小肥牛火鍋活魚專門店 (已結業)

平生打邊盧一定要有雞蛋...6點幾去食話賣sai!!!求其去百佳惠康都買到la.....勁失望!!!牛肉以依個價錢acceptable,but I prefer 俾多幾十蚊去食D好好多既(eg 牛皇星)...其他食物無咩特別驚喜...

昨晚同一班朋友去太子店, 第一轉叫了兩客標準手切牛~~ 正呀!!又軟、切得不厚、又"林", 總之不 "un", 好味呀!! 所以我們再order more 3 la!! 這轉超唔得囉, 切得好厚, 淥完之後勁"un" 和 "鞋", 唔得!! 其實我已是第二次去這間太子店囉, 第一次去啲手切牛好啲 (上次都是分開兩轉叫, 第一轉是最好味, 第二轉就差少少), 但今次真的勁唔掂!!我提意下次食時第一轉要想清楚要多少客手切牛呀!!千萬唔好反叫手切牛!!我們今次試了芝士牛丸幾特別呀, 都幾好味的, 但不喜歡果皮味的朋友就食不到了!!炸腐皮好味!! 墨魚滑好爽!!(5個人食, 總數是$980)

尋晚去左打邊爐,叫左個蟹嘅湯底。真係好多人,好在BOOK左枱,七點已經FULL哂!!!叫左推介:美國安格斯牛脊:$10有交易(做緊特價)兩個人只可以叫一碟,但係都OKAY。蟹子墨魚滑: 成杯雪糕咁,好靚。仲加埋啲馬蒂響入面,好爽,好味。最失敗係瑞士芝士牛肉: ORDER左成鐘、催左無數次、隔離枱都O黎左兩碟我地果一碟都未見。仲要賴部機壞左...芝士少、牛肉加左果皮唔好味...不過一定要食炸腐皮: 記住食嘅時候只可以浸到一半「林。半脆半林好好味。

之前去過葵涌分店食過, d食物都幾新鮮. 佢地d手切肥牛, 蟹子墨魚滑, 魚刺身.. 等等都幾ok. 所以同d朋友出開旺角聚會, 就試下太子呢間.因為之前o係葵涌叫左2個特色湯底都覺得麻麻, 唔記得個名, 1個係個侍應o係我地面前先落油加蔥等炒慶個鑊, 再加d酒&成隻蟹落去炒, 再加湯, 都幾得意. 另1個係類似醉鷄鍋咁有d酒o既湯底. 不過2個要唻打邊爐覺得個味怪怪地. 所以今次唻太子, 我地叫返普通湯底.呢度d食物食落無葵涌個邊個d咁讚. 唔知係新鮮問題定點, 總之無咩驚喜. 我地叫左d蚌呀, 雪花肥牛, 牛肉粒等.. 無咩特別囉. 同出面其他打邊爐差唔多. 之前去葵涌我地反而覺得可以encore喎, 不過可能叫得多特別少少o既料, 所以價錢以打邊爐唻講, 其實都有少少偏貴.呢度唯一好d就係環境好d, 我地個晚多人開大枱坐房, 不過叫野食同追單簡直係煎熬, 坐門口附近個朋友仔, 不停要行出去叫侍應. 最慘d侍應又好唔主動, 唔會間唔中入唻睇下我地有無需要, 環境好d都咁話啦.

一向幾喜歡小肥牛, 尤其是芝士牛丸但最近一次去太子分店真係完全唔掂叫個番茄湯低, 冇番茄味不特止, 係冇味, 滾水一樣芝士牛丸入面既芝士大縮水, 小得可憐, 冇晒芝士味聞說小肥牛正在擴張, 沙田又開分店, 如果不正視食品水準穩定, 恐怕捱唔到幾耐

一行九人尼食....叫左好多兩個湯底叫左好多送....基本上.....食物的質素同佢的價錢並不相乎....最過分係佢的本地手切牛差不多八十蚊一碟仔....但係都唔好味geid 丸都係同人地任食的果d 一樣味....真係唔得....係only 佢d 蘆薈蜜有d 睇頭炸....下次真係搵鬼尼呀!!!再講一次價錢可以貴食物不可差!!

同d同學聚下, 咁就黎試下了小肥牛..搵就已經搵左好耐.. 去到, 佢地服務好好,不過d 野就有d貴. 同埋唔係咁好食~最好食呢, 係個軟腳蟹~ 真係抵試..食唔停~正佢地一個一個盒咁比你拎d調味, 幾得意~佢都有唔好既野~ 不過,, 我覺得... 我唔會再去

昨晚只有8度,這麼冷的天氣,饞嘴的我堅持打邊爐,碰巧遇上假期,我們不喜歡擁擠,唯有到小肥牛買外賣火鍋料回家.在這店內我點了2款自己最喜歡的美食(1)炸腐皮(2)芝士牛丸,盛惠$85‧付錢後,店員告訴我腐皮先新鮮炸的,建議我20-25分鐘後回來取貨.街上這麼冷,怎麼辦?沒辦法...誰叫我喜歡吃這裡的食物? 留下手提電話便離去了.和男友走到街上,離開店舖只有5分鐘,店員致電說食材已經預備好.不是跟我開玩笑吧?天寒地凍,來來回回,心裡真有一點氣!!!步抵店舖,店員才跟我說炸腐皮是預備好了,但芝士牛丸要多等一會,心中的怒火不期然上升,怎麼攪的?一開始叫我先去逛逛後再回來取貨，我折返了又再要我等...雖然心中有氣，但店員尚算有禮，所以我一等再等。等了10分鐘，我找來另一位店員(應該是captain or manager)來理論，叫他幫我再追單,他很敷衍的叫我再等一下，正當我想取消芝士牛丸之際，他扮作聽不到，與另一位穿同樣制服的店員走上3樓。這下我可按奈不住了,找來一開始幫我落單的店員，他看見我倆怒火，便主動建議幫我取消芝士牛丸。我明白我的外賣單只值$85，但連管理層也沒有待客之道，任憑有超凡美食

一行四人, 點了:卷卷炸腐皮: 好味, 雖不及上次係大邊爐食的那麼好味. 但呢度的價錢和水平也算不錯.肥牛: 都有點點雪花, 收貨了.白鱔: 又係我的至愛, 新鮮.鵝肝醬墨魚滑: 呢個吃不到鵝肝醬味道, 墨魚滑也只係一般. 不夠彈牙.四寶丸: 手打, 都幾好.魷魚: 都幾新鮮, ok.總的算不錯, 唯湯底味道較淡, 價錢也算經濟!

琴日我地一行12人去左小肥牛火鍋活魚專門店(太子大南街6-8號璟璜大廈1-3樓)同FD興祝生日, 佢比左間房我地, 因為我地預早成二個WEEK就BOOK左位啦, 但係D冷氣實在太勁, 搞到好似戶外打邊邊咁, 某一個風口位吹到正, 個個都著住件大褸來打邊邊, 真係有點搞笑呢?? 呢間野食真係唔錯, 幾好味, D料真係幾新鮮. 我地食第一轉個陣真係完全一點兒無飽既感覺, 仲要個個餓狗搶屎咁, 第一輪我好多野都食唔到呀, 魚啦, 丸啦, 鮫啦, 去晒另一邊咩都無得食好慘呀, 同埋張台實在太大張, 次次想淥野都要企起身, 所以一開頭都幾搞笑, 個個又肚餓, 全部人企晒起身. 而第二輪終極叫我地死都拎番晒D野食去番我地呢邊呀, 唔係我地粥水都無得食, 咪好慘囉.仲有一樣講漏左呀, 就係D碗筷離晒普家, 又油又DIRTY, 我地叫左個莞茜, 嘩, 有泥家....

星期日晚訂了房9點半才入坐, 10幾人俾左間細房唔係幾夠坐, 於是又轉左間樓下大房,不過呢層係冇酒牌的, 要打電話去樓下士多叫, 結果都攪到成9點半至食得..叫了一個蕃茄牛腩湯底, 一個香茜皮蛋, 同行友人說,葵興店牛腩好食,不過今次10蚊碟的雪花牛比上次的10蚊手切好食好多, 我們叫了很多食物,刺身拚盤麻麻唔新鮮,店員解釋因為太晚了所以很多沽清, 蟹子墨魚丸很彈牙,還有最好味的當然是炸腐皮,可惜叫了兩碟便沒貨, 最搶手便是生牛肉剌身…一叫叫了三碟…叫了很多東西16人都是1800蚊..不錯了吧

24/11 我同丈夫及女兒一家三口, 去小肥牛打邊擄. 八點鐘坐低, 叫左安格斯牛, 芝士牛丸, 韭菜餃, 脆鯇, 生蠔, 魚生併盤, 湯底是番茄牛腩湯. 魚生併盤D 蝦有一枕次所水味. 先黎左個湯底, 得兩片番茄, 兩片牛腩. 乜味都無. 之後, 等左半個鐘, 乜都無得食. 崔左兩次都無反應. 只有一個侍應好夫衍咁話, 個電腦JAM 左紙, 所以要耐D, 就得架啦. 我就奇怪, 點解其他檯都有得食, 遲過我地既客都無問題, 既然電腦JAM 左紙, 你唔問番個客點左D 乜野, 我再等都無得食啦.當堂我就火起要走人, 但係我個女怕事, 撳住我. 叫我再等一陣. 結果, 等到9:05分, 實在餓到不得了, 湯底都褒乾左兩次. 叫左個經理黎. 距既解釋同個侍應都係一樣, 不過距就係個收銀機既電腦度PRINT 左我地張點菜單出黎, 問我地有邊樣野未到. 擾攘一番, 所有食物在9:20 分上台. 精彩戲肉上場. 安格斯牛: 薄如紗, 牛丸有異味, 韭菜餃用灣仔碼頭既頂包, 連雪都未溶, 生蠔未洗, 一落湯就變左淡菜咁細粒. 脆鯇最離譜, 五片薄如紗, 入口

昨晚一家人去咗打邊爐。要了鴛鴦湯底。清湯真係好清，無咩味；沙嗲就好濃味，微辣。水餃好正，好大隻，又多餡，皮落，新鮮，蝦肉均勻手打新鮮豬、牛、墨丸都好得，彈牙爽口蟹子墨魚滑，賣相好靚，似雪糕，好多蟹子，墨魚滑夠彈牙，份量都幾多反而肥牛就一般，要了本地手切肥牛，肥瘦都算均勻，不過牛味不濃雞件唔錯，唔鞋帶鮮甜牛脷托唔得，韌到阿媽都唔認得整體算ok，不過呢間就無咩海鮮，有點遜色。服務ok，算有禮貌。

2007-11-08晚成10點，一行三人落(之前過一次但覺得好差，今次由於有舊老友轉做咪試多次囉)今次留間VIP房(識人唔駛等位真爽，上次等成個鐘)火焰蟹湯底，貪得意試其實一般由於落得夜蝦蟹都賣哂，只係叫半條章紅都好大份(上唔夠凍)石蠔細細隻打邊爐一般大手切本地牛水準一般日本羅刺身，爽但冇甜味最後仲試黃立仔刺身全程生食多過打邊爐算扺食但水準只係一般如果要等位我就唔會再去啦

6點鐘去到無咩人第一張到xddddd依家佢我諗分左一層係飲酒~ 其餘果層無酒牌~~~~所以叫左20蚊3 支大asahi三個人食左四百九....第一轉10蚊安格斯手切無得彈其次劍魚腩78 蚊都唔錯不過6點去到都無乜活魚食了~~~ 得石蚌同倉魚刺生.....之後叫左個羊肉........ 少少韌仲要無乜羊味....... (長發好好多)四寶丸ok芝心牛丸............ 我覺得牛皇星好d... 呢間都麻麻......鴕鳥肉.... 唔錯(不過我諗好難搵到間難食......)之後戲肉到~~~~ 極級手切本地肥牛.....第一轉黎.....太多肥肉~~~~~~~ 之後叫佢搵過碟瘦d(老人家多唔食咁肥).... 都好肯換~~~~~ 換完之後都靚靚仔仔~之後開餐....... 有渣有筋........... 我食都有d問題..... 唉..... 最後半碟都係我食晒......... 成場想食好既肥牛就係衰左呢度....... (好似牛展仲要有渣有筋)之後睇人地隔離台~ 碟碟都靚~點解我地會咁差.... 原來人地係食"安格斯手切頸脊"中計....... 從來打邊爐都係食本地.....