小籠家族 (已結業)

今日同朋友在旺角遊蕩，行到攰攰地，肚又空空地，於是開始覓食。本身係唸住求其係food court食啲嘢算啦，但係都揀唔到想食嘅。於是就search下附近有咩食，朋友話想食上海菜，於是我地就揀咗呢間位於上海街裡的上海菜。我地都非常佩服於它的選址，真係好有心思！餐廳環境好摩登，室內光線充足，設計簡潔，好有線條感。可能因為我們比較遲先去到，大約下午兩點到，唔洗等位就可以入座。入座後侍應會倒一杯蕎麥茶，味道清香。睇MENU都幾多選擇，既然係食上海菜，一定要試下小籠包啦！叫咗四隻家族小籠包，上海粗炒，乾煸四季豆，同水煮牛肉。小籠包唔錯，皮薄，湯汁濃郁清甜，夠熱。上海粗炒分量都幾多，菜也擺得多，調味適中，面的硬度也剛剛好。搭配四季豆和水煮牛肉一齊食好正！乾煸四季豆，好香口。水煮牛肉，呢道菜真係好耐無食啦，以前真係好沉迷呢道菜。水煮牛肉應該算係一道川菜嚟嘅。估唔到係上海菜餐廳都食到，不過明顯和四川的煮法不一樣。不過還是一樣的麻辣鮮香！牛肉都煮得幾好，幾滑嫩。環境，食物，服務都唔錯，價錢也相宜。值得一試！

是咁的早幾日因為係官涌球場有場激烈既死鬥，我哋一行四人就去咗食附近呢間上海嘢！先黎兩個前菜，烤麩同雞絲粉皮！烤麩食落去冇乜特別！但係個雞絲粉皮個花生醬，非常濃厚！可能因為本人好鍾意花生醬！四季豆非常香口夠鑊氣，非常適合送飯！呢個湯煮年糕，之前食嗰啲上海野成個都冇乜味！呢個餸年糕並不是重點，佢個湯勁好飲，入面仲加咗金華火腿添食上海野，點少得食小籠包，呢個小籠包皮薄餡靚又多汁！呢個炒飯就略嫌鹹咗少少！

小籠家族由於價錢親民，所以平日都有吾少人光顧，假日系一定要等位。店內裝修極具中國風，木枱木凳加上中國風音樂，上班族午餐時間過黎可以減下壓。特別細心系有張長椅俾你外賣等候時坐下。我今次系午飯時間黎光顧既，12:00入座，人流未多，所以可以慢慢享受。
午餐算抵吃，麵加小食只系$58。担担麵同春卷熱度OK的，如果喜歡辣要叫佢加辣呀，呢個價錢算系OK。芝麻胡椒大餅外䐄內足料，值得一試！紅油抄手味道都吾錯！上海粗炒同酸辣湯不過不失！店內有茶葉買Man Man 評語：價錢親民，食物又夠熱，加上有中國情調裝修及音樂陪伴，黎開佐敦真系要一試！

地方唔錯，但是由於天氣太熱啦，大門又常開，令到D熱氣不繼充入舖內。我自己走去關左門，侍應又開返度門。叫左小龍包唔錯，碟抄飯太咸，其他都可以接受，加茶都算快手。無選擇下可以一試。

曽經在搵食中路過這間店子,感覺以這段路來算是「落本」之作、所以早早以例入清單中,今次終於在完成功作後走上一試。。。裝修以中國格調為主線設計以木枱木櫈加上天花只吊燈完完全全感覺中國氣色,裝修靚那又要看看食物又放多心思，當日是平日所以設有午市套餐個人便間上一個（紅燒牛肉麵配上一籠兩隻字小籠包及豆漿作價HK$58.）先上是（一籠兩隻小籠包）湯汁滿滿熱氣沸騰下感覺特別好吃,另外（豆漿）我亦揀上熱，所以上枱時以見微溫狀態，豆味濃，個人很喜歡。。。至於主角(紅燒牛肉麵)個人就覺得上枱已被嚇了一跳，還是第一次看過這樣紅燒牛肉黑漆漆色澤、上色絕對是過了火喉，咬在口中乾瘦口感不佳~雖然以這個價錢可以有食到麵又有小籠包亦有熱飲, 但是個人就對牛肉麵有所保留,盡管掛住【小籠包】店當然是售賣小籠包為亮點，但麵食不佳不如只提供:【小籠包】一項就算了。

這間上海店一開的時候常常有很多人在等位可能附近嘅上海嘢食價錢都比較貴這家嘅價錢相對比較便宜呢度最好食嘅就係小籠包係香港人喜愛的皮薄款個皮唔會好易穿湯汁熱辣辣附上嘅紅醋有薑絲可以食四粒或者六粒其他東西質素可以/一般般外婆紅燒肉 $78 肥瘦度剛剛好味道都幾好 只係份量比較細送白飯可能開心d擔擔面認真麻麻哋面質地太林花生味唔夠 亦都唔辣 反而仲要甜甜地配個排骨即係豬扒 超唔得超級乾 好似翻炸左幾次咁唔好食 價錢反映到 配排骨只係$58鹹肉炒年糕$62 還好係林左少少 味道係唔錯當中有白菜鹹肉同埋少許菇這裏勝在飲嘅係蕎麥茶覺得幾好飲平時晚餐大約$70-140/人 視乎你食幾多野啦

男朋友話帶我試新嘢，故作神秘帶我嚟呢度，其實就係我之前提過話想試嘅上網睇食評話好多人等位，又話好迫坐得唔舒服，但今日我哋嚟到唔駛等位之餘，仲有一整張圓枱比我哋兩個坐，不過可能我哋嚟到都夜啦，所以無乜人卦。因為我太肚餓好想食飯，所以就嗌咗黑椒椰菜牛肉粒炒飯、生煎包同小籠包。炒飯都可以，不過本來以為會好重黑椒味，但一丁點都無生煎包同小籠包都係熱辣辣有湯汁嘅，唔錯。整體都幾好，下次可以試埋男朋友想嗌嘅擔擔麵。

好想食擔擔麵，見呢間似樣就入去食侍應安排我坐喺2個麻甩佬中間已經有點那個，因為有其他空位較舒適...算...點咗個排骨擔擔麵...可能我好肚餓，等咗好耐(應該起碼10分鐘)，終於有得食...第一啖食麵麵同湯好分離，因為擔擔麵湯好淡好水我唔知自己食緊乜，排骨面層炸粉漿好實好難食，我浸淋落湯先可以拆到塊豬扒食，而且豬扒好多肥膏好唔開胃好失望...$58仲要加一有點不值埋單仲要攞個盤黎收tips比想像中好大距離

早幾日，一個人無聊行佐敦，行到上海街，見到一個帶著親切笑容短髮帶眼鏡的侍應生，企係門口介紹餐牌上的午市套餐。於是我就諗住入去試下d食物。環境: 我被安排坐近門口位置，我坐的位置同後面的枱客人的背太接近，背貼背坐，感覺唔良好。評價: 如將近門口的長椅轉為有椅背，會好些。(如5分滿分，我會比1分)服務: 一入門口，所有員工都會說:「歡迎光臨」，感覺都算ok. 全程唔駛我叫，都有唔同員工自動自覺幫我添茶，但沒有笑容。特別值得一提，企在門口的侍應生，她對任何客人都一路保持笑容，由帶位，落單，添茶（添茶時會說:「唔好意思，阻阻你」，感覺相當被尊重)， 講真宜家d食肆都好難見到帶著笑容招呼客人。評價: 服務態度尚可。 （如5分滿分，我會比4分）食物: 我點了牛柳絲撈麵，四季鍋貼。牛柳絲撈面等咗半個鐘有多都未起菜，令到我覺得相當之不開心及不滿，等得太耐。最大問題係唔好食，勁鹹，勁多味精，你話好食既我等半個鐘都值。 點解我唔換的原因係如果我換過，我又唔知要再等幾耐才可以再食。至於四季鍋貼， 睇得出師傅真係遂隻遂隻自己包，唔係機器整。味道都算偏鹹，但好過牛柳絲撈麵， 可以接受。最好味的就是免費添加的茶。

因為有點病，所以想吃清淡一點，就來到這間一試了。剛好沒拍. 只拍到下面的那張椅背，椅子很重xd有套餐可以叫，一個主食配一款小食。我們基本都點了小龍包皮挺薄，能夠看到內裡的湯汁（可惜沒拍到） ，肉很柔軟，還不錯的！病的我點了雲吞湯麵，不過等的有點久湯是清淡很近乎無味.. （是因為我病嗎？） 後來加了微量辣才比較好....同事點的紅燒牛肉.. 四川擔擔麵感覺他們點的比我的好吃呢⋯⋯下次我不再點清湯了... 哈哈..

第一次黎依度食 叫左 麻辣雞絲粉皮 瑤柱蛋白炒飯 生煎包 小籠包 上湯一口小籠包 麻婆豆腐 咸火炒腿年糕同埋 個豆沙窩餅 全部食物都唔錯 同埋 抵食! 小籠包真係juicy既個飯都好好食! 另外好推介個麻婆豆腐配白飯🤣

行去童軍總會路過去見這家上海菜餐廳見門面光猛 有點朝氣逐入餐廳嘗試點了一個午市套餐四川擔擔面 + 牛肉煎餅 套餐餐飲點了咖啡外加單點紅油抄手餐點A 四川擔擔面湯頭像滾水加味精 另加少許麻醬的啡色湯底面條不評論 需知一碗面的靈魂在湯底湯底不行 一切皆空評論:難吃餐點B 牛肉餅牛肉餅 明顯煎定上菜即吃 吃下去內裡是乾的評論:不行餐點C 紅油抄手紅油抄手 沒有紅油(紅紅炒香的辣椒油)評論:不行最好飲係餐廳奉送的茶飲理由是可清去我口中殘餘的味道飲食之道無他有心即好吃這家店飲食無心不嚐也罷

上次係佐敦一直行都未想到食咩好，點知俾我見到依間”小籠家族”真係不錯，我下午食一入到去都不算太多人，幾有古式中國風☺️一坐底侍應會幫你倒水好服務👍🏽豆漿不錯唔甜好有豆味😋膽膽麵就唔辣，他們的麵唔太硬湯應一流😋家常簿餅外脆內多料👍🏽依家真係好抵食，超推介😍😍

先講環境，舖內都幾寛闊，算係舒適 4/5食物質數，本人覺得唔錯，有回頭 5/5價錢，相當合理，平民價錢 5/5服務，員工好有禮貌，好親和 5/5總括黎講，平民價，食物質數好，支持希望香港可以有多啲呢種質數同價錢既小館，咁大家就可以有口福啦，我本人都好期待下次可以再黎，因為都幾啱本人口味，唔錯，選擇都算多，支持支持，繼續努力，開多幾間，最主要可以開返係我住果區咁就perfect 啦，咁就唔洗去到咁遠先可以食到啦

地舖原因，人蠻多，奇怪店內面完全聞唔到上海菜館香味！有奶茶檸茶飲既？倒抽一口涼氣。唔方正宗得去邊！點了個家族小籠包、雲吞雞湯麵，餐牌上的價錢算划算。家族小籠包：夠熱、大小OK，皮不厚但不算薄，湯夠多，味偏淡、肉無咩味！勉強合格。雲吞雞湯麵：雲吞係港式包法但無蝦（失望），肉味不夠鮮，似係雪藏，湯唔覺係雞湯，麵最離譜，似日本拉麵又幼d，唉，無一樣嘢似碗上海麵，救命，用陽春麵起碼個樣個口感似d先啦！作死！仲唸住試粗炒，唔使返兜！