小紅帽甜品屋 (已結業)

今次又黎到小紅帽，不過今次係自己一個，所以冇叫叫太多野食，上次見到隔離檯叫左樣好好食既野，好似叫情迷黑森林，於是我今次又叫左，個賣相真係好吸引，我好中意個個蛋糕，係夾心的，隔離有啲甜芒果味道不錯，跟住仲有朱古力pancake，入面係熱既朱古力漿，好好食，加埋個朱古力脆脆，絕對冇得輸。

今日去到馬鞍山同舊同學聚會 ，佢地介紹左一間唔錯既甜品屋叫小紅帽，因為香港太多甜品屋而且好食既甜品屋都唔少，所以都希望呢間係其中一間，呢個叫立法會大樓，味道真係不錯，最低係窩夫好脆，奶油味好濃，同埋有個朱古力雪糕求，味道好好，加上一粒草莓係頂，整個造型真係好sharp，中意食呢類甜品既姐妹岩曬啦

上次話過唔泥不過今次比個fd要求就抱住希望有改善嘅態度。唉！比我想像中仲要差。叫左一煩風順，姐係窩夫。揀左朱古力雪糕。個窩夫又硬又乾，好難食，似係翻叮。之後叫左芒果千層酥皮，仲難食！又苦又唔鬆化，真係好苦，好似食紙皮！芒果仲好食。真係以後以後都唔泥！

情人節好多人，識食緊係情人節前夕同單身朋友食轉糖水先。個人來講，其實比較想支持小商戶多過連鎖店，所以夜晚食糖水多數如果有都會去d非連鎖店既鋪頭。連鎖店食來食去都係果d，小商鋪平d，又無咁悶。果頭附近都有甜品鋪，殿堂級、滿記etc，價錢下下$4x，情人節單身已經好慘，想食平d。於是見到小紅帽甜品屋，D價錢相對平D。 雖然依然都係有$4x既野叫，但至少我見到$28有窩夫脆脆配雪糕我叫。呢個系窩夫脆脆配綠茶雪糕，D綠茶雪糕相對來講甜左d，無D高級綠茶雪糕既苦味。但小店同呢個價錢來講，我覺得系ok既 行街食糖水都係為左坐下，食下野吹下水，唔使要求D朝聖雪糕店Lv既~呢個就系窩夫脆脆配曲奇,可以自己揀配咩味雪糕，有朱古力、雲呢拿、綠茶、曲奇etc，全部都係$28。 D窩夫脆脆幾好食，比預期好，脆得來入面軟熟，配合雪糕一齊食，外冷內熱，口感唔錯！最後比埋張單你睇，真係$30有找，仲要唔使加一，小商鋪值得支持呀！

今天放學的時侯，朋友心思思話想食甜品，要知道在馬鞍山搵一間甜品館有幾難，選擇少之餘還很貴。所以最終我們選擇了這家小紅帽。因為上一次來印象是不錯的希望會再有一次驚喜嘛。一入到去。咦，沒有人的，就只有兩位店員。坐下之後，店員就給了兩個menu我們，經過一翻思考下，我點了上次來一直想試試但又覺得很貴的"中銀大廈配雪糕(曲奇味)"，而朋友則點了"心太軟配雪糕"。大約五至六分鐘後，我的甜品就來了。整體而言，外表是不錯的，可惜"中銀大廈"的部分普普通通，沒有想像中的好吃，有點失望。 雪糕也有一點點雪味，不好吃，怎麼連簡單的雪糕也做不好呢？我想還是吃回上次那個小精選算了，至少讓我感到非常滿足。另外，朋友的心太軟值得一讚，一打開朱古力漿就流了出來，而且很多亦熟乎乎的，不錯！P.S. 在等候期間，我看見店員手也沒洗又沒戴手套就撕開我的窩夫，實在有點不衛生，能否改善一下？

之前見到呢間排長龍，今日試下佢既外賣，保險D叫左個涼粉同豆腐花今日客人唔多，但都等左3個字，等既期間見到廚房拆左盒百福豆腐，心知不妙。。打開盒涼粉，有幾舊冰左面，冰多過涼粉，生果得三四舊，同張相相差太遠太遠了。再開盒豆腐花，見到豆腐花上面疑似百福既紋，唔緊要。。但食落都係冰多過豆腐花。。真係轉角間舊式糖水舖仲正佢堂食的窩夫賣相十分不錯，可能呢間淨係可以食冰同雪糕

住馬鞍山平時入夜都好少野食所以今次同朋友試下呢間甜品STAFF既服務幾好同有禮貌!!叫左個3.6牛乳雪花冰同芒果雪花冰個3.6牛乳真係好香牛奶味,同埋份量都幾大朋友個芒果雪花冰就酸左少少 D圓子好有咬口,食落其實幾MATCH!

我係一個上水人~但會特登過馬鞍山呢度食呢間甜品 因為我對呢間甜品屋既窩夫真係情有獨鐘^^ 呢度既寄夫係內脆外軟 40蚊以內，價錢合理仲十分大份！雪糕都係大大球 仲有幾隻味揀岩哂鐘意唔同口味既朋友仔除左咁之外，佢既窩夫用料十足！醬料都好多，有幾隻味揀！十分惹味最鐘意係佢個窩夫夠香之外亦都好脆口感好好，唔會太過硬或‘林‘到似格仔餅~所以我係好欣賞呢點！！呢個亦都係食到唔會好膩既原因~一個份量岩岩好另外好好食既仲有心太軟！基本上未食都一定聞到香濃既朱古力味~可想而知入口既朱古力味有幾香濃！熟度剛好既心太軟實在好好食唔會生得濟亦唔會熟到入面都無哂朱古力醬！控制得好好！總括黎講好推介呢間糖水鋪~住得近既朋友仔一定要試下！

總結是可一不可再不明白好評從何來那天慕名幫襯結果想點窩夫沒有窩夫，即是MENU上的一半甜品都不能選擇好不容易才找到想試的甜品迷你西瓜盅，又沒有試迷你西瓜最後隨意點了兩個點品名字已經忘記，反正差不多賣相已不太討好都是什麼都有點，綿花糖，CREAM，仲有黃色一條條的PANCAKE皮??最好食就是雪糕，因為是街外貨北海道牛奶布甸完全無味，而且魚膠粉不夠，"筆"起上來好易難跟雪糕又不配合......黃色一條條的應該是PANCAKE皮，味道OK另外一個似溶化中的綿花冰，凍凍地沒什麼味道食完都不清楚自己吃過什麼>"<

雖然唔係住係馬鞍山，但今日咁岩去開個邊見到個名咁得意，就想入去試下，一入到去成間鋪都係粉紅色為主，感覺好舒服，我地去個日平日黎唔算多人，坐底就叫左個心太軟同埋芒果窩夫，同個fd一齊share，個窩夫好新鮮，明顯係即整，遞出來的感覺有點熱，雪糕溝窩夫的感覺冷熱交融，入口感覺不會因兩者融合而偏向某一方的口味，加上朱古力漿、棉花糖等做點綴，外觀討好。值得一試！心太軟即焗要等耐小小，不過唔算太甜，因為我本來係唔鐘意食太甜，呢間個心太軟岩岩好！真係好岩我口味，有機會會再黎

某日經過,俾佢其中一個甜品名吸引,於是有機會就黎試下啦!空間唔算大,但枱與枱之間都比較闊落顏色用返紅色,視覺上有些少衝擊鍾意朱古力ge我梗係叫'朱古力蘇聯解體'啦!真係好特別ge名!我成日覺得佢係叫伊拉克蘇聯解體@@女朋友叫左個有芒果布甸ge!上菜啦!我果個係一堆好似好混亂ge甜品!將佢地撈埋一堆又唔錯ge,不過我嫌果兩件'餅'太鬆脆冇咩口感!入邊空空如也!如果係有D實在D再撈埋D附加朱古力同配料會好味D!不過一整就碎先至配合返佢個主題!女朋友果個冇咩試過,不過佢話幾好食,唔會太甜!下次黎試下其他先~

好多人說，甚至連馬鞍山的居民都輕嘆，馬鞍山是一個美食荒地。而我在馬鞍山打滾了都有好多年，要說劣食，的確是大把，要說好食，簡簡單單的，總有好幾間合大家的心意，而要說非常好食，能夠把區外人吸引入來的，暫時可以說沒有，或許有一間有可能 potential 的我未去發掘吧。雖是人人口中的美食荒地，但我依然會努力地在馬鞍山發掘好食的店舖，而近些日子，在福安花園出現了一間人龍新店，而這新店是馬鞍山區內越開越多，開多幾間都唔怕冇生意的甜品店，而這甜品名亦有一個好童話的名字，叫做《小紅帽》。馬鞍山食肆，感覺上除茶樓之外，甜品店就是其次旺場的地方，一入夜，尤其是週六的晚上，區內任何一間甜品店外，都擠滿了等入座的少男少女、一家連老少、單車跑車友等等...這《小紅帽》是區內的新店，位於晚上泊車方便的福安花園，自然地吸引到好多狂馬鞍山周邊生活的人士到來。而且，區內的夜食店同甜品店，都有一個共通點，他們要做地舖，因為方便駕車人士的到訪。《小紅帽》同區內其他甜品糖水店一樣，都是店子細細的。不用排隊入，其一是我們夠早，其二，是我們好彩。坐在細細的檯子兩旁，我們第一件事就是詳細地消化他們的餐牌，發覺他們的甜品是以窩夫

中秋佳節食番個甜品應下節，叫左個香蕉船，有3球雪糕，我地選左朱古力，雲呢拿同曲奇的口味，不過得朱古力好味，香濃的朱古力，其他兩款味道奇怪，唔知咩牌子咁唔好味道! 兩旁放左香蕉，整體一般，普通!

其實已經食過呢間甜品鋪好幾次, 諗住試多幾次先寫食評, 因為怕細鋪頭既水準唔穩定, 不過好難得既係食完都係好滿足咁離開~~ 我試過佢既"小紅帽", "牛奶雪花冰", "窩夫配雪糕", "法式焦糖燉蛋"等等 (多到唔記得 xdd) 食過咁多款甜品, 我感覺到店主們每次整嘢食果陣都係落足心機, 雖然佢地睇落只係廿幾歲既後生仔, 但睇得出佢地好認真做嘢 我次次去到都一定會食佢既窩夫, 即叫即整, $38仲有個雪糕, 大大份超抵食!! 唔似其他出名既甜品鋪咁又貴又細份.... 呢間啲窩夫好脆好有蛋味, 我好鐘意一格窩夫配一啖雪糕咁食, 熱凍脆軟樣樣齊~ 呢個絕對係必食之選!! 今日我食左佢個"小紅帽", 其實姐係窩夫+雪糕+心太軟~個心太軟真係好流心架, 勁多朱古力 唔會太甜太膩, 配埋個雪糕真係一流, 仲可以俾我食埋個窩夫, 一舉兩得 雖然好似係咁讚呢間甜品鋪, 不過都有嘢值得改善既, 我見到店主整嘢食果陣冇用手套, 有時落完單就繼續整甜品, 如果戴反對手套會衛生啲, 啲食客都食得安心啲啦 ;-) 支持小店經營, 繼續努力呀

看見這間小店開了3-4個月，今天終於有機會試試，叫了焦糖燉蛋（熱）及窩夫配雪榚（朱古力）。全部都係即叫即做，燉蛋唔少少甜剛剛好，碟面的用朱古力醬畫了兩個心心和加了細綿花糖；而窩夫即口即整，然後再加細綿花糖和大大個朱古力雪榚，份量非常充足，三個師傅雖然年紀輕輕廿來歲，但可以看出他們的心思和手勢，味道拍得住甜館。不過，其他的配套很不足：1. 店的裝修不知是否交了一間唔好的設計公司，廚房空間不足比唔到師傅足夠空間工作，開張不太耐地板已經嚴重腿色，客人的桌子上面可以有入牆櫃（客人唔小心就會撞頭），店面沒有收銀櫃亦沒有地方存放店員的私人物品（店員的袋要放在廚房門口），新的冷氣機槽用唔夠幾個月就滴水，這些都是設計的失誤。2. 師傅手勢好，但店員比人的感覺好唔專業（或者太後生了），可能師傅及店員著返圍裙會好好多，店員亦唔夠附近的甜品店細心客人的需要及為客人安排周到。3. 餐牌用唔夠幾個月而經容容爛爛可能老闆們太年輕缺乏營運經驗，希望這間做得好味的小店，可以快快成長，愈做愈好。