小籠家族 (已結業)

都幾多人等位，在門外等左二十分鐘，有櫈坐住等，算係咁啦。入面唔算大，我地坐近門口，係二、三個人同坐一條長木板櫈。即係如果坐唔定，便會好容易騷擾到隔壁果個，不時俾人怒睥。後面係另一張枱食客，背對背，唔小心會撞到，可惜對正個麻甩佬......簡單來說，全餐飯要挺胸收腹唔好郁。螺肉小黃瓜 $38所謂的螺肉其實似齋鮑魚絲，墊底是切了粒的青瓜。全碟菜除了芝麻，便沒有調味，汁都冇。好彩青瓜都尚算新鮮，唔難食的。不過份量太少，酒吧「甩士」碗仔咋，想叫佢回水......家族小籠包（6件）$42算皮薄餡靚，而且滿滿肉汁，熱辣辣好滋味。我俾四星。煎牛肉包（3件）$32外皮都做得幾好，係生煎飽D friend , 唔會油膩。不過牛肉饀係冇味的，唔吸引。蔥爆牛肉$78份量不多，我只食到兩舊牛。牛肉味有少少怪，少少酸但又唔係變壞果種味。可能係解凍唔好或者落得太多粉啩，有時去茶記食乾炒牛河都會有呢種感覺，怪怪地。但其他配料如大蔥木耳就炒得幾好，好惹味。花雕醉豬手 $58主要食豬皮，好多皮，好爽口。有少少筋亦係爽口的，但冇乜肉。花雕重手，好醉吓！鍾意食醉野的人仲可以試吓佢的醉雞。乾煸四季豆$62香口，肉粒好送飯。唔

同兩個孩子的晚餐3個人食咗5樣嘢。 餐廳燈光光猛，枱與枱之間够闊落，枱面够寬，職員👨‍💼有禮快手。鮮肉鍋貼，肉汁豐富（28元4件）家族海鮮炒飯（78元一碟）够火喉，好味菠羅咕嚕肉（68元一碟）炸够翠，就係汁酸咗少少家族小龍包（42元6件）湯汁豐富，肉餡鮮軟綿👍👍👍既点既整，点的時間相差10分鐘，速度之快。 價格定位算底食，一入到必食家族小龍包够翠的蔥花家常餅囡囡最喜歡呢味蔥花家常薄餅（28元2件）

新開張所以一試，點了三款菜式，本身好喜歡生煎包同小籠包，所以好期待。排骨兩面黃的味道太咸，小籠包的肉汁算多，但唔鮮。生煎包有點失望，基上是將小籠包個皮換左，餡料太小，肉汁太重酒味，煎得唔夠香。一般小食店，賣的生煎包雖然味精重，油淋淋，但有時候都會想食，呢間的生煎包是最令人失望，唔香口唔飽滿，誠意不足。坐位是板櫈，如果要搭枱是非常不方便，而且位置太迫，背貼背，經常同後面客人有身體碰撞，坐得非常失苦。

待應態度係煩忙時間對待客人個陣好好，不會因太多人而忽略左客人，係上海菜黎講啲間食物質素好，小籠包皮薄多湯，生煎湯包都係，款式都算多，問待應嘢，佢地都好有耐心解答香港小店極力推介

今晚係佐敦做完野順便食個飯，無意中見到有間新開食上海野餐廳，廚房開放式，坐位都好寬闊！就算夜晚十點幾去食依然滿坐！紅燒牛肉麵$46價錢算便，食落去牛肉好軟諗，炆得好入味，個麵都好滑！上海生煎湯包 （4件）$32雖然賣相有點不太美，但內涵肉汁豐富，鮮甜美味，包皮好軟熟服務不錯，侍應又靚仔

係圓方睇完戲，突然想食小籠包，上openrice搵就見到佢地，諗住試下新野同埋支持下小店……google 寫佢收11點，我10點10分去到，見有兩檯客仲睇緊餐牌未點野食，成間舖都仲有一半客以上……我行到入到去本身已無人理，後來終於有個長髮紮馬尾女侍應過黎問我幾位，我答佢1位，佢聽到後即改口話已經過左last order ……是看不起個人客嗎？出街食野唔止食質素亦會睇服務，一間新開的小店，既然咁看不起客人，我想我都可以未食就black list佢……

最近佐敦寶靈街一帶有很多吉鋪，一間結業，另一間新店又開，上海街又有新店開幕，今次主打小籠包由於新店，所以店內午飯時間都坐滿客人門口有張長櫈等位用，都算細心這裡主打是小籠包，所以是必食之選，家族小籠包價錢合理，有四隻: $28 和六隻:$42 之分，非常彈性選擇，一讚我們點了六隻，分兩籠上枱，熱騰騰的湯包，平均$7一隻，值得一試排骨兩面黃，足份量，但其實只是一般酒樓式的炒麵，有少許炸邊，稱不上是兩面黃，太多打”顯” 汁，太咸花雕醉雞: 此乃新店，怎會有如此大的雪味⋯⋯上海生煎湯包，上枱之時，已見包的底部索了滿滿的油，已大打折扣。豆沙鍋餅，比平時一般做法加多了椰絲花生碎上面，賣相吸引，味道OK整體來說，這間新店，價錢合理，可以一試。