小籠家族 (已結業)

返工日日都帶飯，今日就和同事兩個出去撐枱腳。我地就揀咗呢間上海菜，。兩個人叫咗三樣嘢外婆紅燒肉，火腿扒津白，上海炒年糕，但後尾想試下個豆沙鍋餅，又加多一樣。外婆紅燒肉，肉質鬆軟，醬汁濃郁，配料仲有好多香菇，香菇都煮得好入味。我地一開始無叫飯，但呢個真係太餸飯啦，於是我地就叫1碗白飯share。火腿扒津白，之前係上海餐廳食過濃湯浸津白，真係難食到罷食，不過呢間加咗啲火腿，湯底又唔會好似上次咁油多又無味。會有啲清甜，搭配火腿一齊食更加添了一些鹹香。上海炒年糕，好耐無食過年糕，好懷念炒年糕嘅煙韌口感。年糕都整得唔錯，口感適中，仲有搭配好多肉絲，青菜和菇，食落口感豐富又唔會覺得膩。豆沙鍋餅：飯後甜品，餅皮薄脆，內餡豐富，表皮仲有啲椰絲碎，食落幾好味，我地一人食一塊打包返佢比啲同事食。

路過佐敦後白加士街, 附近有幾間新開的上海麵食店,自從我們經濟轉型後舊式上海麵食店經己成為歷史課題,新開的上海麵食店, 有形無實的居多, 這間也不例外,店面多玻璃門窗,透光度高, 家族小籠包(4個) $36 一般吧! 沒驚喜麻醬腐皮捲$42 定價高了點吧! 麻醬只用上日式的芝麻沙拉便利醬汁,排骨担担麵 $62 担担麵湯底沒太多麻醬的香及杰度, 炸排骨還好是即叫即做的,上海菜肉湯雲吞(6粒) $36 賣相比以為的漂亮但沒內涵, 

最近天氣熱到個人胃口大減，但個肚始終都會肚餓...今日氣溫去到34度...真係唔想出去第二區搵食...所以就決定去樓下既小籠家族食LUNCH一坐低就有涼浸浸既冷氣歡迎我...好彩過左LUNCH時間，餐廳唔會太多人本身唔太鐘意食米飯，就叫左我幾鐘意食既上海粗炒，但今日太肚餓，於是決定叫多個水煮牛肉上海粗炒有白菜仔、冬菇絲、椰菜絲同肉絲，當然仲有好重手既醬油去炒啦呢碟粗炒真係炒得啱啱好，唔會過淋，有少少咬口，調味夠哂濃，啱哂鐘意重口味既我呀!!難得地連D白菜仔都炒得好好食，平時係食肉獸既我都食哂D菜水煮比想像中辣，但好刺激味蕾，成個味覺同胃口都醒神哂!!牛肉係用鮮牛肉唔係用肥牛個人黎講鐘意鮮牛多D~因為有野咬下，同埋飽肚D牛肉份量好多，好鮮嫩同幼滑食食下忍唔住將水煮牛肉既辣油加落上海粗炒入面~又幾唔錯喎，又變左另一種滋味

😍😍一向都好喜歡食上海野， 今日黎上海街食上海菜🤣🤣呢度雖然唔算好大， 但坐位都算寬敞， 同朋友2個人雖然要搭枱， 但完全唔迫喎， 放得落好多野食😂一坐低就比左兩柸蕎麥茶我地😳一飲就愛上左， 超香麥味， 勁清新， 仲可以買一大包返屋企沖， 正喎😋我都唔記得自己飲左幾多柸🤣第一樣梗係叫小籠包啦， 一口一個， 勁多汁肉味又好香， 皮又薄但又唔會爆哂， 一口食哂超正醉雞又係我必食，好香酒味， 雞肉又好滑， 連皮食又唔覺好肥， 非常好吃四川擔擔麵花生沙爹味都好香好滑， 麵質都幾好唔會太林，好食銀芽鱔糊又係我至愛🤣🤣d 鱔勁彈牙， 夾埋芽菜超爽口， d 汁又好好食， 正呀😂😂

練完跆拳去食飯，路過小籠家族就想食上海菜，隊友見到價錢好實惠，所以二話不說就入咗去。好彩啱啱有位俾我地幾個，跟住就full咗，所以如果人多最好訂位，廢事要等好耐。鬼咁肚餓，所以瘋狂咁點菜，最尾係成枱都係，擺唔晒。回鍋肉，味道夠濃，有上海菜特色，D汁送飯一流京蔥牛肉份量足，牛肉唔會過火或者太韌糖醋魚酸酸甜甜，好開胃，又啖啖肉，點會唔好食擔擔麵ok，如果花生醬味更加濃會再正D小籠包有肉汁，叫咗2籠先夠分鍋貼煎得香香，底部脆卜卜，好好食雞絲粉皮必點，味道正常點咗多款傳統濃味都配搭返2款菜。手拍黃瓜天氣熱食啱啱好，又可以中和下其餘濃味嘅菜式。火腿津白好好味，火腿鹹鹹香香，夾埋津白食超正。叫咁多嘢每人都唔使$200，一定有下次呀！

中學同學約聚餐，以前都會幾個月見一次，而家出黎工作咗幾年，各有各忙，真係好難先約得齊人，唯有分批小聚會，咁先可以見下面，update下大家近況大家話好耐無食上海菜，咁就搵個中間點，尖沙咀或者旺角，最尾揀咗喺佐敦，地鐵站行過去都唔算遠，一條直路都唔怕路痴同學唔識去啦未坐低我都已經有幾樣野想食，醉雞、小籠包、豆沙鍋餅其他人都點咗幾樣其他食物，整體味道唔錯。上海菜味濃，現代人追求健康，好怕D太油太膩嘅菜式，小籠家族夠味道之餘，食完隻碟唔會有一灘油喺碟底砂鍋雲吞雞 - 精華在湯中，雞味濃郁，雲吞大大隻，好食上海炒年糕 - 煙煙靱靱，味道足，不過我唔太好D比較滯胃嘅食物，只係淺嚐雞絲粉皮 - 芝麻醬汁非常好食，粉皮滑溜，只係份量略少小籠包 - 小籠包皮薄有汁，4個都無穿，有水準獅子頭 - 肉丸質地柔軟，唔會過乾或過硬，肉汁豐富醉雞 - 雞肉嫩滑，花雕味道足夠，份量足夠，推介豆沙鍋餅 - 豆沙餡豐富，唔會只係得舊餅皮，甜品係另一個胃，點可以唔食呀

行在人來人往的街道中，突然回憶起上海的味道，提醒緊自己好耐都無食上海菜啦，於是就搵到這間小籠家族來回味下，點完菜才發現我地叫嘅都唔係經典嘅上海菜，不過唔緊要啦，好味就得啦。乾煸四季豆：任何食物乾煸過都一定好食噶啦。但佢唔會煮得過火，食落都爽口，肉碎都有調味，有啲咸香味，幾好送飯。家族海鮮炒飯：大大碟又足料，唔錯。招牌口水雞：以為只是一小份，點知都幾大份下，醬汁調味唔錯，仲有香蔥和花生碎鋪係面，肉質滑嫩，食落好香。手拍小黃瓜：夏日必點嘅清新涼菜！我去邊度食飯都好，見到MENU有手拍黃瓜一定揀。手拍青瓜真係間間餐廳都可以整到唔同味，因為切到唔同size同埋調味的唔同都會影響味道和口感。呢隻特色就係有好多芝麻，食落會香口啲。我地仲加啲口水雞嘅汁落去，有啲麻辣香就更加好味啦！流沙煎堆：我係見好耐都無食過煎堆，以前細個過年返鄉下早餐好似有食過，叫一份嚟懷念下兒時的味道。食落熱辣辣，煙韌又香酥。

夏日炎炎唔想食熱辣辣既野，但又唔想食壽司呢啲生冷野既話，我通常都會揀食上海菜。今次同屋企人落左樓下既小籠家族試下，因為新搬黎未試過。餐廳每逢晚市都要等位，今日可能太熱同太早，我地六點正黎到可以直接入座。叫左四喜烤麸、獅子頭、咸肉煮津白、上海粗炒同埋豆沙鍋餅四喜烤麸作前凍既前菜都幾稱職，濃郁香甜口味完全滲入哂，係幾唔錯。上海粗炒就一路都係我食上海菜必點既主食，因為個人口味比較鐘意食乾身既炒麵，加上粗炒所用既麵條都係粗身同有口感既，簡直正中下懷。濃醬油既味道同麵條好夾之餘又夠鑊氣，咁樣煮法連伴隨既白菜仔都變得好好食！獅子頭都係用左濃油赤醬去煮，肉質偏實，啱哂我唔鐘意食鬆散既質地！咸肉津白煮得好入味同淋身，啖啖鮮味，連唔太鐘意食津白既我都係咁食豆沙鍋餅就係即叫即整，新鮮熱辣上枱，豆沙餡煮得軟爛又唔會太甜

和男友在官涌體育館運動完,突然下起了滂沱大雨,我們看見前面一間上海餐廳有一個走可愛風的招牌🙈從外面望出去,餐廳裝潢看起來亦頗用心,於是決定在這裡解決我們的午餐🍴🍴好可愛的Logo~~😍😍😍可能天氣不佳,餐廳人流不算太多~我反而喜歡這樣寧靜的環境😗一坐下,侍應便遞上兩杯熱茶🍵本來對它沒甚麼預期,沒想到一喝下去就是一陣淡淡的麥香,然後再看看店內有販賣蕎麥茶,看來也必然是它了😍 四喜烤麩 ($38)比想像中份量少,單吃味道略咸..但配著麥茶吃就剛剛好🙂 紅燒牛肉麵($48)可能價錢不貴,同樣地份量不算多😅湯底清甜而不膩,牛展爽口腍身👍 上海生煎湯包 ($38)這是這頓午餐最有驚喜的一道菜🤗🤗上桌是熱騰騰的,湯包外皮薄內裡多汁,底部煎成脆身,為口感添加了一個層次~♥雖然菜式製作需時,等候時間約15分鐘,但我認為都是值得的!!!餐廳座位寬敞,環境舒適,又不收茶介,的確是品茶聊天的好地方😃

今日約咗一位外國朋友食飯，而佢又話掛住上海菜 (朋友之前係上海工作咗幾年)，由於朋友住係佐敦區，大家都唔想去太遠搵食，所以就搵左小籠家族啦點餐由朋友發板，點咗小籠包、干煸四季豆、上海獅子頭、黑椒椰菜牛肉炒飯、豆沙鍋餅餐廳環境尚算舒適，裝修設計都幾特別，最重要係冷氣夠勁，唔洗驚食到成身汗【小籠包$36】小籠包一客四隻。皮薄餡靚，內裡填滿豐富湯汁。湯汁都幾鮮甜，肉餡鬆軟，點少少醋食會增加鮮味。【干煸四季豆$68】四季豆質素幾靚！好翠綠同飽滿，唔會又黑又乾。肉末加左少少辣椒一齊炒，都幾惹味。【上海獅子頭$88】獅子頭用小棠菜鋪底。獅子頭有三大球，肉質厚實，啖啖滋味，醬汁同獅子頭好夾，真係好好食！【黑椒椰菜牛肉炒飯$72】炒飯炒得夠乾身，椰菜絲增加口感仲有黑椒香味，份量都夠多。【豆沙鍋餅$32】豆沙鍋餅係即叫即做，熱辣辣又點會唔好食?

位於公司附近嘅小龍家族，係我食過咁多間小籠包之中，其中一間超值得推介！本人覺得絕對不遜色於鼎泰豐，如果喜歡小籠包嘅朋友一定要試由於太肚餓關係食物一擺落枱已經即刻食晒除咗茄子其他唔記得影，下次再嚟嘅時候影多幾張相

星期日去完教會小組，所以又係去佐敦搵野食。上網搵下想食上海野，就黎左呢間小籠家族。外面門口望入去都幾是正，裝修睇落唔錯，一於試下。一行４人差唔多一點到達，入座人唔算太多，都坐左1/3。呢度食品款式非常多，基本既上海菜式都得有食。食上海野梗係要有小籠包﹑炒年糕﹑酸辣湯啦！上海炒年糕 $68都幾大碟，年糕煙韌，咬落軟中帶點硬度。菜同似分量適中，加上豆瓣醬，味道一流。招牌口水雞 $68口水雞肉質軟滑，特製醬汁有小小麻辣。家族小籠包 $36賣相相當飽滿，湯汁濃郁，外皮唔算太厚，最緊要係夠熱!酸辣湯面 $42呢個價錢黎講真係好抵食。面質有力，唔會浸多兩浸就淋晒，不過本人覺佢較為甜多Ｄ，如果再辣Ｄ就啱我口味喇！豆沙鍋餅　$32雖然已經好飽但係都係要食埋甜品! 紅豆餡甜度適中整體黎講所有菜式都賣相味道都相當唔錯，加上價錢合理，食碗麵都係40幾蚊，一定會再黎食！

忘記何時開始喜歡上海菜，不知何日漸漸地就對上海菜培養起了感情。現在是但凡出街食，首選一定是上海菜。今次就嚟試下呢間小籠家族。環境方面，裝修都幾靚，空間敞亮，座位舒適。食物方面，我地兩個人叫得唔多，一共叫咗四樣菜。四喜烤麩：我自己真係好中意烤麩嘅口感，每次食上海菜見到有烤麩就一定要叫嚟食。四喜烤麸是一道上海素食涼菜。配料有木耳和香菇，還有些青豆。其實我認為醬汁係好重要嘅，因為烤麩係會索曬啲汁，這間餐廳調味都唔錯，味道甜甜的幾好味。比起酸味的前菜，我還是比較喜歡這款偏甜味的前菜。家族小籠包：湯汁清甜，皮薄肉多，一人兩隻食得好開心！花雕醉雞：擺盤擺得好得意，圓圓一舊，個形狀有點似PAT PAT。雞皮都幾薄，雞肉滑嫩，酒香味濃郁。獅子頭：肉質鬆軟，醬汁濃稠，甜甜地，好餸飯。仲有兩款配料，有啲木耳擺係面頭，有幾顆小棠菜墊底。服務方面，有蕎麥茶飲，見你飲曬會幫你refill，上菜速度都算快。各方面概括來說，都是一間令人食得舒服和滿足的餐廳。喜歡食上海菜的不妨一試！

天時暑熱嘅香港真係好辛苦...搞到食飯都無乜胃口...同朋友街上面覓食嘅時候幸好見到小籠家族。睇佢餐牌價錢唔貴，仲唔洗等位，加上食上海菜唔會食到個人熱辣辣流哂汗快手快腳入去坐低先啦我哋叫咗外婆紅燒肉、咸肉百頁煮津白、家族海鮮炒飯同埋小籠包。餐廳環境好光猛，冷氣都算足夠，坐係度傾一陣計就有嘢食上枱啦【外婆紅燒肉】有啲餐廳係會以一大舊正方形咁上菜，雖然係幾美觀，但食起上嚟會有點麻煩。但呢度嘅外婆紅燒肉係預先切開做一件件上菜，咁樣食就方便好多紅燒肉味道香濃，肉嘅質感層次分明，煮得軟淋入味。由於已經煮得好軟淋入味，所以肥肉部份唔會有反感嘅感覺。【咸肉百頁煮津白】津白即係大白菜，呢種蔬菜比較索味，可以將上湯嘅精華滋味吸得淋漓盡致。上湯混有鮮咸肉以及金華火腿的濃郁香味，調味剛好唔會過咸，送飯一流【家族海鮮炒飯】炒飯配菜有蝦仁、瑤柱以及雞肉，配料份量豐富，飯粒炒得乾身而粒粒分明，每人分到兩碗，好食又飽肚【家族小籠包】一客四隻。小籠包做得皮薄饀靚，內裡富有飽滿嘅湯汁，肉餡做得鬆軟，加添紅醋以及薑絲可以將肉鮮味昇華

菜色選擇多，除了上海菜，還有湘菜，辣辣的，味道正宗，喜歡吃辣的不可錯過！👍🏻👍🏻👍🏻👍🏻銀絲卷真的一絲絲的，正是老牌大師傅的出品👍🏻👍🏻👍🏻👍🏻總括來說好好味！😋😋😋😋每款菜色賣相都好有特色和標𡟹👍🏻👍🏻👍🏻👍🏻坐位寬敞舒適，環境也不算嘈吵，一家幾口，或相約友人們飯聚的好介紹🥳🥳🥳🥳每位服務員的態度都好親切，算是比較用心的一群年輕人！🕴🏼🕴🏼🕴🏼🙏🙏🕴🏼🕴🏼🕴🏼