小王牛肉麵

营业中

休息中

下午茶時間，嚟到小王牛肉麵。我最鐘意食佢嘅半筋半肉麵。佢嘅麵質好係咬口，牛筋又大大舊（雖然唔算好多舊）但大舊肉及大舊牛筋，下午茶嚟講，個分量都ok。而且佢個湯，好有藥材味，可能我鐘意食濃味，所以我好喜歡😍。另外，台式滷肉鹽酥雞飯都好味。佢嘅滷肉唔係肉碎，係有一小片一小片嘅滷肉。鹽酥雞好入味。最正嘅係，下午茶時段，每份係$49，包嘢飲，我仲飲咗杯珍珠奶茶。而兩個餐嘅份量，都冇因為下午茶而少咗。我估分量同午餐一樣。所以，喺食下午茶嘅角度嚟講，我覺得係抵食嘅。

今日偶然出到荷里活廣場，見到呢間餐廳好似幾吸引就入咗去試，點知簡直伏到一個點，首先入到去完全冇招呼，叫極都冇人理你，店員淨係喺度玩，點咗幾個菜式都完全唔掂高雄滷水拼盤 $69呢個滷水拼盤完全冇乜味，而且餸菜比較少，基本上有一半都係豆乾，完全唔抵食牛肉餡餅 $33呢個餡餅嘅外皮好厚身，裏面舊肉非常之細，而且非常乾，味道麻麻哋半筋半肉麵 $62呢個面我本身叫厚麵，點知上枱嘅時候先發現佢俾咗幼麵我，我同店員反映，處理咗一輪佢同我講廚房賣晒厚麵，其實本身賣晒唔係一個問題，個問題係你係咪應該同我講返俾我選擇第二款而唔係自行幫我決定，同埋我發現我埋單嘅時候隔籬枱啱啱上菜係有厚麵嘅，呢樣係最唔滿意嘅一個位！本身個麵嘅湯底比較濃烈，如果本身想食淡啲呢個就唔係咁適合你沙茶牛肉拌麵 $55呢個拌麵嘅汁都係比較濃烈，係老人家話要食嘅，後來發現嗰碟邊原來係崩咗，咁樣根本唔應該比客人用，因為好容易整親，呢樣嘢比較不能接受洛神花山楂茶 $21呢杯嘢飲相對上比較淡，可以話係冇乜味特濃薄荷朱古力 $28杯嘢飲完全冇薄荷味，基本上得可可粉嘅味道，咁都算啦，呢杯野我叫凍飲但係嚟到係暖嘅，我叫店員提供多啲冰俾我，居然等咗1

原汁牛肉麵$58，以為粗麵唔好食不過掛左濃濃牛骨湯反而覺得唔錯養生牛骨湯無藥材味，太過濃….咸到苦😖半筋半肉麵$62，價錢俾多少少有筋有肉可以一次過滿足晒我，不太喜歡吃肉太膩幼麵配濃湯，真係好鬼咸😣鹽酥雞扒酸菜湯麵$62⋯⋯酸茶清湯+小小辣醬非常好味😋鹽酥雞扒香脆可口👍🏻荔枝肉露$22⋯⋯解渴好飲，飲品唔算太抵🤨胚芽珍珠奶茶🧋$23⋯⋯胚芽有啲「益」味店長稱此味道是正常，我不懂😕最後換一杯沒有胚芽之珍珠奶茶可以簡化點餐程序，掃QR code較環保♻️離開店舖先見到，下次再買

這間台灣麵店之前都曾經試過 但因為屋企附近開咗分店後 就唔會再有特登去光顧嘅心態 幾年前屋企附近都執笠 所以差唔多都忘掉了這間台灣麵店 這間麵店多年前曾經有米之蓮加持 所以四圍都有分店 現在已經步入只餘數間嘅階段了不過應該無人會可惜 今次點咗一個麵線 一個豬扒湯麵 一個炸豆腐 最後還補點了一個欖菜肉鬆四季豆 都算滿意和滿足 麵線價錢比其他台灣食店都貴 朋友說滿意 因為份量都好足夠 豬扒和麵分開上桌 所以唔影響口感 我就點了麵線 今次點的蠔仔麵線 蠔仔真係勁多 價錢都係唔平 味道唔太出 好淡都係台灣本土最好味還有那個炸豆腐 其實都有點失望 因為沒有任何後加味道 我本來以為會有點椒鹽粉 好似炸花技丸一樣 但都有個大優點 就是即炸嘅好熱口辣口最後都係發覺唔係太滿足 所以點了欖菜肉鬆四季豆 開始時都好驚份量太大會食唔晒 但其實兩個人一定夠食 份量唔太大 欖菜太鹹 雖然都係熱辣辣 飲品要單點 份量真係好孤寒 未有跟餐特價 要加任何配料都要加錢 食後感：好失望 曾經米之蓮推介餐廳都只是普通服務 普通材料 應該唔會再去 因為類似餐廳太多

This branch at Hollywood Plaza at Diamond Hill is very spacious, particularly under Covid-19. Haven’t visited this Taiwanese noodles shop for quite some time and luckily they can still maintain their food quality. I particularly love the beef soup base of the noodles. I would always finish drinking the soup. The prickles are a must as it really helps enhance the taste of the noodles. The dumplings are of the standard and I really love the fried sweet potatoes with plum powder!Also, the waitresse

疫情下，小心謹慎選擇食店，感覺商場是較佳選擇，配套設施足，去鑽石山荷里活商場，行了一圈，最終選擇了這間小王牛肉麵，原因是卡位多，空間感足不壓迫，座位乾淨衞生無污積，用筆剔選了2個午餐交店員，店員很有禮貌，選了一個花枝冷麵配凍檸茶，另一個蠔仔泡飯配珍珠奶茶，冷麵非常惹味，如果你胃口不佳，吃這個是非常不錯，還有2小碟冷盤，另一個蠔仔泡飯很多配料，蠔仔大大隻，味道好，非常滿足，2個午餐共$124元，經濟實惠，不錯的選擇。

湊巧午飯時間經過鑽石山荷里活廣場，看水牌見到有間牛肉麵，之前未食過就去試試。坐低叫了半筋半肉麵配小食和豆漿，服務員態度和上菜速度也不錯。先講碗麵，賣相幾好，但得兩舊筋一舊牛肉真係幾孤寒😅，牛肉燉得很軟糯很入味，兩條牛筋一粗一幼剛好有兩種口感，幼的入口溶很粘口，粗的還有小小咬口。湯底不像台灣那些紅燒牛肉麵有很重的牛味，它是帶藥材味及淡淡的肉味，比較像肉骨茶，小編頗為欣賞，可惜的是店家沒配上咁夾的麵，湯該配幼麵，幼麵才可沾多點湯，店家用了成本較低的寬條白麵讓整件事大打折扣，寬條麵應配比較糊的汁或醬才對呀。有驚喜的是跟餐的小食，豇豆有蒜香油香，花生夠脆，讚👍🏻。珍惜奶茶飲到淡淡茶香和奶香，唔似出面啲乜乜堂得個死甜都飲不出其他味。總結: 希望店家唔好慳嗰小小，比多舊肉人食同可以比人揀幼麵啦，不景個午餐都60多元，你唔孤寒其實好高分。

今日去左鑽石山間分店食左個午飯, 食物味道麻麻地, 無味, 得個名吸引人黎食...... 早知睇左食評先......食物, 員工都差!食飯叫了杯飲品, 就快食完都未送上,  見到窗口有杯沖好既飲品就問職員, 仲未有野飲?有幾個職員冇野做但聽到都扮聽唔到, 掛住傾計, 特別係收銀員, 佢路過問佢野聽到又望住你但唔出聲, 之後就行開, 超無禮貌!! 因為杯野係放係收銀旁邊炸! 之後旁邊有個職員準備收桌就問佢, 食完曬飯都未有野飲, 出左杯野飲都冇人送黎?  又係聽完唔理人。最後先有人送杯野飲過黎, 問點解沖好左咁耐都冇上送過黎? 而家唔要杯野飲啦, 個職員講左句唔好意思就走, 叫佢拎走, 又係唔應人唔睬人。成間鋪管理都好有問題!!! 好似無皇管咁

食咗呢間好多次，一直都無寫呢間食評，因為每次嚟都有特別嘢，起起伏伏好壞參半，有時漏單、無落單、想食嘅賣晒又有。味道隔一牌又轉左，試過用集團式apps外賣到屋企仲差，我建議真係唔好用集團式apps外賣，試過幾次都賴嘢，我甚少咁樣講。講返堂食，除去頭先講嗰啲甩漏，食品係得嘅。先講牛肉麵，湯底有好香嘅牛湯同藥材味，雖然無喺台灣食嘅咁重，但係香港食已經有風味，湯溫略嫌唔夠熱。而麵質略嫌靭咗少少，或者淥多少少時間可以好啲。牛肉同埋牛筋都算淋，但未夠入味。整體來說，成碗牛肉麵已經喺平均之上。紅油抄手略嫌唔夠鹹同辣，而且雲吞好似中間有啲未夠熱，不過由於此餸時好時壞，今次就差少少。呢個小食薯仔絲包蝦餃，外面薯仔絲冇乜味，建議點醬或者落淮鹽食。蠔仔餅就中間先有蠔仔，而且小弟食後第二日肚仔有啲嘢，所以腸胃薄弱既人就要諗諗。呢個炒米粉唔錯，係多油少少。估計炒之前佢用油撈過啲粉，所以每一條粉都唔會黐埋。值得一讚就是個水果飲品，水果新鮮料又多，大家可以一試。值得一提，該店店長/經理/老闆就好有禮貌，希望過多一牌仲保持到啦。

小王很多人, 平常我會等下午茶尾段時間入去. 我點了一杯地瓜拿鐵，$20，好靚啊~~迷人淡紫色配上修長的玻璃杯，配上濃厚綿密的忌廉，賣相100分。入口順滑，充滿蕃薯香氣和甜美。滷鴨舌，滷水味道不濃烈，鴨舌有台灣水準。主角牛筋幼麵。牛筋很淋很膠質，麵條煙靱，湯底不太濃鹹, 有水準。

等左成朝，先話沒有鹹豆漿，再等半粒鐘，隔離枱遲過我入店已經食到一半，我連第一杯飲品都未到，什麼食物未到，飢餓到肚發聲。即走。有時間慢慢等的話可以帶套本金庸小說入去。

非常之难食。。后悔进来食。点两个面。炸酱面。同牛肉面。。难食到家。。。简直面好似没煮熟。。无味。。。面汤只有鼓油味。。无一滴滴牛肉味。。。。 真系第一次食这么差的牛肉面。。 自己屋企随便一个杯面都好食过小王牛肉面一百倍。。。。应该食之前睇下网上点评。。。。食完之后再睇。。。明白原来在openrice哭多过笑的点评。。。。应该睇下点评再入来。。。。 后悔死了。。。 难吃到家。。。 下次千万不要再来这家吃。。。非常非常非常难吃!

2個人星期日晚上7:00去到小王牛肉麵，排左大約5-10分鐘已經有位，比預期中快。入到去見到杯珍珠奶茶個杯幾靚，嗌左杯黎試下，由於唔係幾好甜，所以叫左微糖，唔錯唔錯，唔會太甜又唔會太淡，味道岩岩好，不過就略為細杯左dd。主食我地叫左台式滷肉油炸大排飯同沙茶牛肉拌麵，黎到先知原來炸大排唔係炸排骨，原來係炸豬排xdd (好啦係我孤陋寡聞啫，應該係台灣叫法唔同) 。沙茶牛肉拌麵d牛肉有d似沙爹牛肉，個麵質幾好，幾彈牙！！最後少驚喜係埋單時見到堂食用銀聯信用卡埋單有9折，實測過真係有，如果去食記得用銀聯信用卡呀。

入呢間嘢之前，我哋有問仲有冇早餐，店內的四眼男人職員話有早餐，我哋被佢帶入了餐廳裏坐下。坐下的四分鐘內，我哋叫左3次攞餐牌，果個四眼男每次回應我得，第4次叫攞餐牌，收銀果個話無早餐，男職員仲冇唔好意思之下同我哋講無早餐，但係餐單紙都唔俾我哋……最後令到我們冇心情。服務勁差，工作無次序，下次不再去。

今日去食牛肉麵，剛坐低已心知不妙，我快手落完單之後，想靜候美食，點知先來的食客已經追單😨有D就比落錯單，我見有D食客等得太耐，不耐煩走了。當中有位白衣女侍應，把聲太吵，令人心煩，像街市買菜一樣。侍應們都似新人，問佢牛三寶有什麼，佢話不知，可能有魚旦😨。送飲品侍應，將一盆飲品放在我桌面，問其中一杯是否是我😨我問返佢果杯是什麼😨 。人開始有點多，白衣女侍應(吵)叫其他侍應不要再給客人進入，但其他侍應又照給人進入。完全沒有溝通。