小甜谷 Dessert Kaffee (已結業)

今日晨咁早要出老銅，當然要吃個brunch加強氣力。上次來小甜谷是剛新不久，時光飛逝，轉眼兩年。（之前的小甜谷食評請按此） 剛開門的小甜谷，没什麼人，可以隨便揀位坐。 Lunch set$100~140，好像跟散叫差不多，價錢比想像高。 要tag 5個朋友才有95折。咁高難度，我還是不要了⋯⋯ 粟米湯 加$10的是日餐湯。質地夠「杰」，味道如金寶罐頭湯，不creamy、粟米味不明顯。 柚子單骨雞翼 另加$25的單骨雞翼，有焦糖及柚子味可選。雖然賣相一般，但味道不錯。 雞翼炸得香脆，肉質不乾。柚子醬甜度適中，與雞翼很配合。 大蝦蟹膏意大利粉 $98 意粉分量不算多，口感偏軟又不夠彈牙。大蝦不夠爽口，有點失望⋯⋯ 還好蟹膏醬夠濃郁、惹味，為意粉挽回不少分數。 來到小甜谷，又豈能不吃甜品？ 跟lunch加$28可在Q Dessert Bar A選三件，抵食～ 一碟三件，雖不搭調，但夠份量。雪耳燉木瓜差不多regular size，抵食之選。 Emmm... 匙羹圍了黑邊，也許是時候換批新餐具了。 雪耳燉木瓜 木瓜雪耳甜度剛好，糖水夠濃厚，木瓜份量也不少。 法式梳乎蛋多士 最喜歡的

小甜谷一路以為剩係食甜野，原來而家係有好熟野食，今日經過就食午餐。跟餐可以叫冰果茶，甜甜地既茶有d 蜜糖味，裏邊仲有好多水果粒，感覺都幾fresh, 幾滋潤。大蝦蟹膏意粉係我最喜愛的，賣相吸引。蝦肉爽口彈牙，意粉醬汁酸酸地之餘有淡淡蟹膏味道，伴上蟹肉，車厘茄，正啊！勁開胃。另外叫左個burger, 牛肉無咩牛味同埋好乾身，比較失望。不過薯條唔錯，粗身勁多薯肉，配埋個黑松露醬一讚。食物整體唔錯，價錢相宜，環境坐得舒服，下次帶家母黎試下先。

呢度既黑松露溫泉蛋卡邦尼意粉同以往喺其他店食過既有啲唔同，個汁配埋黑松露幾香，好creamy，仲有芝士既香, 溫泉蛋既蛋黃亦好香，撈埋食更加正~食到最後都唔會覺得膩，本身唔中意白汁同忌廉類既意粉，因為覺得好膩，但呢個意粉真係令我刮目相看呀~係絕對會想再encore既意粉！贈送既飲品就好一般，自家制水果茶味道非常淡，甜度還可加$28就可揀三樣甜品，選擇較少，主要是抹茶類和中式甜品，我揀咗抹茶芝士蛋糕，抹茶軟雪糕同埋抹茶蛋卷，當中以抹茶軟雪糕較出色，拍得上抹茶專門店既雪糕，抹茶芝士蛋糕較重芝士味，質感較實 我個人唔中意咁既配搭，抹茶蛋卷既質素當然比不上專門店了，cream唔夠soft, 蛋糕唔夠鬆軟。。。有lunch menu 同 aftertea menu, 同樣都有卡邦尼意粉，贈飲同加配甜品優惠，但意粉價錢相差廿幾蚊，份量就唔知係咪一樣~

銅鑼灣返工嘅我成日都會係小甜谷食午餐，九龍區朋友一場來到話想食，當然要奉陪啦！平時午餐都冇乜留意主餐牌，今次先知道原來有咁多選擇。淨係套餐都有好多選擇，見到龍蝦二人combo都只係＄298，一於試下。凱薩沙律同平時的凱薩沙律一樣，沙律菜配炸煙肉和香脆麵包，份量十足！龍蝦可選原隻龍蝦尾和黑松露薯條配和牛漢堡扒或豬仔骨，而我地就揀左和牛漢堡。龍蝦尾舖滿芝士，芝士控朋友睇到眼都發光。龍蝦肉質彈牙又鮮味，帶點燒烤香味，超想添食。和牛漢堡扒外層香口，內裡肉質軟又多汁，而且牛味濃郁。但個人比較喜歡原汁原味，燒汁雖然好味但略微搶了和牛風頭！薯條配上我最喜愛的黑松露醬，而且餐廳用料絕不手軟，食到停唔到口。北海道軟殻蟹忌廉蟹肉意粉濃厚的忌廉汁混合了蟹籽，每一啖咬落都有脆卜卜的蟹籽爆開，令意粉增添口感。原隻炸軟殻蟹炸得香脆可口，非常惹味！見到小甜谷新推介抹茶甜品當然要試下！宇治抹茶白玉新地軟雪糕口感軟滑，抹茶味濃，抹茶jelly好滑而且有香濃茶味。我最愛的白玉有三個顏色，賣相吸引可惜不夠煙韌。總括食物和服務也不錯，用料十足，價錢合理。店員也會主動更換餐具，值得一讚！

銅鑼灣小甜谷~~我相信在HK住的朋友應該都聽過，也有可能曾經光臨！之前經過，被外面吸引了！所以一直都好想一試~~這次有機會了！ 其實餐牌選擇很多，我和朋友原本想叫意粉等，但原來夜一點就只會有甜品！ 掙扎了很久，最後放棄了平時最綠茶心太軟，選了不多地多有的焙茶心太軟和梳乎蛋多士！焙茶心太軟~~培茶味很香！！個餅底很好味~~而且甜味可以。有時我就是很怕太甜~~~ 這個難得地配合了綠茶雪糕~~一邊甜，一邊甘！ 這個感覺不錯！ 梳乎蛋多士 。事實上，我對梳乎里沒有統一的要求。只是，這個梳乎蛋多士真的很好味！蛋香配合梳乎里，不會令梳乎里太單調。而且不太軟身，是難得有口感梳乎里！ 甜品來說，這裡的確是偏貴！但我認為味道可以補償一切！ 

跟朋友食飯, 我負責搵餐廳, 佢地的要求係1. 港島區 2. 坐得舒服 3.費用每人$250內, 跟住呢三個要求,就SEARCH 到小甜谷, 再係OPENRICE 度訂枱, 再多一個10% OFF三個人點了一個LOBSTER COMBO 先先來一個凱撒沙律, 沒有什麼特別, 都OK LA主菜: 龍蝦跟圖都有頗大出入(哈哈哈, 都預咗), 和牛漢堡扒跟黑松露薯條好好食, 食到停唔到口呀68度溫泉蛋黑松露卡邦尼意大利粉----有點兒干.呢個菠蘿汁堅正呀, 拎晒D 菠蘿肉出黎打到變沙冰咁......生果茶.....但係我個菠蘿汁真係贏晒WAFFLE 當PIZZA, 感覺上唔係幾MATCH, 當試新野.可建議不加芝士.

遇到好同事是難得，能與同事變成好朋友更難能可貴，在上一份工作能與兩位同事做到好朋友，互相分享彼此間的生活，遇到的困難，真的很感恩，難得夾到日子，便選個適合姐妹相聚的地方聊聊天，最後決定來到這裡。進到餐廳後，感覺有點小失望，因為環境沒有我想像中的寬闊，而且安排給我們的座位近門口，侍應們亦急忙安置好我們，故我們亦沒有再要求調位，再看看食物質素吧!由於我中午餐吃太飽，故最後只點了兩份下午茶甜品，想不到5點45分以前都有set叫，$58包含一杯飲品，價錢算是合理。先來的是北海道牛乳燉蛋白($58)。 用上北海道牛奶，牛乳味香濃突出，甜度適中，略嫌口感不夠滑溜，如再熱一點點更好，但可以一試。然後是焙茶心太軟($58)。朱古力心太軟經常吃，焙茶口味第一次吃，卻相當有驚喜! 蛋糕外層微脆，口感綿密結實，焙茶味相當突出，不會因朱古力味而被淹沒，流心效果佳，口感順滑，不會過甜，最重要的是上桌時仍是熱烘烘的，絕對值得一試!滿足的甜品，窩心的對話，成就愉快的一晚。

食完泰國菜唔太飽，又跑去食甜品滿足下自己的慾望。入到店已被卡通動物裝潢吸引着，很可愛！連帶餐牌與裝潢很一致，別有用心，大愛。😍綠茶芭菲/焙茶芭菲 $68綠茶味很濃，但可惜有很強烈的苦澀味，連一向喜歡綠茶的我都不太接受到！相對焙茶很不錯，很香茶味。3.6牛乳蛋白 $45蛋白很滑，很濃牛奶味，不過上枱時溫度暖暖的，很快變凍了，如果可以更熱會加更好。總體來說價格比較貴，不過這裡是銅鑼灣，貴租相對食物價錢貴是無可厚非，但如果食物質素可以再提升就物超所值。

今日中秋傳統中菜一定勁多人所以選左呢間入去真係訂位都唔使點左雞肉waffle pizza，雜菌意粉，韓式BBQ pork rib 加甜品係Green Tea Dessert Set貪佢咩都有d, 可以一次過試曬d Green Tea DessertWaffle pizza: 有新鮮感同驚喜，因為平時阿媽食開傳統pizza, 話呢個好surprise 因為waffle 唔一定係甜既，加芝士原來都可以好好味，仲有得拉絲Tim 雜菌意粉: 用左flat noodle, 可以闊身d之餘absorb 多d 汁，因為其實呢個意粉基本上係餐廳standard menu, 汁係成個dish既重點，畢過呢個汁比較淡，而且份量少，整體只算合格韓式BBQ Rib :有d 失望，因為加太多香料孜然粉, 而且骨同肉黏一齊所以切好用力先至分得開，味道也係一般，唔係好sure 何謂韓式咖哩，因為d 粉完全蓋過其他味，而且肉質好乾Green Tea Dessert Set: 有抹茶捲蛋，抺茶雪糕，抹茶cheesecake ，抹茶心太軟，有d 日本菓子心太軟係重點，基本上係成個set 最好既，真係有流心之餘一定要熱食,

Definitely queue in advance as this place is busy! I went at night and some of the fruits were already sold out. Nonetheless the items I ordered were tasty, particular the matcha combo plate. Portions are not small and but not the cheapest. This is a great hang out spot as well!

是日朋友生日想搵間有甜品又有main courese的餐廳食所以就黎左小甜谷我地main course 叫左burger同黑松露寬條麵先講burger 份量十分充我地要7成熟牛肉十分juicy 入面有勁多牛油果醬配以芝士 蕃茄 菜十分豐富味道不錯仲有一堆粗薯條 配以黑松露醬 同 茄汁（好多黑松露比你點 重本😂）另外寬條麵好正好正好正因為真係好香好creamy 勁推！另外我地仲加左10蚊沙律30蚊的蒜蓉包好香 又唔會好硬值得加錢試試另外又叫左三款甜品（係 desert bar A個menu中揀三樣）我地就揀左 蛋多士 抹茶紅豆蛋糕 抹茶窩夫但desserts 麻麻失望三樣甜品都真係普通唔夠香 口感不是太驚人但整體黎講性價比不錯而且環境ok岩影相 打打卡咁Staff都幾好人會再黎食！

同朋友食完晚飯之後 嚟咗小甜谷食甜品 ，今晚好好彩居然去到已經有位 。入到去第一個感覺就係覺得裝修 好花心機 ，有好靚嘅畫 ，令人感覺好舒服 。由於食嘅時候仍然係夏天 冷氣充足， 10分舒服。 食物方面我哋叫咗三個甜品， 士多啤梨芒果p雪糕窩夫，窩夫底好香脆， 非常好食， 芒果都幾鮮甜 ，值得推介👍👍👍另外叫咗個紅豆綠茶雪糕窩夫 ，略嫌綠茶有點輕微嘅苦澀味 。另外再叫咗個心太軟 ， 又係好值得推介， 濃濃嘅朱古力喺蛋糕流出嚟嗰種感覺 ， 而家回味都覺得好想再食，流晒口水！ 每款甜品其實都差唔多要100元 ，價錢唔算平 ，但係份量都適中， 朋友話佢啲意粉都好好食，下次有機會會再嚟食！但係次次見到咁長條隊都有啲嚇怕咗， 呢間都係一間值得推介，用心經營嘅餐廳 ，唔會只係用明星作招來，值得支持！

放工整完指甲，因為夜肚餓星期五銅鑼灣周圍都要排隊，見斜對面呢間小甜谷唔洗排隊、又有鹹嘢食，就即刻走入去我同朋友兩個女仔叫咗一個意粉同牛扒share味道好，但份量實在太太太太少，所以我地有quota叫甜品卡邦尼意粉味道正常、無好膩，意粉勝在煙un煮得岩岩好份量超級少無乜牛味，個汁都一般，但薯條好味！始終小甜谷係食甜品嘅，梳乎厘多士一定要試！麵包好香牛油味！好鬆軟！好似食梳乎厘咁！好有幸福感個拖肥醬都好好味！Surprised！美中不足係個朱古力雪糕！襯雲尼拿應該好好多～

食物味道不錯，但女店員服務態度真的是不知所謂。晚市時間，兩個人叫左3碟食物，兩杯飲品。剛食完一碟，另外兩碟仲有大半碟食物未食完，飲品又未飲，其中一位女店員就已經走尼問「仲要唔要？」，當下呆一呆，答返未食完，然後覺得好奇怪，順勢望一望門口，冇人排隊。隔冇耐第二位女店員又走尼話收碟，前前後後問左3次。當用叉一拮起最後一條薯條，都未放入口，女店員就立即衝過尼，問都唔問就執枱，其間仲一手扯起我的頭髮，場面十分尷尬。明白店家想做多幾轉生意，但唔洗咁趕客法吓嘛😰俾幾百蚊食餐飯，食到趕頭趕命咁，食澳牛都冇咁令人汗顏，唔會再幫襯。

食完泰國菜後，可能友人都覺得麻麻，所以就提議食甜品啦🙈點知今次我地都揀左間貴...餐廳，一打開餐牌無野吸引，本身都有被open rice有張相吸引想試ge，但睇到個價錢係$168就唔太想食，我淨係叫左杯野飲🙈其餘就叫左洛神花茶、紫糯米同窩夫杯野飲其實就係水果茶🙈唔太特別，反而窩夫都係可接受ge，個紫糯米食少少就可以，多就唔好啦🙈整體我係唔會試第二次，因為食過有間窩夫真心好食ge如果同果間相比就差左d啦🤦🏻‍♀️