小肥牛火鍋活魚專門店 (已結業)

之前食過北角分店及灣仔店, 都好正, 價錢亦相宜, 所以今次去太子店試下。可能新開, 所以仲未有酒牌。另外, 牛肉真係唔係好得, 無牛肉味, 其他都幾好, 一貫水準, 不過要揀我都係去翻北角同灣仔~~

上星期心血來潮, 想一試小肥牛o既活魚刺身, 於是就約o左一班兄弟去進駐小肥牛,其中一位兄弟問到小肥牛o既價錢抵唔抵, 我同佢講"可以接受". 初頭佢唔信, 但係到後來埋單之後位位$170佢就話"咁抵o既"...哈..哈. 哎呀~講返o的主菜先.原先諗住食"活魚刺身"(因為有優惠卷), 點知....原來叫o左"特價十蚊牛肉"就唔可以用優惠卷, 真係有少少唔開心. 當晚菜式如下:湯底- 一個沙嗲鍋, 好重沙嗲味 一個豬骨鍋, 一般o者, 唔建議. 特價十蚊牛肉- 水準依然ok, 就算兩成熟食落肚都唔會肚痛半打石蠔- 超重蠔味, 正! 仲要三十蚊! 不過等o左大半晚{>.<}安格斯牛肉- 見人見智, 入口即溶, 但係本人覺得同食肥膏差唔多~~蝦滑, 墨魚滑- 高水準之作, 最抵死係用酒杯黎盛住.菜- 好似無叫...sorry~~四寶丸- 大過細粒, 不過味道唔錯炸腐皮- 推介之一炸魚皮- 脆得有o的過份, 不過就無魚味...{u_u}牛肉刺身- 基本上合埋眼食, 十個有九個都會話"呢o的係吞拿魚刺身", 因為o的感覺同味道

星期六一行三人去呢間小肥牛打邊爐食到一肚火, 叫左:炸腐皮娃娃菜芝士牛丸/鵝肝墨魚丸(每樣一半)牛肉剌身劍魚腩刺身wu絲魚皮餃生牛肉金菇除左豆三樣黎左之外, 我係一個鐘內fill左三次湯, 催左佢地兩次, 都冇野食黎, 頭三樣仲要續次黎, 我好聲好氣同佢地講我地既食物未到佢敷衍我同黑我面, 到第三次我好火咁同佢地講我唔要再等, 唔好要我等你地一個鐘都仲未有食物, 佢地好shock咁"吓?乜仲未到咩?" 我話我催左你地兩次都仲唔發覺, 之後仲要同我講冇哂魚皮餃, 我覺得我等你一個鐘你乜都冇啦, 打邊爐梗係想一枱都係食物咁揀, 我而家唔係食法國餐, 唔好續樣續樣上同要我等咁耐呀, 仲要話冇食物, 埋單又唔係平, 3個人$517, 我一蚊service charge都唔會比, 比你我都唔會gur~~~~~~

　　吃了幾次，不錯的火鍋選擇。　　是夜一行四人，不能電話預定，算了；六時許到達，八時半交，合理，成交。　　先叫活魚刺身，忘了先吩咐上淨肉，因友人怕見到魚嘴仍在開合，好殘忍；與侍應姐姐交涉，反而她說「不怕，很有趣的，我有些客會把帳單放在魚嘴，讓它咬住……」嘩！差點連我也沒胃口了，最後還是由極速解決了魚肉，把魚頭尾拿去椒鹽算了！　　談回食物，活魚是石立蚌，鮮！有魚味，八十元，物有所值！（因星期六，如平日可以用優惠，免費！）　　劍魚腩刺身，厚切惜未算肥美，上桌時仍是硬硬的，似解凍不足，美中不足。牛肉刺身，怎吃也不像牛肉，鮮味帶甜；同行反而男士不太敢舉箸，有趣！叫了最普通的鴛鴦鍋底，真的是很普通；上次吃鮮雞群翅湯底，單是喝湯也飽了！　　手切肥牛($10)，再加一碟牛頸脊($68)，手切肥牛肉味濃，牛頸脊肉質嫩滑，各有千秋；芝士牛肉球，合好濃味者，牛肉球不是山竹牛肉般一口粉，有嚼勁之餘連剛融軟濡的芝士，配合頗佳；不過頗膩，不能多吃。　　炸腐皮，總是覺脆得不合理，現炸的，放久了不好吃，一口咬下，鬆化甘香，連不好炸物的我每次也會幹掉幾件；鯊魚唇頗厚身，亦算滑溜。其餘的配料就不多提了，合乎水準，價錢亦

尋晚我地11大1小打邊爐, 一梨到見到隔離檯果個蕃茄湯底好正好似譚魚頭果湯底於是問啊姐係咩啦, 跟住佢話蕃茄牛腩湯底咁咪叫囉, 再叫左個人參雞湯底, 點知個蕃茄湯底完全唔係隔離果個咁, 於是搵人梨問跟住個啊叔話果個係牛尾雜菜湯喎, 於是我地咪嘈,佢地死都唔換話加D茄汁就一樣,咁D朋友話都梨左算啦,個啊姐真係拎碗茄汁出梨倒落去,不過個效果當然唔同隔離檯啦, 算, 講番食物叫左生牛肉刺身唔錯, 花鵰肥牛呢個麻麻, 每兩個人一碟肥牛10蚊我地剩係叫4碟, 呢個麻麻, 炸腐皮一個未講正好香口,食完一碟再叫一碟, 不過如果得兩個人就唔好叫好鬼漏, 鵝肝墨丸好味,彈牙, 芝士牛丸都好食, 九菜餃, 芝士腸, 豬潤係黃沙既唔錯,幾碟菜, 墨魚滑, 脆肉鯇叫左幾碟, 跟住因為牛唔夠正既關係叫左碟大手切安格斯肥牛同澳洲肥牛, 果然是一分錢一分貨,很快便搶食完,跟住再加碼叫多碟大安格斯同牛肉粒又是很快食哂, 我地前後都叫左好多枝大啤,幾渣野飲,OVERALL會再來的

早幾日又同朋友仔d同事一齊消夜叫左魚頭湯底,味道太淡唔好飲叫左炸腐皮(淥兩下就要食, 但太淡)芝士牛丸(超級推介,牛肉淋唔韌,芝士半溶好正)四寶丸(都ok)白蘿蔔(唔甜唔得)墨魚滑一貫好味(推介)牛頸脊(可以,但用左coupon送刺身就要俾原價$68, 而且由坐低到送黎足足個半鐘, 仲要催左三四次都無影)魚刺身好正(必食)牛刺身(較一般)至抵都係啤酒, 20蚊3支, 但服務唔好,黎料不單止耐,個經理仲要俾面色你睇

睇左星期六生果日報的介紹, 一行5 人去左太子0個間分店試下, 即日下午打去BOOK位食7點半, 有個男人聽電話, 好有禮貌, 話冇問題7點半去到, 諗住食報紙介紹的$10 碟安格斯牛頸脊, 點知原來得灣仔0個間先有, 呢間就有特價$10本地手切牛, 兩個人可以叫一碟, 我地叫左兩碟, 仲有叫左其他野:$10牛肉2碟: 好"UN", 完全冇肥肉, 唔係咁好食羊肉: 都幾大碟, 小小肥肉, 少少蘇, 不過同肩的人都幾得幾好食品鵝肝墨魚丸: 好好味($59)新鲜本地蝦滑: 都好好味($59)竹串蝦: 新鮮的, 都OK脆脘魚腩: 唔係太好味2個烏冬唐生菜一渣竹蔗水埋單共$460蚊, 唔係叫左好多野, 算幾貴, 牛肉就令人失望

上星期至去完灣仔個間，心思思想再黎。初時都擔心難叫野，點知咁好，配料雙拼都係加$2一碟，呢個都係二人火鍋的最佳解決，有可以試多d野食!我地點了藥膳鍋湯底，鍋內有杞子，北祈等，好香藥材味。另外點了芝心牛丸，鵝肝墨丸，水餃，鯪魚肉豆朴，炸魚皮，炸腐皮，特價牛肉，鱔片，鯇魚片，出前一丁。芝心牛丸，牛丸很軟滑，配合芝士真係一絕，好好味。鵝肝墨丸，無懼高膽固醇，呢個亦配合得好好!鵝乾咁香。水餃，好大粒，有蝦，木耳同瘦肉，水餃皮好薄好滑，幾好幾好。鯪魚肉豆朴，呢度D鯪魚肉真係做得唔錯，又彈牙，又有香味。炸魚皮，嘩，上次試唔到，今次試到，嘩真係好薄同脆，好好味道!炸腐皮，一樣咁好味道!特價牛肉，無灣仔個碟咁好食，但係都可以的。鱔片，外表唔係咁靚，但係食落真係唔同，好肥美!鯇魚片，一般啦，不過都好脆口。出前一丁，簡直係火鍋絕配，真係特別好味道!呢度的火鍋料真係比一般的好味，唔怪得成日都咁長龍。一定有原因!

難得老豆同老公一齊休息,便與媽咪奶奶一行五人食番餐媽咪奶奶都話好耐無打邊爐,老豆就提議去呢間,佢話d食物唔錯,又唔貴,仲有特價肥牛啱晒鍾意食牛的老公同佢湯底叫左魚頭枝竹豆腐湯~老豆同奶奶都鍾意食魚頭,而媽咪就鍾意食豆腐,叫呢個啱晒,個湯一滾都未落配料,d魚頭豆腐已經俾佢地夾左配料叫左兩碟十蚊肥牛~每二人可叫一碟,仲以為十蚊一定份量好少,估唔到都幾大碟,食左兩件都唔差,十蚊好抵,兩碟好快俾男士清晒兩碟肥牛又點夠老豆同老公,又叫左花雕肥牛~無食,但佢地都話十蚊肥牛仲好食過佢牛肉刺身~見到都驚,媽咪奶奶都唔敢食,老豆同老公就話幾好安格斯牛脊頸~望落好多雪花,好似好肥,食左一件,肉味幾濃,老豆同老公話正唔記得咩魚刺身~即切好新鮮,仲可以張個魚頭同骨椒鹽,好野味,但怕熱氣,唔敢食多蝦~一向唔鍾意拆殼,寧願唔食,不過老豆知我心,特登拆殼俾我,鮮味彈牙芝士牛丸~d芝士溶左,有爆醬感覺,好香芝士味,好食蟹子鵝肝墨丸~唔食鵝肝無試,不過佢地話鵝肝好麻麻,就咁墨丸好食d蝦滑~以前未食過,有d似蝦丸,有蝦味,幾彈牙,唔錯雞子~老豆鍾意食,我又係見到都驚蠔~唔食生的,不過就咁淥都好麻麻,都係鍾意用薑蔥整多d豬

你打正旗號食牛, 咁我梗係有期望架啦! 但結果失望而回, 牛無牛味($68例牌那種), 白菜仔無洗乾淨, 成口沙. 服務普通, 要催先黎湯底同牛肉, 應該唔會再去.

聽好都人講小肥牛好抵同好食，咁就1行7人去試試，因為開頭係訂6人台，加多一人，所以感覺比較窄，鍋底要醉蟹牛肉煲，好香酒未，開始點安格士牛，本地手切(賣晒)，同埋$10碟牛，以及其他野如下雞子- 我唔食，所以唔知味道墨魚滑- 普通，不過幾彈口黑葉- 好似食香口膠咁鱔片- 好霉豬粉腸- 我都唔食，所以唔知味道炸魚皮- 新鮮炸炸腐皮- 呢個好味蠔- 一般蝦- 新鮮，好難唔好食我地坐左90分鐘左右，以上既食物都黎齊，但係一碟牛肉都無，真係未試過打邊邊無牛肉，我都催左幾次先黎，安格士，入口溶化，$10碟個d，都交足貨! 加埋3支beer，11支coke, 埋單每人$16x

有一次咁啱睇到某雜誌既廣告話兩個人可以order一碟$10既手切肥牛, 於是有日就同家人&女朋友一齊去試下啦.個晚有試以下菜色:鍋底- 普通清湯, 不過不失手切肥牛- 好好食, 好有牛味(半生熟時食一流)牛仔粒- 唔好食, 有苦味牛肉剌身- 好食, 味道似吞拿魚, 不過有o的凍生蠔(唔係貴個種) - 好新鮮, 起碼的食完都無肚痛蟹子墨魚滑- 味道唔錯,不過個人覺得九龍城"東榮"做得較為出色炸枝竹- 好好食, 不過都幾肥啤酒- $20/3 大支裝啤酒, 仲有Mini啤酒做贈品.唔錯總結其實食物方面唔錯, 仲有九點半後係特價時段. 美中不足既係佢地送既魚剌身星期六,日及公眾假期唔食得.價錢方面就係中等啦.

尋日4個人突然間想去打邊爐, ，於是就去咗太子嗰間小肥牛，想叫魚、牛柏葉食，但乜魚都無，野食款式太少。而且漏單情況嚴重，每次都要催先會放下幾碟。以下就等我逐樣介紹吓邊d得邊d唔得：1) 深圳豬骨煲－個名有點詭異，呢個煲直情係唔得，豬骨係煲湯骨，真係得骨無肉，無粟米，想喺order紙叫粟米都無，蘿蔔得嗰幾塊，芹菜極老似牙簽咬唔開，幸好都有少少蕃茄。2) 手切牛肉－好味，好林但無牛肉味。3) 墨魚滑－夠彈牙。4) 羊片－小小羶，幾好味。5) 其他菜、竹笙、山根、韮菜餃、白蟮片、金菇－一般貨色。6) 劍魚腩刺身－都新鮮，但無乜魚味最後好在無叫活倉魚，見佢\$80好抵咁，誰不知一條得一張銀紙對摺咁大。

他們的炸付皮及芝士牛丸很好味, 尤其炸付皮, 我們這次叫了兩碟(共24件)是次還吃了特價的$10手切牛肉, 這碟牛肉真是很抵吃, 味道和原價的差不多.但這間分店一定要提早訂位, 否位聽樓下waiter說要8:30p.m 起才有位.

佢地d炸腐皮真係好好味, $28一碟十二件, 我們這次柯打了兩碟, 記住浸一浸湯底拿起便可, 不要浸太久.另外要緊記先訂位, 因為聽waiter說, walk in 的客要最早要8:30p.m.才可入座. 另外兩位可以$10柯打一客本地手切牛肉, quality 與$100碟差不多. 佢地的芝士牛丸和蝦滑都很不錯, 可以一試!