賣有時仲要等成半個鐘至九個字！咪好囉！證明多生意！支持小店哦！

星期的下午， 已經三點幾，唔知食乜。諗住食碗車仔麵。 點知就滿曬人，又排緊隊。好啦，轉下口味，隔離有間小樽壽司屋。横掂未食過，就試下！入面好細，得兩三張枱仔。拼湊起來， 坐埋都唔夠十個人，真係好細。 當時，只有一個男仔客人 ，手握壽司午餐有汽水送。我同我朋友分别叫了一個手握壽司午餐、 魚生飯。店長立即親手製作，約莫十分鐘，就上枱。個賣相做得其實真係幾好，魚生飯的魚生以55蚊來說，真的不能挑剔得太多，盡管魚生分量確實是少了點，飯就比較多，基本上可以吃得飽。 而手握壽司， 總算是ok吧 ！就是用紫菜捆綁的手握壽司，明顯預先製作， 這樣就真的要扣分了！！ 但係個麵豉湯熱辣辣我好鍾意 ！唔飲汽水就可以加一蚊，就有劉德華賣廣告的道地解綠茶一枝，算係唔錯！ 整體嚟講78蚊的壽司算是勉強合格， 還是下次可以再幫襯的，希望他下次可以做得更加好， 始終係街坊生意。

今晚同老公又吃外賣，揀左美孚新開既小樽壽司屋，塔緊車打去落定order, 落車就可以有得拎。我地今次唔叫🍣，叫左每人一個丼， 呢個係餐牌上無既，係新，唔就得叫咩， 入面有炙燒三文魚炙燒吞拿魚同埋炙燒油甘魚同埋蟹籽！ $88同埋叫左個辣味三文魚反卷，$28 有六小件， 不過食落唔覺有辣味喎。仲有一個丼，特選小樽屋魚生丼，$78。有好多款魚生呀仲好新鮮添，

第一次來食， 舖面好細， 今天店內得一名師父， 試左小樽魚生飯， 飯是熱的， 上面有啲飯素， 仲有魚生好新鮮， 尤其係海膽（食過好多間唔好食既都有陣膠味）， 另外蛋好滑，小店， 值得推介

又到今晚食乜餸晚既時段。。。。塔地鐵已經係open rice search定有咩食，原來美孚有間新野。。。。。🍣🍣🍣要試下了！搵到岩即刻打電話去order定，返到美孚就有得拎，剛好係幾新鮮既，不過都唔平，呢度加埋要$288。店內優惠，滿一百蚊有罐康師父柚子飲品送。🍹係影相前，有隻老鼠🐁已經偷食左幾粒有加州卷，鰻魚牛油果芝士卷同蔥花吞拿魚腩卷。店內有幾張凳，下次可以堂食呀！試佢個小樽屋壽司卷。

早幾次經過也是客滿，今日有空再來， 終於有位了。立即落單小樽名物， 壽司拼盤，沙律及壽司卷。 客人比較多，要等大約五至十分鐘。 壽司魚生非常新鮮，上了日本米做，入口十分美味。沙律非常大份 ， 新鮮沙律菜簡直就是一流。小店用心經營，我下次一定再來。

為左飯後食車輪餅小姐做甜品，專登search美孚有咩好食，結果車輪餅隔離舖既小樽壽司屋比我更大驚喜同滿足！小店只有八個十個位，見到有啲街坊會外賣。除左order紙，仲有牆上既時令菜式、店舖當日推介；堂食或外賣滿$100都會送一罐汽水。首先黎既係蟹籽沙律，大大碟都只係$18！青瓜絲同沙律菜上面有蟹籽同大量沙律醬，唔想肥可以叫老闆落少啲。日本海鰻箱押壽司 $78/8件 - 即叫即製，份量一啲都唔吝嗇影完相入口仍然係暖既，海鰻好滑又唔腥，加左沙律醬同少量蟹籽，飯入面仲有一粒粒玉子，唔係十分正宗，但心情幾差食完都一定開心番晒！特選小樽魚生丼 $78 - 飯係日本珍珠米，上面舖左海膽、吞拿魚、三文魚、油甘魚、牡丹蝦、北寄貝、八爪魚、三文魚魚子、帆立貝、左口魚邊、玉子，新鮮程度都唔錯，依個價位，值啦！小樽屋壽司卷 $68/6件 - 每件三文魚卷上有海膽同蔥粒吞拿魚腩茸，唔腥，仲要男友唔食吞拿魚比晒啲吞拿魚腩茸我散叫火灸左口魚邊壽司 $14、火灸三文魚腩壽司 $12、蟹籽壽司 $10 - 火灸左口魚邊好食過刺身，唔錯既，但未去到入口即溶。火灸三文魚腩如圖，燒到lone晒，焦味蓋過其他味道，全晚唯一敗

卷物幾特別，特選小樽屋刺身飯入面既刺身款色好多仲有海膽，壽司飯煮得好好味😋而且只係$78👍🏻火炙帶子配左汁料幾好味推介👍🏻仲有日本海鰻箱押壽司入面仲包左玉子大大份。

今日復活節假期第一天, 同姑姐姑丈及B仔行完山返黎屋企樓下晚飯。之前經過見佢鋪仔細細，但原來都好多選擇。首先黎個刺身好鮮甜足料😊個人最愛油甘魚，有D花瓣，好似好浪漫咁🌸🌸B仔最like小樽屋壽司卷一口氣食左三件，我自己獨享一個小樽魚生飯，平時公司附近食百幾蚊都無上咁豐富，飯量剛剛好，仲要留肚食其他。B仔食日本野必食蟹籽沙律，好大碟只係$18！我至愛的鰻魚飯，熱騰騰上好肥美，加上配菜好夾好豐富。最後追加個刺身，非常満足。原來可以whatapp落單，下次可叫定落黎攞好方便👍👍