小王牛肉麵 (已結業)

翻工放lunch經過試吓伏到痴線🤢嗰湯勁咸，啲麵完全係麵粉味😵‍💫叫咗個半筋半腩，啲筋un到完全咬唔到，啲腩少到得一兩啖肉🤏🏻得前菜算係正正常常😮‍💨成世人未食過咁伏嘅餐廳⋯⋯我不嬲都係會食晒所有叫咗嘅嘢，唔會浪費，但係呢間啲嘢係難食到我完全食唔晒，食咗半碗之後返到公司仲要另外買嘢食🙁如果你想試伏嘅話我唔會阻止你🤣從來未試過因為一間餐廳太難食，而要咁樣寫劣評，呢間係第一間，仲要專登寫到200字⋯⋯🤣

小王是來自台灣高雄的過江龍🐉曾奪得台北國際牛肉麪節雙料冠軍，2013年攻入本港，至今已近十年，更曾獲選為2014及15年米芝蓮推介食肆，是吃連鎖台灣菜的方便選擇，惜最近因疫情已經關剩東九龍的兩間分店🥲 .今天來到九龍灣分店，中午人流不少，比對面的泰菜館多人，稍等5分鐘就執好檯可以入座。餐牌包括了所有主流台灣菜📜首先有牛肉麵、麵線、熱拌麵、冷麵和滷肉飯等，跟餐還有前菜和餐飲，性價比不錯。 .首先送上的前菜是刀拍青瓜和胡麻醬粉皮，味道普通夠涼意，食完開開胃🥒 🍝台式炸醬拌麵 7/10有青瓜絲和惹味炸醬，麵底是用了粗麵條，未算太掛汁，如果用關廟麵可能會更好，炸醬的鹹度適中，拌麵不錯。 🐔古早味三杯雞 6.5/10一上檯就帶點鑊氣，味道方面配白飯剛剛好，雞肉的肉質不會太老，不過卻絕不是正宗的台灣做法，可能因應香港人口味有所調整，有點失望。 🐥一口鹽酥雞 7.5/10順便再點了一份台灣夜市名物鹽酥雞，即叫即炸，上菜時新鮮熱辣釋放出獨有的香料味。炸粉較厚但酥脆，雞肉味道正常，不會太乾身。 🧋珍珠奶茶 7/10 .🍸金桔鮮檸綠茶 7/10

“半筋半肉麵”($62)好耐之前食嘅小王牛肉麵🤣上op搵吓先知原來得返德福同荷里活2間叫咗呢碗menu推介嘅半筋半肉麵🐮湯底用上養生牛骨湯,配上粗麵成碗麵嘅味道偏為清淡牛肉有點少韌但牛筋就幾滑要讚一讚上枱速度夠哂快🤣趕時間/lunch嚟食就岩哂😆小王牛肉麵九龍灣偉業街33號德福廣場二期4樓410舖

又到午餐時候,德福商場好多等位食飯嘅人。我們又想食台灣麵食，於是就入咗呢一間好多分店嘅台灣麵食。我叫左台灣紅燒牛肉麵，最重要嘅牛肉麵湯底完全唔夠熱，真係有點失望，牛筋其實都幾滑但味道一般，加上服務員態度認真麻麻。（可能太忙嘅關係吧）落咗order之後送餐很快，趕時間或者午餐時段填飽個肚可以，但不過唔好期望太高，希望遲啲會改進一下。

放工時段6pm，速食左碗半筋半肉麵$68， 餐牌上印左店家推介👍。 份量方面，🍜麵正常，筋有三大嚿，但肉則2片，一片薄切，一片正常，👉👈菜得半棵。 味道方面，筋係軟淋👌，肉則偏淋，一咬即溶。湯頭，清清甜甜，吾重肉味。麵，可選粗幼，及軟硬度。哈🤪，乎食日式拉麵， 填紙仔， 要吾要蔥/蒜/芫茜。🍜cp值，吾太吸引😅。服務姐姐，手腳都快，但誠意欠奉，幸好不用加一。

諗住嚟食台灣嘢，點知唔係嘅。。叫咗個牛肉麵，點知得個死喊，仲要個湯唔熱嘅之後叫多個三杯雞，話咗要等15分鐘，諗住滿心歡喜但點知又係五月份唔熱，煙都無😨👶🏻最慘就係杯水果茶，明明係叫凍嘅但係冇冰嘅，同埋佢係用茶包囉🙄🙄真係唔建議再嚟呢一間。。好想俾個喊嘅，但要最少200字🙄🙄🙄

放工收早，去到遠少少食lunch去到的時候都接近兩點，好多人都已經食完lunch，所以唔洗等位就有得入座。叫左個半筋半肉牛肉麵+珍珠奶茶好快，佢就上左個奶茶比我，無錯係「奶茶」，係無珍珠既。。。我舉手查詢問：「我杯珍珠奶茶無珍珠咼」待應：「係呀，個個都叫，而家珍珠用曬，要再煮，落單果時無同你講咩？」我：「無呀」待應：「係呀，而家無珍珠呀，邊個同你落單架」我：「唔記得啦。。。」跟住待應就行走左。。。佢態度OK既，但一句唔好意思，或者問返一句洗唔洗幫你換過杯都無。。。其實佢個麵係OK的，但經過上面的事件之後，我都無乜心情食啦。。。總結： 食物質素OK，服務唔算差﹐但似乎唔識得好好處理問題囉。。。

同朋友到九龍灣見太久沒食台灣野便入來食，其他野都不過不失，但甘梅地瓜-唔知係咪去左買個新鮮才做，叫店員吹左3次，見佢又追廚房！但都成30分鐘才出，攪到咩心情都冇！以後唔駛再來！

去過好多次台灣，但係就未去過高雄，第一次食小王牛肉麵，叫左碗招牌半筋半肉湯麵，配小食鹵水旦半隻，同埋青瓜沙律🥗一件，雖然好細份分開上，可以當作餐前小吃。好鐘意佢嗰藥材湯底，好貴香，唔同平時出面食開啲台灣牛肉麵湯底，呢度啲牛筋夠淋入味又份量足、仲配埋大大杯金桔鮮檸綠茶，正😊😋🤭😊👍👍👍👍牛腱牛肚絲冷麵⋯⋯麻辣😊👍熱珍珠奶茶👍👍如果有機會去高雄試吓始創店原味道系咪一高水準😜😊

酸辣湯都幾足料，荀、肉絲、硬豆腐同木耳都有，仲有蛋花。可美中不足：1、加太多胡椒粉，加胡椒粉個湯係會香啲但過量變左有苦味。2、雲吞有兩粒，入面係豬肉。同湯入面既肉絲有同一個問題，豬肉煮之前處理得麻麻，有豬臊味，唔係少少臊，係好大味下。3、麵煮唔夠，呢隻闊麵唔太會吸湯，而家食落偏硬，可以煮淋少少。未加一$46下午茶有杯珍奶不過不失。雖然食碗野都旨在啲雲吞（本人中意食酸辣麵多啲），但個雲吞個餡真係搞唔掂，希望可以搞搞佢。同埋唔好咁重手加白胡椒粉，可惜囉，其實個湯幾好。

唔係第一次食小王牛肉麵，今日係九龍灣揾野食，又唔想排隊，呢間有位就入左去試左一碗沙茶牛肉撈麵，其實有少少似茶餐廳既沙嗲牛面，不過轉左做粗既麵條，牛肉似正常有醃過既口感，啲麵撈埋汁食口感好似食緊濕炒河咁，個人唔覺得似台灣茶，不過唔算太差第二個主茶係豬扒麵，豬扒幾大塊，咬落脆口，出面層粉唔算太厚，我會比合格，不過麵就係普通水煮麵咁，完全無味，如果轉湯要成$15，最後無轉到炸花枝丸個人覺得唔合格，食落口感係食粉咁總結，唔好期望太高，不過如果想普普通通食啲野都可以試下

【 令人回味的滷水拼盤 】 🌈同朋友係九龍灣德福廣場行街睇戲，到咗晚飯時間就去揾餐廳食飯，同行的兩個小朋友都話想食麵，咁我地就選擇左2期4樓的「小王牛肉麵」，餐廳員工好有禮貌，會主動問我哋需唔需要碗和叉俾小朋友用。🥬我就點了一碗排骨高麗菜湯麵，湯底清甜，排骨好大塊，肉質好林，小朋友好鍾意食。🍗朋友的台式滷肉鹽酥雞扒飯都非常好味，鹽酥雞扒炸得啱啱好，外脆內軟，肉質仲可以保持多汁。🧆講到最驚喜的就係碟「高雄滷水拼盤」，份量超多，有牛展，雞翼，滷水蛋，豬耳，大腸和豆腐，全部都好入味，令人食完想再食！🥤最後飲番杯古早冬瓜茶，一解油膩的感覺，完美！

半筋半肉麵味道中規中矩，牛筋幾滑，入口即化。麵口感勁道，下午茶份量會少d。算係本店舖嘅可試選項。焦糖雞蛋布丁🍮 味道蠻正宗，雞蛋布丁滑滑嘅，焦糖甜味適中，唔會讓人失望。hmmmm....蚵仔花枝丸麵線真係太讓人失望。口感就像邊食麵線邊飲水咁。湯味完全就係普通水味、麵線有自己嘅味道、花枝丸又有獨立嘅味道，總之味道太分散，唔知自己食緊乜。雞軟骨其實味道唔差，但可能因為係下午茶，送黎嘅食物好似再落油翻熱咁，炸過火。唔新鮮。珍珠奶茶的茶味濃郁，蠻正。

呢間其實如果只係計野食就普普通通，如果要再食都冇問題，但如果講到服務質素，咁就不了，如果唔係心情好都會俾佢搞到燥晒底。首先一去到，已經過咗兩點，但餐牌仲未show出嚟，所以就想問吓職員有冇下午茶餐。個侍應姐姐就話：「而家好忙，我地午餐都做唔切，我問吓廚房先啦。」呢個回應已經搞到我同友人覺得古古怪怪，但因為有少少趕時間，所以都入咗去坐，諗住冇下午茶就照食午餐啦。坐到入去，問咗另一位職員，係有下午茶餐牌。餐牌係過咗膠嘅，可以用蠟筆寫完再擦，都幾環保。但為咗避免漏單嘅情況出現，本人通常都會同侍應覆一次單，但個侍應姐姐就話：「唔使㗎喇！你圈左就得㗎啦！」跟住開始就黎料啦，由個侍應俾返張電子單我地開始，佢就開始將任何野都pat落我哋張枱度，包括啲飯、餐碟、飲管都係pat落張枱，不過都好彩杯嘢飲係擺落嚟嘅😅跟住落黎終於可以講野食。我嗌咗下午茶餐嘅台式滷肉大排飯，啲肉有小小筋，都幾有口感，份量係下午茶份量黎講都算幾多飯，如果滷肉多啲就更好啦。飲品係送嘅，有得配呢種普通餐廳嘅特飲都唔洗加錢，所以都算幾抵。仲要如果嗌珍珠奶茶，大食嘅都一定夠飽！但建議唔好嗌珍珠奶茶，奶茶偏甜，啲珍珠好硬，完全冇咬口。同埋

叫咗個牛肉麵：1） 牛筋未熟2）有幾條眉毛嘅物體環境：1）一嚟張凳仲係濕，唔知油定係啱啱買完張凳2）冇紙巾俾客用，完全冇Fill3）逼夾杯珍珠奶茶。。。：1）珍珠完全糖水浸出嚟2）叫咗少甜都好甜3）一飲就知奶精服務。。。。。。。我去茶餐廳仲好，啲呀姐大聲到......一個字：嘈